ზუგდიდის მუნიციპალიტეტის სიმბოლოების (გერბი და დროშა) დამტკიცების შესახებ

აღწერილობა

გერბის ფარი პირობითად  გაყოფილია  3  (სამი) ნაწილად.

I ნაწილი - ძოწისფერ (წითელ) ველზე გამოსახულია ოქროს ჯვარი (ცაიშის ტაძრის სიმბოლოდ) ჰერალდიკური 4 ვარდით (ღვთისმშობლის სიმბოლო).  ველს უკავია ფარის სიმაღლის 2/6.

II ნაწილი - წარმოადგენს ვერცხლის (თეთრ) ქონგურებიან სარტყელს (რუხის ციხის სიმბოლოდ) რომელზეც მოთავსებულია სევადი (შავი) შეჭურვილი (წითელი ენით) მერანი, როგორც სიქველისა და მეომრული სულის ნიშანი.  ფარის სიმაღლის 3/6.

III ნაწილი- წარმოადგენს ლაჟვარდ (ლურჯ)  ტალღოვან  სარტყელს (ზღვის სიმბოლო),  ფარის სიმაღლის 1/6.

    გერბის ფარს ზემოთ მოთავსებულია საქალაქო ვერცხლის გვირგვინი სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკარით.

     ფარს ქვემოთ მოთავსებულია გერბის დევიზის ვერცხლ-ძოწის ბაფთა, რომლის ვერცხლის ველზე შავით ჩაწერილია გერბის დევიზი - ,,ზუგდიდი“.

აღწერილობა

      დროშის მეწამული ველი გაკვეთილ-გადაკვეთილია ოქროს (ყვითელი) ჯვრით, ოთხ არათანაბარ   ნაწილად. პირველი და მესამე მეოთხედების სიმაღლე და სიგანე შეადგენს დროშის სიმაღლის 2/4 -ს.  ჯვრის მხრების სისქე დროშის სიმაღლის 1/5 -ია.

        1  მეოთხედში  განათავსებულია ოქროს მოტივტივე ვარდი (ღვთისმშობლის სიმბოლო).  

დროშის პროპორციაა 2:3.