ქვეყანაში ანტიბიოტიკების რაციონალური მოხმარების გაუმჯობესების მიზნით, საჯარო სამართლის იურიდიული პირის − ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ განსახორციელებელი ღონისძიების თაობაზე

საქართველოს მთავრობის

განკარგულება №1964

2015 წლის 7 სექტემბერი 

 ქ. თბილისი

ქვეყანაში ანტიბიოტიკების რაციონალური მოხმარების გაუმჯობესების მიზნით, საჯარო სამართლის იურიდიული პირის − ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ განსახორციელებელი ღონისძიების თაობაზე

 „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „კ“ ქვეპუნქტისა და „სახელმწიფო ქონების შესახებ“ საქართველოს კანონის 36 - ე მუხლის მე-2 პუნქტის  გათვალისწინებით, ქვეყანაში ანტიბიოტიკების რაციონალური მოხმარების გაუმჯობესების მიზნით, საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა საჯარო სამართლის იურიდიულმა პირმა – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულმა ცენტრმა საქართველოს მთავრობის 2015 წლის 24 აპრილის №876 განკარგულების ფარგლებში გამოცემული 3 000 ცალი გაიდლაინის „The Sanford Guide to Antimicrobial Therapy“ სახელმძღვანელო, უსასყიდლოდ, აუქციონის გარეშე, უვადო სარგებლობაში გადასცეს საექიმო/სამედიცინო საქმიანობის განმახორციელებელ ფიზიკურ და იურიდიულ პირებს.

პრემიერ-მინისტრი                                                                 ირაკლი ღარიბაშვილი