საბიუჯეტო სახსრებიდან ხაშურის მუნიციპალიტეტის არასამეწარმეო (არაკომერციული) იურიდიული პირის „სკოლისგარეშე სასპორტო საგანმანათლებლო დაწესებულების ხაშურის კომპლექსური სასპორტო სკოლის“ სპორტსმენების, ნაკრები გუნდების, მწვრთნელების და წარმომადგენლების სპორტულ ღონისძიებებზე მივლინებისას, კვებით უზრუნველყოფისათვის საჭირო თანხის ოდენობისა და ანაზღაურების წესის დამტკიცების შესახებ

საქართველოს ორგანული კანონის ,,ადგილობრივი თვითმმართველობის კოდექსის“  მე–16 მუხლის მე–4 პუნქტის, 61-ე მუხლის 1-ლი და მე-2 პუნქტის  და საქართველოს  კანონის „ნორმატიული აქტების შესახებ“ მე-20  მუხლის მე-2 პუნქტის   შესაბამისად, ხაშურის  მუნიციპალიტეტის  საკრებულო   ადგენს:

დამტკიცდეს  არასამეწარმეო (არაკომერციული) იურიდიული პირის სკოლისგარეშე სასპორტო საგანმანათლებლო დაწესებულების ხაშურის კომპლექსური სასპორტო სკოლის სპორტსმენების, ნაკრები გუნდების, მწვრთნელების და წარმომადგენლების სპორტულ ღონისძიებებზე მივლინებისას, კვებით უზრუნველყოფისათვის საჭირო თანხის ანაზღაურების წესი  (დანართი №1).

დადგენილება ძალაში  შედის  გამოქვეყნებისთანავე.

ამ დადგენილებით დამტკიცებული დანართი  არეგულირებს არასამეწარმეო (არაკომერციული) იურიდიული პირის - სკოლისგარეშე სასპორტო საგანმანათლებლო დაწესებულების ხაშურის კომპლექსური სასპორტო სკოლის  სპორტსმენების, ნაკრები გუნდების, მწვრთნელების და წარმომადგენლების  (სასპორტო სკოლის დირექტორის ბრძანებით წარმომადგენელად ინიშნება სასპორტო სკოლის სპეციალისტი შესაბამის სახეობებში, რომელიც პასუხისმგებელია შეჯიბრებებზე მივლენილი პირების ტრანსპორტირებაზე, კვებაზე და ღამისთევაზე)  სპორტულ ღონისძიებებზე  მივლინებისას კვების თანხის ოდენობისა და ანაზღაურების წესს.

საბიუჯეტო სახსრებიდან დაფინანსდეს ხაშურის  მუნიციპალიტეტის  არასამეწარმეო (არაკომერციული) იურიდიული პირის - სკოლისგარეშე სასპორტო საგანმანათლებლო დაწესებულების ხაშურის კომპლექსური სასპორტო სკოლის სპორტსმენების, ნაკრები გუნდების, მწვრთნელების და წარმომადგენლების სპორტულ ღონისძიებებზე  მივლინებისას კვებით უზრუნველყოფისათვის საჭირო თანხა.

არასამეწარმეო (არაკომერციული) იურიდიული პირის - სკოლისგარეშე სასპორტო საგანმანათლებლო დაწესებულების ხაშურის კომპლექსური სასპორტო სკოლის სპორტსმენების, ნაკრები გუნდების, მწვრთნელების და წარმომადგენლების კვებისათვის საჭირო თანხა ანაზღაურდება ხაშურის მუნიციპალიტეტის ფარგლებს გარეთ ორგანიზებულ სპორტულ ღონისძიებებში მონაწილეობისათვის.

რეგიონულ და რესპუბლიკურ სასპორტო ღონისძიებებში მონაწილეთა კვებით უზრუნველყოფისათვის საჭირო დღიური თანხის  ოდენობა შეადგენს:

არასამეწარმეო (არაკომერციული) იურიდიული პირის -  სკოლისგარეშე სასპორტო საგანმანათლებლო დაწესებულების ხაშურის კომპლექსური სასპორტო სკოლის სპორტსმენების, ნაკრები გუნდების, მწვრთნელების და წარმომადგენლების კვებისათვის საჭირო თანხის გადარიცხვა მოხდება არასამეწარმეო (არაკომერციული) იურიდიული პირის სკოლისგარეშე სასპორტო საგანმანათლებლო დაწესებულების ხაშურის კომპლექსური სასპორტო სკოლის ანგარიშზე, სკოლის ხელმძღვანელის მოხსენებითი ბარათის საფუძველზე.

ღონისძიებისათვის გამოყოფილი თანხის ანგარიშგების მიზნით პასუხისმგებელი პირი ვალდებულია არაუგვიანეს 5 კალენდარული დღისა არასამეწარმეო (არაკომერციული) იურიდიული პირის  სკოლისგარეშე სასპორტო საგანმანათლებლო დაწესებულების ხაშურის კომპლექსური სასპორტო სკოლას  წარუდგინოს ხარჯვის დამადასტურებელი დოკუმენტაცია.

სპორტულ ღონისძიებებში მონაწილეთა კვების დაფინანსების მიზნით, ბიუჯეტიდან  გამოყოფილი თანხის მიზნობრივ განკარგვაზე მონიტორინგს ახორციელებს ხაშურის მუნიციპალიტეტის გამგეობის განათლების, კულტურისა და სპორტის სამსახური.