ეკონომიკური საბჭოს აპარატის დებულებისა და საშტატო განრიგის დამტკიცების თაობზე

1. ეკონომიკური საბჭოს  აპარატი (შემდგომში – აპარატი) ახორციელებს ეკონომიკური საბჭოს საქმიანობის ორგანიზაციულ, ინფორმაციულ და სამართლებრივ  უზრუნველყოფას.

2. აპარატი თავის საქმიანობას ახორციელებს საქართველოს კონსტიტუციის, საქართველოს საერთაშორისო ხელშეკრულებების, საქართველოს კანონების, ამ  დებულებისა  და სხვა სამართლებრივი აქტების საფუძველზე.

3. აპარატის მატერიალურ-ტექნიკურ, ფინანსურ და სხვა სახის ადმინისტრაციულ უზრუნველყოფას ახორციელებს საქართველოს მთავრობის ადმინისტრაცია.

4. აპარატის თანამდებობრივი სარგოები განისაზღვრება საქართველოს პრემიერ-მინისტრის ბრძანებით.

5. აპარატს შეიძლება ჰქონდეს ემბლემა, ბეჭედი, ტიტულოვანი ფურცელი თავისი დასახელებითა და სხვა ატრიბუტები.

6. აპარატის  იურიდიული   მისამართია:  ქ. თბილისი,  ინგოროყვას  ქ. №7.

მუხლი 2. აპარატის უფლებამოსილება

აპარატის უფლებამოსილებებია კომპეტენციის ფარგლებში:

ა) ეკონომიკური საბჭოს საქმიანობის ორგანიზაციული, ინფორმა­ციული და სამართლებრივი მხარდაჭერა;

ბ) ეკონომიკური საბჭოს სხდომაზე განსახილველ საკითხთა წინასწარი დამუშავება, შესაბამისი წინადადებებისა და რეკომენდაციების მომზადება;

გ) საქართველოს პრემიერ-მინისტრისა და ეკონომიკური საბჭოს გადაწყვეტილებების შესაბამისი უწყებებისათვის მიწოდება და მათი შესრულების მონიტორინგი;

დ) ეკონომიკური საბჭოს საქმიანობის უზრუნველყოფის მიზნით, შესაბამისი უწყებებიდან სათანადო ინფორმაციისა და დოკუმენტაციის გამოთხოვა;

ე) საერთაშორისო საფინანსო ინსტიტუტებთან, დონორ ორგანი­ზაციებსა და უცხო ქვეყნის ოფიციალურ წარმომადგენლობებთან თანამ­შრომლობა;

ვ) ქვეყნის ეკონომიკის ცალკეული დარგების  განვითარების თაობაზე ინიციატივების შემუშავება;

ზ) სამართლებრივი აქტების პროექტების მომზადება და განხილვა;

თ)  ეკონომიკური საბჭოს სხდომის ოქმის მომზადება;

ი) საქართველოს კანონმდებლობით გათვალისწინებული სხვა უფლებამოსილებების განხორციელება.

მუხლი 3. აპარატის ხელძღვანელობა

1.  აპარატს ხელმძღვანელობს ეკონომიკური საბჭოს მდივანი, რომე­ლიც არის საქართველოს პრემიერ-მინისტრის თანაშემწე ეკონომიკურ საკითხებში.

2. ეკონომიკური საბჭოს მდივანს თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი.

3. ეკონომიკური საბჭოს მდივანი შეიძლება დაინიშნოს ეკონომიკური საბჭოს შე­მადგენ­ლობიდან, რომლის საქმიანობაც არ იქნება ანაზღა­ურე­ბადი.

4. ეკონომიკური საბჭოს მდივანი, სამსახურებრივი მოვალეობის შესრულებისას, ანგარიშვალდებულია საქართველოს პრემიერ-მინისტრის წინაშე.

5. ეკონომიკური საბჭოს მდივანი:

ა) უზრუნველყოფს ეკონომიკური საბჭოს საქმიანობის ორგანიზებას და ხელს აწერს ეკონომიკური საბჭოს სხდომის ოქმს;

ბ) წარმართავს  აპარატის  საქმიანობას;

გ) ამტკიცებს  აპარატის  შინაგანაწესს;

დ) საჭიროების შემთხვევაში, საქართველოს პრემიერ-მინისტრს წარუდგენს წინადადებებს მუდმივი და დროებითი უწყებათაშორისი კომისიებისა და სამუშაო ჯგუფების შექმნის თაობაზე;

ე)  ქვეყნის საინვესტიციო გარემოს გაუმჯობესების, შესაბამისი გამოც­დილებისა და მოსაზრებების გაზიარების, ასევე,  ინფორმაციის გაცვლისა და დიალოგის წარმოების  მიზნით, უფლებამოსილია, შექმნას და კოორდინაცია გაუწიოს საინვესტიციო და ბიზნესის წარმომადგენელთა საბჭოებს;

ვ) ეკონომიკური საბჭოს ცალკეული დავალებების შესრულების მიზნით, უფლებამოსილია, სახელშეკრულებო  ურთიერთობის  ფარგ­ლებშიб მოიწვიოს შესაბამისი დარგის სპეციალისტი/ექსპერტი;

ზ)   საქართველოს პრემიერ-მინისტრს წარუდგენს აპარატის საქმია­ნო­ბის შესახებ ყოველწლიურ ანგარიშს, არა უგვიანეს მომდევნო წლის 1  თებერვლისა;

თ) კომპეტენციის ფარგლებში უფლებამოსილია გამოსცეს ინდივი­დუალური ადმინისტრაციულ-სამართლებრივი აქტი – ბრძანება;

ი) ასრულებს საქართველოს პრემიერ-მინისტრის ცალკეულ დავა­ლებებს.

6. ეკონომიკური საბჭოს მდივანს ჰყავს მოადგილე, რომელიც ეკონომიკური საბჭოს მდივნის არყოფნის შემთხვევაში ახორციელებს მის უფლებამოსილებას.

მუხლი 4. აპარატის სტრუქტურა

1.  აპარატი ანგარიშვალდებულია ეკონომიკური საბჭოს მდივნის წინაშე.

2. აპარატის სტრუქტურული ქვედანაყოფებია:

ა) საორგანიზაციო სამსახური;

ბ) ინფორმაციის დამუშავებისა და ანალიზის სამსახური;

გ) ეკონომიკური განვითარების სამსახური;

დ) იურიდიული სამსახური.

3. ეკონომიკური საბჭოს მდივნის მოადგილესა და აპარატის თანამშრომლებს თანამდებობაზე ნიშნავს და თანამდებობიდან ათავი­სუფლებს საქართველოს პრემიერ-მინისტრი, ეკონომიკური საბჭოს მდივნის წარდგინებით.

4.  საორგანიზაციო სამსახური უზრუნველყოფს ეკონომიკური საბჭოს სხდომებისა და აპარატის ადმინისტრაციულ და ორგანიზაციულ-ტექნიკურ მხარდაჭერას; სხვადასხვა დაწესებულებების წარმომადგენლებთან შეხვედ­რების ორგანიზებას; ეკონომიკური საბჭოს სხდომის დღის წესრიგისა და ოქმის პროექტების მომზადებას; ეკონომიკური საბჭოს გადაწყვეტილებების აღრიცხვას.

5. ინფორმაციის დამუშავებისა და ანალიზის სამსახური, ეკონო­მიკური საბჭოს საქმიანობის ხელშეწყობის მიზნით, კომპეტენციის ფარგ­ლებში, ახორციელებს ცალკეული საკითხების ანალიტიკურ  და ინფორმა­ციულ დამუშავებას და შესაბამისი რეკომენდაციების მომზადებას.

6. ეკონომიკური განვითარების სამსახური ეკონომიკურ საბჭოზე განსახილველ საკითხთა დამუშავების მიზნით, მონაწილეობს ქვეყნის საში­ნაო და საგარეო ეკონომიკის სტრატეგიული და სხვა სახის დოკუმენტების მომზადებაში; შეისწავლის ცალკეული სახელმწიფო უწყებე­ბის მიერ ეკონომიკური საბჭოსათვის წარდგენილი სამოქმედო გეგმების შესაბა­მისობას ქვეყნის ეკონომიკური პოლიტიკისა და სტრატეგიის განმსაზ­ღვრელ დოკუმენტებთან; თანამშრომლობს უცხო ქვეყნის ოფიციალურ წარმომადგენლებსა და საერთაშორისო ორგანიზაციებთან.

7. იურიდიული სამსახური ახორციელებს აპარატის სამართლებრივ უზრუნველყოფას; კომპეტენციის ფარგლებში, მონაწილეობს ნორმატიული თუ სხვა სახის სამართლებრივი აქტების პროექტების შემუშავებაში; ამზადებს დასკვნებს აპარატში წარდგენილი ნორმატიული და სხვა სამართ­ლებრივი აქტების პროექტების თაობაზე; უზრუნველყოფს ეკონომიკურ საბჭოზე განსახილველ საკითხთა სამართ­ლებრივ ექსპერტიზას.

მუხლი 5. აპარატის დებულებაში ცვლილების შეტანის წესი

აპარატის დებულებაში ცვლილების შეტანა ხდება საქართველოს კანონმდებლობით დადგენილი წესით.

დანართი  №2

ეკონომიკური საბჭოს აპარატის საშტატო განრიგი