ქალაქ ქუთაისის მუნიციპალიტეტის 2017 წლის ბიუჯეტის შესახებ

(დანართი წინამდებარე დადგენილებას თან ერთვის)

1. ინფრასტრუქტურის მშენებლობა, რეაბილიტაცია და ექსპლუატაცია (ორგანიზაციული კოდი 02 00): ქალაქის მოსახლეობის კეთილდღეობის ამაღლებისა და ეკონომიკური განვითარების აუცილებელი პირობაა ინფრასტრუქტურის შემდგომი გაუმჯობესება, ამიტომ, აღნიშნული მიმართულება ქალაქის ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო და კომუნალური ინფრასტრუქტურის რეაბილიტაცია. ასევე ინფრასტრუქტურის რეაბილიტაციის გარდა, განხორციელდება არსებული ინფრასტრუქტურის მოვლა-შენახვა და დაფინანსდება მის ექსპლუატაციასთან დაკავშირებული ხარჯები.

ა. საგზაო ინფრასტრუქტურის მოწესრიგების პროგრამა (ორგანიზაციული კოდი 02 01)

ა.ა. პროგრამის/ქვეპროგრამის აღწერა: მიუხედავად იმისა, რომ უკანსკნელი წლების მანძილზე ქალაქში აქტიურად ხორციელდება მასშტაბური სამუშაოები ინფრასტრუქტურის მოწესრიგების კუთხით, გრძელვადიანი საჭიროებებიდან გამომდინარე, მაინც არის მნიშვნელოვანი სამუშაოების განხორციელების აუცილებლობა. ქალაქის ქუჩების ზოგიერთი ნაწილი საჭიროებს კაპიტალურ რეაბილიტაციას, ასევე, მიმდინარე შეკეთებით სამუშაოებს ითხოვს ბოლო წლების მანძილზე რეაბილიტირებული ქუჩების ნაწილი. ქალაქში საგზაო მოძრაობის ხარისხის გაუმჯობესების, საგზაო მოძრაობის ორგანიზებისა და უსაფრთხოების, სატრანსპორტო და ქვეითთა ნაკადის უსაფრთხოდ გადაადგილების მიზნით, საჭიროა საგზაო ინფრასტრუქტურის ეტაპობრივი მოწესრიგება. ბევრი კორპუსის ეზო საკმაოდ დიდი მანძილით არის დაშორებული კეთილმოწყობილი ცენტრალური თუ მეორეხარისხოვანი გზიდან და იქ მცხოვრებ მოქალაქეებს, ტრანსპორტით თუ ფეხით, ეზომდე მისასვლელად მაინც მოუწესრიგებელი ტერიტორიის გავლით უწევთ გადაადგილება, აგრეთვე დისკომფორტს უქმნის ტრანსპორტის მოძრაობას. საჭიროა ეზოებიდან ცენტრალურ და მეორეხარისხოვან გზებამდე მისასვლელი გზების რეაბილიტაცია. ქალაქის სხვადასხვა უბნებში სანიაღვრე ქსელების ნორმალური ფუნქციონირებისათვის გასაწმენდია ზედმეტი ნატანისაგან დალექილი არხები და ბუნებრივი სასულეები, შესაკეთებელი და სარეაბილიტაციოა  ნიაღვარმიმღები ობიექტები. მოვლას საჭიროებს „მწვანეყვავილას“ პანთეონის ინფრასტრუქტურა.

ა.ბ. პროგრამის/ქვეპროგრამის ბიუჯეტი 3250,0 ათასი ლარი

ა.გ. მოსალოდნელი შედეგები: საავტომობილო გზების გამტარუნარიანობის გაზრდა; მოდერნიზირებული და რეაბილიტირებული საგზაო ინფრასტრუქტურა; მგზავრთა შეუფერხებელი, კომფორტული და უსაფრთხო გადაადგილება;  ქალაქში საგზაო უსაფრთხოების გაუმჯობესება;  საცხოვრებელ სახლებამდე მოწესრიგებული და უსაფრთხო გზით მისვლა; გამართული სანიაღვრე და საკანალიზაციო სისტემა;  ეკოლოგიურად სუფთა გარემოს შექმნა;  ტრანსპორტის გამართული ფუნქციონირება და მნიშვნელოვანი კაპიტალური სამუშაოების განხორციელება.

ა.დ. შეფასების კრიტერიუმები: რეაბილიტირებული გზების რაოდენობა; დამონტაჟებული საგზაო ნიშნების რაოდენობა; ნუმერაციით აღჭურვილი ქუჩების რაოდენობა; რეაბილიტირებული საკანალიზაციო  და სანიაღვრე სისტემების რაოდენობა.

ბ. გზებისა და ტროტუარების მშენებლობა, რეკონსტრუქცია და მოვლა-პატრონობა (ორგანიზაციული კოდი 02 01 01)

ბ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

ბ.ბ. პროგრამის/ქვეპროგრამის აღწერა: ქალაქის ქუჩების გარკვეული ნაწილი მოუწესრიგებელია და ავარიულ მდგომარეობაშია,  საკმაოდ დიდი დაზიანებებია სავალ ნაწილზე.  საავტომობილო გზებზე ა/ბეტონის და ბეტონის საფარი მოეწყო გასული საუკუნის 80-იან წლებში და მას შემდეგ კაპიტალურად არ შეკეთებულა. საავტომობილო გზების საფარის არსებული მდგომარეობიდან გამომდინარე, გაძნელებულია ტრანსპორტის გადაადგილება, გამოძახებებზე დაგვიანებით მიდის სახანძრო-სამაშველო და სამედიცინო ბრიგადები, მწყობრიდან გამოდის სატრანსპორტო საშუალებები,  მაღალია სატვირთო ავტომობილების დაზიანების საფრთხე.

ბ.გ. პროგრამის/ქვეპროგრამის ბიუჯეტი 2750,0 ათასი ლარი: 600,0 ათასი ლარის ფარგლებში განხორციელდება გზების და ტროტუარების საფარის მიმდინარე (ორმული) შეკეთება ქალაქის სხვადასხვა უბანში (მათ შორის:  გზის და ტროტუარების ა/ბეტონის და ბეტონის საფარით მიმდინარე (ორმოული) შეკეთება 540,0 ათასი ლარი, გზის სავალ ნაწილსა და ტროტუარებზე გრანიტის ფილებისა და ქვის ძელაკების შეკეთება 30,0 ათასი ლარი, გზის სავალ ნაწილსა და ტროტუარებზე დაწნეხილი ფილების შეკეთება 30,0 ათასი ლარი); 2 150,0 ათასი ლარის ფარგლებში განხორციელდება გზების და ტროტუარების კაპიტალური შეკეთება (მათ შორის: გზების, ხიდებისა  და ტროტუარების კაპიტალური შეკეთება და რეგიონებში განსახორციელებელი პროექტების ფონდიდან გამოყოფილი თანხების თანადაფინანსება).

გ. ცენტრალური გზებიდან მრავალბინიან საცხოვრებელ სახლებამდე მისასვლელი გზების კეთილმოწყობა  (ორგანიზაციული კოდი 02 01 02)

გ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური;

გ.ბ. პროგრამის/ქვეპროგრამის აღწერა: ქალაქ ქუთაისში ბინათმესაკუთრეთა ამხანაგობები აქტიურად მონაწილეობენ საცხოვრებელი სახლების კორპუსების ეზოების კეთილმოწყობის თანადაფინანსების პროგრამაში და თავიანთი ძალებით წვლილი შეაქვთ ეკოლოგიურად სუფთა და კომფორტული გარემოს შექმნაში. ბევრი კორპუსის ეზო საკმაოდ დიდი მანძილით არის დაშორებული კეთილმოწყობილი ცენტრალური თუ მეორეხარისხოვანი გზიდან და იქ მცხოვრებ მოქალაქეებს, ტრანსპორტით თუ ფეხით, ეზომდე მისასვლელად მაინც მოუწესრიგებელი ტერიტორიის გავლით უწევთ გადაადგილება. აგრეთვე დისკომფორტს ქმნის გამოძახებული სამედიცინო სასწრაფო დახმარებისა თუ სხვა მომსახურებებისთვის გამოძახებული ტრანსპორტის მოძრაობას. გარდა აღნიშნულისა ბინათმესაკუთრეთა ამხანაგობებს ნამდვილად არ აქვთ ეკონომიური საშუალება იმისა, რომ ეზოს რეაბილიტაციის გარდა, თანადაფინანსებით თუ სხვა სახით, მოახდინონ ეზოებამდე მისასვლელი გზების კეთილმოწყობა. ბინათმესაკუთრეთა ამხანაგობებისათვის, რომლებმაც თანადაფინანსებით თუ თავისი ძალებით შეძლეს ეზოების კეთილმოწყობა, რეაბილიტაცია ჩაუტარდება მათ ეზოებამდე მისასვლელ გზებს. ზემოთ მითითებული ღონისძიებების განხორციელების რიგითობა და მისამართები განისაზღვრება კთილმოწყობილი ეზოების შესაბამისად;

გ.გ. პროგრამის/ქვეპროგრამის ბიუჯეტი 100,0 ათასი ლარი: საცხოვრებელ სახლებამდე მისასვლელი გზების კეთილმოწყობა – 100,0 ათასი ლარი (მათ შორის, რეგიონებში განსახორციელებელი პროექტების ფონდიდან გამოყოფილი თანხების თანადაფინანსება);

დ. საკანალიზაციო სისტემების, ღვარსადენების, წყლის სისტემის მოწყობა-რეაბილიტაცია (ორგანიზაციული კოდი 02 01 03)

დ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური;

გ.ბ. პროგრამის/ქვეპროგრამის აღწერა: ქალაქის სხვადასხვა უბნებში სანიაღვრე ქსელების ნორმალური ფუნქციონირებისათვის გასაწმენდია ზედმეტი ნატანისაგან დალექილი არხები და ბუნებრივი სასულეები, შესაკეთებელია ნიაღვარმიმღები ჭები,  საჭიროა ნიაღვარმიმღები ობიექტების რეაბილიტაცია ქუჩებზე, რომლებზეც მიმდინარეობს გზის კაპიტალური სამუშაოები, საჭიროების შემთხვევაში უნდა შეკეთდეს საკანალიზაციო სისტემები;

დ.გ. პროგრამის/ქვეპროგრამის ბიუჯეტი 400,0 ათასი ლარი: 35,0 ათასი ლარის ფარგლებში განხორციელდება ბუნებრივი სასულეების (13 ობიექტი) ექსპლუატაცია; 365,0 ათასი ლარის ფარგლებში განხორციელდება  ღვარსადენის ქსელის მოწყობის კაპიტალური სამუშაოები და რეგიონებში განსახორციელებელი პროექტების ფონდიდან გამოყოფილი თანხების თანადაფინანსება;

ე. პროგრამა „კორპუსი“ (ორგანიზაციუილი კოდი 02 02)

ე.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური;

ე.ბ. პროგრამის/ქვეპროგრამის აღწერა: ქალაქში არსებული სოციალურ-ეკონომიკური მდგომარეობიდან გამომდინარე, ბინათმესაკუთრეთა ამხანაგობები ვერ ახორციელებენ ბინათმესაკუთრეთა ამხანაგობების საერთო ქონების დამოუკიდებელ მოვლა-პატრონობასა და განვითარებას. მრავალბინიანი საცხოვრებელი სახლის დაზიანებული სახურავი მთლიანად აზიანებს ჭერს და მაღალ სართულებზე განთავსებულ ბინებს. სადარბაზოების დაცულობისა და განათების კუთხით, აუცილებელია შესაბამისი სამუშაოების ჩატარება.  დაზიანებული წყალკანალიზაციის ქსელებიდან სარდაფებში ჩადინებული წყალი და ფეკალური მასები აზიანებენ კორპუსების საძირკვლებს და ქმნიან ანტისანიტარიას. დაზიანებული წყალსაწრეტი მილებისა და პარაპეტების გამო, ნალექით სველდება მთლიანი ფასადები, რაც იწვევს ნალესის ჩამოშლას და სახლები ავარიული ხდება. ყოველივე ზემოაღნიშნულის მოწესრიგების შემდეგ, კომფორტული დასვენებისა და ბავშვების გართობისათვის აუცილებელია ძელსკამებისა და საბავშვო ატრაქციონების განთავსება ეზოებში;

ე.გ. პროგრამის/ქვეპროგრამის ბიუჯეტი 1280,3 ათასი ლარი: თანადაფინანსების წესის შესაბამისად, სხვადასხვა სახეობის გადასახური მასალის შეძენა და გადაცემა ბინათმესაკუთრეთა ამხანაგობებისათვის – 300,0 ათასი ლარი (მათ შორის, 10.0 ათასი ლარი ბინათმესაკუთრეთა ამხანაგობების მიერ წარმოსადგენი თანხის გადახდის დამადასტურებელი საბანკო გარანტიის მომსახურების საკომისიო); სადარბაზოების შესასვლელებში რკინის, საკეტიანი კარებების მონტაჟი. სურვილის შემთხვევაში, აუცილებლობის დროს პანდუსების მოწყობა, სადარბაზოს კარებამდე მისასვლელი კიბეების რეაბილიტაცია, შესასვლელის გადახურვის კონსტრუქციის და ბაქანის რეაბილიტაცია, მეტალოპლასტმასის ფანჯრების ჩასმა, სენსორული განათებების მოწყობა და სადარბაზოებში არსებული წყალსაწრეტი მილების რეაბილიტაცია – 440.0  ათასი ლარი (მათ შორის, 40.0 ათასი ლარი ბინათმესაკუთრეთა ამხანაგობების მიერ შემოტანილი თანხა). დაზიანებული წყალკანალიზაციის სისტემების რეაბილიტაცია – 245.3 ათასი ლარი (მათ შორის 22.3 ათასი ლარი ბინათმესაკუთრეთა ამხანაგობების მიერ შემოტანილი თანხა); წყალსაწრეტი მილებისა და პარაპეტების რეაბილიტაცია – 55.0 ათასი ლარი (მათ შორის 5,0 ათასი ლარი ბინათმესაკუთრეთა ამხანაგობების მიერ შემოტანილი თანხა); ატრაქციონების, ძელსკამების, მცირე მოცულობის სანაგვე ურნების შეძენა-მონტაჟი, დასასვენებელი ფანჩატურის მოწყობა ძელსკამებითა და მაგიდით,  მარტივი ტიპის სტაციონარული ტურნიკეტის შეძენა მონტაჟი ბინათმესაკუთრეთა ამხანაგობებისათვის – 60.0 ათასი ლარი (მათ შორის, 10,0 ათასი ლარი ბინათმესაკუთრეთა ამხანაგობების მიერ შემოტანილი თანხა); ადმინისტრაციული ერთეულების მიხედვით, ბინათმესაკუთრეთა ამხანაგობებისა და ინდივიდუალური საკუთრების საცხოვრებელ სახლებში მცხოვრებ მოქალაქეთათვის, სხვადასხვა სახის ღონისძიებების განხორციელება – 30,0 ათასი ლარი. მრავალბინიანი საცხოვრებელი სახლების ეზოების კეთილმოწყობა – 100,0 ათასი ლარი (სხვადასხვა კაპიტალური სამუშაოებისა და რეგიონებში განსახორციელებელი პროექტების ფონდიდან გამოყოფილი თანხების თანადაფინანსებისათვის); მრავალბინიანი საცხოვრებელი სახლების ლიფტების რეაბილიტაცია – 50,0 ათასი ლარი (სხვადასხვა კაპიტალური სამუშაოებისა და რეგიონებში განსახორციელებელი პროექტების ფონდიდან გამოყოფილი თანხების თანადაფინანსებისათვის); ზემოთ მითითებული ღონისძიებების განხორციელების რიგითობა და მისამართები დამოკიდებულია ბინათმესაკუთრეთა ამხანაგობების აქტიურობაზე, მონაწილეობა მიიღონ დაგეგმილ თანადაფინანსების პროგრამებში;

ე.დ. მოსალოდნელი შედეგები: კორპუსების საექსპლოატაციო ვადის გაზრდა; მოსახლეობისათვის უსაფრთხო და კომფორტული გარემოს შექმნა; კორპუსების ენერგოეფექტურობის ზრდა; კორპუსების ეზოებში ეკოლოგიური მდგომარეობის გაუმჯობესება;

ე.ე. შეფასების კრიტერიუმები: ექსპლუატაციაგაზრდილი კორპუსების რაოდენობა; მოწესრიგებულ კორპუსებში მცხოვრებ მოქალაქეთა რაოდენობა; ენერგოეფექტური კორპუსების რაოდენობა; კეთილმოწყობილი ეზოების რაოდენობა;

ვ. სოციალურად დაუცველი ოჯახებისთვის საცხოვრებელი სახლების ავარიული სახურავების რეაბილიტაციის პროგრამა (ორგანიზაციული კოდი 02 03)

ვ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური.

ვ.ბ. პროგრამის/ქვეპროგრამის აღწერა: ქალაქ ქუთაისში მრავლად არიან ადამიანები, რომლებიც ცხოვრობენ დაზიანებული სახურავის მქონე ინდივიდუალურ სახლებში, რის გამოც, ცხოვრება გაუსაძლისია.  განსაკუთრებული ყურადღება ესაჭიროებათ ისეთ ოჯახებს, რომელთა სოციალური სტატუსის დამადასტურებელი სარეიტინგო ქულა 65000 და ნაკლებია. მწირი შემოსავლების გამო, მათ ფაქტობრივად, არ აქვთ საშუალება მცირედით მაინც გაიუმჯობესონ საცხოვრებელი გარემო. მათ რიგებში მრავლად არიან მარტოხელა მოხუცი პენსიონერები, რომლებიც აღნიშნული კუთხით საჭიროებენ აუცილებელ და გადაუდებელ დახმარებას;

ვ.გ. პროგრამის/ქვეპროგრამის ბიუჯეტი 200,0 ათასი ლარი: ჩვენი თანაქალაქელები, რომლებიც არიან სოციალურად დაუცველი (არაუმეტეს 65000 ქულა) და მათი საცხოვრებელი სახლის სახურავი დაზიანების გამო შემდგომი ექსპლოატაციისთვის უვარგისია, მოგვმართავენ თხოვნით სახლების გადახურვისათვის. წლის განმავლობაში, სპეციალური კომისიის მიერ ხდება შემოსული განცხადებების ადგილზე შესწავლა და სხვადასხვა კრიტერიუმების გათვალისწინებით, კომისიის დასკვნის საფუძველზე ხდება იმ მისამართებზე მცხოვრებ მოქალაქეთა შერჩევა, რომლებიც მონაწილეობას მიიღებენ პროგრამაში. ზემოთ მითითებული ღონისძიებების განხორციელების რიგითობა და მისამართები განისაზღვრება სპეციალური კომისიის მიერ ოჯახის სოციალურ-ეკონომიკური მაჩვენებლის შესაბამისად. საცხოვრებელი სახლების გადახურვა – 195,0 ათასი ლარი, ზედამხედველობის ხარჯი – 5,0 ათასი ლარი;

ვ.დ. მოსალოდნელი შედეგი: საცხოვრებელი სახლების საექსპლუატაციო ვადის გაზრდა; მოსახლეობისათვის უსაფრთხო და კომფორტული საცხოვრებელი გარემოს შექმნა;

ვ.ე. შეფასების კრიტერიუმები: ექსპლუატაციაგაზრდილი საცხოვრებელი სახლების რაოდენობა; რეაბილიტირებულ საცხოვრებელ სახლებში მცხოვრებ მოქალაქეთა რაოდენობა; ენერგოეფექტური საცხოვრებელი სახლების რაოდენობა;

ზ. საახალწლოდ ქალაქის გაფორმების პროგრამა (ორგანიზაციული კოდი 02 04)

ზ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

ზ.ბ. პროგრამის/ქვეპროგრამის აღწერა: ქალაქის მოსახლეობისათვის საახალწლო-სადღესასწაულო განწყობილების შექმნის მიზნით, საჭიროა ქალაქის ქუჩების მორთვა სხვადასხვა სადღესასწაულო ინფრასტრუქტურით. აქედან გამომდინარე, ქალაქის ცენტრალური ქუჩები, ბაღები და სკვერები საახალწლოდ მოირთვება სხვადასხვა მანათობლებითა და ციმციმებით. ქალაქში განხორციელდება საახალწლო აქსესუარების მონტაჟი-დემონტაჟი, შენახვა-დასაწყობება, განახლება და სხვა ღონისძიებები.

ზ.გ. პროგრამის/ქვეპროგრამის ბიუჯეტი 150,0 ათასი ლარი: 125,0 ათასი ლარი საახალწლო აქსესუარების მონტაჟი – დემონტაჟი, შენახვა-დასაწყობება, განახლება. 25,0 ათასი ლარი – 2016 წლიდან გადმოსული სადემონტაჟო სამუშაოები.

ზ.დ. მოსალოდნელი შედეგი: მხატვრულ დონეზე გაფორმებული ქალაქი.

ზ.ე. შეფასების კრიტერიუმები: განხორციელებული ღონისძიებების რაოდენობა.

თ. საპროექტო-სახარჯთაღრიცხვო სამუშაოების პროგრამა (02 05)

თ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური; ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური.

თ.ბ. პროგრამის/ქვეპროგარმის აღწერა: პირველ რიგში, აუცილებელია უზრუნველყოფილ იქნეს ქალაქში არსებული შესაკეთებელი ობიექტების აღრიცხვა-დაპროექტება, პროგრამით გათვალისწინებული საპროექტო ობიექტების ტექნიკური ნახაზებისა და ხარჯთაღრიცხვების ხარისხიანი და განსაზღვრულ დროში წარმოდგენა. შესაბამისი სამსახურიდან საპროექტო დავალებებისა და საპროექტო სიმძლავრეების მიწოდების უზრუნველყოფა; საპროექტო ორგანიზაციის მიერ ტექნიკური ნახაზებისა და ხარჯთაღრიცხვების შესრულება.

თ.გ. პროგრამის/ქვეპროგრამის ბიუჯეტი 150.0 ათასი ლარი: 120,0 ათასი ლარი ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახურის მიერ განსახორციელებელი პროგრამებისათვის (მათ შორის: შენობები, ქუჩები, გარეგანათება, ბაღები, სკვერები, შადრევნები, ფასადები, სახურავები და გარე კეთილმოწყობის სხვადასხვა); 30,0 ათასი ლარი ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახურის მიერ განსახორციელებელი პროგრამებისათვის უზრუნველყოფილი იქნება ქალაქში არსებული შესაკეთებელი ობიექტების აღრიცხვა-დაპროექტება, პროგრამით გათვალისწინებული საპროექტო ობიექტების ტექნიკური ნახაზებისა და ხარჯთაღრიცხვების ხარისხიანი და განსაზღვრულ დროში წარმოდგენა.

თ.დ. მოსალოდნელი შედეგი:  გამართული სატენდერო პირობების შექმნის უზრუველყოფა.

თ.ე. შეფასების კრიტერიუმები:  შექმნილი პროექტების რაოდენობა.

ი. ქალაქის იერსახის მოწესრიგების პროგრამა (ორგანიზაციული კოდი 02 06)

ი.ა. პროგრამის/ქვეპროგრამის აღწერა: დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელია ქალაქის განათება, არსებული ქსელის, შუქნიშნებისა და ვიდეოკონტროლის აპარატების ექსპლუატაცია, რეაბილიტაცია, ახლის მოწყობა. ქალაქის იერსახის გასაუმჯობესებლად და მოსახლეობისათვის კომფორტული გარემოს შესაქმნელად  საჭიროა არსებული შადრევნების ექსპლუატაცია, ელექტროენერგიისა და წყლის მიწოდება. მოსახლეობის უსაფრთხოების მიზნით, საჭიროა დანგრეული, მწყობრიდან გამოსული ქუჩისპირა საყრდენი კედლების აღდგენა პირვანდელი სახით. ქალაქის ტურისტული მიმზიდველობის გაზრდისათვის აუცილებელია ტურისტული ინფრასტრუქტურის გაუმჯობესება, სკოლამდელი და დაწყებითი კლასების ბავშვებისათვის საჭიროა კომფორტული გასართობი და დასასვენებელი ადგილების შექმნა. ადმინისტრაციული ერთეულების მიხედვით არსებობს ისეთი სხვადასხვა სახის ლოკალური პრობლემები, რომელიც წლების განმავლობაში მოუგვარებელია და ასახვაც ვერ ჰპოვა ბიუჯეტში, თითოეული პრობლემა კონკრეტული ადმინისტრაციული ერთეულისათვის არის დამახასიათებელი, მასშტაბურად მცირეა და ამიტომ ცალკეული პრობლემის გადასაჭრელად პროგრამის შექმნა ბიუჯეტში მიზანშეუწონელია. ქალაქის ტერიტორიაზე არსებული შენობები დაზიანებულია და მისი ფასადები საჭიროებს  შეკეთება-რეაბილიტაციას. ასევე, ქალაქის ტერიტორიაზე, ცენტრალურ ობიექტებთან შეზღუდული შესაძლებლობის მქონე ადამიანების გადაადგილებისათვის  საჭიროა პანდუსების მოწყობა და სხვა ღონისძიებები.

ი.ბ. პროგრამის/ქვეპროგრამის ბიუჯეტი 5020,0 ათასი ლარი

ი.გ. მოსალოდნელი შედეგები: განათებული ქალაქი; ქალაქის იერსახის გაუმჯობესება; ტურისტებისათვის კომფორტული და მიმზიდველი გარემოს შექმნა; ქალაქ ქუთაისში მოსახლეობისათვის კომფორტული და გასართობი ადგილების რაოდენობის ზრდა, მათი კომფორტულად დასვენებისა და გართობისათვის; ქალაქ ქუთაისის მუნიციპალიტეტის ადმინისტრაციული ერთეულების ტერიტორიაზე წლების განმავლობაში არსებული სხვადასხვა სახის ლოკალური პრობლემების მოგვარებით მოსახლეობის კომფორტული გარემოს შექმნა; შშმ პირების საზოგადოებრივ ცხოვრებაში ინტეგრირების ეტაპობრივი უზრუნველყოფა.

ი.დ. შეფასების კრიტერიუმები: ექსპლუატირებული და რეაბილიტირებული სანათი წერტილების, შუქნიშნებისა და ვიდეოკონტროლის აპარატების რაოდენობა; ექსპლუატირებული შადრევნების რაოდენობა; რეაბილიტირებული საყრდენი კედლების რაოდენობა; ტურისტთა რაოდენობა; მოწყობილი დასასვენებელი და გასართობი ადგილების რაოდენობა; თითოეულ ადმინისტრაციულ ერთეულში არსებული სხვადასხვა სახის პრობლემის დადებითად გადაწყვეტის რაოდენობა; შეღებილი ფასადის მქონე მრავალბინიანი სახლებისა და მოწყობილი პანდუსების რაოდენობა.

კ.  გარეგანათების, შუქნიშნებისა და ვიდეოკონტროლის სისტემების რეაბილიტაცია-ექსპლუატაცია (ორგანიზაციული კოდი 02 06 01)

კ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური;

კ.ბ. პროგრამის/ ქვეპროგრამის აღწერა: დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის, ასევე სატრანსპორტო საშუალების შეუფერხებლად მოძრაობისათვის, აუცილებელია ქალაქში არსებული განათების სისტემების და არსებული ქსელის, შუქნიშნებისა და ვიდეოკონტროლის აპარატების ექსპლუატაცია-რეაბილიტაცია. განხორციელდება გარეგანათების ქსელის ექსპლუატაცია (კერძოდ, ექსპლუატაცია გაეწევა 16 000 სანათ წერტილს ქალაქის 789 ობიექტზე. ქუჩებზე, ჩიხებში, შესახვევებში, სახლებთან მისასვლელ გზებზე, აგრეთვე, შუქნიშნებისა და დამონტაჟებული ვიდეოკონტროლის აპარატების მოვლა-პატრონობა). ასევე მოეწყობა ახალი სანათი წერტილები, შუქნიშნები და ვიდეოკონტროლის აპარატები;

კ.გ. პროგრამის/ქვეპროგრამის ბიუჯეტი 4000,0 ათასი ლარი: 1 500,0 ათასი ლარი გარე განათების ქსელის, შუქნიშნების და დამონტაჟებული ვიდეოსამეთვალყურეო სისტემების ექსპლუატაცია; 1 800,0 ათასი ლარი გარე განათების, შუქნიშნების და ვიდეოსამეთვალყურეო  სისტემების მიერ მოხმარებული ელ. ენერგიის ხარჯი; 700,0 ათასი ლარი გარე განათების, შუქნიშნების და ვიდეოსამეთვალყურეო  სისტემების კაპიტალური სამუშაობი და რეგიონებში განსახორციელებელი პროექტების ფონდიდან გამოყოფილი თანხების თანადაფინანსება;

ლ. შადრევნების ექსპლუატაცია (ორგანიზაციული კოდი 02 06 02)

ლ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

ლ.ბ. პროგრამის/ქვეპროგრამის აღწერა: ქალაქის იერსახის გასაუმჯობესებლად და მოსახლეობისათვის კომფორტული გარემოს შესაქმნელად საჭიროა არსებული შადრევნების ექსპლუატაცია, ელექტროენერგიისა და წყლისმიწოდება. პროექტის ფარგლებში განხორციელდება შადრევნების მოვლა-პატრონობა და ექსპლუატაცია (ცენტრალურ ბაღში მდებარე 2 შადრევანი, ცენტრალურ მოედანზე მდებარე შადრევანი, ნინოშვილის ბაღში მდებარე შადრევანი, პარლამენტის შენობასთან მდებარე წყალსაცავი, ხარაზოვის ბაღში მდებარე შადრევანი, I სკოლასთან მდებარე შადრევანი, ყოფილ პროკურატურასთან მდებარე შადრევანი, კიკვიძის სკვერში მდებარე შადრევანი, ნიკოლაძის სკვერში მდებარე შადრევანი, ყოფილი თევზის მაღაზიასთან მდებარე შადრევანი და სასმელი ნიჟარები);

ლ.გ. პროგრამის/ქვეპროგრამის ბიუჯეტი  320,0  ათასი ლარი: 125 ათასი ლარი შადრევნების ექსპლუატაცია; 115,0 ათასი ლარი შადრევნების მიერ მოხმარებული ელ. ენერგიის ხარჯი; 80 ათასი ლარი შადრევნებისა და წყლის ნიჟარების მიერ გახარჯული წყლის ხარჯი;

მ. ქალაქში საყრდენი და დამცავი კედლების მშენებლობა (ორგანიზაციული კოდი 02 06 03)

მ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

მ.ბ. პროგრამის/ქვეპროგრამის აღწერა: მოსახლეობის უსაფრთხოების მიზნით, საჭიროა დანგრეული, მწყობრიდან გამოსული ქუჩისპირა საყრდენი კედლების აღდგენა პირვანდელი სახით, იგივე ზომებში, თანამედროვე სამშენებლო მასალების გამოყენებით.

მ.გ. პროგრამის/ქვეპროგრამის ბიუჯეტი 200,0 ათასი ლარი: 200,0 ათასი ლარი დაზიანებული და დანგრეული საყრდენი კედლების კაპიტალური შეკეთება და რეგიონებში განსახორციელებელი პროექტების ფონდიდან გამოყოფილი თანხების თანადაფინანსება.

ნ. ქალაქ ქუთაისში ტურისტული ინფრასტრუქტურის რეაბილიტაცია (ორგანიზაციული კოდი 02 06 04)

ნ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური; ქალაქ ქუთაისის მუნიციპალიტეტის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახური.

ნ.ბ. პროგრამის/ქვეპროგრამის აღწერა: ქალაქის ტურისტული მიმზიდველობის გაზრდისათვის აუცილებელია მუდმივი ზრუნვა გარე იერსახის გაუმჯობესებაზე, მათ შორის ტურისტული ინფრასტრუქტურის მოწყობაზე, რაც უფრო კომფორტულს გახდის ტურისტის მოგზაურობას და სტიმულს მისცემს მას, მომავალშიც ეწვიოს ქალაქს. შესაბამისად, ქვეპროგრამის ფარგლებში განხორციელდება სხვადასხვა პროექტები, როგორც არსებული ინფრასტრუქტურის გაუმჯობესებისათვის და ახალი ინფრასტრუქტურის მოწყობისათვის, ასევე, მცირე ტურისტული ატრაქციების შექმნისათვის. ქვეპროგრამის განხორციელების პროცესში, მუნიციპალიტეტი აქტიურად ითანამშრომლებს ცენტრალურ ხელისუფლებასთან, დონორ ორგანიზაციებთან და სხვა დაინტერესებულ მხარეებთან პროექტების განხორციელების პროცესში მხარდაჭერის მიღებისათვის.

ნ.გ. პროგრამის/ქვეპროგრამის ბიუჯეტი 50,0 ათასი ლარი, მათ შორის: ახალი ტურისტული ატრაქციების შექმნა. ქალაქის ტურისტული მიმზიდველობის და შესაბამისად, ქალაქში ტურისტების დარჩენის დროის გაზრდისათვის აუცილებელია ტურისტული ატრაქციების დამატება. გამომდინარე აქედან, ქვეპროგრამის ფარგლებში მოხდება რამდენიმე ტურისტებისათვის საინტერესო სკულპტურის, ქუჩის მხატვრობის და სხვა მცირე ატრაქციების მოწყობა. ღონისძიების განხორციელებისათვის საჭირო ფინანსური რესურსი: 25 000 ლარი. ტურისტული ინფრასტრუქტურის შექმნა/რეაბილიტაცია. ტურისტთა საჭიროებების კვლევა ნათლად აჩვენებს, რომ აუცილებელია ტურისტული ინფრასტრუქტურის გაუმჯობესებაზე მუდმივი ზრუნვა, რათა ქალაქში ჩამოსული ტურისტებისათვის მეტად კომფორტული და სასიამოვნო იყოს მოგზაურობა. გამომდინარე აქედან, წინამდებარე ქვეპროგრამის ფარგლებში მოხდება როგორც არსებული დაზიანებული ინფრასტრუქტურის აღდგენა-რეაბილიტაცია, ასევე ახალი ინფრასტრუქტურის შექმნა. ღონისძიების განხორციელებისათვის საჭირო ფინანსური რესურსი: 25 000 ლარი.

ო. საბავშვო ატრაქციონებისა და ძელსკამების შეძენა-მონტაჟი და ექსპლოატაცია (ორგანიზაციული კოდი 02 06 05)

ო.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური.

ო.ბ. პროგრამის/ქვეპროგრამის აღწერა: ქალაქ ქუთაისში, სკოლამდელი და დაწყებითი კლასების ბავშვებისათვის კომფორტული გასართობი და დასასვენებელი ადგილების შექმნა, ჯანსაღი მომავალი თაობისთვის. აგრეთვე, ზრდასრული ადამიანებისათვის, ჯანსაღ გარემოში, კომფორტული დასასვენებელი ადგილების შექმნა.

ო.გ. პროგრამის/ქვეპროგრამის ბიუჯეტი 100.0 ათასი ლარი: ქალაქ ქუთაისში, სკოლამდელი და დაწყებითი კლასების ბავშვებისათვის კომფორტული გასართობი და დასასვენებელი ადგილების შექმნისათვის ქალაქის მასშტაბით მოეწყობა საბავშვო-გასართობი ატრაქციონები. აგრეთვე კომფორტული დასასვენებელი ადგილების შექმნისათვის განხორციელდება საბაღე ძელსკამების შეძენა-მონტაჟი – 40.0 ათასი ლარი, საბავშვო-გასართობი ატრაქციონების შეძენა-მონტაჟი – 60.0 ათასი ლარი. ზემოთ მითითებული ღონისძიებების განხორციელების რიგითობა და მისამართები განისაზღვრება ქალაქ ქუთაისის მუნიციპალიტეტის საკრებულოს მაჟორიტარი დეპუტატებისა თუ ქალაქ ქუთაისის მუნიციპალიტეტის მერის წარმომადგენლების მომართვების საფუძველზე.

პ. მრავალსართულიანი სახლების რეაბილიტაცია და პანდუსების მოწყობა (ორგანიზაციული კოდი 02 06 06)

პ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

პ.ბ. პროგრამის/ქვეპროგრამის აღწერა: ქალაქის ტერიტორიაზე, ცენტრალურ ობიექტებთან შეზღუდული შესაძლებლობის მქონე ადამიანების  გადაადგილებისათვის  საჭიროა პანდუსების მოწყობა.

პ.გ. პროგრამის/ქვეპროგრამის ბიუჯეტი 280.0 ათასი ლარი: 50,0 ათასი ლარი  ქალაქის ტერიტორიაზე შეზღუდული შესაძლებლობის მქონე ადამიანების  გადაადგილებისათვის სხვადასხვა ობიექტებთან  პანდუსების მოწყობა; 230,0 ათასი ლარი ქალაქის ტერიტორიაზე შენობების ფასადების კაპიტალური შეკეთების სამუშაოები და რეგიონებში განსახორციელებელი პროექტების ფონდიდან გამოყოფილი თანხების  თანადაფინანსება.

ჟ. ადმინისტრაციული ერთეულების მიხედვით თავისუფალი ინიციატივების განხორციელება (ორგანიზაციული კოდი 02 06 07)

ჟ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური.

ჟ.ბ. პროგრამის/ქვეპროგრამის აღწერა: ქალაქ ქუთაისში, ადმინისტრაციული ერთეულების მიხედვით არსებობს ისეთი სხვადასხვა სახის ლოკალური პრობლემები, რომელიც წლების განმავლობაში მოუგვარებელია და ასახვაც ვერ ჰპოვა ბიუჯეტში. თითოეული პრობლემა კონკრეტული ადმინისტრაციული ერთეულისათვის არის დამახასიათებელი, მასშტაბურად მცირეა და ამიტომ ცალკეული პრობლემის გადასაჭრელად პროგრამის შექმნა ბიუჯეტში გასათვალისწინებლად მიზანშეუწონელია. ქვეპროგრამის მიზანია: ქალაქის მასშტაბით, ადმინისტრაციული ერთეულების მიხედვით არსებული პრობლემების მოგვარება, რომელიც არ არის გათვალისწინებული ქუთაისის მუნიციპალიტეტის ბიუჯეტით. წლების განმავლობაში მოუგვარებელი სხვადასხვა პრობლემატური საკითხების გადაწყვეტა, მოქალაქეებისათვის კომფორტული გარემოს შექმნა. ზემოთ მითითებული ღონისძიებების განხორციელების რიგითობა და მისამართები განისაზღვრება ქალაქ ქუთაისის მუნიციპალიტეტის მერის წარმომადგენლების მომართვების საფუძველზე.

ჟ.გ. პროგრამის/ქვეპროგრამის ბიუჯეტი 40,0 ათასი ლარი.

რ. ქალაქ ქუთაისში მემორიალური დაფების მოწყობა და პანთეონის მოვლა (ორგანიზაციული კოდი 02 06 12)

რ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

რ.ბ. პროგრამის/ქვეპროგრამის აღწერა: ქალაქის ისტორიული მემკვიდრეობის შესანარჩუნებლად საჭიროა გამოჩენილი პიროვნებების  ქანდაკებებისა  და მემორილური დაფების დადგმა.

რ.გ. პროგრამის/ქვეპროგრამის ბიუჯეტი 30,0 ათასი ლარი: 15,0 ათასი ლარი გამოჩენილი პიროვნებების მემორიალური დაფებისა და ბარელიეფების მოწყობა; 15,0 ათასი ლარი მწვანეყვავილას პანთეონის მოვლა- პატრონობის და კაპიტალური სამუშაოების ხარჯები (მათ შორის: 5,0 ათასი ლარი  პანთეონის მოვლა-პატრონობა; 10,0 პანთეონში შესასრულებელი კაპიტალური სამუშაოები).

ს. წინა პერიოდში განხორციელებული წარმატებული ინფრასტრუქტურული პროექტებისათვის საბოლოო ანგარიშსწორება. (02 07)

ს.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური, ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური.

ს.ბ. პროგრამის/ქვეპროგრამის აღწერა:   უკანასკნელი წლების მანძილზე ქალაქში აქტიურად ხორციელდება მასშტაბური ინფრასტრუქტურული სამუშაოები. ინფრასტრუქტურის სარეაბილიტაციო და საექსპლუატაციო სამუშაოებთან ერთად მიმდინარეობს უპრეცედენტო მოცულობის კაპიტალური სამუშაოები. კაპიტალურ პროექტებზე სახსრების ეფექტურად და ყაირათიანად ხარჯვის მიზნით, უმაღლესი ხარისხის სტანდარტების უზრუნველსაყოფად შემსრულებელს შესრულებული სამუშაოების 2.5% უნაზღაურდება საბოლოო ჩაბარებიდან საგარანტიო ვადის (ორი წელი) გასვლის შემდეგ. იმ შემთხვევაში, თუ შესაბამისი ინსპექტირების ჯგუფის, ან სპეციალური კომისიის მიერ გამოვლენილი იქნება შესრულებული სამუშაოს ნაკლი ან გარკვეული უხარისხობა, შემსრულებელ ორგანიზაციას თანხა არ უნაზღაურდება ნაკლოვანების აღმოფხვრამდე.

ს.გ. პროგრამის/ქვეპროგრამის ბიუჯეტი 130,0 ათასი ლარი: ქალაქ ქუთაისში წინა პერიოდში განხორციელებული წარმატებული ინფრასტრუქტურული პროექტებისათვის საბოლოო ანგარიშსწორება.

ს.დ. მოსალოდნელი შედეგი: ინფრასტრუქტურულ პროექტებში ხარვეზების აღმოჩენის შემთხვევაში მათი აღმოფხვრისათვის საჭირო არ გახდება დამატებითი სახრსების მობილიზება.

ს.ე. შეფასების კრიტერიუმები: მაღალი ხარისხის სტანდარტით განხორციელებული პროექტების რაოდენობა.

ტ. ქალაქ ქუთაისში იაკობ გოგებაშვილის სახელობის პროფესიული სახელმწიფო თეატრის რეკონსტრუქცია-რეაბილიტაციის პროგრამა (02 08)

ტ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

ტ.ბ. პროგრამის/ქვეპროგრამის აღწერა: ქალაქში არსებული თოჯინების თეატრის შებობა და შიგა ინტერიერი მისი ხანდაზმულობის გამო საჭიროებს რეკონსტრუქცია-რეაბილიტაციას, რაც თავის მხრივ ხელს შეუწყობს სკოლამდელი ასაკის ბავშვების განათლების დონის ამაღლებას ადრეულ ასაკში.

ტ.გ. პროგრამის/ქვეპროგრამის ბიუჯეტი 100,0 ათასი ლარი: ქალაქ ქუთაისში, იაკობ გოგებაშვილის სახელობის პროფესიული სახელმწიფო თეატრის რეკონსტრუქცია-რეაბილიტაცია, რეგიონალური განსახორციელებელი პროექტების ფონდიდან მისაღები თანხების თანადაფინანსება.

ტ.დ. მოსალოდნელი შედეგი: სკოლამდელი ასაკის ბავშვებისათვის აღზრდის პირობების გაუმჯობესება; ქალაქში განათლების დონის ამაღლება.

ტ.ე. შეფასების კრიტერიუმები: სპექტაკლების ჩატარების ინტენსივობის გაზრდა და მათზე დამსწრები ბავშვების რაოდენობის მატება.

უ. ოლიმპიური სტანდარტის საცურაო აუზის მშენებლობის პროგრამა (02 09)

უ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

უ.ბ. პროგრამის/ქვეპროგრამის აღწერა: ქალაქში არ არსებობს საერთაშორისო სტანდარტების შესაბამისი საცურაო აუზი. იმისათვის, რომ მოზარდი თაობა უფრო მეტად იყოს ჩართული ჯანსაღი ცხოვრების წესის გატარებაში ამისათვის საჭიროა მოეწყოს საერთაშორისო სტანდარტების საცურაო აუზის კომპლექსი, რაც საშუალებას მიცემს ახალგაზრდობას გამოავლინონ თავიანთი შესაძლებლობა საწყლოსნო სპორტის სახეობის მიმართულებით.

უ.გ. პროგრამის/ქვეპროგრამის ბიუჯეტი 300,0 ათასი ლარი ქალაქ ქუთაისში საერაშორისო სტანდარტების საცურაო აუზის მშენებლობა რეგიონალური განსახორციელებელი პროექტების ფონდიდან მისაღები თანხების თანადაფინანსება

უ.დ. მოსალოდნელი შედეგი: ქალაქის მოზარდი თაობების აღზრდის პირობების გაუმჯობესება საწყლოსნო სპორტის სახეობების მიმართულებით. ქუთაისში საცურაო აუზის აშენება ხელს შეუწყობს ახალგაზრდობის სპორტულ განვითარებას. პროექტის განხორციელებით შეიცვლება ქალაქის სოციალური გარემო, გაიზრდება მისი ეკონომიკური განვითარება,  დაინერგება ჯანსაღი ცხოვერების წესი, გაიხსნება სპორტული ჯგუფები. პროექტის განხორციელება ხელს შეუწყობს ტურისტული და საინვესტიციო გარემოს განვითარებას, ახალი სამუშაო ადგილების შექმნას.

უ.ე. შეფასების კრიტერიუმები: ახალგაზრდა თაობის რაოდენობის გაზრდა ჯანსაღი ცხოვრების წესის გატარების კუთხით.

ფ. მაია ჩიბურდანიძის სახელობის საჭადრაკო სკოლის რეაბილიტაციის პროგრამა (ორგანიზაციული კოდი 02 10)

ფ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

ფ.ბ. პროგრამის/ქვეპროგრამის აღწერა: ქალაქში არსებული საჭადრაკო კლუბის შებობა და შიგა ინტერიერი მისი ხანდაზმულობის გამო საჭიროებს რეკონსტრუქცია-რეაბილიტაციას, რაც თავის მხრივ ხელს შეუწყობს მოზარდი თაობისა და ქალაქის მცხოვრებლების განათლების და სპორტული განვითარების დონის ამაღლებას.

ფ.გ. პროგრამის/ქვეპროგრამის ბიუჯეტი 250,0 ათასი ლარი: ქალაქ ქუთაისში, თაბუკაშვილის ქუჩაზე საჭადრაკო კლუბის რეკონსტრუქცია-რეაბილიტაცია.

ფ.დ. მოსალოდნელი შედეგი: ქალაქის მოსახლეობის და ახალგაზრდობის ინტელექტუალური დონის ამაღლება

ფ.ე. შეფასების კრიტერიუმები: ჭადრაკით დაინტერესებული საზოგადოების რაოდენობის ზრდა. ტურნირების ინტენსივობის მატება.

2. ეკონომიკის განვითარების ხელშეწყობა (ორგანიზაციული კოდი 03 00): ეკონომიკური განვითარების ხელშეწყობისათვის 2017 წელს განსახორციელებელი პროექტები მიზნად ისახავს სტრატეგიული დოკუმენტების მომზადებას, რომლებიც თავის მხრივ, გახდება ქალაქის მდგრადი განვითარების საფუძველი. კერძოდ, გათვალისწინებულია ქალაქის საშუალოვადიანი ეკონომიკური განვითარების სტრატეგიის მომზადება, გენერალური განვითარების გეგმის ცალკეული კომპონენტების მომზადება, ეკონომიკისა და ბიზნესის, მათ შორის ტურიზმის მასტიმულირებელი პროექტების განხორციელება.

ა. თვითმმართველობის ქონების რეგისტრაციის, დაცვისა და ბალანსზე აყვანის პროგრამა (ორგანიზაციული კოდი 03 01)

ა.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახური.

ა.ბ. პროგრამის/ქვეპროგრამის აღწერა: პროგრამის მიზანია ადგილობრივი თვითმმართველი ერთეულის საკუთრებაში არსებული ქონების ზუსტი აღრიცხვა და ბალანსზე აყვანა; ადგილობრივი თვითმმართველი ერთეულის საკუთრებაში დარეგისტრირებული შენობა-ნაგებობების შიდა აზომვითი და საკადასტრო აზომვითი ნახაზების დამზადება, აგრეთვე ქვეპროგრამა ითვალისწინებს ექსპერტიზის ჩატარების ორგანიზებას, საექსპერტო კვლევის შედეგად მიღებული დასკვნის ან აქტის შესაბამისი სამუშაოების განხორციელებას.

ა.გ. პროგრამის/ქვეპროგრამის ბიუჯეტი 20,0 ათასი ლარი: უძრავი ქონების მუნიციპალიტეტის საკუთრებაში რეგისტრაცია; ღონისძიების განხორციელებისათვის საჭირო ფინანსური რესურსი: 10 000 ლარი. მუნიციპალიტეტის საკუთრებაში არსებული ქონების საექსპერტო მომსახურების ჩატარება და საპრივატიზებო საფასურის/სარგებლობის ქირის განსაზღვრა. ღონისძიების განხორციელებისათვის საჭირო ფინანსური რესურსი: 10 000 ლარი.

ა.დ. მოსალოდნელი შედეგი: გაუმჯობესდება მუნიციპალური ქონების დაცვის, განკარგვისა და მართვის ხარისხი. ასევე მოხდება დამატებითი ქონებების მუნიციპალიტეტის საკუთრებაში რეგისტრაცია.

ა.ე. შეფასების კრიტერიუმი: შემოსავალი მუნიციპალური ქონების განკარგვიდან.

ბ. ქალაქის გენერალური გეგმის შედგენის პროგრამა (ორგანიზაციული კოდი 03 02)

ბ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახური.

ბ.ბ. პროგრამის/ქვეპროგრამის აღწერა: ქალაქის გეგმაზომიერი განვითარებისათვის აუცილებელია გენერალური გეგმის შედგენა, რომლის გაკეთება საკმაოდ შრომატევადია და  დიდ ფინანსურ რესურსებს მოითხოვს. 2016 წელს დონორთან მიღწეული შეთანხმების შედეგად გამოყოფილი იქნა კონსულტანტი, რომელიც მოამზადებს ტექნიკურ დავალებას მომსახურების სახელმწიფო შესყიდვის განსახორციელებლად. პროგრამის ფარგლებში გათვალისწინებული ხარჯები მხოლოდ საწყისი ეტაპების განხორციელებისათვის იქნება საკმარისი, შესაბამისად, პარალელურ რეჟიმში მიმდინარეობს აქტიური მოლაპარაკებები დონორ ორგანიზაციებთან დამატებითი რესურსების მოძიებისათვის. გენერალური გეგმის შემუშავების პროცესში აქტიურად იქნება ჩართული საზოგადოება, ექსპერტები, პროფესიული ორგანიზაციები და სხვა დაინტერესებული მხარეები

ბ.გ. პროგრამის/ქვეპროგრამის ბიუჯეტი 50,0 ათასი ლარი

ბ.დ. მოსალოდნელი შედეგი: მომზადდება ქალაქის გრძელვადიანი განვითარების გენერალური გეგმის ცალკეული კომპონენტები.

გ. ტურიზმის განვითარების პროგრამა (ორგანიზაციული კოდი 03 03)

გ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახური.

გ.ბ. პროგრამის/ქვეპროგრამის აღწერა: პროგრამის ფარგლებში განხორციელდება სხვადასხვა ღონისძიებები ქალაქის ტურისტული პოტენციალის პოპულარიზაციისა და ქალაქში დამატებითი ტურისტების მოზიდვისათვის, როგორც ქვეყნის შიგნით, ასევე ქვეყნის გარეთ. კერძოდ, მომზადდება და გამოიცემა მრავალფეროვანი საინფორმაციო მასალა, რომელიც გავრცელდება მიზნობრივ აუდიტორიაში საერთაშორისო ტურისტულ გამოფენა-ბაზრობებზე და ასევე ტურიზმის საინფორმაციო ცენტრის მეშვეობით. წლის მანძილზე ჩატარდება მრავალფეროვანი ღონისძიებები, რომლებიც ორიენტირებული იქნება როგორც შიდა, ასევე უცხოელი ტურისტების ქალაქში მოზიდვაზე; მუდმივად განახლდება ქალაქის ტურისტული ვებგვერდი (www.kutaisi.traval), რომელზეც განთავსებულია ტურისტებისათვის საინტერესო ინფორმაცია, როგორც ქართულ, ისე ინგლისურ და რუსულ ენაზე. პროგრამის განხორციელების პროცესში, მუნიციპალიტეტის აღმასრულებელი ორგანო აქტიურად ითანამშრომლებს სფეროსთან დაკავშირებულ ადგილობრივ, უცხოურ და საერთაშორისო ორგანიზაციებთან, როგორც კერძო, ასევე საჯარო სექტორიდან, რათა საქმიანობათა კოორდინაციის შედეგად მიღებულ იქნეს მაქსიმალური ეფექტი.

გ.გ. პროგრამის/ქვეპროგრამის ბიუჯეტი 50,0 ათასი ლარი, მათ შორის: საინფორმაციო მასალებისა და საპრომოუშენო პაკეტების მომზადება-გამოცემა. წლის განმავლობაში საჭიროებიდან გამომდინარე მომზადებული და გამოცემული იქნება მრავალფეროვანი საინფორმაციო მასალები და საპრომოუშენო პაკეტები. აღნიშნული მასალების მომზადებისათვის შეძენილი იქნება ქალაქის და რეგიონის ტურისტული ღირსშესანიშნაობების ამსახველი ფოტოები. გამოცემული მასალები გავრცელდება მიზნობრივ აუდიტორიაში. მოხდება ქალაქის ბრენდირება. ამისათვის განხორციელდება სხვადასხვა ტიპის სარეკლამო ღონისძიებები როგორც ქვეყნის შიგნით, ასევე ქვეყნის გარეთ; ტურისტთა მომსახურების გაუმჯობესების მიზნით, მომზადდება ტურისტული ატრაქციების, ახალი და არსებული ტურისტული სერვისების მობილური აპლიკაცია A№droid-ისა და IOS-ის პლატფორმაზე მომუშავე სმარტფონებისთვის. ღონისძიების განხორციელებისათვის საჭირო ფინანსური რესურსი: 25 000 ლარი.  საინფორმაციო ტურების ორგანიზება. საინფორმაციო ტურები ორგანიზებული იქნება უცხოელი და ადგილობრივი ტურისტული კომპანიებისა და ტურიზმის სფეროში მომუშავე ჟურნალისტებისათვის, რათა მათ და შემდომ მათი მეშვეობით, რაც შეიძლება მეტმა ადამიანმა მიიღოს ინფორმაცია ქალაქსა და მის ირგვლივ არსებული ტურისტული ღირსშესანიშნაობებისა და ტურისტული პოტენციალის შესახებ. სამსახურის მიერ წლის მანძილზე განისაზღვრება მიზნობრივი ქვეყნები/ქალაქები და კონკრეტული პირები, რომლებიც მონაწილეობას მიიღებენ საინფორმაციო ტურში. ამასთან, ტურების ორგანიზება დაემთხვევა ქალაქში წლის მანძილზე ჩატარებულ ფესტივალებს/ღონისძიებებს. მოწვეულ პირებთან დაიგეგმება ოფიციალური შეხვედრები, მოხდება ქალაქის ტურისტული პოტენციალის პრეზენტაცია. ისინი ასევე მონაწილეობას მიიღებენ აღნიშნულ ფესტივალებში და მოინახულებენ ქალაქისა და რეგიონის ტურისტულ ატრაქციებს. შეხვდებიან ადგილობრივ ტურისტულ კომპანიებს და დაგეგმავენ სამომავლო თანამშრომლობას მათთან. ღონისძიების განხორციელებისათვის საჭირო ფინანსური რესურსი: 5 000 ლარი. საერთაშორისო ტურისტულ გამოფენა ბაზრობებში მონაწილეობის მიღება. აღმასრულებელი ორგანოს მიერ განისაზღვრება მიზნობრივი ტურისტული ბაზრები, რომელთა ათვისებისათვის სამსახური აქტიურ მონაწილეობას მიიღებს წლის მანძილზე დაგეგმილ ტურისტულ გამოფენა-ბაზრობებში და უზრუნველყოფს ქუთაისის ტურისტული ატრაქციებისა და ტურისტული პოტენციალის პოპულარიზაციას დაინტერესებულ მხარეებთან. მათთვის ინფორმაციის მიწოდებისათვის აქტიურად იქნება გამოყენებული ბეჭდური და ელექტრონული საინფორმაციო მასალები. ღონისძიების განხორციელებისათვის საჭირო ფინანსური რესურსი: 15 000 ლარი. შიდა ტურიზმის ხელშეწყობა. ქალაქში შემოსული ტურისტების სტრუქტურის ანალიზმმა აჩვენა, რომ, როგორც ქუთაისისათვის, ისე მთლიანად იმერეთისათვის, საკმაოდ პერსპექტიულია შიდა ტურიზმის განვითარება. თუმცა, ამისათვის აუცილებელია სათანადო საინფორმაციო კამპანიის და სხვა ხელშემწყობი ღონისძიებების განხორციელება, რათა საქართველოს სხვა რეგიონების მაცხოვრებლებს, უპირველეს ყოვლისა, ახალგაზრდებს გაუჩნდეთ ინტერესი და მიეცეთ სტიმული, რომ იმოგზაურონ ქუთაისსა და იმერეთში. ღონისძიების განხორციელებისათვის საჭირო ფინანსური რესურსი: 5 000 ლარი.

გ.დ. მოსალოდნელი შედეგი: გაიზრდება ქუთაისის ტურისტული ატრაქციებისა და ტურისტული პოტენციალის ცნობადობა, როგორც ადგილობრივ, ასევე, უცხოელ პოტენციურ ტურისტებში.

გ.ე. შეფასების კრიტერიუმი: პროგრამის განხორციელებით მიღებული შედეგების შეფასება მოხდება 2017 წელს ქალაქში შემოსული ტურისტების რაოდენობით.

დ. ეკონომიკის სტიმულირებისა და ბიზნესის ხელშეწყობის პროგრამა (ორგანიზაციული კოდი 03 04)

დ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახური.

დ.ბ. პროგრამის/ქვეპროგრამის აღწერა: პროგრამის ფარგლებში განახლდება და შეივსება ბიზნეს-სუბიექტების არსებული ბაზა, განხორციელდება დარგობრივი კვლევები, რათა გამოვლინდეს ქალაქის ეკონომიკისათვის პერსპექტიული დარგები. კვლევის საფუძველზე მომზადდება ბიზნეს-წინადადებების პაკეტი და მოხდება მათი შეთავაზება პოტენციური ინვესტორებისათვის; დაიგეგმება და განხორციელდება ბიზნესის სტიმულირებისა და ადგილობრივი პროდუქციის პოპულარიზაციისათვის კონკრეტული პროექტები, მათ შორის მოეწყობა ადგილობრივი პროდუქციის გამოფენა-გაყიდვები. უცხოური ინვესტიციების მოზიდვის მიზნით, პოპულარიზაცია გაეწევა ქალაქის ეკონომიკურ პოტენციალს სხვადასხვა ქვეყნებში საქართველოს საელჩოების, ცენტრალური ხელისუფლების სხვა შესაბამისი სტრუქტურების, ქუთაისთან დამეგობრებული ქალაქების, ქართული დიასპორების და სხვა მხარეების აქტიური ჩართულობით, როგორც ორმხრივ, ასევე მრავალმხრივ შეხვედრებზე, ფორუმებზე და სხვა მსგავს ღონისძიებებზე. აგრეთვე, გაეწევათ საორგანიზაციო და საკონსულტაციო დახმარება ადგილობრივ მეწარმეებს თავადაც მიიღონ მონაწილეობა მსგავს ღონისძიებებში, დაუკავშირდნენ პოტენციურ პარტნიორებს, როგორც ქვეყნის შიგნით, ასევე ქვეყნის გარეთ. „მერების შეთანხმების“ ფარგლებში ქალაქის მიერ ნაკისრი ვალდებულებების შესრულების მიზნით განხორციელდება, როგორც კონკრეტული ინფრასტრუქტურული პროექტები სხვადასხვა დონორებთან თანამშრომლობით, ასევე საზოგადოების ცნობიერების ამაღლებისაკენ მიმართული ღონისძიებები.

დ.გ. პროგრამის/ქვეპროგრამის ბიუჯეტი 50,0 ათასი ლარი, მათ შორის: დარგობრივი კვლევების განხორციელება და საინვესტიციო წინადადებების პაკეტის მომზადება. ქალაქის არსებული და სამომავლო ეკონომიკური პოტენციალის შეფასების მიზნით გაგრძელდება პერსპექტიული დარგების შერჩევა და მათი გამოკვლევა. ასევე, გაანალიზდება საკრებულოს მიერ დამტკიცებული საპრივატიზაციო ობიექტების ნუსხა, გამოიყოფა მათგან ისეთი ობიექტები, რომლებზეც შესაძლებელია განხორციელდეს საშუალო ან მსხვილი ინვესტიცია, დადგინდება თითოეული ასეთი ობიექტის ტექნიკურ-ეკონომიკური პარამეტრები (განაშენინების კოეფიციენტი, საკომუნიკაციო ინფრასტრუქტურის მდგომარეობა და ა.შ.) და შეიკრიბება ერთიანი პაკეტის სახით. წლის მანძილზე მუდმივად განახლდება 2015-2016 წლებში შექმნილი ბიზნეს-სუბიექტების ბაზა, მ.შ. ქალაქში წარმოებული პროდუქციის ნუსხა. ჩატარებული კვლევების საფუძველზე მომზადდება ერთის მხრივ, საინვესტიციო წინადადებების პაკეტი და ქალაქში წარმოებული პროდუქციის კატალოგი, ხოლო მეორეს მხრივ, შეიქმნება ქალაქის ეკონომიკური პოტენციალის და განვითარების სტრატეგიის პოპულარიზაციისათვის სხვადასხვა ბრენდული მასალები/საქონელი (ატრიბუტიკა). ისინი გამოიცემა ბეჭდური და ელექტრონული ფორმით და მიეწოდება მიზნობრივ აუდიტორიას. ღონისძიების განხორციელებისათვის საჭირო ფინანსური რესურსი: 10 000 ლარი. ქუთაისის ეკონომიკური პოტენციალისა და ქალაქში/რეგიონში წარმოებული პროდუქციის/მწარმოებლების პოპულარიზაცია. ქალაქის თვითმმართველობა წლის მანძილზე აქტიურ მონაწილეობას მიიღებს სხვადასხვა ეკონომიკურ და ბიზნეს-ფორუმებსა და კონფერენციებში, ორმხრივ და მრავალმხრივ შეხვედრებში და სხვა ანალოგიურ აქტივობებში ქალაქის ეკონომიკური პოტენციალისა და ადგილობრივი წარმოების პროდუქციის დაინტერესებული მხარეებისათვის გაცნობის მიზნით, ასევე თავადაც გაუწევს ორგანიზებას მსგავს აქტივობებს, სადაც წარადგენს ქალაქის განვითარების სტრატეგიის ძირითად მიმართულებებს, ეკონომიკური და ბიზნეს-პოტენციალის შესახებ ინფორმაციას, ადგილზე წარმოებულ პროდუქციას, მათ კატალოგებს და ა.შ. აგრეთვე, სხვადასხვა ეროვნულ/სახალხო დღესასწაულებზე (მ.შ. 2 მაისობას, დამოუკიდებლობის დღეს და ა.შ.) ქალაქში მოეწყობა ადგილობრივი წარმოების პროდუქციის გამოფენა-გაყიდვა; გამოვლინდება და დაჯილდოვდება ქალაქის საუკეთესო მეწარმეები სხვადასხვა ნომინაციების მიხედვით. ღონისძიების განხორციელებისათვის საჭირო ფინანსური რესურსი: 20 000 ლარი. ენერგოდამზოგი ტექნოლოგიების დანერგვა და პოპულარიზაცია. ქალაქ ქუთაისს, როგორც „მერების შეთანხმების“ ხელმომწერ მხარეს, აღებული აქვს გარკვეული ვალდებულებები, მათ შორის: ევროკავშირის მიერ 2020 წლისთვის დასახული მიზნის შესაბამისად, ქალაქ ქუთაისის მუნიციპალიტეტის ტერიტორიაზე მინიმუმ 20%-ით მოხდეს შემცირება გარემოში CO2-ის ემისიის, ასევე ქალაქ ქუთაისის მდგრადი ენერგეტიკის განვითარების შემუშავებულ გეგმაში (SEAP-Sustainable Energy Action Plan) ასახული პრიორიტეტული მიმართულებების კუთხით განახორციელოს შესაბამისი ღონისძიებები და უზრუნველყოს საზოგადოების ინფორმირება. აღნიშნულ სფეროში თვითმმართველობის საქმიანობა ფოკუსირებული იქნება ორ ძირითად მომართულებაზე, კერძოდ: გამოყოს თანადაფინანსება დონორ ორგანიზაციებთან ერთად ენერგოეფექტური ტექნოლოგიების დანერგვისათვის ქალაქში; 2. განახორციელოს სხვადასხვა ღონისძებები საზოგადოების ცნობიერების ამაღლებისათვის ენერგოეფექტური ტექნოლოგიების და მათი სარგებლიანობის შესახებ. ამისათვის წლის მანძილზე დონორ ორგანიზციებთან თანამშრომლობით მოხდება  მდგრადი ენერგეტიკის დღეების აღნიშვნა ქალაქში, მომზადდება და გავრცელდება საინფორმაციო მასალა, მათ შორის მედიის საშუალებით. ღონისძიების განხორციელებისათვის საჭირო ფინანსური რესურსი: 20 000 ლარი.

დ.დ. მოსალოდნელი შედეგი:  გამოკვლეული იქნება ეკონომიკის არანაკლებ 4 დარგი და მომზადდება საინვესტიციო წინადადებების პაკეტი; ქალაქში/ქვეყანაში ორგანიზებული იქნება ადგილობრივი წარმოების პროდუქციის არანაკლებ 2 გამოფენა-გაყიდვა. განხორციელდება ენერგოდამზოგი ტექნოლოგიების დანერგვის არანაკლებ 1 პროექტი და ენერგოეფექტური ტექნოლოგიების შესახებ მოსახლეობის ცნობიერების ამაღლების არანაკლებ 2 ღონისძიება.

დ.ე. შეფასების კრიტერიუმი: პროგრამის განხორციელებით მიღებული თითოეული შედეგის შეფასებისათვის მოცემულია კონკრეტული რაოდენობრივი მაჩვენებელი, შესაბამისად, დასახული მიზნების მიღწევის ხარისხი შეფასებული იქნება სწორედ აღნიშნული რაოდენობრივი მაჩვენებლების შესრულების ხარისხით.

3. გარემოს დაცვა (ორგანიზაციული კოდი 04 00): პრიორიტეტის განხორციელებით საგრძნობლად გაუმჯობესდება ქალაქის ეკოლოგიური მდგომარეობა, ქალაქისათვის აუცილებელ და მნიშვნელოვან საზრუნავს წარმოადგენს მისი დასუფთავება, მაწანწალა ცხოველებისაგან იზოლირება და ხეების გადაბელვა, მცენარეთა ფიტოსანიტარიული  მდგომარეობა, ქალაქის მოსახლეობის დასვენების პირობები. მწვანე საფარის მოვლა-პატრონობა, მწვანე ნარგავებით ტერიტორიების შევსება და მათი შენარჩუნება საშუალებას იძლევა მნიშვნელოვნად გაიზარდოს ქალაქის მწვანე საფარი. არსებული სკვერების მოვლა-პატრონობა ხელს შეუწყობს მოსახლეობისათვის ჯანსაღი გარემოს ჩამოყალიბებას. ფლორის ცოცხალი კოლექციის შენახვა, როგორც საექსპოზიციო, ასევე საგანმანათლებლო მიზნით ხელს შეუწყობს ბოტანიკური ბაღის, როგორც შემეცნებისა და დასვენების ერთ-ერთ ღისშესანიშნავ ადგილად ჩამოყალიბებას.

ა.  ააიპ „სპეციალური სერვისები (ორგანიზაციული კოდი 04 01)“

ა.ა. პროგრამის/ქვეპროგრამის აღწერა: პროგრამის ფარგლებში განხორციელდება ქუთაისის მუნიციპალიტეტის ადგილობრივი თვითმმართველობის ადმინისტრაციული შენობისათვის დასუფთავების მომსახურების გაწევა; მაღალი ტანის ხეების გადაბელვა და გამხმარი ხეების მოჭრა;  ქალაქის 98 ქუჩის, ასევე საჯარო და კერძო სკოლებთან,  საბავშვო ბაღებთან  მისასვლელი გზების  დაგვა-დასუფთავება, საერთო ფართით  2367,4  ათასი კვ.მ.  ნარჩენების გატანა-გაუვნებელყოფა, მორწყვა-ჩარეცხვის სამუშაოს ორგანიზება ქალაქის 557,2 ათასი კვ.მ. ფართობზე; საგზაო ნიშნების მონტაჟი და მაგისტრალების დახაზვა,  მონიშვნითი სამუშაოები; სანიაღვრე სისტემის ექსპლუატაცია; ქუთაისის ადმინისტრაციულ საზღვრებში არსებულ ტერიტორიაზე მოხეტიალე ან/და მეთვალყურეობის ქვეშ ან მეთვალყურეობის გარეშე გაშვებული ცხოველების (წვრილფეხა /ძაღლი, კატა/ ან/და მსხვილფეხა პირუტყვი) იზოლაცია და მათი სპეციალურ სადგომზე გადაყვანა, მოვლა-პატრონობა (კვება, ცხოველებისათვის კვალიფიციური ვეტერინარის მომსახურება და მედიკამენტებით უზრუნველყოფა, თანამედროვე სტანდარტებით სადგომის მოწყობა), ქალაქის ტერიტორიაზე განთავსებული საათების ექსპლუატაცია, საპირფარეშოების მოვლა-პატრონობა, ქუჩებსა და მაგისტრალებზე განთავსებული ნაგვის მოძრავი კონტეინერების დერატიზაცია-დეზინფექცია, დროებითი გამოუყენებელი შენობებისა და მათი მიმდებარე ტერიტორიების დერატიზაცია-დეზინფექცია, ქალაქში გამავალი არხების, დიდი და მცირე მდინარეების სანაპიროების დერატიზაცია-დეზინფექცია. მოსახლეობის უსაფრთხოების უზრუნველსაყოფად, ქვეწარმავლების დასაფრთხობად, აუცილებელი ტერიტორიული ერთეულების ქიმიური რეპელენტით დამუშავება ქალაქ ქუთაისის ადმინისტრაციულ საზღვრებში. სარეაბილიტაციო სავტომობილო გზებზე ახალი ღვარსადენების მოწყობა და დაზიანებული ჭის თავების შესყიდვა. აღნიშნული ფუნქციების განხორციელებისათვის გათვალისწინებულია 1900,0 ათასი ლარი და დასაქმებულია 432 თანამშრომელი. სახელფასო ფონდი შეადგენს 3066,4 ათასი ლარს, მათ შორის, ადმინისტრაციაზე განსაზღვრული ფონდი შეადგენს 2,8%-ს.

ა.ბ. პროგრამის/ქვეპროგრამის ბიუჯეტი 4850,0 ათასი ლარი

ა.გ. მოსალოდნელი შედეგები: დასუფთავებული ადმინისტრაციული შენობა; მოსახლეობის უსაფრთხოებისა და ეკოლოგიური მდგომარეობის გაუმჯობესება; დასუფთავებული ქალაქისა და ეკოლოგიური მდგომარეობის შენარჩუნება; მოსახლეობის უსაფრთხო გადაადგილება; მაგისტრალებზე მოძრაობის განტვირთვა; მოწესრიგებული სანიაღვრე სისტემა; მუნიციპალიტეტის საზღვრებში მოხეტიალე ცხოველებისაგან სხვადასხვა ვირუსული დაავადებისა და ცოფის გავრცელების მოსალოდნელი საფრთხის თავიდან აცილება. მოწესრიგებული საპირფარეშოები.

ა.დ. შეფასების კრიტერიუმები: დასუფთავებული შენობის ფართობი; გადაბელილი ხეების რაოდენობა; დასუფთავებული ფართისა და გატანილი ნარჩენების რაოდენობა; დამონტაჟებული საგზაო ნიშნების რაოდენობა და დახაზულის ფართობი; ექსპლუატირებული სანიაღვრე სისტემის რაოდენობა და პროცენტული მაჩვენებელი; იზოლირებული ცხოველების რაოდენობა.

ბ. ქალაქის გამწვანების, მოვლა-პატრონობისა და სკვერების კეთილმოწყობის პროგრამა (ორგანიზაციული კოდი 04 02)

ბ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

ბ.ბ. პროგრამის/ქვეპროგრამის აღწერა: აუცილებელია ქალაქის გამწვანება და ეკოსისტემის გაუმჯობესება, მოსახლეობისათვის ჯანსაღი და კომფორტული გარემოს შესაქმნელად. პროგრამის ფარგლებში განხორციელდება ქალაქის ტერიტორიაზე არსებული ბაღების, სკვერების, გაზონების, ფერდობების მოვლა-პატრონობა, ხე-მცენარეების, ბუჩქებისა და ყვავილების შეძენა, ხე-მცენარეების შეწამვლა, გასხვლა, სანაგვე ურნებისა და საბაღე სკამების აღდგენა, ქალაქში არსებულ სკვერებში განადგურებული მწვანე საფარის აღდგენა და დეკორატიული მცენარეების განაშენიანება, მწვანე საფარის მუდმივი განახლება.

ბ.გ. პროგრამის/ქვეპროგრამის ბიუჯეტი 660,0 ათასი ლარი: 460,0 ათასი ლარი ქალაქ ქუთაისის ტერიტორიაზე მწვანე საფარის მოვლა-პატრონობა და  ექსპლუატაცია; 30,0 ათასი ლარი ქალაქის ტერიოტრიაზე ხე მცენარეების დარგვა-განაშენიანება; 170,0 ათასი ლარი ქალაქში მწვანე საფარის კაპიტალური სამუშაოები და რეგიონებში განსახორციელებელი პროექტების ფონდიდან გამოყოფილი თანხების თანადაფინანსება.

ბ.დ. მოსალოდნელი შედეგი: საზოგადოებისათვის ეკოლოგიურად სუფთა, კომფორტული, უსაფრთხო დასასვენებელი ადგილის შექმნა.

ბ.ე. შეფასების კრიტერიუმები: ექსპლუატირებული და რეაბილიტირებული სკვერებისა და პარკების     რაოდენობა.

გ. ააიპ „მოსწავლე – ახალგაზრდობის პარკი (ორგანიზაციული კოდი 04 03)“

გ.ა. პროგრამის/ქვეპროგრამის აღწერა: პარკის ფუნქციონირების ხელშეწყობა, ინფრასტრუქტურის მოწესრიგება, საბავშვო ატრაქციონებისა და სპორტული სავარჯიშო მოედნის მოწყობა, ბუნებრივი საფარის შენარჩუნება, გამრავალფეროვნება და ყვავილნარის მოწყობა, ბუნებრივი საფარის შხამქიმიკატებით შეწამვლა, მატერიალურ-ტექნიკური ბაზის განახლება, სხვადასხვა კულტურული ღონისძიებების მოწყობა.

გ.ბ. პროგრამის/ქვეპროგრამის ბიუჯეტი 160,0 ათასი ლარი

გ.გ. პროგრამის შედეგი: საზოგადოებისათვის ეკოლოგიურად სუფთა, კომფორტული, უსაფრთხო დასასვენებელი ადგილის შექმნა.

გ.დ. შეფასების კრიტერიუმები: პარკში დამსვენებელთა რაოდენობა; ჩატარებული კულტურული ღონისძიებების რაოდენობა.

დ.  ააიპ „ქალაქ ქუთაისის ბოტანიკური ბაღი (ორგანიზაციული კოდი 04 04)“

დ.ა. პროგრამის/ქვეპროგრამის აღწერა: პროგრამის ფარგლებში განხორციელდება ბაღის ინფრასტრუქტურის განვითარება; მცენარეთა ინტროდუქცია/კოლექციის გამდიდრება და მცენარეთა მოვლა-პატრონობა, მცენარეთა  კონსერვაციის გლობალური სტრატეგიის („GSPC“) შესაბამისად; სასწავლო-აღმზრდელობითი და კულტურულ-საგანმანათლებლო საქმიანობა; ბილიკებისა და დასასვენებელი ადგილების (დასაჯდომები, მცირე ღია ფანჩატური) მოწყობა  ქვედა პარკსა და გეოფლორისტულ უბანში. სამეცნიერო მუშაობის ინტენსიფიკაცია, ყვავილოვან, ბუჩქოვან და ხე მცენარეთა ახალი კოლექციების შემოტანა, სანერგე მეურნეობის განვითარება, სარწყავი სისტემის განვითარება; სასწავლო ცენტრის-მოკლევადიანი სასწავლო კურსების ორგანიზება მოსწავლე და სტუდენტი ახალგაზრდებისა და მოსახლეობის დაინტერესებული ფენებისათვის, სამეცნიერო კონფერენციის მოწყობა და საერთაშორისო კონფერენციებში მონაწილეობა, თანამშრომელთა კვალიფიკაციის ამაღლება; ბაღის პრომოუშენის ღონისძიებები (ახალი სარეკლამო რგოლის მომზადება, პრეზენტაციები მედიის სხვადასხვა სახეობებით, საინფორმაციო ბუკლეტების მომზადება) ტურისტული პოტენციალის რეალიზება (ტურისტულ კომპანიებთან, სასტუმროებთან ურთიერთობების გაძლიერება) საგრანტო პროგრამებში მონაწილეობა და სხვა ღონისძიებები;

დ.ბ. პროგრამის/ქვეპროგრამის ბიუჯეტი 273,0 ათასი ლარი

დ.გ. მოსალოდნელი შედეგი: ვიზიტორებისათვის მიმზიდველი და კომფორტული ბოტანიკური ბაღი; ცნობიერების ამაღლება მცენარეთა მოვლა-პატრონობასა და ეკოლოგიურ საკითხებთან დაკავშირებით; ქუთაისის ბოტანიკური ბაღის ცნობადობის გაზრდა;

დ.დ. შეფასების კრიტერიუმები: ბაღში ადგილობრივ და უცხოელ ვიზიტორთა რაოდენობა; სასწავლო კურსში მონაწილეთა რაოდენობა; ინტროდუცირებული მცენარეთა რაოდენობა.

4. განათლება (ორგანიზაციული კოდი 05 00): საბავშვო ბაგა-ბაღების აღსაზრდელთა განვითარების ხელშეწყობა და სრულფასოვანი სააღმზრდელო გარემოს შექმნა უზრუნველყოფს ქალაქის საგანმანათლებლო-სააღმზრდელო და კულტურული გარემოს მნიშვნელოვან გაუმჯობესებას, გენდერული საკითხებისა და მათთან დაკავშირებული პრობლემატიკის აღქმას, ამ კუთხით მიზანმიმართული ღონისძიებების პრაქტიკის დანერგვას, საზოგადოების აქტიურ ჩართვას მიმდინარე საგანმანათლებლო-სააღმზრდელო და კულტურულ პროცესებში, მათი ინტელექტუალური და შემოქმედებითი უნარების სტიმულირებას; ურბანული კულტურის განვითარებას;  პრიორიტეტის ფარგლებში განხორციელდება ადგილობრივი მნიშვნელობის ბიბლიოთეკების განვითარების ხელშეწყობა.

ა. ააიპ „ბაგა-ბაღების გაერთიანება (ორგანიზაციული კოდი 05 01)“

ა.ა. პროგრამის/ქვეპროგრამის აღწერა: ქალაქის ტერიტორიაზე არსებული საბავშვო ბაგა-ბაღების საქმიანობის ორგანიზება, კოორდინაცია და მათი საქმიანობისათვის ხელშეწყობა; ფილიალის სასწავლო – სააღმზრდელო პროგრამების შემუშავება-დამტკიცება „სკოლამდელთა საგანმანათლებლო პროგრამის“ საფუძველზე; პედაგოგიური პროცესის სრულყოფის ახალი მეთოდებისა და საშუალებების მოძიება; ფილიალების მატერიალურ-ტექნიკური უზრუნველყოფა; ფილიალებში რაციონალური და ჯანსაღი კვების ორგანიზება; სავალდებულო მედიკამენტებითა და პირველადი დახმარების საშუალებების, აგრეთვე, სხვა აუცილებელი სამედიცინო საგნებით  ფილიალების უზრუნველყოფა; ფილიალებში საოფისე და კომუნალური ხარჯების ორგანიზება; ფილიალის სასწავლო-სააღმზრდელო პროგრამების, გენდერული საკითხების განხორციელების კონტროლი. ააიპ „ბაგა-ბაღების გაერთიანება“ მუნიციპალიტეტის ტერიტორიაზე გადანაწილებულია 37 ფილიალად, რომელიც 10000 ბავშვზე მეტს ემსახურება 1700-მდე თანამშრომელი (სახელფასო და სოციალური ფონდი 6600,0 ათასი ლარი, რაშიც ადმინისტრაციის სახელფასო ფონდი შეადგენს 8%-ს). შესაბამისად, ძალიან დიდი ყურადღება ეთმობა ბავშვთა კვების საკითხებს, ყოველწლიურად ხდება ბავშვთა კვების რაციონისა და მისი მრავალფეროვნების გაუმჯობესება, რისთვისაც მიმდინარე წელს ყოველდღიურად სამჯერადი კვებისათვის გამოყოფილია 1920,0 ათასი ლარი, სხვა დანარჩენი ხარჯებისათვის გათვალისწინებულია 753,0 ათასი ლარი.

ა.ბ. პროგრამის/ქვეპროგრამის ბიუჯეტი 9850,0 ათასი ლარი

ა.გ. მოსალოდნელი შედეგი: გაუმჯობესებული მატერიალურ-ტექნიკური ბაზის მქონე ბაგა-ბაღები; კვალიფიციური კადრების ზრდა; გაუმჯობესებული სააღმზრდელო გარემო.

ა.დ. შეფასების კრიტერიუმები: გაუმჯობესებული მატერიალურ-ტექნიკური ბაზის მქონე ბაგა-ბაღების რაოდენობა; სერთიფიცირებული კადრების რაოდენობა; საბავშვო ბაღებში მოსიარულე ბავშვების რაოდენობა და პროცენტული მაჩვენებელი; სურსათის უვნებლობის ან მსგავსი სამსახურის მიერ ჩატარებული კვლევების შედეგად მიღებული შენიშვნების რაოდენობა.

ბ. განათლების ღონისძიებები (ორგანიზაციული კოდი 05 02)

ბ.ა. პროგრამის/ქვეპროგრამის განმახორციელებელი: ქალაქ ქუთაისის მერიის კულტურის, სპორტის, განათლებისა და ძეგლთა დაცვის სამსახური.

ბ.ბ. პროგრამის/ქვეპროგრამის აღწერა: პროგრამა გულისხმობს ქალაქ ქუთაისში საგანმანათლებლო და სააღმზრდელო პროცესის მონაწილეთა მოტივაციის ამაღლებას, სააღმზრდელო და საგანმანათლებლო დაწესებულებებთან კოორდინირებულ თანამშრომლობას; აღსაზრდელთა და მოზარდთა შემეცნებით-საგანმანათლებლო დონის ამაღლებას, ძეგლთა დაცვის კუთხით ღონისძიებების გატარებას, ქალაქის მუზეუმების მუშაობის გააქტიურებას, ქუთაისის ღირშესანიშნაობების ინტერნეტსივრცეში განთავსებას ქალაქის პოპულარიზაციისა და ტურისტების მოზიდვის მიზნით, ქუთაისის განათლების სფეროს წარმომადგენელთა და მოსწავლეთა საერთაშორისო პროექტებში მონაწილეობის ხელშეწყობას, მოსწავლეებში ქართული ხალხური სიმღერისა და ცეკვის პოპულარიზაციას. პროგრამით დაგეგმილი მრავალფეროვანი აქტივობები ხელს შეუწყობს ქუთაისის მოქალაქეებს საკუთარი შესაძლებლობების რეალიზებაში.

ბ.გ. პროგრამის/ქვეპროგრამის ხარჯთაღრიცხვა:

ბ.დ. მოსალოდნელი შედეგი: მოზარდებში ცოდნის დონისა და კულტურული ფასეულობების დონის ამაღლება; მოზარდ თაობაში პატრიოტული სულისკვეთების გაძლიერება; მოზარდებში სამშობლოს წინაშე საკუთარი პასუხიმგებლობის გრძნობის გაზრდა; ქალაქისა და ისტორიული ძეგლების პოპულარიზაცია.

ბ.ე. შეფასების კრიტერიუმები: განხორციელებული ღონისძიებების რაოდენობა; ღონისძიებებში მონაწილე მოზარდთა რაოდენობა.

გ. ააიპ „ი. ჭავჭავაძის სახელობის საჯარო  ბიბლიოთეკა (ორგანიზაციული კოდი 05 03)“

გ.ა. პროგრამის/ქვეპროგრამის აღწერა: პროგრამის ფარგლებში განხორციელდება ბიბლიოთეკის ფუნქციონირების ხელშეწყობა, საბიბლიოთეკო ფონდების ციფრულ ფორმატში  გადაყვანა, ფონდების შევსება უახლესი ლიტერატურით, არსებული ფონდების დამუშავება სპეციალური მეთოდოლოგიით, სამეცნიერო საქმიანობის ხელშეწყობა, ინოვაციური პროცესების დანერგვა, საქალაქო და საბავშვო ბიბლიოთეკების ინფრასტრუქტურის მოწესრიგება თანამედროვე საბიბლიოთეკო სტანდარტების შესაბამისად, თანამშრომელთა კვალიფიკაციის ამაღლება. ბიბლიოთეკის ქსელში დასაქმებულია 138 თანამშრომელი, რომელთა შრომის ანაზღაურების ფონდი შეადგენს 670,8 ათას ლარს (ადმინისტრაციის წილი შეადგენს 11.2%-ს) და დანარჩენი ხარჯები გათვალისწინებულია ფონდების მოვლა-პატრონობასა და სხვა მიმდინარე ხარჯებისათვის.

გ.ბ. პროგრამის/ქვეპროგრამის ბიუჯეტი 705,0 ათასი ლარი

გ.გ. მოსალოდნელი შედეგი: ქალაქის მასშტაბით საზოგადოების თავშეყრის ადგილების შექმნა; დაცული, მოვლილი და განახლებული საბიბლიოთეკო ფონდი; საზოგადოების ცნობიერების დონის ამაღლება;

გ.დ. შეფასების კრიტერიუმები: ქალაქის მასშტაბით ბიბლიოთეკებში ჩატარებული ღონისძიებების რაოდენობა და მასში ჩართულ მონაწილეთა რაოდენობა; საბიბლიოთეკო ფონდში არსებული წიგნების რაოდენობა; მკითხველთა რაოდენობა ბიბლიოთეკებში;

დ. ქალაქ ქუთაისში ახალი ბაგა-ბაღების კაპიტალური მშენებლობა და მიშენებები (05 04).

დ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

დ.ბ. პროგრამის/ქვეპროგრამის აღწერა: ქალაქის სკოლამდელი ასაკის ბავშვების ზრდის ტენდენციიდან გამომდინარე, განათლების დონის ბაზის შექმნა.

დ.გ. პროგრამის/ქვეპროგრამის ხარჯთაღრიცხვა: 508,6 ათასი ლარი ქალაქ ქუთაისში ბაღების კაპიტალური მშენებლობა და რეგიონებში განსახორციელებელი პროექტების ფონდიდან გამოყოფილი თანხების თანადაფინანსება.

დ.დ. მოსალოდნელი შედეგი: ქალაქის სკოლამდელი ასაკის ბავშვებისათვის აღზრდის პირობების გაუმჯობესება; ქალაქში განათლების დონის ამაღლება.

დ.ე. შეფასების კრიტერიუმები: ახალი ბაგა-ბაღის რაოდენობის გაზრდა. ბაგა – ბაღების მიშენებების საფუძველზე, მათი ფართის გაზრდა.

ე. ქალაქ ქუთაისში, აკაკი წერეთლის სახელმწიფო უნივერსიტეტის ბაზაზე თანამედროვე სტანდარტების ბიბლიოთეკის მშენებლობა (ორგანიზაციული კოდი 05 05)

ე.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახური.

ე.ბ. პროგრამის/ქვეპროგრამის აღწერა: საქართველოს მთავრობის 2015 წლის 14 დეკემბრის №2698 განკარგულების საფუძველზე ქალაქ ქუთაისში საგანმანათლებლო და შემეცნებითი პროცესების ინფრასტრუქტურული მხარდაჭერა. საგანმანათლებლო სფეროში თანამედროვე მიდგომებისა და სტანდარტების დამკვიდრების უზრუნველყოფა.

ე.გ. პროგრამის/ქვეპროგრამის ხარჯთაღრიცხვა 300,0 ათასი ლარი.

ე.დ. მოსალოდნელი შედეგი: ქალაქში საგანმანათლებლო და შემეცნებითი დონის ამაღლება.

ე.ე. შეფასების კრიტერიუმები: ახალ ბიბლიოთეკაში საგანმანათლებლო და შემეცნებითი ღონისძიებების რიცხვი და მათში ჩართული პირების რაოდენობა.

5. კულტურა, რელიგია, ახალგაზრდული და სპორტული ღონისძიებები (ორგანიზაციული კოდი 06 00): ქალაქის ინფრასტრუქტურული და ეკონომიკური განვითარების პარალელურად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს სპორტული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება. ქალაქის კულტურული ტრადიციების დაცვის მიზნით პრიორიტეტის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები. პრიორიტეტის მიზანია ახალგაზრდული ინიციატივების მხარდაჭერა, ნიჭიერი ახალგაზრდების გამოვლენა, მათი საქმიანობის მხარდაჭერა და საზოგადოებრივ ცხოვრებაში ჩართულობის ხელშეწყობა. ევროპული ღირებულებების გაზიარება და ევროსაბჭოს, ევროპარლამენტისა და სხვა სტრუქტურებში  საქმიანობის შესწავლა პრაქტიკის მიღების მიზნით.

ა.  სპორტის განვითარების ხელშეწყობის პროგრამა (ორგანიზაციული კოდი 06 01)

ა.ა. პროგრამის/ქვეპროგრამის აღწერა: სპორტსმენებისათვის ხელშეწყობისა და შესაბამისი პირობების შექმნის მიზნით განხორციელდება სპორტის სხვადასხვა სახეობების ხელშეწყობა, მატერიალურ-ტექნიკური ბაზის განვითარება, სპორტული ინვენტარის შეძენა და თანამედროვე სტანდარტებთან მიახლოება, სპორტსმენთა კვებით უზრუნველყოფა, შეკრებებისა და მივლინებების განხორციელება, პერსპექტიული სპორტსმენების მომზადების წლიური საწვრთნელი პროცესის ორგანიზება და ნაკრები გუნდებისათვის მომზადება, მათთვის სოციალური პირობების შექმნა, სხვადასხვა შეჯიბრებებისა და სახელობითი ტურნირების ჩატარება.

ა.ბ. პროგრამის/ქვეპროგრამის ბიუჯეტი 5355,0 ათასი ლარი

ა.გ. მოსალოდნელი შედეგი: ჯანსაღი ცხოვრების წესის დამკვიდრება.

ა.დ. შეფასების კრიტერიუმი: სპორტის სახეობებში ჩართულ პირთა რაოდენობა.

ბ. ააიპ  „სპორტულ დაწესებულებათა გაერთიანება (ორგანიზაციული კოდი 06 01 01)“

ბ.ა. პროგრამის/ქვეპროგრამის აღწერა: სპორტული ფილიალების ფუნქციონირების ხელშეწყობა, მატერიალურ-ტექნიკური ბაზის განვითარება, სპორტული ინვენტარის შეძენა და თანამედროვე სტანდარტებთან მიახლოება, სპორტსმენთა კვებით უზრუნველყოფა, შეკრებებისა და მივლინებების განხორციელება, პერსპექტიული სპორტსმენების მომზადების წლიური საწვრთნელი პროცესის ორგანიზება და ნაკრები გუნდებისათვის მომზადება, მათთვის სოციალური პირობების შექმნა, სხვადასხვა შეჯიბრებებისა და სახელობითი ტურნირების ჩატარება. გაერთიანება განაწილებულია 13 ფილიალად, რომელშიდაც წარმოდგენილია 38 სპორტის სახეობა. ყოველწლიურად თვალშისაცემია სხვადასხვა სახეობებში სპორტსმენების შედეგები, რაც ქალაქისათვის როგორც ქვეყნის მასშტაბით, ასევე  საერთაშორისო ასპარეზზე, მნიშვნელოვან წარმატებებს განაპირობებს. გაერთიანების ფილიალებში სპორტით დაკავებულია 4640-ზე მეტი მოსწავლე, რომელთაც 509 თანამშრომელი და მწრთვნელი (სახელფასო ფონდი 2243.6,0 ათასი ლარი, რაშიც ადმინისტრაციის სახელფასო ფონდი შეადგენს 12%-ს) ემსახურება. დანარჩენი დაფინანსება, ძირითადად, ადგილობრივ სპორტულ შეკრებებსა და მივლინებებზეა განკუთვნილი.

ბ.ბ. პროგრამის/ქვეპროგრამის ბიუჯეტი 3250,0 ათასი ლარი

გ. სპორტული ღონისძიებები (ორგანიზაციული კოდი 06 01 02)

გ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის კულტურის, სპორტის, განათლებისა და ძეგლთა დაცვის სამსახური.

გ.ბ. პროგრამის/ქვეპროგრამის აღწერა: ქუთაისელი სპორტსმენების სხვადასხვა ტიპის ტურნირებსა და ჩემპიონატებში მონაწილეობისათვის საჭირო და ხელშემწყობი ღონისძიებების ორგანიზება. სხვადასხვა სპორტულ ფედერაციებთან თანამშრომლობა. სპორტსმენების წახალისება, სპორტული ბანაკების მოწყობა, საპატიო წოდებების მინიჭება და დაჯილდოვება. ვეტერანი და დამსახურებული სპორტსმენების საიუბილეო თარიღების აღნიშვნა.

გ.გ. პროგრამის/ქვეპროგრამის ხარჯთაღრიცხვა:

დ.  შპს „საკალათბურთო კლუბი ქუთაისი 2010“ (ორგანიზაციული კოდი 06 01 03)“

დ.ა. პროგრამის/ქვეპროგრამის აღწერა: კალათბურთის გუნდის ფუნქციონირების ხელშეწყობა, ქვეყნის ჩემპიონატისა და სხვადასხვა სახელობის ტურნირებზე მონაწილეობის მიღება, ახალგაზრდული გუნდის ხელშეწყობა. კლუბის ფუნქცინირებისათვის განსაზღვრულია ადმინისტრაციისა და სპორტსმენების სახელფასო ფონდი 525,3 ათასი ლარით, მათ შორის ადმინისტრაციის შრომის ანაზრაურება შეადგენს 6,9 %-ს. განსაზღვრულია 65,0 ათასი ლარით საწრთვნელო შეკრების ორგანიზება და კალენდრით გათვალისწინებული თამაშების ჩატარება.

დ.ბ. პროგრამის/ქვეპროგრამის ბიუჯეტი 600,0 ათასი ლარი

ე. ააიპ „სპორტის სასახლე“ (ორგანიზაციული კოდი 06 01 05)“

ე.ა. პროგრამის/ქვეპროგრამის აღწერა: სპორტის სასახლის ფუნქციონირების ხელშეწყობა, მატერიალურ-ტექნიკური ბაზის გაუმჯობესება.

ე.ბ. პროგრამის/ქვეპროგრამის ბიუჯეტი 180,0 ათასი ლარი

ვ. ააიპ „ტაეკვონდოს სპორტული კლუბი“ (ორგანიზაციული კოდი 06 01 06)

ვ.ა. პროგრამის/ქვეპროგრამის აღწერა: საწვრთნელო მუშაობა, სპორტულ ღონისძიებებში მონაწილეობა, კლუბის ფუნქციონირებისათვის საჭირო ღონისძიებების დაფინანსება.

ვ.ბ. პროგრამის/ქვეპროგრამის ბიუჯეტი 25,0 ათასი ლარი

ზ. შპს „საფეხბურთო კლუბი „ტორპედო ქუთაისი“ (ორგანიზაციული კოდი 06 01 07)

ზ.ა. პროგრამის/ქვეპროგრამის აღწერა: რ.შენგელიას სახელობის სტადიონისა და შესაბამისი ინფრასტრუქტურის მოვლა-პატრონობა. ჭაბუკთა ლიგაში მონაწილეობა, ბავშვთა გუნდების საქალაქო და რეგიონალურ შეჯიბრებებში მონაწილეობა.

ზ.ბ. პროგრამის/ქვეპროგრამის ბიუჯეტი 400,0 ათასი ლარი, მათ შორის: რ.შენგელიას სახელობის სტადიონის, ბაზისა და შესაბამისი ინფრასტრუქტურის მოვლა-პატრონობა: 400,0 ათასი ლარი;

თ. ააიპ „ქალაქ ქუთაისის ხელბურთის კლუბი ქუთაისი 2015 (ორგანიზაციული კოდი 06 01 08)“

თ.ა. პროგრამის/ქვეპროგრამის აღწერა: საწვრთნელო მუშაობა, სპორტულ ღონისძიებებში მონაწილეობა, კლუბის ფუნქციონირებისათვის საჭირო ღონისძიებების დაფინანსება. ბიუჯეტით განსაზღვრულია საწრთვნელო შტაბისა და სპორტსმენების შრომის ანაზღაურების დაფინანსება, ხოლო შესაბამისი ფედერაციის დაფინანსებით ხორციელდება სპორტულ ღონისძიებებში მონაწილეობის მიღება.

თ.ბ. პროგრამის/ქვეპროგრამის ბიუჯეტი 100,0 ათასი ლარი

ი. სპორტული ტრენაჟორების მოწყობა-ექსპლოატაცია (ორგანიზაციული კოდი 06 01 09)

ი.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური.

ი.ბ. პროგრამის/ქვეპროგრამის აღწერა: ქალაქ ქუთაისში, საზოგადოებრივი თავშეყრის ადგილებში არ არსებობდა გარე სპორტული ტრენაჟორები, სადაც მოქმედი სპორტსმენები თუ სპორტით დაკავებული ადამიანები შეძლებდნენ უფასოდ სხეულის გაკაჟებას. 2015 წელს განხორციელებულმა ანალოგიურმა პროგრამამ (ქალაქში დამონტაჟდა 2 კომპლექტი სპორტული ტრენაჟორი) ქალაქის საზოგადოება დაარწმუნა პროგრამის ეფექტიანობაში. სამუშაოების მიმდინარეობის პროცესშიც კი, ახლად დამონტაჟებულ სავარჯიშოებზე აქტიურად მიმდინარეობდა ვარჯიში. ქვეპროგრამის ფარგლებში, მუნიციპალიტეტის სხვადასხვა ადმინისტრაციულ ერთეულში მოეწყობა ახალი სპორტული ტრენაჟორები.

ი.გ. პროგრამის/ქვეპროგრამის ბიუჯეტი 100,0 ათასი ლარი: ქალაქ ქუთაისში, სხვადასხვა ადმინისტრაციულ ერთეულებში მოეწყობა ერთეული ცალი სპორტული ტრენაჟორების კომპლექტი – 90.0 ათასი ლარი. ექსპლოატაცია – 10.0 ათასი ლარი.ზემოთ მითითებული ღონისძიებების განხორციელების რიგითობა და მისამართები განისაზღვრება ქალაქ ქუთაისის მუნიციპალიტეტის საკრებულოს მაჟორიტარი დეპუტატებისა თუ ქალაქ ქუთაისის მუნიციპალიტეტის მერის წარმომადგენლების მომართვების საფუძველზე.

კ.  სპორტული მოედნების და სასრიალო ფიცრის ე.წ. „სკეიტბორდის“ მოედნის მოწყობა-რეაბილიტაცია და ექსპლოატაცია (ორგანიზაციული კოდი 06 01 10)

კ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის საბინაო ინფრასტრუქტურის მართვისა და განვითარების სამსახური.

კ.ბ. პროგრამის/ქვეპროგრამის აღწერა: ქალაქ ქუთაისში არსებული, ჯერ კიდევ წლების წინ მოწყობილი სპორტული მოედნები, რომელთაც შემოღობვა, სათამაშო ზედაპირი და სხვა შემადგენელი ნაწილები დაზიანებული აქვთ, საჭიროებენ აუცილებელ რეაბილიტაციას, სპორტით დაკავებული ადამიანებისათვის უსაფრთხო და დაცული გამაჯანსაღებელი გარემოს შესაქმნელად. აგრეთვე, ბინათმესაკუთრეთა ამხანაგობებისგან უახლოეს ადგილებში არსებობს ცარიელი, ამჟამად გამოუყენებელი ტერიტორიები, სადაც სპორტული მოედნების მოწყობა დაინტერესებას გამოიწვევს მიმდებარე საცხოვრებელ კორპუსებში მცხოვრები ახალგაზრდა თაობისთვის დაკავდნენ სპორტით. აგრეთვე, მნიშვნელოვანია ქუჩის სპორტის ერთ-ერთი ყველაზე გავრცელებული სახეობის „სკეიტბორდით“ სრიალისათვის მოეწყოს შესაბამისი მოედანი.

კ.გ. პროგრამის/ქვეპროგრამის ბიუჯეტი 100.0 ათასი ლარი: ქალაქ ქუთაისში არსებული სპორტული მოედნების რეაბილიტაცია და ბინათმესაკუთრეთა ამხანაგობებისათვის მიმდებარედ არსებულ ტერიტორიებზე აუცილებლობის შემთხვევაში სპორტული მოედნის მოწყობა – 100.0 ათასი ლარი (სხვადასხვა კაპიტალური სამუშაოებისა და რეგიონებში განსახორციელებელი პროექტების ფონდიდან გამოყოფილი თანხების თანადაფინანსებისათვის).

ლ. კულტურის განვითარების ხელშეწყობის პროგრამა (ორგანიზაციული კოდი 06 02)

ლ.ა. პროგრამის/ქვეპროგრამის აღწერა: პროგრამის ფარგლებში განხორციელდება კულტურულ, სახელოვნებო, საგანმანათლებლო დაწესებულებათა მხარდაჭერა; კულტურული ღონისძიებები; სახელმწიფო ისტორიული მუზეუმის შენობის დაცვა; სამეფო კომპლექსი „ოქროს ჩარდახის“, ფოლკლორის ცენტრი – სიმღერისა და ცეკვის სახელმწიფო ანსამბლისა და თეატრების მხარდაჭერა.

ლ.ბ. პროგრამის/ქვეპროგრამის ბიუჯეტი 4685,0 ათასი ლარი

ლ.გ. მოსალოდნელი შედეგი: კულტურის, განათლების, ხელოვნების სფეროს  დონის ამაღლება; გაუმჯობესებული მატერიალურ-ტექნიკური ბაზის მქონე ფილიალები;

ლ.დ. შეფასების კრიტერიუმი: ფილიალებში რეგისტრირებულ ბავშვთა რაოდენობა; ფესტივალ-კონკურსებში ჩართული ბავშვების რაოდენობა; მოსახლეობის დასწრება დაგეგმილ ღონისძიებებზე; გაუმჯობესებული მატერიალურ-ტექნიკური ბაზის მქონე ფილიალების რაოდენობა.

მ. ააიპ  „კულტურულ სახელოვნებო საგანმანათლებლო დაწესებულებათა გაერთიანება (ორგანიზაციული კოდი 06 02 01)“

მ.ა. პროგრამის/ქვეპროგრამის აღწერა: სკოლისგარე განათლების ხელშეწყობა, გამართული სასწავლო პროცესის ხელშეწყობა, თანამედროვე სტანდარტების მქონე მატერიალურ – ტექნიკური ბაზის შექმნა, შესაბამისი განათლების მიცემის უზრუნველყოფისათვის ინფრასტრუქტურის მოწესრიგება, გაერთიანების ფილიალების  მართვა. ყოველწლიურად თვალშისაცემია მოსწავლეთა შედეგები, რაც ქალაქისათვის, როგორც ქვეყნის მასშტაბით, ასევე, საერთაშორისო ასპარეზზე მნიშვნელოვან წარმატებებს განაპირობებს. აღნიშნულ გაერთიანებაში დატვირთულია 2800-ზე მეტი მოსწავლე, რომელთაც ემსახურება 700-ზე მეტი თანამშრომელი და პედაგოგი. მათი შრომის ანაზრაურების ფონდი განსაზღვრულია 2800.0 ათასი ლარით, საიდანაც ადმინისტრაციის სახელფასო ანაზღაურება შეადგენს 10,7 %-ს. ასიგნების დანარჩენი ხარჯები განკუთვნილია საორგანიზაციო, სხვადასხვა ფესტივალებსა და კონკურსებში მონაწილეებისა და მატერიალურ-ტექნიკური ბაზის მოვლა-პატრონობისა და გაუმჯობესების ღონისძიებებზე.

მ.ბ. პროგრამის/ქვეპროგრამის ბიუჯეტი 2900,0 ათასი ლარი

ნ. კულტურული ღონისძიებები (ორგანიზაციული კოდი 06 02 02)

ნ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის კულტურის, სპორტის, განათლებისა და ძეგლთა დაცვის სამსახური.

ნ.ბ. პროგრამის/ქვეპროგრამის აღწერა: პროგრამის ფარგლებში ჩატარებული სხვადასხვა კულტურული ღონისძიებები უზრუნველყოფენ კულტურისა და ხელოვნების სფეროში ერთიანი პოლიტიკის შემუშავებას, დაგეგმვასა და მისი რეალიზაციის კოორდინაციას, კულტურის სფეროში განსაკუთრებით ნიჭიერი და შემოქმედი ახალგაზრდების მხარდაჭერას, კულტურის დღეების, გაცვლითი გასტროლების, კონკურსების, ფესტივალებისა და გამოფენების ორგანიზებას.

ნ.გ. პროგრამის/ქვეპროგრამის ხარჯთაღრიცხვა:

ო. სსიპ „ნ. ბერძენიშვილის სახელობის ქუთაისის სახელმწიფო ისტორიული მუზეუმი“ (ორგანიზაციული კოდი 06 02 03)

ო.ა. პროგრამის/ქვეპროგრამის აღწერა: ქვეპროგრამის ფარგლებში განხორციელდება მუზეუმის დაცვის  მომსახურება.

ო.ბ. პროგრამის/ქვეპროგრამის ბიუჯეტი 70,0 ათასი ლარი

პ. ააიპ „ქალაქ ქუთაისის სამეფო კომპლექსი ოქროს ჩარდახი (ორგანიზაციული კოდი 06 02 04)“

პ.ა. პროგრამის/ქვეპროგრამის აღწერა: ქვეპროგრამის ფარგლებში განხორციელდება სამეფო კომპლექსი „ოქროს ჩარდახის“ ფუნქციონირების ხელშეწყობის ღონისძიებები.

პ.ბ. პროგრამის/ქვეპროგრამის ბიუჯეტი 35,0 ათასი ლარი

ჟ. ააიპ „ქალაქ ქუთაისის ფოლკლორის ცენტრი – სიმღერისა და ცეკვის სახელმწიფო ანსამბლი (ორგანიზაციული კოდი 06 02 05)“

ჟ.ა. პროგრამის/ქვეპროგრამის აღწერა: ფოლკლორის ცენტრის ფუნქციონირებისათვის საჭირო ღონისძიებები, სასცენო  კოსტიუმების  შეკერვა – განახლება  შოუ  პროგრამის  მოსამზადებლად, სახელმწიფო ანსამბლის პროპაგანდა, მატერიალურ-ტექნიკური ბაზის განახლება. ფოლკლორის ცენტრი-სიმღერისა და ცეკვის სახელმწიფო ანსამბლის სოლო კონცერტების ჩატარება. ცენტრში დასაქმებულია 103 თანამშრომელი, რომელიც კომპლექტდება სახელმწიფო ანსაბლისა და ქორეოგრაფებისაგან. ცენტრში აქტიურად ჩართულია 365-ზე მეტი მოსწავლე, რაც ქვეყნის მასშტაბით ფოლკლორის პოპულარიზაციას უწყობს ხელს.

ჟ.ბ. პროგრამის/ქვეპროგრამის ბიუჯეტი 760,0 ათასი ლარი.

უ. ახალგაზრდული ღონისძიებების პროგრამა (ორგანიზაციული კოდი 06 03)

უ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის კულტურის, სპორტის, განათლებისა და ძეგლთა დაცვის სამსახური.

უ.ბ. პროგრამის/ქვეპროგრამის აღწერა: ახალგაზრდული ინიციატივების მხარდაჭერა, ნიჭიერი ახალგაზრდების გამოვლენა, მათი საქმიანობის ხელშეწყობა, ახალგაზრდების საზოგადოებრივ ცხოვრებაში ჩართულობის ხელშეწყობა, შშმ პირების საზოგადოებაში ინტეგრირება, ახალგაზრდებში მოხალისეობის პოპულარიზაცია.

უ.გ. პროგრამის/ქვეპროგრამის ხარჯთაღრიცხვა:

უ.დ. მოსალოდნელი შედეგი: საზოგადოებრივ აქტივობებში ჩართული ახალგაზრდები; ახალგაზრდებში სამოქალაქო თვითშეგნების ამაღლება; ახალგაზრდების თავისუფალი დროის შინაარსიან გამოყენება.

უ.ე. შეფასების კრიტერიუმი: განხორციელებული პროექტების რაოდენობა; პროექტებში მონაწილე ახალგაზდების რაოდენობა.

ფ. ააიპ „ქუთათელ გაენათელის ეპარქია (ორგანიზაციული კოდი 06 04)

ფ.ა. პროგრამის/ქვეპროგრამის აღწერა: ქალაქში სხვადასხვა ღონისძიებების მხარდასაჭერად ეპარქია საჭიროებს  გარკვეულ მხარდაჭერას, კერძოდ, ბაგრატის კათედრალური ტაძრისა და მისი მიმდებარე ტერიტორიის განათების, ეპარქიაში არსებული ეკლესია-მონასტრების, ქუთაის-გაენათის ეპარქიის რეზიდენციის კომუნალური დავალიანებების დაფარვისა და ტაძრების მიმდინარე და კაპიტალური მშენებლობების კუთხით.

ფ.ბ. პროგრამის/ქვეპროგრამის ბიუჯეტი 45,0 ათასი ლარი

6. ჯანმრთელობის დაცვა და სოციალური უზრუნველყოფა (ორგანიზაციული კოდი 07 00): მოსახლეობის ჯანმრთელობის დაცვის ხელშეწყობა და მათი სოციალური დაცვა ქალაქის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსებისა და კომპეტენციის ფარგლებში განაგრძობს სოციალურად დაუცველი მოსახლეობის სხვადასხვა დახმარებებითა და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ ქალაქის, არამედ, მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან. ასევე მნიშვნელოვანია ქალაქში რეგისტრირებული უსახლკარო ოჯახებისათვის დროებითი საცხოვრისის შექმნა და ამ მხრივ სოციალური ფონის გაუმჯობესება.

ა.  ჯანმრთელობის დაცვა (ორგანიზაციული კოდი 07 01)

ა.ა. პროგრამის/ქვეპროგრამის აღწერა: პროგრამის მიზანია ქალაქის ტერიტორიაზე მცხოვრები მოსახლეობის ჯანმრთელობის დაცვის უზრუნველყოფა. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული საზოგადოებრივი ჯანდაცვის მომსახურების ხარჯების ანაზღაურება, მძიმე დაავადების მქონე პირების მედიკამენტებითა და სამედიცინო დანიშნულების საგნებით დახმარება, დაავადებული გადახდისუუნარო პირებისათვის სამედიცინო მომსახურების ხარჯების ანაზღაურება, ზოგადსაგანმანათლებლო დაწესებულებებში მოსწავლეების პროფილაქტიკური გამოკვლევა, მათში ყველაზე გავრცელებული დაავადებების დროულად გამოსავლენად, ეპილეფსიით დაავადებულ პირთა ანტიკონვულსანტებით უზრუნველყოფა.

ა.ბ. პროგრამის/ქვეპროგრამის ბიუჯეტი 950,0 ათასი ლარი

ა.გ. მოსალოდნელი შედეგი: პრევენციული ღონისძიებების საფუძველზე მოსახლეობის დაცვა ეპიდემიური დაავადებების გავრცელებისაგან; მოსახლეობის სოციალურ-ეკონომიკური მდგომარეობის გაუმჯობესება; მოზარდ თაობაში გავრცელებული დაავადებების გამოვლენით შემდგომ ასაკში დაავადებათა გართულების პრევენცია.

ა.დ. შეფასების კრიტერიუმი: პროგრამაში მონაწილე ბენეფიციართა რაოდენობა.

ბ. ააიპ „ქალაქ ქუთაისში საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრი (ორგანიზაციული კოდი 07 01 01)“

ბ.ა. პროგრამის/ქვეპროგრამის აღწერა: ცენტრის მიზანია გადამდებ დაავადებათა ეპიდზედამხედველობა და კონტროლი, იმუნოპროფილაქტიკის დაგეგმვა, საგანმანათლებლო-სააღზმრდელო დაწესებულებებში სანიტარიულ-ჰიგიენური ნორმების დაცვის ზედამხედველობა, ცხოვრების ჯანსაღი წესის პროპაგანდა.

ბ.ბ. განსახორციელებელი ღონისძიებები: პროგრამის ფარგლებში ცენტრის მიერ ხორციელდება ქალაქის მასშტაბით საბონიფიკაციო ღონისძიებების ჩატარება, გადამდები ფაუნის შესწავლა და დადგენა. პრევენციული და კონტროლის ღონისძიებების გატარება (წყალსატევებში გამბუზიების გავრცელება), ეპიდსაწინააღმდეგო ღონისძიების გატარება, პირველადი ჯანდაცვის დაწესებულებების უზრუნველყოფა ვაქცინაციებისთვის საჭირო საშუალებებით, საგანმანათლებლო დაწესებულებების პერიოდული მონიტორინგი, ღონისძიებების ჩატარება ცხოვრების ჯანსაღი წესის დამკვიდრების მიზნით.

ბ.გ. პროგრამის/ქვეპროგრამის ბიუჯეტი 150,0 ათასი ლარი

გ.  მედიკამენტებით უზრუნველყოფა (ორგანიზაციული კოდი 07 01 02)

გ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის სოციალურ საკითხთა სამსახური.

გ.ბ. პროგრამის/ქვეპროგრამის აღწერა: პროგრამით მოსარგებლე ბენეფიციარები არიან სოციალურად დაუცველი ოჯახების მონაცემთა ერთიან ბაზაში რეგისტრირებული 70000-მდე და დაბალი სარეიტინგო ქულის მქონე პირები და ჰემოდიალიზზე მყოფი პაციენტები.დახმარების მიმღები უნდა იყოს ქალაქ ქუთაისში რეგისტრირებული. დახმარება გაიცემა სოციალურად დაუცველი ოჯახების მონაცემთა ერთიან ბაზაში რეგისტრირებული 57000 სარეიტინგო ქულის მქონე ბენეფიციარებისათვის, ოჯახზე წელიწადში ერთხელ, არაუმეტეს 120 ლარის ოდენობით და 57 000-დან 70 000-მდე სარეიტინგო ქულის მქონე ბენეფიციარებისათვის, წელიწადში ერთხელ, არაუმეტეს 70 ლარის ოდენობით. ლიმიტს ზემოთ და განსაკუთრებული საჭიროების შემთხვევაში დახმარების საკითხი გადაწყდება (სოციალურად დაუცველი ოჯახების მონაცემთა ერთიან ბაზაში არარეგისტრირებულ პირებზე) სამსახურის მოკვლევის საფუძველზე, დამატებითი არგუმენტებისა და გარემოებების გათვალისწინებით. დახმარების მთხოვნელმა განცხადებასთან ერთად უნდა წარმოადგინოს პირადობის მოწმობის ასლი, ფორმა №100 სამედიცინო დაწესებულებიდან, ანგარიშფაქტურა აფთიაქიდან და სოციალურად დაუცველი ოჯახების მონაცემთა ერთიანი ბაზიდან ამონაწერი. ჰემოდიალიზზე მყოფი პაციენტების უზრუნველყოფა მედიკამენტებით და სამედიცინო დანიშნულების საგნებით ხდება ერთჯერადი მომართვის საფუძველზე ყოველთვიურად, რომლის მოცულობა განისაზღვრება 100 ლარის ოდენობით. დახმარების მთხოვნელმა, განცხადებასთან ერთად უნდა წარმოადგინოს პირადობის მოწმობა, ანგარიშ-ფაქტურა აფთიაქიდან და ფორმა №100 სამედიცინო დაწესებულებიდან. (განსაკუთრებულ შემთხვევებში სხვა დამატებითი დოკუმენტი სამსახურის მოთხოვნით). წარმოდგენილი დოკუმენტაციის საფუძველზე მზადდება საგარანტიო წერილი.

გ.გ. პროგრამის/ქვეპროგრამის ბიუჯეტი 200,0 ათასი ლარი

დ. სამედიცინო დახმარება (ორგანიზაციული კოდი 07 01 03)

დ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის სოციალურ საკითხთა სამსახური.

დ.ბ. პროგრამის/ქვეპროგრამის აღწერა: მძიმე, სიცოცხლისათვის საშიში დაავადების მქონე და განსაკუთრებული შემთხვევის შედეგად დაავადებული გადახდისუუნარო პირებისათვის სამედიცინო მომსახურების, როგორც დიაგნოსტიკის, ასევე შემდგომი მკურნალობის ხარჯების ანაზღაურებაში დახმარება. დახმარებით ისარგებლებენ ქალაქ ქუთაისში რეგისტრირებული პირები, წელიწადში ერთხელ, გამონაკლისს წარმოადგენს ონკოლოგიური ავადმყოფები, რომლებიც დახმარებით ისარგებლებენ არაერთჯერადი მომართვის საფუძველზე, თანაგადახდის პრინციპით, არაუმეტეს 1000 /ათასი/ ლარისა. რადიოლოგიური დიაგნოსტიკის შემთხვევაში, დახმარება გაიცემა მხოლოდ სოციალურად დაუცველი ოჯახების მონაცემთა ერთიან ბაზაში რეგისტრირებული 70000 და დაბალი სარეიტინგო ქულის მქონე  ბენეფიციარებზე და ონკოპაციენტებზე. მკურნალობის ხარჯების (სტაციონარული თერაპია, ქირურგია) ანაზღაურების შემთხვევეაში დახმარებით ისარგებლებენ მოსახლეობის საყოველთაო ჯანმრთელობის დაცვის სახელმწიფო პროგრამით მოსარგებლე ბენეფიციარები, გარდა იმ პირებისა, რომლებიც სარგებლობენ საყოველთაო ჯანდაცვის სახელმწიფო პროგრამის 100% დაფინანსებით. დახმარების  მოცულობა განისაზღვრება თანაგადახდის პრინციპით, არაუმეტეს 1000 /ათასი/  ლარისა, ყველა სხვა დაავადებების შემთხვევაში დახმარების საკითხი განიხილება და გადაწყდება დაავადების, მკურნალობის მეთოდის, ღირებულების, ბენეფიციარის მატერიალური მდგომარეობის მოკვლევის საფუძველზე და სხვა გარემოებების გათვალისწინებით. მთხოვნელმა განცხადებასთან ერთად უნდა წარმოადგინოს პირადობის მოწმობა, ანგარიშფაქტურა, ფორმა №100 სამედიცინო დაწესებულებიდან,  განსაკუთრებულ შემთხვევებში სხვა დამატებითი დოკუმენტი სამსახურის მოთხოვნით. დაფინანსების შემთხვევაში მომსახურების გამწევი დაწესებულება წარმოადგენს გაწეული სამუშაოს ხარჯთაღრიცხვას. ლიმიტს ზევით დახმარების საკითხი გადაწყდება სამსახურის მიერ დამატებითი არგუმენტებისა და გარემოებების საფუძველზე. ანალოგიური წესით განიხილება ყველა სხვა შემთხვევაში დახმარების საკითხი. C ჰეპატიტის ელიმინაციის პროგრამის ხელშეწყობის მიზნით C ჰეპატიტით დაავადებული, ქალაქ ქუთაისში რეგისტრირებული, სოციალურად დაუცველი ოჯახების მონაცემთა ერთიან ბაზაში რეგისტრირებული 70000 და დაბალი სარეიტინგო ქულის მქონე  ბენეფიციარებისათვის,   სამკურნალო ტაქტიკის განსაზღვრისათვის საჭირო კვლევების დიაგნოსტიკის და მკურნალობის პერიოდში სახელმწიფო პროგრამით გათვალისწინებული მონიტორინგის ღირებულების 30% თანადაფინანსება. პროგრამის სამიზნე ჯგუფს წარმოადგენს, C ჰეპატიტით დაავადებული, ქალაქ ქუთაისში რეგისტრირებული, სოციალურად დაუცველი ოჯახების მონაცემთა ერთიან ბაზაში რეგისტრირებული 70000 და დაბალი სარეიტინგო ქულის მქონე  ბენეფიციარები, რომლებიც ჩართული არიან საქართველოს შრომის, ჯანმრთელობისა და სოციალური დაცვის სამინისტროს C ჰეპატიტის მართვის ღონისძიებების უზრუნველყოფის თაობაზე, სახელმწიფო პროგრამის C ჰეპატიტით დაავადებულ პირთა დიაგნოსტიკის კომპონენტში. განსაზღვრული მომსახურება ფინანსდება ფაქტობრივი ხარჯის მიხედვით, მაგრამ არაუმეტეს დიაგნოსტიკური ჯგუფისათვის დადგენილი ღირებულების 30%-სა. პროგრამით მოსარგებლე პირებმა განცხადებასთან ერთად უნდა წარმოადგინონ პირადობის დამადასტურებელი მოწმობა, ფორმა № 100, ანგარიშფაქტურა, სოციალურად დაუცველი ოჯახების მონაცენთა ერთიანი ბაზიდან ამონაწერი.

დ.გ. პროგრამის/ქვეპროგრამის ბიუჯეტი 520,0 ათასი ლარი

ე. ზოგადსაგანმანათლებლო დაწესებულების მოსწავლეთა პროფილაქტიკური გამოკვლევა (ორგანიზაციული კოდი 07 01 04)

ე.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის სოციალურ საკითხთა სამსახური.

ე.ბ. პროგრამის/ქვეპროგრამის აღწერა: ზოგადსაგანმანათლებლო დაწესებულებებში, სასკოლო პედიატრიის ხელშეწყობისა და განვითარების მხარდასაჭერად, 1-ლი; მე-2; მე-3; მე-4 და მე-7 კლასის მოსწავლეების პროფილაქტიკური გამოკვლევა, მათში ყველაზე გავრცელებული დაავადებების: თიაქარის, სქოლიოზის, კრიპტორხიზმის, რეფრაქციასთან და ენდოკრინოლოგიურ პათოლოგიებთან დაკავშირებული პრობლემის დროულად გამოსავლენად, ამ პათოლოგიების მკურნალობისა და მასთან დაკავშირებული სხვა დაავადებების პრევენციის მიზნით. პროგრამის სამიზნე ჯგუფს წარმოადგენს ზოგადსაგანმანათლებლო დაწესებულებების (საჯარო და კერძო სკოლები) პირველი, მეორე, მესამე, მეოთხე და მეშვიდე კლასის მოსწავლეები. პირველი და მესამე კლასის მოსწავლეების პროფილაქტიკურ სამედიცინო გასინჯვებს აწარმოებს ქირურგი და ორთოპედ-ტრავმატოლოგი, მეორე და მეოთხე კლასის მოსწავლეების პროფილაქტიკურ სამედიცინო გასინჯვებს – ექიმი ოფთალმოლოგი, მე-7 კლასის მოსწავლეების პროფილაქტიკურ გამოკვლევას ფარისებრი ჯირკვლის პათოლოგიათა ადრეულ ეტაპზე გამოსავლენად, აწარმოებს ექიმი-ენდოკრინოლოგი.

ე.გ. განსახორციელებელი ღონისძიებები: ქვეპროგრამის ბენეფიციართა ზუსტი ბაზის (ქალაქ ქუთაისის ზოგადსაგანმანათლებლო დაწესებულებათა რეესტრის, თითოეულ დაწესებულებაში პირველი, მეორე, მესამე, მეოთხე და მეშვიდე  კლასის მოსწავლეთა რაოდენობის) მომზადება. ქვეპროგრამის განხორციელებაში მონაწილე სუბიექტების ქუთაისში მოქმედი პირველადი ჯანდაცვის დაწესებულებების განსაზღვრა და სახელშეკრულებო ურთიერთობების დამყარება ქვეპროგრამაში მონაწილეობაზე; პროფილაქტიკური სამედიცინო გამოკვლევების კალენდარული დაგეგმვა; პროფილაქტიკური სამედიცინო გამოკვლევების განხორციელება და მასზე ზედამხედველობა, გამოკვლევების შედეგების ანალიზი.

ე.დ. პროგრამის/ქვეპროგრამის ბიუჯეტი 35,0 ათასი ლარი

ვ. ეპილეფსიით დაავადებულ პირთა ანტიკონვულსანტებით უზრუნველყოფა (ორგანიზაციული კოდი 07 01 05)

ვ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის სოციალურ საკითხთა სამსახური.

ვ.ბ. პროგრამის/ქვეპროგრამის აღწერა: ქალაქ ქუთაისში მცხოვრებ ეპილეფსიით დაავადებულ პირთა ანტიკონვულსანტებით უზრუნველყოფა; ეპილეფსიით დაავადებულ პირთა მკურნალობისა და ცხოვრების ხარისხის გაუმჯობესება: პროექტის ბენეფიციარები გაიყოფიან 2 ასაკობრივ ჯგუფად (0-18 წლის ჩათვლით და 18 წლის ზემოთ), დახმარების მიღება მოხდება ვაუჩერის გამოყენებით, რომლის მოცულობა განისაზღვრება თვიურად 0-18 წლის ჩათვლით ასაკის პირთათვის 40 ლარის, ხოლო 18 წლის ზემოთ ასაკის პირთათვის 30 ლარის ღირებულების ანტიკონვულსანტებით, ამასთან, თითოეულ ბენეფიციარზე მათივე ინტერესებიდან გამომდინარე, გაიცემა სამი თვის ოდენობის ვაუჩერი და შესაბამისად, დახმარების მიღება განხორციელდება, 0-18 წლის  ასაკის პირთათვის 120 ლარის და 18 წლის ზემოთ ასაკის პირთათვის 90 ლარის ღირებულების ანტიკონვულსანტებით. ლიმიტ ზემოთ დახმარების საკითხი გადაწყდება სამსახურის მიერ დამატებითი არგუმენტებისა და გარემოებების საფუძველზე, გამონაკლის შემთხვევაში.

ვ.დ. განსახორციელებელი ღონისძიებები: ადგილობრივი მედიის საშუალებებით სოციალური რეკლამის წარმოება პროექტის მიზნებისა და სარგებლის შესახებ; პროგრამის ბენეფიციარების ცენტრალიზებული რეგისტრის შექმნა სრული მონაცემების ფიქსირებით; მედიკამენტის ვაუჩერის დამზადება, ვაუჩერის გაცემა 3 თვის მედიკამენტების რაოდენობის გათვლით; სააფთიაქო დაწესებულებების შერჩევა; მედიკამენტების გაცემა, გაწეული მომსახურების ანაზღაურება.

ვ.გ. პროგრამის/ქვეპროგრამის ბიუჯეტი 45,0 ათასი ლარი

ზ.  სოციალური დაცვა (ორგანიზაციული კოდი 07 02)

ზ.ა. პროგრამის/ქვეპროგრამის აღწერა: პროგრამის მიზანია ქალაქის ტერიტორიაზე მცხოვრები მოსახლეობის სხვადასხვა ფენების სოციალური დახმარებებით უზრუნველყოფა. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურება,  დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარება და სხვა სოციალური ღონისძიებები, რომელიც მთლიანობაში უზრუნველყოფს ქალაქის მოსახლეობის სოციალური მდგომარეობის გაუმჯობესებას.

ზ.ბ. პროგრამის/ქვეპროგრამის ბიუჯეტი 4641,2 ათასი ლარი

ზ.გ. მოსალოდნელი შედეგი: მოსახლეობის სოციალურ-ეკონომიკური მდგომარეობის გაუმჯობესება; სოციალური საცხოვრისის მცხოვრებთათვის სოციალური პირობების გაუმჯობესება; მრავალშვილიანი ოჯახების დახმარების პროგრამით მოსარგებლე მრავალშვილიანი ოჯახების სოციალური პირობების გაუმჯობესება; სახელმწიფო მზრუნველობიდან გამოსული ბავშვების დამოუკიდებელი ცხოვრების ხელშეწყობა და სოციალური ინტეგრაცია; სახელმწიფო მზრუნველობაში მყოფი ბავშვების ბიოლოგიური ოჯახების გაძლიერება, ბავშვების ბიოლოგიურ ოჯახებში დაბრუნების ხელშეწყობა და ბავშვთა მიტოვების რისკების პრევენცია; ჰემოდიალიზზე მყოფი პირების (შშმ პირები) სიცოცხლის ხარისხის ამაღლება; პრობლემატური და განსაკუთრებული საჭიროების მქონე ოჯახებისა და პირების სოციალური მდგომარეობის გაუმჯობესება; აბსოლუტური სიყრუის მქონე და ყრუ-მუნჯი ბავშვების ფუნქციური დამოუკიდებლობის ხარისხის გაუმჯობესება და მათი საზოგადოებაში  ინტეგრაცია;

ზ.დ. შეფასების კრიტერიუმი: პროგრამაში მონაწილე ბენეფიციართა რაოდენობა.

თ. სოციალური საცხოვრისის კომუნალური ხარჯების უზრუნველყოფა (ორგანიზაციული კოდი 07 02 01)

თ.ა. პროგრამის/ქვეპროგრამის განმახორციელებელი: ქალაქ ქუთაისის მუნიციპალიტეტის მერიის სოციალურ საკითხთა  სამსახური.

თ.ბ. პროგრამის/ქვეპროგრამის აღწერა: ქვეპროგრამის მიზანია სოციალურ საცხოვრისში მცხოვრებთათვის ხელსაყრელი პირობების შექმნა, მათ სოციალურ რეაბილიტაციაზე ზრუნვა. კრიზისული სიტუაციების მართვა, სოციალური საცხოვრისის მობინადრეთა მიერ დახარჯული ელექტროენერგიისა (თითოეულ ოჯახს თვეში არაუმეტეს 60 ლარი) და ცენტრალური გათბობისათვის საჭირო ბუნებრივი აირის თანხების ანაზღაურება წარმოდგენილი ანგარიშფაქტურების შესაბამისად, ფაქტობრივი ხარჯის მიხედვით.

თ.გ. პროგრამის/ქვეპროგრამის ბიუჯეტი 20,0 ათასი ლარი

ი. მრავალშვილიანი ოჯახების დახმარება (ორგანიზაციული კოდი 07 02 02)