„სახელმწიფო საკუთრებაში არსებული უძრავი ქონების შპს „წმინდა პანტელეიმონ მკურნალის სახელობის კლინიკისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 26 მარტის #495 განკარგულებაში ცვლილების შეტანის და შპს „წმინდა პანტელეიმონ მკურნალის სახელობის კლინიკის“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №144

2015 წლის 5 თებერვალი

ქ. თბილისი

„სახელმწიფო საკუთრებაში არსებული უძრავი ქონების შპს „წმინდა პანტელეიმონ მკურნალის სახელობის კლინიკისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 26 მარტის №495 განკარგულებაში ცვლილების შეტანის და შპს „წმინდა პანტელეიმონ მკურნალის სახელობის კლინიკის“ საქმიანობის ხელშესაწყობად რიგ ღონისძიებათა განხორციელების თაობაზე

1. საქართველოს ზოგადი ადმინისტრაციული კოდექსის 63-ე მუხლის და  „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, სახელმწიფო საკუთრებაში არსებული უძრავი ქონების შპს „წმინდა პანტელეიმონ მკურნალის სახელობის კლინიკისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 26 მარტის №495 განკარგულებაში  შეტანილ იქნეს შემდეგი ცვლილება:

ა) მე-2 პუნქტის „ბ“-„დ“ ქვეპუნქტები ჩამოყალიბდეს შემდეგი რედაქციით:

 „ბ) ამ განკარგულების პირველი პუნქტით გადაცემული ქონების ბაზაზე დიალიზის მიმართულების მქონე სამედიცინო დაწესებულების მოწყობა და ფუნქციონირების დაწყ ება არა უგვიანეს 2014 წლის 1 აგვისტოსა;

გ) დიალიზის მიმართულებით სამედიცინო საქმიანობის განხორციელება, ამ პუნქტის „ბ“ ქვეპუნქტით გათვალისწინებული ვალდებულების შესრულებიდან არანაკლებ 10 (ათი) წლის განმავლობაში;

დ) გარდამავალ პერიოდში, ამ განკარგულების პირველი პუნქტით გადაცემულ ქონებაზე ახალი დაწესებულების მოწყობამდე, კლინიკის მიერ სახელმწიფო პროგრამის „ დიალიზი და თირკმელის ტრანსპლანტაცია“ ბენეფიციარებისათვის განსაზღვრული მომსახურების უწყეტად მიწოდების უზრუნველყოფა დიალიზის მიმართულებით.“;

ბ)   მე-3 პუნქტი ჩამოყალიბდეს შემდეგი რედაქციით:

 „3. ამ განკარგულების მე-2 პუნქტის „გ“ ქვეპუნქტით განსაზღვრული ვადა დიალიზის ფუნქციით სამედიცინო საქმიანობის განხორციელების თაობაზე შესაძლოა გაგრძელდეს, მაგრამ არა უმეტეს 15 წლით, ამავე ქვეპუნქტით გათვალისწინებული ვადის ამოწურვამდე, არანაკლებ ერთი წლით ადრე, სსიპ - სახელმწიფო ქონების ეროვნული სააგენტოს და  საქართველოს შრომის, ჯანმრთელობისა და სოციალური დაცვის სამინისტროს ერთობლივი მოთხოვნის საფუძველზე.“.

2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის საფუძველზე, შპს „წმინდა პანტელეიმონ მკურნალის სახელობის კლინიკა“ გათავისუფლდეს მასზე ამ განკარგულების საფუძველზე შესაბამისი ხელშეკრულების გაფორმებამდე  სსიპ - სახელმწიფო ქონების ეროვნულ სააგენტოსა და შპს „წმინდა პანტელეიმონ მკურნალის სახელობის კლინიკას“ შ ორის 2014 წლის 8 მაისს გაფორმებული ნასყიდობის ხელშეკრულების 4.1.1 და 4.1.3 პუნქტებით განსაზღვრული ვალდებულებების შეუსრულებლობისათვის ამავე ხელშეკრულების 6.3 პუნქტის საფუძველზე დაკისრებული/დასაკისრებელი პირგასამტეხლოს გადახდისგან.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                          ი . ღარიბაშვილი