არასამეწარმეო (არაკომერციული) იურიდიული პირის - სოფლის მეურნეობის პროექტების მართვის სააგენტოს ანგარიშზე თანხის გადარიცხვის შესახებ

საქართველოს მთავრობის

განკარგულება №2167

2014 წლის 3 დეკემბერი

ქ. თბილისი

არასამეწარმეო (არაკომერციული) იურიდიული პირის - სოფლის მეურნეობის პროექტების მართვის სააგენტოს ანგარიშზე თანხის გადარიცხვის შესახებ

1. საქართველოს სოფლის მეურნეობის სამინისტრომ:

ა) „არასამეწარმეო (არაკომერციული) იურიდიული პირის - სოფლის მეურნეობის პროექტების მართვის სააგენტოს ანგარიშზე თანხის გადარიცხვის შესახებ“ საქართველოს მთავრობის 2014 წლის 23 ოქტომბრის №1909 განკარგულების შესაბამისად , ქვეპროგრამა „ყურძნის შესყიდვა-გადამუშავების ხელშეწყობის ღონისძიებების“ (პროგრამული კოდი - 37 01 17) დასაფინანსებლად გამოყოფილი 21 000 000 (ოცდაერთი მილიონი) ლარიდან 3 000 000 (სამი მილიონი) ლარი მიმართოს „აგროდაზღვევის მიზნით განსახორციელებელი ღონისძიებების შესახებ“ საქართველოს მთავრობის 2014 წლის 19 აგვისტოს №1462 განკარგულებით განსაზღვრული „აგროდაზღვევის უზრუნველყოფის ღონისძიებების“ (პროგრამული კოდი - 37 01 15) დასაფინანსებლად;

ბ) ამ პუნქტის „ა“ ქვეპუნქტით გათვალისწინებული 3 000 000 (სამი მილიონი) ლარი მიმართოს არასამეწარმეო (არაკომერციული) იურიდიული პირის - სოფლის მეურნეობის პროექტების მართვის სააგენტოს ანგარიშზე , აგროდაზღვევის ღონისძიებების დაფინანსების უზრუნველსაყოფად.

2. საქართველოს ფინანსთა სამინისტრომ, საქართველოს სოფლის მეურნეობის სამინისტროს წინადადებების საფუძველზე , უზრუნველყოს ცვლილებების განხორციელება კვარტალურ განწერაში.

პრემიერ-მინისტრი                                ი . ღარიბაშვილი