ქალაქ თელავის მუნიციპალიტეტის ტერიტორიაზე გარე რეკლამის განთავსების, ნებართვის მიღების წესისა და გარე რეკლამის განთავსების გეგმის დამტკიცების შესახებ

1. წინამდებარე წესი შემუშავებულია „რეკლამის შესახებ“ საქართველოს კანონის  მე-6 მუხლის, „ლიცენზიებისა და ნებართვების შესახებ“ საქართველოს კანონის 25-ე მუხლის მე-5 ნაწილისა და 26¹ მუხლის შესაბამისად და განსაზღვრავს ქალაქ თელავის მუნიციპალიტეტის ტერიტორიაზე არსებულ უძრავ ქონებაზე გარე რეკლამის განთავსების ნებართვის მიღების წესს.

2. გარე რეკლამის განთავსებაზე ნებართვა გაიცემა ქალაქ თელავის მუნიციპალიტეტის მთელ ტერიტორიაზე.

3. გარე რეკლამის განთავსების ნებართვა გაიცემა აუქციონის ფორმით და მისი მიზანია  ქალაქ თელავის მუნიციპალიტეტის საკუთრებაში  არსებულ მიწაზე და სხვა ქონებაზე გარე რეკლამის განთავსების ნებართვის გაცემა. ნებართვა გაიცემა ნებართვის იმ მაძიებელზე, რომელიც აიღებს ვალდებულებას, დააკმაყოფილოს გამოცხადებული პირობები და ვაჭრობის პროცესში ნებართვის გამცემს ყველაზე მაღალ ფასს შესთავაზებს.  

4. ამ წესით დადგენილი გარე რეკლამის განთავსების ნებართვა გაიცემა მხოლოდ ქალაქ თელავის მუნიციპალიტეტის საკუთრებაში არსებულ მიწის ნაკვეთზე ან სხვა ქონებაზე. ფიზიკური ან კერძო სამართლის იურიდიული პირის, საქართველოს კანონმდებლობით გათვალისწინებული სხვა ორგანიზაციული წარმონაქმნის საკუთრებაში არსებულ მიწის ნაკვეთზე ან სხვა ქონებაზე გარე რეკლამის განთავსება დაიშვება საქართველოს კანონმდებლობით დადგენილი წესით და არ საჭიროებს ამ წესით განსაზღვრულ გარე რეკლამის განთავსების ნებართვას. ფიზიკური ან კერძო სამართლის იურიდიული პირის, საქართველოს კანონმდებლობით გათვალისწინებული სხვა ორგანიზაციული წარმონაქმნის საკუთრებაში არსებულ მიწის ნაკვეთზე ან სხვა ქონებაზე გარე რეკლამის განთავსებისათვის გადასახდელის ოდენობა და გადახდის წესი დგინდება მესაკუთრესთან დადებული ხელშეკრულებით, თუ კანონით ან ხელშეკრულებით სხვა რამ არ არის გათვალისწინებული.

მუხლი 2. გარე რეკლამის განთავსების გეგმა

1 ქალაქ თელავის მუნიციპალიტეტის ტერიტორიაზე გარე რეკლამის განსათავსებელი ტექნიკური საშუალების განლაგების ადგილები განისაზღვრება გარე რეკლამის განთავსების გეგმით.

2. გარე რეკლამის განთავსების გეგმას, ქალაქ თელავის მუნიციპალიტეტის მერის წარდგინებით, ამტკიცებს  ქალაქ თელავის მუნიციპალიტეტის საკრებულო.

მუხლი 3. გარე რეკლამის განთავსების ნებართვის ობიექტი, ფასი და ვადა

1. გარე რეკლამის განთავსების ნებართვის გაცემა ხდება აუქციონის წესით. აუქციონის ორგანიზება, მისი პირობები და ჩატარების წესი განისაზღვრება ქალაქ თელავის მუნიციპალიტეტის საკრებულოს მიერ დადგენილი წესით.

2. გარე რეკლამის განთავსების ნებართვის აუქციონის ფორმით გაცემის ობიექტი შეიძლება იყოს:

ა) გარე რეკლამის განსათავსებელი ერთი ტექნიკური საშუალება;

ბ) ერთ ლოტში შემავალი რამდენიმე განსათავსებელი ტექნიკური საშუალება.

3. აუქციონზე გარე რეკლამის განთავსების ნებართვის წლიური საწყისი ფასი განისაზღვრება გასაცემი სარეკლამო საშუალების ერთ კვადრატულ მეტრ ფართობზე, კერძოდ:

ა)  ქ. თელავის შემდეგ ქუჩებზე: ერეკლე II-ის გამზირი და მოედანი, სააკაძის ქუჩა, ქეთევან წამებულის ქუჩა, რუსთაველის გამზირი, თბილისის გზატკეცილი, ალაზნის გამზირი აღმაშენებლის ქუჩის გადაკვეთამდე, ჭავჭავაძის გამზირი, აღმაშენებლის ქუჩა, ვარდოშვილის ქუჩა – ერთი კვადრატული მეტრი – 40 ლარი;

ბ)   ქ. თელავის დანარჩენ ნაწილში – ერთი კვადრატული მეტრი – 30 ლარი.

4. გარე რეკლამის განთავსების ნებართვის მოქმედების ვადა განისაზღვრება არანაკლებ 1 და არაუმეტეს 10 წლის ვადით.

5. გარე რეკლამის განთავსების ნებართვის საფასურს ნებართვის მფლობელი იხდის სანებართვო პირობებით გათვალისწინებულ ვადაში და დადგენილი წესით. ვალდებულების შეუსრულებლობის ან არაჯეროვანი შესრულებისათვის იხდის პირგასამტეხლოს, რომელიც განისაზღვრება სანებართვო პირობებით.

მუხლი 4. კერძო მიწის ნაკვეთზე ან/და სხვა ქონებაზე გარე რეკლამის განთავსების წესი

1. ფიზიკური ან კერძო სამართლის იურიდიული პირის ან სხვა ორგანიზაციული წარმონაქმნის საკუთრებაში არსებულ მიწის ნაკვეთზე ან/და სხვა უძრავ ქონებაზე გარე რეკლამის განთავსების საკითხი საჭიროებს ქალაქ თელავის მუნიციპალიტეტის მერიასთან სავალდებულო შეთანხმებას.

2. ფიზიკური ან კერძო სამართლის იურიდიული პირის ან სხვა ორგანიზაციული წარმონაქმნის საკუთრებაში არსებულ მიწის ნაკვეთზე ან/და სხვა უძრავ ქონებაზე გარე რეკლამის განთავსებით დაინტერესებულმა პირმა  ქალაქ თელავის მუნიციპალიტეტის მერიას 2 ეგზემპლარად უნდა წარუდგინოს:

ა) პირადობის მოწმობის ასლი (იურიდიული პირის შემთხვევაში – დირექტორის (ხელმძღვანელის) პირადობის მოწმობის ასლი);

ბ) საკუთრებაში არსებული მიწის ნაკვეთის ან/და სხვა უძრავი ქონების ამონაწერი საჯარო რეესტრიდან და საკადასტრო გეგმა (საერთო საკუთრებაში არსებულ ქონებაზე, ასევე სხვა თანამესაკუთრეების მიერ დადგენილი წესით გაცემული თანხმობა);

გ) საკუთრებაში არსებული მიწის ნაკვეთის ან/და სხვა უძრავი ქონების სიტუაციური გეგმა (A3 ფორმატზე, ფერადი) სათანადო დეტალიზაციითა და სამეზობლო საზღვრების ჩვენებით;

დ) იურიდიული პირის შემთხვევაში დამატებით იურიდიული პირის წესდების სათანადო წესით დამოწმებული ასლი და ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან;

ე) გარე რეკლამის პროექტი (ესკიზი) A3 ფორმატზე, ფერადი.

3. ფიზიკური ან კერძო სამართლის იურიდიული პირის ან სხვა ორგანიზაციული წარმონაქმნის საკუთრებაში არსებულ მიწის ნაკვეთზე ან/და სხვა უძრავ ქონებაზე გარე რეკლამის განთავსების საკითხზე გადაწყვეტილებას ბრძანების სახით იღებს ქალაქ თელავის მუნიციპალიტეტის მერი. გარე რეკლამის განთავსების ან განთავსებაზე უარის შესახებ გადაწყვეტილება მიიღება ამ მუხლის მე-2 პუნქტით გათვალისწინებული დოკუმენტაციის წარდგენიდან 14 სამუშაო დღის ვადაში.

1. სანებართვო პირობების შესრულებაზე კონტროლს ახორციელებს ქალაქ თელავის მუნიციპალიტეტის მერიის ზედამხედველობის სამსახური საქართველოს კანონმდებლობით დადგენილი წესით.

2. გარე    რეკლამის      განთავსების   სანებართვო   პირობების   დარღვევა გამოიწვევს პასუხისმგებლობას არსებული კანონმდებლობის შესაბამისად.

3.  ქალაქ თელავის მუნიციპალიტეტის მხრიდან გარე რეკლამის განთავსების ნებართვის  ცალმხრივად გაუქმების საფუძველია:

ა) გაფრთხილების მიუხედავად დაწესებულ ვადაში სანებართვო პირობების შეუსრულებლობა, მათ შორის,      სანებართვო პირობების განმეორებით დარღვევა;

ბ) დადგენილების პირველი პუნქტით დამტკიცებული წესის მე-3 მუხლის 3.5. პუნქტით გათვალისწინებული გადასახადის დათქმულ ვადაში გადაუხდელობის ან/და სანებართვო პირობებით განსაზღვრული ვალდებულების (ვალდებულებების) შეუსრულებლობის ან არაჯეროვანი შესრულებისათვის    დაკისრებული პირგასამტეხლოს დაწესებულ ვადაში გადაუხდელობა;

გ) გაფრთხილების მიუხედავად დადგენილების პირველი პუნქტით დამტკიცებული წესის მოთხოვნების დარღვევა;

დ) კანონმდბლობით გათვალისწინებული სხვა საფუძვლები.

ეძლევა _____________________________________________________________________________

(ნებართვის მიმღები)

_____________________________________________________________________________________

(ნებართვის მიმღების მისამართი)

           საფუძველი  (გარე რეკლამის განთავსების ადგილმდებარეობა):

__________________________________________________________________________________

__________________________________________________________________________________

ნებართვის მოქმედების ვადა:

_______________________ -დან

_______________________ -მდე

            სანებართვო პირობები:

_________________________________________________________________________________

_________________________________________________________________________________

_________________________________________________________________________________

_________________________________________________________________________________

_________________________________________________________________________________

_________________________________________________________________________________

ნებართვა შედგენილია 2 (ორ) ეგზემპლარად. ერთი ეგზემპლარი გადაეცემა ნებართვის მიმღებს, ხოლო მეორე ეგზემპლარი ინახება  ქალაქ თელავის მუნიციპალიტეტის მერიაში.

                          ნებართვა გაცემულია 20     წლის _______________________

____________________________                                      ____________________________

 ნებართვის მიმღების ხელმოწერა                                   ნებართვის გამცემის ხელმოწერა