შპს „მთის კურორტების განვითარების კომპანიისთვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ

საქართველოს მთავრობის

განკარგულება №1467

2015 წლის 9 ივლისი

ქ. თბილისი

შპს „მთის კურორტების განვითარების კომპანიისთვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ

საქართველოს ტყის კოდექსის 52-ე მუხლის, „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული წესის 27¹  მუხლის პირველი პუნქტის „ზ“ ქვეპუნქტის, 27⁴ მუხლის მე-5 პუნქტისა და 27⁵ მუხლის პირველი პუნქტის შესაბამისად:

1. ბორჯომის მუნიციპალიტეტში, საზოგადოებრივი მნიშვნელობის ინფრასტრუქტურული პროექტის განხორციელების (ახალი საბაგირო გზის მშენებლობა) მიზნით, საქართველოს გარემოსა და ბუნებრივი რესურსების დაცვის სამინისტროს სსიპ - ეროვნული სატყეო სააგენტოს მართვას დაქვემდებარებულ სამცხე-ჯავახეთის სატყეო სამსახურის, ბორჯომ-ბაკურიანის სატყეო უბნის, ბაკურიანის სატყეოს კვარტალ №10-ში და №28-ში (ცხრილი 1) არსებულ მიწის ფართობზე (150 880 კვ.მ), სახელმწიფო ტყის ფონდით სპეციალური დანიშნულებით სარგებლობის (ხე-მცენარეების ჭრის უფლებით) ვადა შპს „მთის კურორტების განვითარების კომპანიას“ (ს/კ 215096367) განესაზღვროს 49 (ორმოცდაცხრა) წლით.

2. სახელმწიფო ტყის ფონდით სპეციალური დანიშნულებით სარგებლობისთვის, საკომპენსაციო ღონისძიების სახით, შპს „მთის კურორტების განვითარების კომპანიამ“საქართველოს გარემოსა და ბუნებრივი რესურსების დაცვის სამინისტროს სსიპ - ეროვნული სატყეო სააგენტოს მართვას დაქვემდებარებულ სამცხე-ჯავახეთის სატყეო სამსახურის, ბორჯომ-ბაკურიანის სატყეო უბნის წაღვერის სატყეოს №15 და №16 კვარტლებში სპეციალური დანიშნულებით სარგებლობას დაქვემდებარებულ ტოლფას ფართობზე (150 880 კვ.მ), 2015 წლის 15 ოქტომბრიდან 15 ნოემბრამდე, უზრუნველყოს ტყის აღდგენის ღონისძიება -ტყის კულტურების გაშენება.

პრემიერ-მინისტრი  ირაკლი ღარიბაშვილი