საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ

1. კოდექსს დაემატოს შემდეგი შინაარსის 69⁶ მუხლი:

„მუხლი 69⁶. ჰაერის კონდიცირებისა და სამაცივრო მოწყობილობების მომსახურების სფეროში დადგენილი მოთხოვნების დარღვევა

1. „ატმოსფერული ჰაერის დაცვის შესახებ“ საქართველოს კანონით განსაზღვრული ჰაერის კონდიცირებისა და სამაცივრო მოწყობილობების მფლობელი მეწარმე სუბიექტის მიერ არასერტიფიცირებული ტექნიკოსის მომსახურების მიღება –

გამოიწვევს ჰაერის კონდიცირებისა და სამაცივრო მოწყობილობების მფლობელი მეწარმე სუბიექტის დაჯარიმებას 100 ლარით.

2. იგივე ქმედება, ჩადენილი განმეორებით, –

გამოიწვევს ჰაერის კონდიცირებისა და სამაცივრო მოწყობილობების მფლობელი მეწარმე სუბიექტის დაჯარიმებას 200 ლარით.

3. „ატმოსფერული ჰაერის დაცვის შესახებ“ საქართველოს კანონით განსაზღვრული ჰაერის კონდიცირებისა და სამაცივრო მოწყობილობების არასერტიფიცირებული ტექნიკოსის მიერ მომსახურება –

გამოიწვევს არასერტიფიცირებული ტექნიკოსის დაჯარიმებას 200 ლარით. 

4. იგივე ქმედება, ჩადენილი განმეორებით, –

გამოიწვევს არასერტიფიცირებული ტექნიკოსის დაჯარიმებას 400 ლარით.“.

2. კოდექსს დაემატოს შემდეგი შინაარსის 79⁴ –79⁶ მუხლები:

„მუხლი 79⁴. ოზონდამშლელი ნივთიერებების იმპორტის, ექსპორტის, რეექსპორტის და ტრანზიტის სფეროში დადგენილი მოთხოვნების შეუსრულებლობა ან დარღვევა, ან ოზონდამშლელი ნივთიერების წარმოება, ან აკრძალული ოზონდამშლელი ნივთიერებებით ვაჭრობა

1. ოზონდამშლელი ნივთიერებების იმპორტის, ექსპორტის, რეექსპორტის და ტრანზიტის სანებართვო პირობების დარღვევა –

გამოიწვევს დაჯარიმებას 1000 ლარით.

2. ოზონდამშლელი ნივთიერებების იმპორტი, ექსპორტი, რეექსპორტი და ტრანზიტი ნებართვის გარეშე –

გამოიწვევს დაჯარიმებას თითოეულ კილოგრამ ნივთიერებაზე 20 ლარით.

3. აკრძალული ოზონდამშლელი ნივთიერებების იმპორტი, ექსპორტი, რეექსპორტი ან ტრანზიტი –

გამოიწვევს დაჯარიმებას თითოეულ კილოგრამ ნივთიერებაზე 30 ლარით.

4. ოზონდამშლელი ნივთიერების წარმოება –

გამოიწვევს დაჯარიმებას 1000 ლარით.

5. აკრძალული ოზონდამშლელი ნივთიერებებით ვაჭრობა –

გამოიწვევს დაჯარიმებას 1000 ლარით.

მუხლი 79⁵. ნარჩენების იმპორტის, ექსპორტის და ტრანზიტის სანებართვო პირობების დარღვევა

ნარჩენების იმპორტის, ექსპორტის და ტრანზიტის სანებართვო პირობების დარღვევა –

გამოიწვევს დაჯარიმებას 1000 ლარით.

მუხლი 79⁶. ცალკეული საშიში ქიმიური ნივთიერებების და პესტიციდების იმპორტზე წინასწარ დასაბუთებული თანხმობით გათვალისწინებული მოთხოვნების დარღვევა

ცალკეული საშიში ქიმიური ნივთიერებების და პესტიციდების იმპორტზე წინასწარ დასაბუთებული თანხმობით გათვალისწინებული მოთხოვნების დარღვევა –

გამოიწვევს დაჯარიმებას 1000 ლარით.“.

3. კოდექსს დაემატოს შემდეგი შინაარსის 82³ და 82⁴ მუხლები:

„მუხლი 82³. „მაცივარაგენტზე მომუშავე მოწყობილობის მომსახურების სარეგისტრაციო ჟურნალის ფორმისა და ანგარიშგების წარმოების ტექნიკური რეგლამენტის“ მოთხოვნების დარღვევა

1. „მაცივარაგენტზე მომუშავე მოწყობილობის მომსახურების სარეგისტრაციო ჟურნალის ფორმისა და ანგარიშგების წარმოების ტექნიკური რეგლამენტით“ გათვალისწინებული სარეგისტრაციო ჟურნალის გამოუყენებლობა ან მისი ამ ტექნიკური რეგლამენტის მოთხოვნების დარღვევით წარმოება –  

გამოიწვევს დაჯარიმებას 150 ლარით.

2. მაცივარაგენტების წლიური მოხმარების შესახებ მონაცემების „მაცივარაგენტზე მომუშავე მოწყობილობის მომსახურების სარეგისტრაციო ჟურნალის ფორმისა და ანგარიშგების წარმოების ტექნიკური რეგლამენტით“ დადგენილი ფორმით ან დადგენილ ვადაში წარუდგენლობა –

გამოიწვევს დაჯარიმებას 150 ლარით.

მუხლი 82⁴. საქართველოს სტანდარტის – „სამაცივრო სისტემების და თბური ტუმბოების მომსახურების უსაფრთხოებისა და გარემოს დაცვის მოთხოვნების“ მოთხოვნათა დარღვევა ან შეუსრულებლობა

საქართველოს სტანდარტის – „სამაცივრო სისტემების და თბური ტუმბოების მომსახურების უსაფრთხოებისა და გარემოს დაცვის მოთხოვნების“ მოთხოვნათა დარღვევა ან შეუსრულებლობა –

გამოიწვევს დაჯარიმებას 400 ლარით.“.

4. 222-ე მუხლი ჩამოყალიბდეს შემდეგი რედაქციით:

„მუხლი 222. საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულება − გარემოსდაცვითი ზედამხედველობის დეპარტამენტი

საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულების − გარემოსდაცვითი ზედამხედველობის დეპარტამენტის უფლებამოსილ თანამშრომლებს აქვთ ამ კოდექსის 48-ე, 49-ე, 51-ე, 51², 51⁴−53², 54-ე, 54¹, 55¹, 55⁴, 56-ე, 57-ე−57³, 58-ე, 58¹, 58³, 59-ე, 59³, მე-60, 60³, 61¹, 63-ე−65-ე, 66-ე−69-ე, 69⁴–69⁶, 71-ე, 71¹, 72¹−78-ე და 79¹–79⁵ მუხლებით, 79⁶ მუხლით (ცალკეული საშიში ქიმიური ნივთიერებების იმპორტის ნაწილში), 82¹–82⁴ და 84-ე−85⁵ მუხლებით, 86-ე მუხლით (გარდა 86-ე მუხლის მე-9 და მე-10 ნაწილებისა), 87¹–87³ და 89-ე–89³ მუხლებით, 91³ მუხლის მე-3 ნაწილით, 103¹ და 128³−128⁵ მუხლებით, 151-ე მუხლით (გარდა 151-ე მუხლის მე-3 ნაწილისა) და 173⁵ მუხლით გათვალისწინებულ ადმინისტრაციულ სამართალდარღვევათა საქმეების განხილვისა და ადმინისტრაციული სახდელების დადების უფლება.“.

5. 223-ე მუხლის პირველი ნაწილი ჩამოყალიბდეს შემდეგი რედაქციით:

„1. საქართველოს სოფლის მეურნეობის სამინისტროს მმართველობის სფეროში შემავალი საჯარო სამართლის იურიდიული პირის – სურსათის ეროვნული სააგენტოს უფლებამოსილი პირები განიხილავენ ამ კოდექსის 79⁶ მუხლით (პესტიციდების იმპორტის ნაწილში) და 98¹, 179⁴ და 179⁵ მუხლებით გათვალისწინებულ ადმინისტრაციულ სამართალდარღვევათა საქმეებს.“.

6. 239-ე მუხლის მე-4 ნაწილი ჩამოყალიბდეს შემდეგი რედაქციით:

„4. ამ კოდექსის 48-ე, 49-ე, 51-ე–51², 51⁴−53², 54-ე, 54¹, 55¹, 55⁴, 56-ე, 57-ე–59-ე, 59³, მე-60, 60³, 61¹, 63-ე−65-ე, 66-ე−69-ე, 69⁴–69⁶, 71-ე, 71¹, 72¹−78-ე და 79¹–79⁵ მუხლებით, 79⁶ მუხლით (ცალკეული საშიში ქიმიური ნივთიერებების იმპორტის ნაწილში), 82¹–82⁴, 84-ე−86-ე, 87¹–87³ და 89-ე–89³ მუხლებით, 91³ მუხლის მე-3 ნაწილით, 103¹, 104-ე და 128²–128⁵ მუხლებით, 151-ე მუხლით (გარდა 151-ე მუხლის მე-3 ნაწილისა) და 173⁵ მუხლით გათვალისწინებულ ადმინისტრაციულ სამართალდარღვევათა შესახებ ოქმებს თავიანთი კომპეტენციის ფარგლებში ადგენენ საქართველოს გარემოსა და ბუნებრივი რესურსების დაცვის სამინისტროს სისტემაში შემავალი დაწესებულებების უფლებამოსილი თანამშრომლები.“.

7. 242-ე მუხლის 3² ნაწილი ჩამოყალიბდეს შემდეგი რედაქციით:

„3². ამ კოდექსის 79⁶, 98¹, 179⁴ და 179⁵ მუხლებით გათვალისწინებულ ადმინისტრაციულ სამართალდარღვევათა ჩადენისას საქართველოს სოფლის მეურნეობის სამინისტროს მმართველობის სფეროში შემავალი საჯარო სამართლის იურიდიული პირის – სურსათის ეროვნული სააგენტოს უფლებამოსილი პირი სამართალდამრღვევს გამოუწერს საჯარიმო ქვითარს, რომელიც იმავდროულად არის ადმინისტრაციული სამართალდარღვევის შესახებ ოქმი.“.  

 მუხლი 2

1. ეს კანონი, გარდა ამ კანონის პირველი მუხლის პირველი და მე-3 ნაწილებისა, ამოქმედდეს 2016 წლის 1 ივლისიდან.

2. ამ კანონის პირველი მუხლის პირველი და მე-3 ნაწილები ამოქმედდეს 2018 წლის 1 იანვრიდან.

საქართველოს 2016 წლის 21  დეკემბრის კანონი №173   - ვებგვერდი, 

.