ხონის მუნიციპალიტეტის ტერიტორიაზე სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო–სამეურნეო დანიშნულების მიწის ნორმატიული ფასის განსაზღვრის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის კომენტარები

დოკუმენტის მონიშვნები

კონსოლიდირებული პუბლიკაციები

28/02/2018 24/02/2017

უკან დაბრუნება

ხონის მუნიციპალიტეტის ტერიტორიაზე სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო–სამეურნეო დანიშნულების მიწის ნორმატიული ფასის განსაზღვრის შესახებ
დოკუმენტის ნომერი	2
დოკუმენტის მიმღები	ხონის მუნიციპალიტეტი
მიღების თარიღი	22/02/2017
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 24/02/2017
ძალის დაკარგვის თარიღი	06/03/2018
სარეგისტრაციო კოდი	010250020.35.119.016306
კონსოლიდირებული პუბლიკაციები

PDF გადმოწერა

თქვენ უყურებთ დოკუმენტის პირველად სახეს
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში

პირველადი სახე (24/02/2017 - 28/02/2018)

ხონის მუნიციპალიტეტის ტერიტორიაზე სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის განსაზღვრის შესახებ

საქართველოს ორგანული კანონის ,,ადგილობრივი თვითმმართველობის კოდექსი’’ 24-ე მუხლის პირეველი პუნქტის ,,ე.გ’’ ქვეპუნქტის, 61-ე მუხლის მე-2 პუნქტის, საქართველოს კანონის ,,სახელმწიფო ქონების შესახებ’’ მე-19 მუხლის მე-6 პუნქტის, საქართველოს კანონის ,,ნორმატიული აქტების შესახებ’’ 25-ე მუხლის პირველი პუნქტის ,,ბ’’ ქვეპუნქტის, ,,სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის განსაზღვრის წესის’’ თაობაზე საქართველოს პრეზიდენტის 2013 წლის 8 ოქტომბრის №784 ბრძანებულების შესაბამისად, ხონის მუნიციპალიტეტის საკრებულო ადგენს:

მუხლი 1

დამტკიცდეს ხონის მუნიციპალიტეტის ტერიტორიაზე სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების მიწის ნორმატიული ფასი დანართი 1-ის შესაბამისად.

მუხლი 2

დამტკიცდეს ქ.ხონის ტერიტორიის ზონირება დანართი 2-ის შესაბამისად.

მუხლი 3

ძალადაკარგულად გამოცხადდეს ,,ხონის მუნიციპალიტეტის ტერიტორიაზე სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის განსაზღვრის შესახებ’’ ხონის მუნიციპალიეტეტის საკრებულოს 2016 წლის 24 თებერვლის №7 დადგენილება.

მუხლი 4

დადგენილება ამოქმედდეს გამოქვეყნებისთანავე.

ხონის მუნიციპალიტეტის საკრებულოს თავმჯდომარე ვალერი ბახტაძე

1. ქ.ხონის ტერიტორიაზე სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების მიწის ნორმატიული ფასი დიფერენცირებულია ტერიტორიის ზონირების შესაბამისად სამი ზონის მიხედვით და გამოიანგარიშება შემდეგი ფორმულის მიხედვით:

CN = IMG x ITL x C x K, სადაც:

ა) CN – არის სახელმწიფო ან ადგილობრივი თვითმმართველი ერთეულის საკუთრებაში

არსებული 1კვ.მ არასასოფლო-სამეურნეო დანიშნულების მიწის ნორმატიული ფასი;

ბ) IMG - არის ქ.ხონის მაკრომდებარეობის ინდექსი,რომელიც შეადგენს 0,42-ს;

გ) ITL – არის ლოკალური ტერიტორიული ინდექსი,რომელიც ცენტრალური ზონისთვის

უდრის 1,2-ს, შუალედური ზონისთვის უდრის 1,0–ს, ხოლო პერიფერიული ზონისთვის

უდრის 0,8-ს;

დ) C – არის არასასოფლო-სამეურნეო დანიშნულების მიწის 1.კვ.მ-ზე დადგენილი

საბაზისო განაკვეთი და მისი მნიშვნელობა უდრის 0,24 ლარს;

ე) K –არის მიწის ნორმატიული ფასის მარეგულირებელი კოეფიციენტი და მისი

მნიშვნელობა უდრის 119-ს.

2. პირველი პუნქტის მიხედვით, ქ.ხონში სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების 1.კვ.მ მიწის ნორმატიული ფასი განისაზღვროს შემდეგი სახით:

№	ზონა	IMG	ITL	C	K	CN (ლარი) CN=IMG x ITL x C x K
1	ცენტრალური	0,42	1,2	0,24	119	14,40
2	შუალედური	0,42	1,0	0,24	119	12,0
3	პერიფერიული	0,42	0,8	0,24	119	9,60

3. ხონის მუნიციპალიტეტის სოფლებში სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო–სამეურნეო დანიშნულების მიწის 1.კვ.მ–ს ნორმატიული ფასი განისაზღვრება ქ.ხონის შუალედური ზონისთვის დადგენილი მაჩვენებლის 40%-ს ოდენობით და შესაბამისად შეადგენს 4,80 ლარს.

4. ხონის მუნიციპალიტეტის დასახლებათა შორის არეალებში სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების მიწის 1.კვ.მ-ს ნორმატიული ფასი განისაზღვრება ქ.ხონის შუალედური ზონისთვის დადგენილი მაჩვენებლის 30%-ს ოდენობით და შესაბამისად შეადგენს 3,60 ლარს.

5.ხონის მუნიციპალიტეტის დასახლებათა შორის არეალებში გამავალი ,,საერთაშორისო და შიდასახელმწიფოებრივი მნიშვნელობის საავტომობილო გზების ნუსხის დამტკიცების შესახებ’’ საქართველოს მთავრობის 2014 წლის 18 ივნისის №407 დაგენილებით განსაზღვრულ შიდასახელმწიფოებრივი მნიშვნელობის საავტომობილო გზების 50 მეტრის რადიუსში(თითოეულ მხარეს) არსებული მიწის ნორმატიული ფასი განისაზღვრება ქ.ხონის შუალედური ზონისთვის დადგენილი მიწის ნორმატიული ფასის არანაკლებ 50%-თ და შესაბამისად შეადგენს 6 ლარს. ამ შემთხვევაში არ გამოიყენება მე-3 და მე-4 პუნქტებით დადგენილი ფასი.

ქ.ხონის ზონების აღწერა	ლოკალური ტერიტორიული ინდექსი ITL
ცენტრალური ზონა
ცენტრალური ზონის საზღვარი გასდევს ვ.ბახტაძეს ქუჩას ქალაქის ცენტრალური სტადიონის დასავლეთ საზღვრამდე. შემდეგ საზღვარი გასდევს ახალგაზრდობის ქუჩას, კვეთს ი.ჭავჭავაძის ქუჩას №5 საცხოვრებელ სახლთან და ვრცელდება სამხრეთით სამრეწველო ბაზრის ტერიტორიის ჩათვლით. შემდეგ საზღვარი მიემართება სამხრეთ აღმოსავლეთით ი.აბაშიძის ქუჩის გადაკვეთამდე და მოიცავს ავტოსადგურის ტერიტორიას,ხაზი გრძელდება სამხრეთით მ.ხონელის ქუჩისა და მ.ხონელის მე-2 შესახვევის გადაკვეთამდე, ჩრდილოეთით მ.ხონელის ქუჩის გასწვრივ გ.ჭანტურიას ქუჩის გადაკვეთამდე, გასდევს ქუჩას №13 საცხოვრებელ სახლამდე, ხოლო შემდეგ საზღვარი მიემართება ჩრდილოეთით და კვეთს გ.ჭანტურიას ქუჩას, დ.გურამიშვილისა და რ.შამათავას ქუჩებს სოლომონ მეორის ქუჩის გადაკვეთამდე.საზღვარი გასდევს სოლომონ მეორეს ქუჩას მარჯვენა მხარეს საცხოვრებელ ბინამდე.გრძელდება სამხრეთ-დასავლეთის მიმართულებით და უერთდება ვ.ბახტაძის ქუჩას საწყის წერტილში.	1,2
შუალედური ზონა
შუალედური ზონის საზღვარი ჩრდილოეთით ნუცუბიძის და პუშკინის ქუჩების გადაკვეთიდან მიემართება სოლომონ მეორის ქუჩისაკენ და კვეთს მას №21 სახლთან, გრძელდება დასავლეთით და კვეთს მ.სებუას №9 სახლთან, იპ.ხვიჩიას 1№13–18 საცხოვრებელ სახლთან და რკალისებურად მიემართება სამხრეთ-დასავლეთით ვ.ბახტაძის და ახალგაზრდობის ქუჩის პირველი შესახვევის გადაკვეთიდან სამხრეთისაკენ და კვეთს ი.ჭვჭავაძის ქ.№20 საცხოვრებელ სახლთან, შემდეგ ბაგრატიონის №75–54 საცხოვრებელ სახლებთან და გრძელდება რკალისებურად სამხრეთით, კვეთს ი.აბაშიძის ქუჩის პირეველ შესახვევს №14 სახლთან. ი.აბაშიძის ქუჩიდან იცვლის მიმართულებას აღმოსავლეთით და გრძელდება მოსე ხონელის და 26 მაისის ქუჩის გადაკვეთამდე. შემდეგ მიემართება რკალისებურად აღმოსავლეთით 26 მაისის ქუჩის მარჯვენა მხარეს და კვეთს ტ.ტაბიძის, მებუკისა და ნიკოლაძის ქუჩებს № 29 სახლთან, გ.ჭანტურიას ქ. №100 და აღმაშენებლის ქ. №16–19 საცხოვრებელ სახლთან. შემდეგ მიემართება ჩრდილოეთით, კვეთს გურამიშვილის ქუჩის პირველ შესახვევს რუსთაველის ქუჩის გადაკვეთამდე და გრძელდება ნუცუბიძისა და პუშკინის ქუჩის გადაკვეთამდე.	1,0
პერიფერიული ზონა
პერიფერიულ ზონაში შედის ტერიტორია ჩრდილოეთის მხარეს სოლომონ მეორის ქუჩის № 21 სახლიდან ნახახულევის ტერიტორიული ორგანოს საზღვრამდე. დასავლეთით ჭავჭავაძის და ბაგრატიონის ქუჩის გადაკვეთიდან მარტვილის საზღვრამდე. სამხრეთით 26 მაისის და მოსე ხონელის გადაკვეთიდან ივანდიდის საზღვრამდე. აღმოსავლეთით ჭანტურიას ქუჩის 100 ნომრიდან კუხის ტერიტორიული ორგანოს საზღვრამდე.	0.8

1. 28/02/2018 - მუნიციპალიტეტის საკრებულოს დადგენილება - 47 - ვებგვერდი, 06/03/2018