„პატიმრობისა და თავისუფლების აღკვეთის დაწესებულებებში სამართლებრივი რეჟიმის განხორციელების ინსტრუქციის დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 1 აგვისტოს N200 ბრძანებაში ცვლილების შეტანის თაობაზე

1. ბრძანების:

ა) სათაური ჩამოყალიბდეს შემდეგი რედაქციით:

„პენიტენციურ დაწესებულებებში სამართლებრივი რეჟიმის ორგანიზების ინსტრუქციის დამტკიცების შესახებ“;

ბ) პირველი მუხლი ჩამოყალიბდეს შემდეგი რედაქციით:

„მუხლი 1

დამტკიცდეს პენიტენციურ დაწესებულებებში სამართლებრივი რეჟიმის ორგანიზების ინსტრუქცია თანდართული  სახით.“.

2. ბრძანებით დამტკიცებული ინსტრუქციის:

ა) სათაური ჩამოყალიბდეს შემდეგი რედაქციით:

„პენიტენციურ დაწესებულებებში  სამართლებრივი რეჟიმის  ორგანიზების ინსტრუქცია“;

ბ) პირველი მუხლი ჩამოყალიბდეს შემდეგი რედაქციით:

„მუხლი 1

პენიტენციურ დაწესებულებებში (შემდგომში – დაწესებულება) სამართლებრივი რეჟიმის ორგანიზების ინსტრუქცია (შემდგომში – ინსტრუქცია) განსაზღვრავს დაწესებულებაში სამართლებრივი რეჟიმისა და ზედამხედველობის განხორციელების წესს. ამ ინსტრუქციის მოთხოვნები შესასრულებლად სავალდებულოა დაწესებულების სამორიგეო ცვლის შემადგენლობაში მყოფი მოსამსახურეებისათვის და დაწესებულების სხვა მოსამსახურეებისათვის ამ ინსტრუქციითა და საქართველოს კანონმდებლობით დადგენილი წესით.“;

გ) მე-2 მუხლის:

გ.ა) „ბ“ – „ე“ ქვეპუნქტები ჩამოყალიბდეს შემდეგი რედაქციით:

„ბ) დანაყოფი – დაწესებულების შენობის ერთი ან რამდენიმე ფლიგელი ან/და ერთი ან რამდენიმე სართული, სადაც განთავსებულია საკნები და საერთო საცხოვრებლები, ასევე ის ობიექტები, რომელთა დაცვაც ევალებათ სამორიგეო ცვლის მოსამსახურეებს;

გ) სამორიგეო ცვლა – ოპერატიული მორიგის (შემდგომში – სამორიგეო ცვლის ხელმძღვანელი) ხელმძღვანელობით, დაწესებულების სამორიგეო ცვლის ხელმძღვანელის თანაშემწეების, დაწესებულების სამართლებრივი რეჟიმისა და უსაფრთხოების განყოფილების შემადგენლობიდან ან სექტორში სამართლებრივი რეჟიმის დაცვაზე პასუხისმგებელი მოსამსახურეებისგან ჩამოყალიბებული ჯგუფი, რომელიც დაწესებულების დირექტორის  ბრძანების შესაბამისად დაწესებულებაში მორიგეობენ დადგენილი დროის განმავლობაში;  

დ) ტექნიკური დათვალიერება – საკნის, საერთო საცხოვრებლის და დაწესებულების ტერიტორიაზე სხვა დამხმარე შენობა-ნაგებობების დათვალიერება მისი ტექნიკური გამართულობის თვალსაზრისით;

ე) განსაკუთრებით საშიში პირი – ბრალდებული/მსჯავრდებული, რომელიც აღრიცხვაზე იმყოფება დაწესებულების უსაფრთხოების განყოფილებაში, მიდრეკილება აქვს დაწესებულების დებულების სისტემატური დარღვევისაკენ ან/და დანაშაულის ჩადენისკენ, ასევე, რომლის პიროვნული თვისებები, კრიმინალური ავტორიტეტი, დანაშაულის ჩადენის მოტივი, დამდგარი მართლსაწინააღმდეგო შედეგი ან დაწესებულებაში გამოვლენილი ქცევა მნიშვნელოვან საფრთხეს უქმნის დაწესებულებისა და მათ გარშემომყოფთა უსაფრთხოებას;“;

გ.ბ) „ზ“ ქვეპუნქტის შემდეგ დაემატოს შემდეგი შინაარსის „თ“ – „ჩ“ ქვეპუნქტები:

„თ) კარიბჭეთაშორისი სივრცე – დაწესებულებაში შემსვლელი სატრანსპორტო საშუალებების შემოწმებისათვის გამოყოფილი სივრცე;

ი) შემოწმება-დათვალიერება – საქართველოს კანონმდებლობით დადგენილი წესით, დაწესებულების უფლებამოსილი მოსამსახურის მიერ ბრალდებულის/მსჯავრდებულის, მისი ნივთებისა და მოთავსების ადგილის, ასევე დაწესებულების ტერიტორიისა და მასზე განთავსებული შენობა-ნაგებობების შემოწმება იმ ნივთების, ნივთიერებების, კვების პროდუქტების, დოკუმენტების ან წერილების აღმოჩენისა და ამოღების მიზნით, რომელთა დაწესებულებაში შეტანა ან დაწესებულებიდან გატანა, ასევე შენახვა და გამოყენება აკრძალულია, აგრეთვე რომლებიც არ ეკუთვნის ბრალდებულს/მსჯავრდებულს;

კ) ვიზუალური შემოწმება – დაწესებულების უფლებამოსილი მოსამსახურის მიერ ბრალდებულის/მსჯავრდებულის, მისი ნივთებისა და მოთავსების ადგილის, ასევე დაწესებულების ტერიტორიისა და მასზე განთავსებული შენობა-ნაგებობების შემოწმება ელექტრონული საშუალების გამოყენების გარეშე;

ლ) შიდა კლასიფიკაციის საკანი – დაწესებულებაში მიღებისას ბრალდებულის/მსჯავრდებულის განთავსების ადგილი, სადაც ხდება მასზე დაკვირვება და შესწავლა მისი შესაბამის საკანში განაწილების მიზნით, აგრეთვე, ეპიდემიოლოგიური თვალსაზრისით – სხვადასხვა გადამდებ დაავადებაზე საეჭვო პირების იზოლირებისთვის (დიაგნოსტირებამდე);

მ) პალატა – ბრალდებულთა/მსჯავრდებულთა სამკურნალო დაწესებულებაში და პატიმრობისა და თავისუფლების აღკვეთის დაწესებულების სამედიცინო პუნქტებში ბრალდებულის/მსჯავრდებულის განთავსების ადგილი, აგრეთვე პროგრამა „ატლანტისში“ ჩართულ მსჯავრდებულთა განთავსების ადგილი;

ნ) დეესკალაციის ოთახი – ბრალდებულის/მსჯავრდებულის განთავსების ადგილი, როდესაც იგი საფრთხეს უქმნის საკუთარ ან სხვის სიცოცხლეს ან/და ჯანმრთელობას, რომელიც განისაზღვრება დაწესებულების დირექტორის მიერ;

ო) სამარტოო საკანი – პატიმრობის კოდექსით გათვალისწინებული დისციპლინური სახდელის მოსახდელად განკუთვნილი საკანი, ასევე უსაფრთხოების ღონისძიებებიდან გამომდინარე ბრალდებულის/მსჯავრდებულის არაუმეტეს 24 საათით მოთავსებისათვის განკუთვნილი ადგილი, რომლებიც განისაზღვრება დაწესებულების დირექტორის მიერ ინდივიდუალური ადმინისტრაციულ-სამართლებრივი აქტით;

პ) განგაში – მოქმედება სიტუაციაში, როდესაც საშიშროება ემუქრება დაწესებულების ნორმალურ ფუნქციონირებას ან ბრალდებულთა/მსჯავრდებულთა სიცოცხლესა და ჯანმრთელობას;

ჟ) განსაკუთრებული პირობები – გარემოება, რომლის შემოღება ხდება სტიქიური უბედურებისას, ქვეყანაში საგანგებო ან საომარი მდგომარეობის გამოცხადებისას, სიცოცხლისათვის საშიშ დაავადებათა ეპიდემიისა და მასობრივი არეულობისას, აგრეთვე თუ დაწესებულება დაზიანდა ან აღარ გამოდგება საქართველოს კანონმდებლობით გათვალისწინებული მიზნებისათვის;

რ) არანორმირებული სამუშაო დღე – საქართველოს კანონმდებლობით დადგენილი სამუშაო დღისგან განსხვავებული სამუშაო გრაფიკი;

ს) ინციდენტის პრევენცია – დაწესებულებაში ბრალდებულთა/მსჯავრდებულთა შორის ან დაწესებულების მოსამსახურეთა მიმართ კონფლიქტის, გაუგებრობის ან უსიამოვნო შემთხვევის თავიდან არიდება;

ტ) ტექნიკური დაცვის მოწყობილობა – დაწესებულების ფიზიკური უსაფრთხოების უზრუნველყოფის მიზნით არსებული ტექნიკური მოწყობილობები;

უ) ოქმი – საქართველოს კანონმდებლობით გათვალისწინებული მოქმედების ამსახველი დოკუმენტი;

ფ) აქტი – საქართველოს კანონმდებლობით გათვალისწინებული რაიმე ფაქტის დამადასტურებელი დოკუმენტი;

ქ) პირადი მოხმარების საგნები – საგნები, რომელთა შენახვა და გამოყენება, ბრალდებულთა/მსჯავრდებულთა მიერ, აკრძალული არ არის საქართველოს კანონმდებლობით დადგენილი წესით;

ღ) საკნის ბარათი – „ბრალდებულთა/მსჯავრდებულთა რეესტრისა და პირადი საქმის წარმოების წესის დამტკიცების შესახებ“ საქართველოს სასჯელაღსრულებისა და პრობაციის მინისტრის ბრძანებით დამტკიცებული ბარათი;

ყ) სანიტარიულ-ჰიგიენური დამუშავება – სადეზინფექციო, სადეზინსექციო და სადერატიზაციო სამუშაოების ორგანიზება;

შ) დღის განრიგი – დაწესებულების დირექტორის წარდგინებით, დეპარტამენტის დირექტორის მიერ დამტკიცებული მკაცრად რეგლამენტირებული განრიგი, ბრალდებულთა/მსჯავრდებულთა ჯგუფთან მუშაობის თავისებურებების, ადგილობრივი პირობების, ინდივიდუალური გეგმის, წელიწადის დროის და სხვა კონკრეტული გარემოებების გათვალისწინებით, რაც ასევე მოიცავს ბრალდებული/მსჯავრდებულის ადგომის, დაძინების, ფიზიკური ვარჯიშის, კვების, სამუშაოს, განათლების, სპორტულ, კულტურულ, რელიგიურ ღონისძიებებში და ინდივიდუალური გეგმის მიხედვით სარეაბილიტაციო პროგრამებში მონაწილეობის დროს;

ჩ) ინსტრუქტაჟი – შესაბამისი უფლებამოსილი პირის მიერ მის დაქვემდებარებაში მყოფი მოსამსახურეთათვის მითითება სამსახურებრივი მოვალეობის შესრულების, განხორციელების წესისა და უფლებამოსილებების შესახებ.“;

დ) მე-4 მუხლის პირველი პუნქტი ჩამოყალიბდეს შემდეგი რედაქციით:

„1. დანაყოფების და საგუშაგოების რაოდენობას და განლაგებას ბრძანებით ამტკიცებს დაწესებულების დირექტორი, საქართველოს სასჯელაღსრულებისა და პრობაციის სამინისტროს (შემდგომში – სამინისტრო) პენიტენციური დეპარტამენტის (შემდგომში – დეპარტამენტი) დირექტორთან შეთანხმებით.“;

ე) მე-5 მუხლის მე-2 პუნქტი ჩამოყალიბდეს შემდეგი რედაქციით:     

„2. საგუშაგოს ტაბელი მტკიცდება დაწესებულების დირექტორის მიერ (დანართი №1), რომლის ერთი ეგზემპლარი ეგზავნება დეპარტამენტს, მეორე ინახება დაწესებულების ადმინისტრაციულ განყოფილებაში, ხოლო მესამე – სამორიგეო ცლის ხელმძღვანელთან.“;

ვ) მე-6 მუხლის მე-2 პუნქტი ჩამოყალიბდეს შემდეგი რედაქციით: 

„2. თითოეულ დანაყოფს ზედამხედველობს დაბალი რისკისა და ნახევრად ღია ტიპის დაწესებულებებში – სამორიგეო ცვლის არანაკლებ 2, ხოლო ბრალდებულთა/მსჯავრდებულთა სამკურნალო დაწესებულებაში, პატიმრობის, დახურული ტიპისა და განსაკუთრებული რისკის დაწესებულებებში, როგორც წესი, სამორიგეო ცვლის არანაკლებ 4 მოსამსახურე.“;  

ზ) მე-7 მუხლის „ბ“ ქვეპუნქტი ჩამოყალიბდეს შემდეგი რედაქციით: 

„ბ) დაწესებულების სტრუქტურული ერთეულის მიერ ურთიერთთანამშრომლობით თავიანთი უფლება-მოვალეობების შესრულება.“;

თ) მე-8 მუხლის მე-3 პუნქტი ჩამოყალიბდეს შემდეგი რედაქციით:

„3. საგუშაგოზე მდგომი სამორიგეო ცვლის შემადგენლობაში მყოფი მოსამსახურეები ყოველდღე უნდა იყვნენ ინფორმირებული არსებული ვითარების თაობაზე, აგრეთვე ყოველდღიურად ინფორმაცია უნდა მიეწოდოს დაწესებულების საექიმო-სამედიცინო პუნქტს.“; 

ი) მე-9 მუხლი ჩამოყალიბდეს შემდეგი რედაქციით: 

„მუხლი 9

1. ბრალდებულის/მსჯავრდებულის მიერ საკუთარი თავის, გარშემომყოფთა და ქონების დაზიანების თავიდან აცილების, დაწესებულებაში დანაშაულისა და სხვა სამართალდარღვევის აღკვეთის, ბრალდებულის/მსჯავრდებულის მიერ სამართლებრივი რეჟიმის ან/და უსაფრთხოების განყოფილების უფლებამოსილი მოსამსახურის კანონიერი მოთხოვნისადმი დაუმორჩილებლობის, თავდასხმის მოგერიების, ჯგუფური დაუმორჩილებლობის, მასობრივი არეულობის აღკვეთის, ან/და სხვა პრობლემის აღმოფხვრის მიზნით, დაწესებულების დირექტორის ბრძანებით შეიძლება შეიქმნას დროებითი საგუშაგო.

2. დაწესებულების დირექტორის არყოფნის შემთხვევაში, დროებითი საგუშაგო შეიძლება შეიქმნას დირექტორის მოადგილის ან სამორიგეო ცვლის ხელმძღვანელის მიერ, არაუმეტეს 24 საათისა.“;

კ) მე-12 და მე-13 მუხლები ჩამოყალიბდეს შემდეგი რედაქციით:

„მუხლი 12

დაწესებულების დირექტორის ბრძანებით დამტკიცებული გრაფიკის მიხედვით, სამორიგეო ცვლის მიერ ღამის პერიოდში სამსახურებრივი მოვალეობის შესრულებისა და დადგენილი წესების დაცვის შემოწმებას ახორციელებს დირექტორის ბრძანებით განსაზღვრული პირი.

მუხლი 13

დაწესებულების დირექტორის, დირექტორის მოადგილის სამართლებრივი რეჟიმის დარგში ან სამართლებრივი რეჟიმის განყოფილების უფროსის მიერ შემოწმების სისტემა ისე უნდა იყოს შემუშავებული, რომ ყველა სამორიგეო ცვლა და მათ მიერ წარმოებული დოკუმენტაცია შემოწმებულ იქნეს არანაკლებ თვეში ოთხჯერ, აღნიშნულის თაობაზე დგება ოქმი.“;  

ლ) მე-14 და მე-15 მუხლები ჩამოყალიბდეს შემდეგი რედაქციით:

„მუხლი 14

დაწესებულებაში, დეპარტამენტის დირექტორის ბრძანებით, შემუშავებული უნდა იქნეს შიდა დაცვის ოპერატიული გეგმა, რომელიც შეიცავს:

ა) დაწესებულების ტერიტორიის გენერალურ გეგმას, სადაც აღინიშნება საგუშაგოების განლაგება, გამაფრთხილებელი სამეთვალყურეო ტექნიკის სექტორები და საზღვრები;

ბ) დანაყოფების განლაგების გეგმა საგუშაგოების აღნიშვნით;

გ) დაწესებულების მოსამსახურეთა სია, რომლებიც დაწესებულებაში განსაკუთრებული პირობების შემოღების შემთხვევაში ექვემდებარებიან სასწრაფოდ გამოცხადებას, მათ საკონტაქტო ინფორმაციას;

დ) სამინისტროსა და დეპარტამენტის მოსამსახურეთა სია, რომლებიც დაწესებულებაში ვითარების გართულების შემთხვევაში დაუყოვნებლივ უნდა იქნენ ინფორმირებული.

მუხლი 15

1. სამორიგეო ცვლის ხელმძღვანელი და სამორიგეო ცვლის ხელმძღვანელის თანაშემწე უწყვეტ რეჟიმში აწვდიან დაწესებულებისა და დეპარტამენტის შესაბამის უფლებამოსილ პირებს დაწესებულებაში არსებული ვითარების შესახებ ინფორმაციას, უზრუნველყოფენ სამორიგეო ცვლის საქმიანობის კოორდინაციას, სამორიგეო ცვლის მიღება-გადაბარებას და ასრულებენ საქართველოს კანონმდებლობით გათვალისწინებულ სხვა უფლებამოსილებებს. სამორიგეო ცვლის ხელმძღვანელი უშუალოდ ექვემდებარება დაწესებულების დირექტორს. სამორიგეო ცვლის ხელმძღვანელის თანაშემწე უშუალოდ ექვემდებარება სამორიგეო ცვლის ხელმძღვანელს.

2. სამორიგეო ცვლის ხელმძღვანელის არყოფნის შემთხვევაში მის მოვალეობას ასრულებს სამორიგეო ცვლის ხელმძღვანელის თანაშემწე.“;

მ) მე-17 მუხლის პირველი პუნქტი ჩამოყალიბდეს შემდეგი რედაქციით: 

„1. სამორიგეო ცვლის მოსამსახურეებისათვის დადგენილია არაუმეტეს 48-საათიანი სამუშაო კვირა და არანორმირებული სამუშაო დღე.“;

ნ) მე-19 მუხლი ჩამოყალიბდეს შემდეგი რედაქციით: 

„მუხლი 19

1. საჭიროების შემთხვევაში დაწესებულების დირექტორი გამოსცემს ბრძანებას სამორიგეო ცვლების მიერ საგუშაგოებზე დაცვის გაძლიერებასთან დაკავშირებით.

2. ამ მუხლის პირველი პუნქტით აღნიშნულ ბრძანებაში აღინიშნება საკნები, საერთო საცხოვრებელი, სადაც უნდა ჩატარდეს ტექნიკური დათვალიერებები და ღონისძიებები დაცვის გაძლიერებისთვის.“;

ო) მე-20 მუხლის:

ო.ა) „თ“ ქვეპუნქტი ჩამოყალიბდეს შემდეგი რედაქციით: 

„თ) უზრუნველყოფს ტექნიკური დაცვის მოწყობილობების და კავშირგაბმულობის მუშაობის,  საკნების, საერთო საცხოვრებლის კარების საკეტების, ცხაურების და სასაკნე მოწყობილობების შემოწმებას, იღებს ზომებს აღმოჩენილი ნაკლოვანებების აღმოსაფხვრელად;“;

ო.ბ) „კ“ ქვეპუნქტი ჩამოყალიბდეს შემდეგი რედაქციით: 

კ) უზრუნველყოფს ბრალდებულთა/მსჯავრდებულთა დაწესებულებაში მიღებას და მათი გაყვანა/გადაყვანის შემთხვევაში ადგენს სათანადო აქტს და მის ერთ ასლს აბარებს პენიტენციური დეპარტამენტის გარე დაცვისა და ბადრაგირების მთავარი სამმართველოს საბადრაგო სამმართველოს წარმომადგენელს. ორგანიზებას უწევს ბრალდებულთა/მსჯავრდებულთა და მათი ნივთების სრულ შემოწმებას, საქართველოს კანონმდებლობით დადგენილი წესის შესაბამისად;

ო.გ) „მ“ – „პ“ ქვეპუნქტები ჩამოყალიბდეს შემდეგი რედაქციით: 

„მ) „მოთხოვნის ბარათი გამოძახებაზე“ საფუძველზე უზრუნველყოფს ბრალდებულთა/მსჯავრდებულთა საკნებიდან და საერთო საცხოვრებლიდან გამოყვანას გამომძიებელთან, ადვოკატთან და ა.შ.;

ნ) სისტემატურად ადევნებს თვალყურს სამარტოო საკანში და ადმინისტრაციული პატიმრობის მოხდის საკანში მოთავსებულ ბრალდებულებს/მსჯავრდებულებს და ვადის გასვლამდე არაუგვიანეს 24 საათისა მოახსენებს დაწესებულების დირექტორს;

ო) ახორციელებს შიდა კლასიფიკაციის საკნებში ბრალდებულთა/მსჯავრდებულთა განაწილებას;

პ) ინახავს ყველა სათადარიგო გასაღებს (სამორიგეო ცვლაზე გაცემულ ყველა გასაღების ასლებს).“;

ო.დ) „პ“ ქვეპუნქტის შემდგომ დაემატოს შემდეგი შინაარსის „ჟ“ ქვეპუნქტი:

„ჟ) უზრუნველყოფს სამორიგეო ცვლის მიერ ბრალდებულთა/მსჯავრდებულთა საბარათე (კარტოთეკული) შემოწმების ჩატარების კონტროლს, თვეში არანაკლებ ორჯერ.“;

პ) 24-ე მუხლი ჩამოყალიბდეს შემდეგი რედაქციით:

„მუხლი 24

დაწესებულების დირექტორის ან დაწესებულების დირექტორის მოადგილის არყოფნის შემთხვევაში, სამორიგეო ცვლის ხელმძღვანელი უფლებამოსილია, საქართველოს კანონმდებლობით გათვალისწინებული უსაფრთხოების ღონისძიების სახით ბრალდებული/მსჯავრდებული მოათავსოს სამარტოო საკანში მათ მოსვლამდე, მაგრამ არაუმეტეს 24 საათისა, და აღნიშნული აღრიცხოს ამისათვის განკუთვნილ სამარტოო საკანში განთავსებულ ბრალდებულთა/მსჯავრდებულთა აღრიცხვის ჟურნალში.“;

ჟ) 25-ე მუხლის „გ“ ქვეპუნქტი ამოღებულ იქნეს.

რ) 26-ე მუხლის:

რ.ა) „ა“ პუნქტი ჩამოყალიბდეს შემდეგი რედაქციით:

„ა) ბრალდებულთა/მსჯავრდებულთა მიერ დაწესებულების დროებით დატოვების აღრიცხვის ჟურნალი (დანართი №5);“;

რ.ბ) „გ“ პუნქტი ჩამოყალიბდეს შემდეგი რედაქციით:

„გ) ბრალდებულთა/მსჯავრდებულთა დაწესებულების ტერიტორიაზე მოძრაობის აღრიცხვის სადღეღამისო ჟურნალი (დანართი № 6);“;

რ.გ) „ე“ და „ვ“ პუნქტები ჩამოყალიბდეს შემდეგი რედაქციით:

„ე) საკნებსა და საერთო საცხოვრებელში ბრალდებულთა/მსჯავრდებულთა განლაგების გეგმა;

ვ) ბრალდებულთა/მსჯავრდებულთა ერთი საკნიდან, საერთო საცხოვრებლიდან მეორეში გადაადგილების სია;

რ.დ) „კ“ პუნქტის შემდეგ დაემატოს შემდეგი შინაარსის „ლ“ პუნქტი:

„ლ) საცხოვრებელ კორპუსებზე და ბრალდებულთა/მსჯავრდებულთა განთავსების სხვა ადგილებზე საკნების და სხვა დანიშნულების ოთახების განლაგების გეგმა-ნახაზი, რომელიც უნდა შეიცავდეს:

ლ.ა) საცხოვრებელი კორპუსების, ბრალდებულთა/მსჯავრდებულთა განთავსების სხვა ადგილების განლაგება და დეტალური აღწერა;

ლ.ბ) საკნების, საერთო საცხოვრებლების რაოდენობა და მათი ნუმერაცია;

ლ.გ) საცხოვრებელ კორპუსებზე და ბრალდებულთა/მსჯავრდებულთა განთავსების სხვა ადგილებზე არსებული ოთახების დანიშნულება;

ლ.დ) საკნებსა და საერთო საცხოვრებლებში მსჯავრდებულთა ბრალდებულთათვის განსაზღვრული ადგილების რაოდენობა.“;

ს) 27-ე მუხლი ჩამოყალიბდეს შემდეგი რედაქციით:

„მუხლი 27

1. სამორიგეო ცვლის ხელმძღვანელს შეუძლია ამ ინსტრუქციის 25-ე და 26-ე მუხლებში აღნიშნული დოკუმენტების წარმოება დაავალოს მის თანაშემწეს.

2. სამორიგეო ცვლის ხელმძღვანელის თანაშემწე ვალდებულია:

ა) შეამოწმოს სამორიგეო ცვლის მოსამსახურეების მიერ სამსახურებრივი მოვალეობის შესრულება საგუშაგოებზე და შეტყობინების მიღებისას, აუცილებლობის შემთხვევაში  დაუყოვნებლივ გავიდეს იმ ადგილას, საიდანაც შემოვიდა  შეტყობინება;

ბ) მიიღოს მის დაქვემდებარებაში მყოფ დანაყოფში განაწილებული ბრალდებულები/მსჯავრდებულები და სამორიგეო ცვლის ხელმძღვანელის მითითებით პირადი  მოხმარების საგნების მიწოდების შემდგომ, მოათავსოს ისინი  საკნებში/ საერთო საცხოვრებლებში;

გ) გადაადგილების სიების თანახმად აწარმოოს ბრალდებულთა/მსჯავრდებულთა გადაადგილება  საკნებში/საერთო საცხოვრებლებში;

დ) საკნის ბარათის მეშვეობით აწარმოოს ბრალდებულთა/მსჯავრდებულთა აღრიცხვა და შემოწმება, რომელშიც უნდა აღინიშნოს ყველა ის ცვლილება, რაც ეხება ბრალდებულთა/მსჯავრდებულთა საკნებში/საერთო საცხოვრებლებში გადაადგილებას, ჩამორთმეულ ან გაცემულ ნივთებს;

ე) გააკონტროლოს ბრალდებულთა/მსჯავრდებულთა გასასეირნებლად და სანიტარიულ-ჰიგიენურ დამუშავებაზე გაყვანა, დაწესებულების მოსამსახურეებთან ერთად ჩაატაროს საკნების/საერთო საცხოვრებლების ტექნიკური დათვალიერება.“;

ტ) 28-ე მუხლი ამოღებულ იქნეს.

უ) 30-ე მუხლი ჩამოყალიბდეს შემდეგი რედაქციით:

„მუხლი 30

1. საჭიროებიდან გამომდინარე, სამორიგეო ცვლაში დაწესებულების დირექტორის ბრძანებით იქმნება სარეზერვო ჯგუფი.

2. სარეზერვო ჯგუფი ექვემდებარება  სამორიგეო ცვლის ხელმძღვანელს/სამორიგეო ცვლის ხელმძღვანელის თანაშემწეს და  მოქმედებს მათი მითითებით.“

3. სარეზერვო ჯგუფს ხელმძღვანელობს სარეზერვო ჯგუფის უფროსი, რომელიც ექვემდებარება სამორიგეო ცვლის ხელმძღვანელს და  მოქმედებს მისი მითითებით.

4. სარეზერვო ჯგუფის უფროსი:

ა) ხელმძღვანელობს სარეზერვო ჯგუფს;

ბ) როგორც წესი, იმყოფება დაწესებულების ადმინისტრაციულ შენობაში;

გ) კომპეტენციის ფარგლებში, თვალყურს ადევნებს მსჯავრდებულთა მიერ დებულების და დღის განრიგის შესრულებას.

5. სარეზერვო ჯგუფის მოსამსახურეები ვალდებულნი არიან:

ა) შეტყობინების მიღებისას დახმარება აღმოუჩინონ საგუშაგოზე მდგომ სამორიგეო ცვლის მოსამსახურეებს;

ბ) სამორიგეო ცვლის ხელმძღვანელის ან სამორიგეო ცვლის ხელმძღვანელის თანაშემწის მითითებით მონაწილეობა მიიღონ საერთო საცხოვრებლების/ საკნების დათვალიერებაში;

გ) განახორციელონ ხელმძღვანელი პირების სხვა მითითებები.“;

ფ) 31-ე მუხლი ამოღებულ იქნეს.

ქ) 32-ე - 52-ე მუხლები ჩამოყალიბდეს შემდეგი რედაქციით:

„მუხლი 32

საგუშაგოზე მყოფი სამორიგეო ცვლის შემადგენლობაში მყოფი მოსამსახურე უზრუნველყოფილი უნდა იყოს:

ა) საკნების/საერთო საცხოვრებლის გასაღებით დღის და ღამის საათებში;

ბ) პირდაპირი კავშირით სამორიგეო ცვლის ხელმძღვანელთან.

მუხლი 33

სამორიგეო ცვლის შემადგენლობაში მყოფი მოსამსახურეების საგუშაგოებზე გადაყვანა, მათი შეცვლა და საგუშაგოებიდან მოხსნის უფლება აქვს მხოლოდ სამორიგეო ცვლის ხელმძღვანელს ან სამორიგეო ცვლის ხელმძღვანელის თანაშემწეს, დაწესებულების დირექტორთან, დირექტორის მოადგილესთან სამართლებრივი რეჟიმის დარგში ან სამართლებრივი რეჟიმის განყოფილების უფროსთან შეთანხმებით.

მუხლი 34

საგუშაგოზე მყოფმა სამორიგეო ცვლის შემადგენლობაში მყოფმა მოსამსახურემ მორიგეობის მიღება-ჩაბარებისას უნდა შეამოწმოს საგუშაგოსა და დასაცავი ობიექტის ინვენტარი (საკნის/საერთო საცხოვრებლის კარები, მათი საკეტები, განათება, სატელეფონო და სასიგნალიზაციო საშუალებები, ხანძარსაწინააღმდეგო მოწყობილობები და სხვა.) და დარწმუნდეს მათ გამართულობაში. შემოწმების შედეგების შესახებ უნდა შეადგინოს შესაბამისი ოქმი და წარუდგინოს სამორიგეო ცვლის ხელმძღვანელს ან მის თანაშემწეს.

მუხლი 35

საგუშაგოზე მყოფ სამორიგეო ცვლის შემადგენლობაში მყოფ მოსამსახურეებს ეკრძალება:

ა) საგუშაგოს დატოვება სამორიგეო ცვლის  ხელმძღვანელობის ნებართვის გარეშე;

ბ) დაწესებულების სხვა მოსამსახურეების გარეშე საკნის/საერთო საცხოვრებლის გაღება და მასში შესვლა;

გ) ერთდროულად ორი ან მეტი საკნის გაღება დახურული ტიპისა და განსაკუთრებული რისკის დაწესებულებებში;

დ) საკვების გადასაცემი სარკმლის ღიად დატოვება;

ე) საკნიდან/საერთო საცხოვრებლიდან ბრალდებულთა/მსჯავრდებულთა თვითნებურად გადაყვანა;

ვ) საგუშაგოზე ძილი;

ზ) პრესისა და ლიტერატურის კითხვა;

თ) ბრალდებულისათვის/მსჯავრდებულისათვის რაიმე ნივთის გამორთმევა ან/და შენახვა;

ი) ბრალდებულთან/მსჯავრდებულთან ისეთი ურთიერთობების დამყარება, რომელიც არ შედის მის სამსახურებრივ უფლება-მოვალეობებში;

კ) საკნებში/საერთო საცხოვრებელში საკვების და წყლის დარიგება, გაზეთების, წიგნების და ჟურნალების გადაცემა და სხვა ქმედების განხორციელება, გარდა საქართველოს კანონმდებლობით გათვალისწინებული შემთხვევისა.

მუხლი 36

საგუშაგოზე მყოფი სამორიგეო ცვლის ინსპექტორ-კონტროლიორი  ვალდებულია:

ა) მიიღოს ზომები რათა თავიდან აიცილოს საკნებიდან/საერთო საცხოვრებლიდან ბრალდებულთა/მსჯავრდებულთა დაუგეგმავი გამოსვლა და აღკვეთოს მათი სხვა მართლსაწინააღმდეგო  ქმედებები;

ბ) თვალყური ადევნოს ბრალდებულთა/მსჯავრდებულთა მიერ დაწესებულების დებულებითა და დღის განრიგით დადგენილი წესების შესრულებას და მათი მოთხოვნების დარღვევისას დაუყოვნებლივ აცნობოს კორპუსის ოფიცერს (ხელმძღვანელს);

გ) საკნის/საერთო საცხოვრებლის კარების გაღების წინ, სათვალთვალო ღიობის მეშვეობით დარწმუნდეს საკანში/საერთო საცხოვრებელში უსაფრთხოდ შესვლის შესახებ;

დ) საკნიდან/საერთო საცხოვრებლიდან ბრალდებულთა/მსჯავრდებულთა გამოყვანისას (გასასეირნებლად, სააბაზანოში და ა.შ.) აწარმოოს  მათი აღრიცხვა;

ე) არ დაუშვას სხვადასხვა საკნებში/საერთო საცხოვრებელში განთავსებულ ბრალდებულთა/მსჯავრდებულთა ერთმანეთთან კონტაქტი პატიმრობის, დახურული ტიპისა და მაღალი რისკის დაწესებულებაში, ხოლო დაბალი რისკისა და ნახევრად ღია ტიპის თავისუფლების აღკვეთის  დაწესებულებაში ღამის საათებში დღის განრიგით დადგენილი წესით;

ვ) ბრალდებულის/მსჯავრდებულის მიერ გამოძახების შემთხვევაში დაუყოვნებლივ მოახდინოს რეაგირება;

ზ) დღის განრიგით დადგენილი ძილის საათების მიხედვით უზრუნველყოს შუქების გამორთვა;

თ) ფხიზლად შეასრულოს სამსახურებრივი მოვალეობანი;

ი) ბრალდებულთა/მსჯავრდებულთა მხრიდან თავდასხმის შემთხვევაში გასცეს საგანგაშო სიგნალი და მიიღოს კანონმდებლობით გათვალისწინებული ზომები;

კ) სხვა საგუშაგოზე თავდასხმის შემთხვევაში გასცეს საგანგაშო სიგნალი და საჭიროების შემთხვევაში დახმარება გაუწიოს თავდასხმის მოგერიებაში;

ლ) ხანძრის კერის აღმოჩენის შემთხვევაში გასცეს საგანგაშო სიგნალი, შეატყობინოს დაწესებულების ხელმძღვანელობას და მიიღოს ზომები მის ჩასაქრობად, იმ შემთხვევაში, თუ ეს ქმედება მისი სიცოცხლისათვის საფრთხეს არ წარმოადგენს.

მუხლი 37

1. საკნებში/საერთო საცხოვრებელში ბრალდებულთა/მსჯავრდებულთა ქცევაზე ზედამხედველობას სამორიგეო ცვლის შემადგენლობაში მყოფი მოსამსახურე აწარმოებს  სათვალთვალო ღიობიდან.

2. ბრალდებულთა/მსჯავრდებულთა მიერ, დაწესებულების დებულებითა და დღის განრიგით დადგენილი წესების დარღვევისას სამორიგეო ცვლის შემადგენლობაში მყოფი მოსამსახურე საკნის/საერთო საცხოვრებლის კარების სარკმლიდან აფრთხილებს მათ და მოითხოვს წესრიგის დაცვას, ხოლო მათი დაუმორჩილებლობის შემთხვევაში ატყობინებს ხელმძღვანელს.

მუხლი 38

ბრალდებულების/მსჯავრდებულების საკნიდან, საერთო საცხოვრებლიდან გაყვანისას (გასეირნება, პაემანი და ა.შ.) სამორიგეო ცვლის შემადგენლობაში მყოფი მოსამსახურე ბრალდებულებს/მსჯავრდებულებს გამცილებელს აბარებს რაოდენობითა და სახელობით, ასევე იღებს რაოდენობითა და სახელობით და აღნიშნავს შესაბამის ჟურნალში.

მუხლი 39

1. სამორიგეო ცვლის შემადგენლობაში მყოფ მოსამსახურეს საკნების და საერთო საცხოვრებლის გასაღები დღის განმავლობაში თან უნდა ჰქონდეს. დაუშვებელია გასაღებების კარებში დატოვება.

2. დანაყოფების, საკნების, საერთო საცხოვრებლის, პალატების და დაწესებულების ტერიტორიაზე განლაგებული სხვადასხვა შენობა-ნაგებობების შესასვლელი კარები უნდა მოეწყოს სპეციალური ტიპის საკეტებით, სხვა გასაღებები, რომლებიც გამოიყენება დაწესებულების დანაყოფში აღირიცხება და ინახება ამისთვის სპეციალურად გამოყოფილ ოთახში.

3. სამორიგეო ცვლაზე გაცემული გასაღებები აღირიცხება გასაღებების აღრიცხვისა და მიღება-ჩაბარების ჟურნალში, რომელშიც უნდა აღინიშნოს გასაღებების ნუმერაცია, რაოდენობა, დანიშნულება და ვისზეა გაცემული.

მუხლი 40

იმ შემთხვევაში, თუ ბრალდებული/მსჯავრდებული მიმართავს სამორიგეო ცვლის შემადგენლობაში მყოფ მოსამსახურეს ზეპირი მოთხოვნით ან საჩივრით, სამორიგეო ცვლის შემადგენლობაში მყოფი მოსამსახურე ამის თაობაზე აცნობებს დაწესებულების ხელმძღვანელობას.

მუხლი 41

საკნებთან/საერთო საცხოვრებელთან დაწესებულების ტერიტორიაზე ნაპოვნ ბარათებს, საგნებსა და წერილებს სამორიგეო ცვლის შემადგენლობაში მყოფი მოსამსახურე დაუყოვნებლივ გადასცემს კორპუსის ოფიცერს ან სამორიგეო ცვლის ხელმძღვანელს.

მუხლი 42

საკანში, საერთო საცხოვრებელში, ან დაწესებულების ტერიტორიაზე ბრალდებულთა/მსჯავრდებულთა მხრიდან დანაშაულის ჩადენისას ან  მისი მცდელობისას, ასევე უწესრიგობის შემთხვევაში (ჩხუბი, დაუმორჩილებლობა ან სხვა საეჭვო მოქმედება) სამორიგეო ცვლის შემადგენლობაში მყოფი მოსამსახურე, საგუშაგოს დატოვების გარეშე, ამის თაობაზე, დაუყოვნებლივ, აცნობებს კორპუსის ოფიცერს ან/და სამორიგეო ცვლის ხელმძღვანელს, რის შემდეგაც მოქმედებს მათი მითითების შესაბამისად.

მუხლი 43

ბრალდებულთა და მსჯავრდებულთა სამკურნალო დაწესებულებასა და ტუბერკულოზის სამკურნალო და სარეაბილიტაციო ცენტრში სამორიგეო ცვლის შემადგენლობაში მყოფი მოსამსახურე დამატებით ვალდებულია: ხელი შეუწყოს  დღის განრიგისა და სამკურნალო რეჟიმის განხორციელებას და ჰქონდეს ინფორმაცია ბრალდებულის/მსჯავრდებულის ფიზიკური  შესაძლებლობების შესახებ.

მუხლი 44

1. თვითმკვლელობის/თვითდაზიანების ან თვითმკვლელობის/თვითდაზიანების მცდელობის შემთხვევაში სამორიგეო ცვლის შემადგენლობაში მყოფი მოსამსახურე  დაუყოვნებლივ ატყობინებს კორპუსის ოფიცერსა და სამორიგეო ცვლის ხელმძღვანელს.

2. ამ მუხლის პირველი პუნქტით აღნიშნული მდგომარეობისას, საკანში/საერთო საცხოვრებელში სამორიგეო ცვლის შემადგენლობაში მყოფი მოსამსახურე საკნის/საერთო საცხოვრებლის კარების სარკმლიდან მოუწოდებს და აძლევს მითითებას საკანში/საერთო საცხოვრებელში მყოფ ბრალდებულებს/მსჯავრდებულებს, არ დაუშვან თვითმკვლელობა/თვითდაზიანება ან თვითმკვლელობის/თვითდაზიანების მცდელობა ან დახმარება აღმოუჩინონ დაზარალებულს. სამორიგეო ცვლის შემადგენლობაში მყოფი მოსამსახურე დანაყოფში მყოფ დაწესებულების სხვა მოსამსახურეებთან ერთად იღებს ზომებს დაზარალებულის გადასარჩენად.

3. „ბრალდებულთა/მსჯავრდებულთა სუიციდის პრევენციის პროგრამის დამტკიცების შესახებ“ საქართველოს სასჯელაღსრულებისა და პრობაციის მინისტრის 2016 წლის 11 თებერვლის №13 ბრძანებით გათვალისწინებული მულტიდისციპლინური გუნდის გადაწყვეტილებით განსაზღვრული პერიოდულობით ამოწმებენ სუიციდის პრევენციის პროგრამაში ჩართული იმ ბრალდებულის/მსჯავრდებულის მდგომარეობას, რომლის მიმართ არ ხორციელდება ელექტრონული საშუალებით მეთვალყურეობა და კონტროლი.

მუხლი 45

საჭიროების შემთხვევაში სამორიგეო ცვლის ხელმძღვანელის გადაწყვეტილებით, სამორიგეო ცვლის შემადგენლობაში მყოფ მოსამსახურეს საგუშაგოზე ცვლის სარეზერვო ჯგუფის ერთ-ერთი მოსამსახურე.

მუხლი 46

1. სამედიცინო პერსონალის მიერ საკნების/საერთო საცხოვრებლის შემოვლისას და შემოწმებისას, მათ თან უნდა ახლდეს სამორიგეო ცვლის შემადგენლობაში მყოფი მოსამსახურე.

2. სამორიგეო ცვლის შემადგენლობაში მყოფ მოსამსახურეს  სამედიცინო პერსონალთან ერთად საკანში/საცხოვრებელ სადგომში შესვლა ეკრძალება, გარდა სამედიცინო პერსონალის მხრიდან ობიექტური გარემოებებით გამოწვეული მოთხოვნისა.

მუხლი 47

1. საკნის/საერთო საცხოვრებლის კარების გაღებამდე სამორიგეო ცვლის შემადგენლობაში მყოფი მოსამსახურე საკნის/საერთო საცხოვრებლის სარკმლიდან მოუწოდებს ბრალდებულებს/მსჯავრდებულებს, განლაგდნენ საკუთარ საწოლებთან ან საკნის/საერთო საცხოვრებლის ინფრასტრუქტურისა და უსაფრთხოების ზომების გათვალისწინებით – სამორიგეო ცვლის შემადგენლობაში მყოფი მოსამსახურის მიერ მითითებულ ადგილას.

2. კარების გაღების შემდეგ სამორიგეო ცვლის შემადგენლობაში მყოფი მოსამსახურე  დგება შესასვლელში და თვალყურს ადევნებს ბრალდებულთა/მსჯავრდებულთა ქცევას და საშიშროების წარმოქმნის შემთხვევაში გარედან კეტავს საკანში/საერთო საცხოვრებელში  შესასვლელ კარებს.

3. საკნის/საერთო საცხოვრებლის სადგომის კარების გაღებას, როგორც წესი, უნდა ესწრებოდეს დაწესებულების არანაკლებ სამი მოსამსახურე.

მუხლი 48

ბრალდებულთა/მსჯავრდებულთა სხვა საკანში/საერთო საცხოვრებელში გადაყვანის შემთხვევაში, გადაადგილების ხასიათიდან გამომდინარე, ბრალდებულები/მსჯავრდებულები საკნიდან/საერთო საცხოვრებლიდან გამოყავთ თითო-თითო, ჯგუფურად დაყოფილი ან მთლიანი შემადგენლობით, გადაადგილების სიის საფუძველზე, შესაბამისი კორპუსის ოფიცრის ან/და სამორიგეო ცვლის ხელმძღვანელის/სამორიგეო ცვლის ხელმძღვანელის თანაშემწის თანდასწრებით.

მუხლი 49

დანაყოფში მდებარე დაწესებულების საექიმო-სამედიცინო პუნქტში დაწესებულების ექიმთან მიღებაზე ბრალდებულთა/მსჯავრდებულთა გამოყვანა ხორციელდება სამორიგეო ცვლაში მყოფი მოსამსახურის მიერ, ამ ინსტრუქციით დადგენილი წესით.

მუხლი 50

ბრალდებულის/მსჯავრდებულის საკნიდან, საერთო საცხოვრებლიდან გამოყვანისას ბრალდებულს/მსჯავრდებულს ატყობინებენ გამოყვანის მიზეზს.

მუხლი 51

საგუშაგოზე უცხო პირების გამოჩენისას, რომლებიც არ არიან უფლებამოსილნი იმყოფებოდნენ საგუშაგოზე, სამორიგეო ცვლის შემადგენლობაში მყოფი მოსამსახურე შეაჩერებს მათ და აღნიშნულის თაობაზე ატყობინებს თავის უშუალო ხელმძღვანელს.

მუხლი 52

საექიმო-სამედიცინო პუნქტში სამორიგეო ცვლის შემადგენლობაში მყოფი მოსამსახურე, დაწესებულების დირექტორის, მისი მოადგილის, სამორიგეო ცვლის ხელმძღვანელის და სამორიგეო ცვლის ხელმძღვანელის თანაშემწის ბრძანების გარდა, ვალდებულია შეასრულოს სამედიცინო პერსონალის მითითებები, რომლებიც ეხება ბრალდებულთა/მსჯავრდებულთა გადაადგილებას სამკურნალო ღონისძიებების ჩატარებასთან დაკავშირებით.“;

ღ) 56-ე მუხლი ჩამოყალიბდეს შემდეგი რედაქციით:

„მუხლი 56

საჭიროების შემთხვევაში სამსახურებრივი მოვალეობის შესრულებისათვის გამოძახებული დაწესებულების მოსამსახურეები შეიძლება გამოყენებულ იქნენ სარეზერვო ჯგუფის შემადგენლობაში.“;

ყ) 57-ე მუხლის „ბ“ პუნქტი ჩამოყალიბდეს შემდეგი რედაქციით:

„ბ) სამორიგეო ცვლის ხელმძღვანელის ან მისი თანაშემწის მითითებით მონაწილეობა მიიღონ საკნების, საერთო საცხოვრებლების დათვალიერებაში.“;

შ) 61-ე მუხლის „ა“ ქვეპუნქტი ჩამოყალიბდეს შემდეგი რედაქციით:

„ა) სამორიგეო ცვლის შემადგენლობა მოეწყობა, მიეცემა ინსტრუქტაჟი, ინსტრუქტაჟის დროს განსაკუთრებული ყურადღება ექცევა წინა მორიგეობის დროს არსებულ ოპერატიულ და საერთო ვითარებას და მოხდება ვიზუალური დათვალიერება, რომელსაც ახორციელებს სამორიგეო ცვლის ხელმძღვანელი კორპუსის ოფიცერთან ერთად.“;

ჩ) 64-ე მუხლი ჩამოყალიბდეს შემდეგი რედაქციით:

„მუხლი 64

ინსტრუქტაჟის ჩატარების შემდეგ  სამორიგეო ცვლის ხელმძღვანელი მითითებას აძლევს სამორიგეო ცვლის მოსამსახურეებს საგუშაგო ტაბელის და სამორიგეო გრაფიკის შესაბამისად, საგუშაგოზე განაწილების შესახებ.“;

ც) 66-ე – 68-ე მუხლები მე ჩამოყალიბდეს შემდეგი რედაქციით:

„მუხლი 66

ახალი სამორიგეო ცვლის კორპუსის ოფიცერი მის დაქვემდებარებულ მოსამსახურეთა განაწესთან ერთად სამსახურის ადგილზე გამოცხადებისას ატყობინებს წინა სამორიგეო ცვლის  კორპუსის ოფიცერს  საგუშაგოების მიღების მზადყოფნაზე.  

მუხლის 67

კორპუსის ოფიცერს წინა და ახალი სამორიგეო ცვლის შემადგენლობაში მყოფი მოსამსახურეები გაჰყავს საგუშაგოებზე და უბრძანებს მათ საგუშაგოს მიღება-ჩაბარებას.

მუხლი 68

საგუშაგოს მიღება-ჩაბარება სამორიგეო ცვლის შემადგენლობაში მყოფი მოსამსახურეების მიერ იწყება დაწესებულების სივრცეების შემოწმებით, საკნებში და საერთო საცხოვრებლებში განთავსებულ ბრალდებულთა/მსჯავრდებულთა რიცხობრივი, ვიზუალური გადათვლით და საგუშაგო უწყისში ამ შედეგების აღრიცხვით.“;

ძ) 69-ე მუხლის პირველი პუნქტი ჩამოყალიბდეს შემდეგი რედაქციით:

„1. ბრალდებულთა/მსჯავრდებულთა მიღება-ჩაბარების შემდეგ, ახალი სამორიგეო ცვლის შემადგენლობაში მყოფი მოსამსახურე ხელს აწერს წინა სამორიგეო ცვლის საგუშაგოს უწყისს, მისგან ბრალდებულთა/მსჯავრდებულთა მიღების თაობაზე.“;

წ) 70-ე და 71-ე მუხლები ჩამოყალიბდეს შემდეგი რედაქციით:

„მუხლი 70

1. აღმოჩენილი ხარვეზების შესახებ ახალი სამორიგეო ცვლის  შემადგენლობაში მყოფი მოსამსახურე აკეთებს შესაბამის ჩანაწერს საგუშაგო უწყისში და ამის თაობაზე მოახსენებს მის უშუალო უფროსს.

2. წინა სამორიგეო ცვლის ხელმძღვანელი აბარებს ახალი სამორიგეო ცვლის ხელმძღვანელს  საკნის,  საერთო საცხოვრებლის  და სხვა გასაღებს, რის შემდეგაც ახალი სამორიგეო ცვლის შემადგენლობაში მყოფი მოსამსახურის მიერ საგუშაგო მიღებულად ითვლება.

მუხლი 71

ახალი და წინა სამორიგეო ცვლის შემადგენლობაში მყოფი მოსამსახურეების მიერ საგუშაგოს მიღება-ჩაბარების შემდეგ ისინი მოახსენებენ კორპუსის ოფიცერს, რის შემდეგაც დანაყოფის წინა და ახალი სამორიგეო ცვლის შემადგენლობაში მყოფი მოსამსახურეები ხელს აწერენ სამორიგეო ცვლის მიღება-ჩაბარებაზე დანაყოფის სამორიგეო ჟურნალში. ამ მომენტიდან ახალი ცვლის მიერ მორიგეობა მიღებულად ითვლება.“;

ჭ) 73-ე მუხლი ჩამოყალიბდეს შემდეგი რედაქციით:

„მუხლი 73

სამორიგეო ცვლის შემადგენლობაში მყოფი მოსამსახურეების მიერ საგუშაგოების მიღება-ჩაბარების და ბრალდებულთა/მსჯავრდებულთა შემოწმების შემდეგ მორიგეობის მიღება-ჩაბარებას ახორციელებენ დანაყოფის სამორიგეო ცვლის შემადგენლობაში მყოფი მოსამსახურეები შემდეგი წესებით:

ა) დანაყოფის ახალი და წინა სამორიგეო ცვლის შემადგენლობაში მყოფი მოსამსახურეები ბრალდებულთა/მსჯავრდებულთა რიცხობრივი  და ვიზუალური შემოწმების შედეგებს ადარებენ საკნებში და საერთო საცხოვრებელში განლაგებულ ბრალდებულთა/მსჯავრდებულთა რიცხობრივ და ვიზუალურ მონაცემებს და შედეგებს ასახავენ  დანაყოფის სამორიგეო ჟურნალში;

ბ) იმ შემთხვევაში, როდესაც ამა თუ იმ მიზეზის გამო (გამომძიებელთან გამოძახება, ადვოკატთან შეხვედრა, პაემანი, სასამართლოზე პროცესზე გადაყვანა და ა.შ.) ბრალდებულები/მსჯავრდებულები არ ესწრებიან შემოწმებას, მათ არყოფნის მიზეზებს ასახავენ დანაყოფის სამორიგეო ჟურნალში;

გ) დანაყოფის წინა სამორიგეო ცვლის შემადგენლობაში მყოფი მოსამსახურე გადასცემს ახალი სამორიგეო ცვლის შემადგენლობაში მყოფ მოსამსახურეს, გამომძიებელთან, ადვოკატთან, პაემანზე, სასამართლო პროცესზე გამოძახებულ ბრალდებულთა/მსჯავრდებულთა მოთხოვნის ბარათს გამოძახებაზე;

დ) მორიგეობის მიღება-ჩაბარების დროს საგუშაგოზე და მთლიანად დანაყოფში აღმოჩენილი ყველა ხარვეზი აისახება  დანაყოფის სამორიგეო ჟურნალში;

ე) დანაყოფის ახალი სამორიგეო ცვლის შემადგენლობაში მყოფ მოსამსახურეს  გადაეცემა დოკუმენტაცია, საკნებში, საერთო საცხოვრებელში განთავსებულ ბრალდებულთა/მსჯავრდებულთა საკნის ბარათები კარტოთეკა და დანაყოფში შესასვლელი კარების გასაღებები.“;

ხ) 79-ე და მე-80 მუხლები ჩამოყალიბდეს შემდეგი რედაქციით:

„მუხლი 79.

სამორიგეო ცვლის ხელმძღვანელი დაწესებულებაში სამორიგეო ცვლის ხელმძღვანელის მიერ მორიგეობის მიღებისა და ჩაბარების ჟურნალში აკეთებს  შემდეგ ჩანაწერებს:

ა) სამორიგეო ცვლის მიღება-ჩაბარების შესახებ;

ბ) სამორიგეო ცვლის მიღება-ჩაბარების დროს აღმოჩენილი ხარვეზების და მათი აღმოფხვრისთვის მიღებული ზომების შესახებ;

გ) ბრალდებულთა/მსჯავრდებულთა მიღება-ჩაბარების  შესახებ;

დ) სპეციალური საშუალებების, ხელბორკილების, დამამშვიდებელი პერანგების და გასაღებების მიღება-ჩაბარების შესახებ;

ე) სამორიგეო ცვლის ხელმძღვანელისა და მისი თანაშემწის მიერ დანაყოფების შემოწმების შესახებ;

ვ) სამორიგეო ცვლაში სამსახურებრივი მოვალეობის შესასრულებლად არგამოცხადებულ მოსამსახურეთა აღრიცხვის შესახებ;

ზ) დამატებითი საგუშაგოების გამოყოფის შესახებ;

თ) დაწესებულებაში ახლად მიღებულ და გასულ ბრალდებულთა/მსჯავრდებულთა რაოდენობის აღრიცხვის შესახებ.

მუხლი 80.

დანაყოფის სამორიგეო ცვლის შემადგენლობაში მყოფ მოსამსახურის მიერ მორიგეობის მიღებისა და ჩაბარების ჟურნალში კეთდება შემდეგი ჩანაწერები:

ა) დანაყოფის მორიგეობის მიღება-ჩაბარების შესახებ;

ბ) მორიგეობის მიღება-ჩაბარების დროს აღმოჩენილი ხარვეზების და მათ აღმოსაფხვრელად მიღებული ზომების შესახებ;

გ) დანაყოფში ბრალდებულთა/მსჯავრდებულთა რიცხობრივი და ვიზუალური შემოწმების შესახებ;

დ) დანაყოფში განთავსებულ ბრალდებულთა/მსჯავრდებულთა თვითმკვლელობის/თვითდაზიანების მცდელობის შესახებ; 

ე)  ბრალდებულთა/მსჯავრდებულთა გამოყვანის გრაფიკის შესრულების შესახებ;

ვ) საკნების და საერთო საცხოვრებლის ტექნიკური დათვალიერების ჩატარების და მათი შედეგების შესახებ.“;

ჯ) თავი VII-ის სათაური ჩამოყალიბდეს შემდეგი რედაქციით:

„თავი VII

დაწესებულების სამორიგეო ცვლის შემადგენლობაში მყოფი მოსამსახურის მიერ სამსახურებრივი მოვალეობის შესრულების წესები“;

ჰ) 82-ე – 86-ე მუხლები ჩამოყალიბდეს შემდეგი რედაქციით:

„მუხლი 82

1. დაწესებულების სამორიგეო ცვლის შემადგენლობაში მყოფი მოსამსახურეები სამსახურებრივი მოვალეობის შესასრულებლად ნაწილდებიან დაწესებულების ხელმძღვანელობისა და სამორიგეო ცვლის ხელმძღვანელის მითითების შესაბამისად.

2. დაწესებულების სამორიგეო ცვლის შემადგენლობაში მყოფი მოსამსახურეების მიერ სამსახურეობრივი მოვალეობის შესრულების დასაწყისი და დასასრული, შესვენების დრო და მისი ხანგრძლივობა, თითოეული მოსამსახურის ან ჯგუფის ურთიერთშეცვლა ბრძანებით განისაზღვრება დაწესებულების დირექტორის მიერ.

3. თუ რაიმე სამუშაოს შესრულებისათვის გამოყოფილია ორი ან ორზე მეტი დაწესებულების სამორიგეო ცვლის შემადგენლობაში მყოფი მოსამსახურე, მათი შემადგენლობიდან ინიშნება ჯგუფის უფროსი.

მუხლი 83

დაწესებულების სამორიგეო ცვლის შემადგენლობაში მყოფი მოსამსახურეები:

ა) ახორციელებენ ბრალდებულთა/მსჯავრდებულთა ხანმოკლე, ხანგრძლივ, საოჯახო და ვიდეოპაემანზე/შეხვედრაზე გაყვანას და მის ზედამხედველობას;

ბ) აწარმოებენ ბრალდებულთა/მსჯავრდებულთა დაწესებულების ტერიტორიაზე მოძრაობის აღრიცხვის სადღეღამისო ჟურნალს დანართი №6-ის შესაბამისად;

გ) აწარმოებენ ამანათის მიღების ადგილზე მოტანილი მედიკამენტების აღრიცხვისა და მიღება-ჩაბარების ჟურნალს დანართი №9-ის შესაბამისად;

დ) აწარმოებენ ბრალდებულთა/მსჯავრდებულთა სატელეფონო საუბრების აღრიცხვის ჟურნალს დანართი №10-ის შესაბამისად;

ე) აწარმოებენ პენიტენციურ დაწესებულებაში სატრანსპორტო საშუალებების შემოსვლისა და გასვლის აღრიცხვის ჟურნალს დანართი №11-ის შესაბამისად;

ვ) აწარმოებენ საწარმოო დანიშნულების ბასრი და მჭრელი საგნების აღრიცხვისა და მიღება-ჩაბარების ჟურნალს დანართი №13-ის შესაბამისად;

ზ) აწარმოებენ ინდივიდუალური საქმიანობისთვის განკუთვნილი ბასრი და მჭრელი საგნების აღრიცხვისა და მიღება-ჩაბარების ჟურნალს დანართი №14-ის შესაბამისად;

თ) აწარმოებენ ბრალდებულისათვის/მსჯავრდებულისათვის ჩამორთმეული ნივთების აღრიცხვის  ჟურნალს დანართი №15-ის შესაბამისად;

ი) სამორიგეო ცვლაზე გაცემულ გასაღებებს აღირიცხავენ  გასაღებების აღრიცხვისა და მიღება-ჩაბარების ჟურნალში დანართი №29-ის შესაბამისად, რომელშიც უნდა აღინიშნოს რამდენი გასაღებია აღრიცხული (ნუმერაციით), პერსონალურად ვისზე და რამდენი გადაღებია გაცემული.

მუხლი 84

პაემნის/შეხვედრის ჩატარებაზე პასუხისმგებელი დაწესებულების სამორიგეო ცვლის შემადგენლობაში მყოფი მოსამსახურე ვალდებულია:

ა) შეამოწმოს პაემანზე/შეხვედრაზე მოსულ პირთა საშვი, უზრუნველყოს პაემნის ჩატარების წესის დაცვა;

ბ) განუმარტოს ბრალდებულს/მსჯავრდებულს და პაემანზე/შეხვედრაზე მოსულ პირებს პაემნის ჩატარების წესი;

გ) პაემანზე/შეხვედრაზე დადგენილი წესების დარღვევის შემთხვევაში შეწყვიტოს პაემანი/შეხვედრა და აღნიშნულის თაობაზე დაუყოვნებლივ აცნობოს უშუალო ხელმძღვანელს;

დ) აწარმოოს ბრალდებულთა/მსჯავრდებულთა პროკურორთან/გამომძიებელთან/ადვოკატთან/თარჯიმანთან შეხვედრების რეგისტრაციის ჟურნალი დანართი №12-ის შესაბამისად;

ე) აწარმოოს ბრალდებულთან/მსჯავრდებულთან შეხვედრების აღრიცხვის ჟურნალი დანართი №16-ის შესაბამისად;

ვ) აწარმოოს მსჯავრდებულის მიერ ხანგრძლივი პაემნით სარგებლობის აღრიცხვის ჟურნალი დანართი №19-ის შესაბამისად;

ზ) აწარმოოს მსჯავრდებულის მიერ ვიდეოპაემნით სარგებლობის აღრიცხვის ჟურნალი დანართი №21-ის შესაბამისად;

თ) აწარმოოს მსჯავრდებულის მიერ საოჯახო პაემნით სარგებლობის აღრიცხვის ჟურნალი დანართი №22-ის შესაბამისად.

მუხლი 85

1. ბრალდებულის/მსჯავრდებულის პაემანზე/შეხვედრაზე გაყვანაზე პასუხისმგებელი დაწესებულების სამორიგეო ცვლის შემადგენლობაში მყოფი მოსამსახურე ვალდებულია განახორციელოს ბრალდებულის/მსჯავრდებულის გაყვანა პაემნის/შეხვედრის ოთახში და დაიცვას უსაფრთხოების წესები.

2. დაწესებულების სამართლებრივი რეჟიმის განყოფილების მოსამსახურე აწარმოებს ბრალდებული/მსჯავრდებულის მიერ ხანმოკლე პაემნით სარგებლობის აღრიცხვის ჟურნალს დანართი №20-ის შესაბამისად.

მუხლი 86.

1. ბრალდებულთა/მსჯავრდებულთა გასეირნებაზე პასუხისმგებელი დაწესებულების სამორიგეო ცვლის შემადგენლობაში მყოფი მოსამსახურეები ვალდებულნი არიან:

ა) ბრალდებულთა/მსჯავრდებულთა გასეირნება ჩაატარონ დაწესებულების დირექტორის მიერ დამტკიცებული გრაფიკის შესაბამისად;

ბ) გასასეირნებლად გამოყვანის წინ, გასასეირნებელ ადგილზე შეამოწმონ  გამყოფი ზღუდის მთლიანობა, აკრძალული ნივთების არსებობა სხვადასხვა მიმანიშნებელი წარწერები და ა.შ;

გ) გასეირნების დროს თვალყური ადევნონ, რომ  ბრალდებულები/მსჯავრდებულები ჩაცმული  იყვნენ სეზონის  შესაბამისად  და  მათ შესაძლებელია,  თან იქონიონ სიგარეტი და ასანთი;

დ) ბრალდებულის/მსჯავრდებულის გასასეირნებელ ეზოში გაყვანა და უკან დაბრუნება განახორციელონ მკაცრი ზედამხედველობის ქვეშ, რა დროსაც დაწესებულების სამორიგეო ცვლის შემადგენლობაში მყოფი მოსამსახურეთა ერთი ნაწილი ან ერთ-ერთი მოსამსახურე სპეციალურად გამოყოფილი ადგილიდან აწარმოებს გასასეირნებელ ეზოში მყოფ ბრალდებულთა/მსჯავრდებულთა განუწყვეტელ მეთვალყურეობას, ხოლო მოსამსახურეთა მეორე ნაწილი ახორციელებს ბრალდებულთა/მსჯავრდებულთა საკნიდან, ან საერთო საცხოვრებლიდან გასასეირნებელ ეზოში გამოყვანას და გასეირნების დამთავრების შემდეგ საკნებში, და საერთო საცხოვრებელში დაბრუნებას;

ე) უზრუნველყონ ბრალდებულთა/მსჯავრდებულთა მიერ გადაადგილების წესების დაცვა დაწესებულების ტერიტორიაზე არ დატოვონ ისინი ზედამხედველის გარეშე როგორც გასასეირნებლად გამოყვანისას, ასევე უკან დაბრუნებისას;

ვ) სეირნობის დროს ბრალდებულს/მსჯავრდებულს არ მისცენ ხმაურისა და სასეირნო ტერიტორიის  კედლებზე წარწერის გაკეთების უფლება;

ზ) ბრალდებულს/მსჯავრდებულს გასასეირნებლად გაყვანის/დაბრუნების დროს არ მისცენ სხვა პირებთან ურთიერთობის ან მათთვის რაიმე ნივთის გადაცემის/მიღების საშუალება;

თ) ბრალდებულების/მსჯავრდებულების გასეირნების დასრულების შემდეგ ჩაატარონ გასასეირნებელი ეზოების შემოწმება, დათვალიერება და აღმოჩენილი ხარვეზების შესახებ დაუყოვნებლივ აცნობონ უშუალო ხელმძღვანელს;

ი) უზრუნველყონ ბრალდებულის/მსჯავრდებულის გასეირნების ადგილზე გაყვანის აღრიცხვის ჟურნალის წარმოება დანართი №23-ის შესაბამისად.

2. ბრალდებულთა/მსჯავრდებულთა სააბაზანოში გაყვანაზე პასუხისმგებელი დაწესებულების სამორიგეო ცვლის შემადგენლობაში მყოფი მოსამსახურეები უზრუნველყოფენ ბრალდებულის/მსჯავრდებულის სააბაზანოში გაყვანის აღრიცხვის ჟურნალის წარმოებას დანართი №24-ის შესაბამისად.

3. ბრალდებულთა/მსჯავრდებულთა სამედიცინო ნაწილში გაყვანაზე პასუხისმგებელი დაწესებულების სამორიგეო ცვლის შემადგენლობაში მყოფი მოსამსახურეები უზრუნველყოფენ ბრალდებულის/მსჯავრდებულის საექიმო სამედიცინო პუნქტში/სამედიცინო ნაწილში გაყვანის რეგისტრაციის ჟურნალის წარმოებას დანართი №25-ის შესაბამისად.“;

ჰ¹) 86-ე მუხლის შემდეგ დაემატოს შემდეგი შინაარსის 86¹ მუხლი:

„მუხლი 86¹

დაწესებულების სამართლებრივი რეჟიმის განყოფილების მოსამსახურეები:

ა) ამოწმებენ დაწესებულებაში შემოსულ ამანათებს და ორგანიზებას უწევენ ბრალდებულებისათვის/მსჯავრდებულებისთვის ამანათების გადაცემას. აგრეთვე ამოწმებენ ბრალდებულთა/მსჯავრდებულთა მიერ გასაგზავნ ამანათებს;

ბ) აწარმოებენ ამანათის მიღების ადგილზე არსებული ბასრი და მჭრელი საგნების აღრიცხვისა და მიღება-ჩაბარების ჟურნალს დანართი №7-ის შესაბამისად; 

გ) აწარმოებენ ამანათის მიღების ადგილზე მომსვლელ მოქალაქეთა რეგისტრაციის ჟურნალს დანართი №8-ის შესაბამისად;

დ) აწარმოებენ საფოსტო ამანათების რეგისტრაციის ჟურნალს დანართი №17-ისა და საფოსტო ამანათით მიღებული აკრძალული ნივთების აღრიცხვის ჟურნალს დანართი №18-ის შესაბამისად.“;

ჰ²) თავი VIII-ის სათაური ჩამოყალიბდეს შემდეგი რედაქციით:

„თავი VIII

საკნების და საერთო საცხოვრებლის  დათვალიერება“;

ჰ³) 89-ე – 98-ე მუხლები ჩამოყალიბდეს შემდეგი რედაქციით:

„მუხლი 89

საკნების და საერთო საცხოვრებლის ტექნიკური დათვალიერება ხორციელდება დაწესებულების სამორიგეო ცვლის შემადგენლობაში მყოფი მოსამსახურეებისგან შემდგარი ჯგუფის მიერ, რომელსაც ხელმძღვანელობს ჯგუფის უფროსი. ცალკეულ შემთხვევაში დაწესებულების დირექტორის გადაწყვეტილებით შესაძლებელია განხორციელდეს საკნების  და საერთო საცხოვრებლის რიგგარეშე დათვალიერება.

მუხლი 90

საკნების და საერთო საცხოვრებლის ტექნიკური დათვალიერება ხორციელდება დღეში არანაკლებ ერთხელ, აღნიშნულის თაობაზე დგება ტექნიკური დათვალიერების ოქმი.

მუხლი 91

საკნების და საერთო საცხოვრებლის  ტექნიკური დათვალიერებისას უნდა შემოწმდეს ფანჯრები, ჭერი, იატაკი, კედლები, საწოლი ადგილები, მაგიდები, სკამები, პირსაბანები, აგრეთვე სანიტარიულ-ტექნიკური მოწყობილობები და წყალსადენი მილები.

მუხლი 92

სამორიგეო ცვლის მოსამსახურეების მიერ, არანაკლებ კვირაში ერთხელ, დადგენილი გრაფიკის მიხედვით ტარდება საკნების და საერთო საცხოვრებლის საკონტროლო-ტექნიკური შემოწმება-დათვალიერება, ამ ღონისძიების ჩატარებისთვის სამორიგეო ცვლის შემადგენლობისთვის დახმარების მიზნით, შესაძლებელია გამოიყოს სარეზერვო ჯგუფის მოსამსახურეთა შემადგენლობა, აღნიშნულის თაობაზე დგება საკონტროლო-ტექნიკური დათვალიერების ოქმი.

მუხლი 93

1. აკრძალული ნივთების და საგნების აღმოჩენის მიზნით, არანაკლებ თვეში ორჯერ, დაწესებულების დირექტორის მიერ დადგენილი გრაფიკის მიხედვით ტარდება საკნების და საერთო საცხოვრებლის   დათვალიერება, აღნიშნულის თაობაზე დგება შესაბამისი ოქმი.

2. დაწესებულების დირექტორს უფლება აქვს, ამ მუხლის პირველი პუნქტით გათვალისწინებული შემოწმების არაგეგმური ჩატარება დაავალოს დაწესებულების სამორიგეო ცვლის შემადგენლობაში მყოფ მოსამსახურეებს.

მუხლი 94

საკნების და საერთო საცხოვრებლის დათვალიერება უნდა მოხდეს ბრალდებულთა/მსჯავრდებულთა უფლებების მკაცრი დაცვით, რაც უნდა უზრუნველყოს შესაბამისი ჯგუფის უფროსმა.

მუხლი 95

საკნის და საერთო საცხოვრებლის დათვალიერების დროს სამორიგეო ცვლის მოსამსახურეები  უნდა განაწილდნენ თითოეულ ობიექტზე და მათი მუშაობა უნდა კონტროლდებოდეს შესაბამისი ჯგუფის უფროსის მიერ.

მუხლი 96

საკნის და საერთო საცხოვრებლის  დათვალიერების დროს შესაძლებელია გამოყენებულ იქნეს სარკე, ხის ჩაქუჩი და სხვა ტექნიკური საშუალებები.

მუხლი 97

საკნების და საერთო საცხოვრებლის დათვალიერების დროს გათვალისწინებული უნდა იქნეს შემდეგი გარემოებები: ჯგუფის უფროსი განუმარტავს სამორიგეო ცვლის მოსამსახურეს მისვლის მიზანს, სამორიგეო ცვლის მოსამსახურე ვალდებულია მოახსენოს მას არსებული ვითარება, არის თუ არა უსაფრთხო საკნის/საერთო საცხოვრებლის გაღება. დადებით შემთხვევაში სამორიგეო ცვლის მოსამსახურე სარკმლიდან ბრალდებულებს/მსჯავრდებულებს აძლევს მითითებას დაიხიონ ორი მეტრით უკან, რისი შესრულების შემდეგ აღებს საკნის/საერთო საცხოვრებლის კარებს. ამის შემდეგ ჯგუფის უფროსი აწარმოებს ბრალდებულთა/მსჯავრდებულთა გამოყვანას და მათ დათვალიერებას სპეციალურად გამოყოფილ ოთახში, რის შემდეგ მათ ტოვებს ზედამხედველობის ქვეშ და იწყებს საკნის საკნის ტიპის სახცოვრებლის და საერთო საცხოვრებლის  დათვალიერებას.

მუხლი 98

საკნის და საერთო საცხოვრებლის შემოწმება ხორციელდება დაწესებულების დებულებით დადგენილი წესის შესაბამისად.“;

ჰ⁴) მე-100 და 101-ე მუხლები ჩამოყალიბდეს შემდეგი რედაქციით:

„მუხლი 100

1. ბრალდებულთა/მსჯავრდებულთა და საკნების და საერთო საცხოვრებლის არაგეგმური და გეგმური დათვალიერება ტარდება დაწესებულების დირექტორის გადაწყვეტილებით.

2. დათვალიერების შედეგები აისახება ოქმში, რომელიც ჯგუფის ხელმძღვანელის მიერ პატაკით წარედგინება სამორიგეო ცვლის ხელმძღვანელს და ეცნობება დაწესებულების დირექტორს.

მუხლი 101

საკნების და საერთო საცხოვრებელში რაიმე ხარვეზის ან დაზიანების აღმოჩენის შემთხვევაში დაწესებულების სამართლებრივი რეჟიმის განყოფილების უფროსი/სექტორის მენეჯერი და სამორიგეო ცვლის ხელმძღვანელი, ადმინისტრაციულ განყოფილებას აწვდიან ინფორმაციას ხარვეზის ან დაზიანების აღმოფხვრის მიზნით“;

ჰ⁵) 103-ე მუხლს „დ“ ქვეპუნქტის შემდეგ დაემატოს შემდეგი შინაარსის „ე“ ქვეპუნქტი:

„ე) „დაწესებულების სამორიგეო ცვლის შემადგენლობაში მყოფი მოსამსახურეები სამეურნეო სამუშაოებისა და მცირე სარემონტო სამუშაოების შემსრულებელ ბრალდებულებს/მსჯავრდებულებს აღრიცხავენ ჟურნალში, დანართი №28-ის შესაბამისად.“;

ჰ⁶) 105-ე მუხლი ჩამოყალიბდეს შემდეგი რედაქციით:

„მუხლი 105

საკვები ბლოკის ხელსაწყოებს (დანა, ნაჯახი, საფხეკი და ა.შ.) უკეთდება მარკირება (ნუმერაცია, დასურათება) აღირიცხება საკვებ ბლოკში არსებული ბასრი და მჭრელი საგნების აღრიცხვისა და მიღება-ჩაბარების ჟურნალში (დანართი №26), რომელიც ინახება სამორიგეო ცვლის ხელმძღვანელთან. მარკირებული ხელსაწყოების სრული ჩამონათვალი და ფოტოსურათების ასლები ინახება დაწესებულების უსაფრთხოების განყოფილებაში.“;

ჰ⁷) 109-ე მუხლის შემდეგ დაემატოს შემდეგი შინაარსის 109¹ მუხლი:

მუხლი 109¹

„დაწესებულების სამორიგეო ცვლის შემადგენლობაში მყოფი მოსამსახურეები უზრუნველყოფენ სამეურნეო/მცირე სარემონტო სამუშაოების შესრულებისათვის გამოყოფილი საგნების აღრიცხვის და მიღება-ჩაბარების ჟურნალის წარმოებას დანართი №27-ის შესაბამისად, სამეურნეო საგნებს უკეთდება მარკირება ნუმერაცია, დასურათება.”;

ჰ⁸) X თავი ამოღებულ იქნეს.

ჰ⁹) 119-ე და 120-ე მუხლები ჩამოყალიბდეს შემდეგი რედაქციით:

„მუხლი 119

დაწესებულების ტერიტორიისა და მასზე განთავსებული შენობა-ნაგებობების დათვალიერება  ხორციელდება თვეში არანაკლებ ორჯერ, განსაკუთრებული რისკის დაწესებულებებში ასევე ბრალდებულთა/მსჯავრდებულთა სამკურნალო დაწესებულებებში თვეში არანაკლებ ოთხჯერ, ხოლო  ცალკეულ შემთხვევებში დირექტორის განკარგულებით არსებული ვითარებიდან გამომდინარე, აღნიშნულის თაობაზე დგება შესაბამისი ოქმი.

მუხლი 120

ცალკეული სათავსოებისა და ტერიტორიების დათვალიერება შესაძლოა განხორციელდეს სამართლებრივი რეჟიმის/არასაცხოვრებელი და საცხოვრებელი სექტორების რეჟიმის მოსამსახურეებისა და უსაფრთხოების განყოფილებების მოსამსახურეების მიერ ერთობლივად, აღნიშნულის თაობაზე დგება ოქმი.“;

ჰ¹⁰) 124-ე მუხლი ჩამოყალიბდეს შემდეგი რედაქციით:

„მუხლი 124

მსჯავრდებულები შეგროვდებიან ამისათვის წინასწარ გათვალისწინებულ ადგილას, რომელიც წინასწარ მოწმდება და უტარდებათ არასრული  შემოწმება. ტერიტორიისა და შენობა-ნაგებობების დათვალიერების დროს მათი ტერიტორიაზე გადაადგილება დაუშვებელია.“;

ჰ¹¹) თავი XII (საინჟინრო-ტექნიკური საშუალებებისა და კავშირგაბმულობის გამოყენების წესები) და თავი XII (უსაფრთხოების ღონისძიებების გამოყენების წესი) ამოღებულ იქნეს.

ჰ¹²) თავი XIII სათაური ჩამოყალიბდეს შემდეგი რედაქციით:

„თავი XIII

განსაკუთრებული პირობები და კრიზისული ვითარების მართვა დაწესებულებაში“;

ჰ¹³) 141-ე და 142-ე მუხლები ჩამოყალიბდეს შემდეგი რედაქციით:

„მუხლი 141

1. სტიქიური უბედურებისას, ქვეყანაში საგანგებო ან საომარი მდგომარეობის გამოცხადებისას, სიცოცხლისათვის საშიშ დაავადებათა ეპიდემიისას და მასობრივი არეულობისას, აგრეთვე თუ  დაწესებულება დაზიანდა ან აღარ გამოდგება კანონით გათვალისწინებული მიზნებისათვის, დაწესებულებაში შეიძლება შემოღებულ იქნეს განსაკუთრებული პირობები.

2. დაწესებულებაში კრიზისულ ვითარებად შეიძლება შეფასდეს მდგომარეობა, როდესაც ხდება დაწესებულებაში სამართლებრივი რეჟიმის ან/და უსაფრთხოების ისეთი დარღვევა, რომელიც აშკარა საშიშროებას უქმნის  დაწესებულების ნორმალურ ფუნქციონირებას და რომლის დაწესებულების ძალებით, პატიმრობის კოდექსით გათვალისწინებული ღონისძიებების ფარგლებში აღმოფხვრა შეუძლებელია.

მუხლი 142

1. დაწესებულებაში განსაკუთრებული პირობების არსებობისას და კრიზისული ვითარების მართვის მიზნით, დაწესებულების სამართლებრივი რეჟიმის განყოფილება/სამართლებრივი რეჟიმის დაცვაზე პასუხისმგებელი მოსამსახურეები დაწესებულების უსაფრთხოების განყოფილებასთან კოორდინირებულად ვალდებულია სისტემატურად შეისწავლოს ბრალდებულები/მსჯავრდებულები, იცოდეს მათი მიდრეკილებები, განსაკუთრებული ყურადღება გაამახვილოს  განსაკუთრებით საშიშ პირებზე და დააწესოს მათ მიმართ სისტემატური ზედამხედველობა.

2. თუ არის საფუძვლიანი ეჭვი ბრალდებულთა/მსჯავრდებულთა მხრიდან მართლსაწინააღმდეგო ქმედების მზადების თაობაზე, მოსამსახურე ვალდებულია ამის თაობაზე მოახსენოს უშუალო ხელმძღვანელს და თავისი კომპეტენციის ფარგლებში არსებული მდგომარეობიდან გამომდინარე მიიღოს სათანადო ზომები.

3. დაწესებულებაში აკრძალული ნივთებისა და ნივთიერებების შეღწევის კონტროლის და ამოღების მიზნით, დაწესებულების სამორიგეო ცვლის შემადგენლობაში მყოფმა მოსამსახურეებმა კოორდინირებულად უნდა იმოქმედონ დეპარტამენტის  გარე დაცვის და უსაფრთხოების სამსახურებთან.

ჰ¹⁴) 144-ე მუხლი ამოღებულ იქნეს.

ჰ¹⁵) 148-ე მუხლის მე-2 პუნქტი ჩამოყალიბდეს შემდეგი რედაქციით:

„2. საგუშაგოზე განგაშს აცხადებს სამორიგეო ცვლის ხელმძღვანელი დანაყოფის სამორიგეო ცვლის შემადგენლობაში მყოფი მოსამსახურის შეტყობინების საფუძველზე.“;

ჰ¹⁶) 149-ე მუხლი ჩამოყალიბდეს შემდეგი რედაქციით:

„მუხლი 149

საგუშაგოზე განგაშის გამოცხადების დროს ხდება საგუშაგოზე არსებული და სარეზერვო ჯგუფის მობილიზაცია და მათი განგაშის ადგილას გამოცხადება. ადგილზე გამოცხადების შემდეგ, სამორიგეო ცვლის მოსამსახურეები მოქმედებენ სამორიგეო ცვლის ხელმძღვანელის და კორპუსის ოფიცრის მითითების შესაბამისად.“;

ჰ¹⁷) 150-ე მუხლის „ე“ პუნქტი ჩამოყალიბდეს შემდეგი რედაქციით:

„ე) საკანში, საერთო საცხოვრებელში ბრალდებულთა/მსჯავრდებულთა სხეულის დაზიანებისას;“;

ჰ¹⁸) 153-ე მუხლი ჩამოყალიბდეს შემდეგი რედაქციით:

„მუხლი 153

განგაშის გამოცხადებისას დანაყოფზე მიმაგრებული სამორიგეო ცვლის შემადგენლობაში მყოფი მოსამსახურეები აძლიერებენ მეთვალყურეობას და მოქმედებენ სამორიგეო ცვლის ხელმძღვანელის და  დაწესებულების დირექტორის მითითების შესაბამისად.“;

ჰ¹⁹) 156-ე მუხლი ჩამოყალიბდეს შემდეგი რედაქციით:

„მუხლი 156

ყველა დაწესებულებაში ადგილობრივი პირობების, თავისებურებების და ინფრასტრუქტურის გათვალისწინებით შემუშავებული უნდა იქნეს დაწესებულების დირექტორის მიერ დამტკიცებული:

ა) ხანძრის დროს  დაწესებულების სამოქმედო გეგმა-ნახაზი.

ბ) სტიქიური უბედურების დროს დაწესებულების სამოქმედო გეგმა-ნახაზი.

გ) მასობრივი არეულობის და მასობრივი დაუმორჩილებლობის ან სხვა კანონსაწინააღმდეგო ქმედებების დროს დაწესებულების სამოქმედო გეგმა-ნახაზი.

დ) ქვეყანაში საგანგებო ან საომარი მდგომარეობის გამოცხადების და სხვა განსაკუთრებულ შემთხვევაში დაწესებულების განსაკუთრებულ სამუშაო პირობებზე გადაყვანის გეგმა-ნახაზი.

ჰ²⁰) 158-ე მუხლი ჩამოყალიბდეს შემდეგი რედაქციით:

„მუხლი 158

1. განსაკუთრებული პირობების შემოღებას ახდენს დეპარტამენტის დირექტორი მინისტრთან წერილობითი შეთანხმებით, არაუმეტეს 15 დღის ვადით. საჭიროების შემთხვევაში აღნიშნული ვადა მინისტრის თანხმობით შესაძლებელია გაგრძელდეს გონივრული ვადით, ამ ინსტრუქციის 141-ე მუხლის პირველი პუნქტით გათვალისწინებული გარემოების აღმოფხვრამდე

2. დაწესებულებაში, ამ ინსტრუქციის 141-ე მუხლის მე-2 პუნქტით გათვალისწინებული კრიზისული ვითარების მართვა ხორციელდება საქართველოს კანონმდებლობით დადგენილი წესით.“.

ჰ²¹) 159-ე მუხლის „ი“ ქვეპუნქტი ჩამოყალიბდეს შემდეგი რედაქციით:

„ი) დაწესებულების სამორიგეო ცვლის შემადგენლობაში მყოფ მოსამსახურეთა შემადგენლობის ოპერატიული მორიგეობის ორგანიზება;“.

ჰ²²) დანართი №3 ჩამოყალიბდეს თანდართული რედაქციით.

ჰ²³) დანართი № 5 და დანართი № 6 ჩამოყალიბდეს თანდართული რედაქციით.

ჰ²⁴) ამ ინსტრუქციას დაემატოს დანართი №7 – №29 თანდართული რედაქციით.

2. საქართველოს სასჯელაღსრულებისა და პრობაციის სამინისტროს ლოჯისტიკის დეპარტამენტმა საქართველოს სასჯელაღსრულებისა და პრობაციის სამინისტროს ეკონომიკურ დეპარტამენტთან ერთად უზრუნველყოს მოთხოვნილი ჟურნალების დაბეჭდვა და პენიტენციური დაწესებულებებისათვის მიწოდება არაუგვიანეს 2017 წლის 1 სექტემბრისა.

2. ამ ბრძანების პირველი მუხლი ამოქმედდეს 2017 წლის 1 სექტემბრიდან.