„სახელმწიფო შესყიდვების სააგენტოში შესყიდვებთან დაკავშირებული დავების განხილვის საბჭოს საქმიანობის წესში“ სახელმწიფო შესყიდვების თავმჯდომარის 2010 წლის 30 ნოემბრის №11 ბრძანებაში ცვლილების შეტანის შესახებ

1. პირველი მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. საბჭო თავის საქმიანობაში ხელმძღვანელობს საქართველოს კონსტიტუციით, „სახელმწიფო შესყიდვების შესახებ“ საქართველოს კანონით, ამ წესითა, სხვა საკანონმდებლო და კანონქვემდებარე ნორმატიული აქტებით. საბჭო თავის საქმიანობაში დამოუკიდებელია და არ ექვემდებარება არც ერთ სხვა ორგანოს ან/და თანამდებობის პირს.“;

ბ) მე-5 პუნქტის შემდეგ დაემატოს მე-6 პუნქტი შემდეგი რედაქციით:

„6. მხარეები უფლებამოსილი არიან, გაასაჩივრონ საბჭოს მიერ მიღებული გადაწყვეტილება სასამართლოში საქართველოს კანონმდებლობით დადგენილი წესით.“.

2. მე-2 მუხლის

ა) პირველი პუნქტის შემდეგ დაემატოს 1¹ პუნქტი შემდეგი რედაქციით:

„1¹. შემსყიდველი ორგანიზაციის ან/და სატენდერო კომისიის ქმედების გასაჩივრება შესაძლებელია შესაბამისი გადაწყვეტილების შემსყიდველი ორგანიზაციის მიერ სისტემაში ატვირთვიდან არაუგვიანეს 15 დღეში.“;

ბ) მე-4 პუნქტი ჩამოყალიბდეს შემდეგი რედაქციით:

„4. საჩივარი საბჭოში წარდგენილ უნდა იქნეს ელექტრონულად, სახელმწიფო შესყიდვების ერთიან ელექტრონულ სისტემაში სატენდერო განცხადებაში არსებული სისტემური ღილაკის მეშვეობით. საჩივარს უნდა ჰქონდეს სამართლებრივი საფუძველი და საბჭოში წარდგენილ უნდა იქნეს დანართ №1-ით დამტკიცებული ფორმით და დანართი № 2-ის შესაბამისად. საბჭოში საჩივრის წარდგენა შესაძლებელია 09:00-დან 18:00 საათამდე, შაბათ-კვირისა და უქმე დღეების გარდა.“.

3. მე-6 მუხლის მე-3 პუნქტი ჩამოყალიბდეს შემდეგი რედაქციით:

„3. საბჭოს სხდომა ტარდება საბჭოში (ქ. თბილისი, რიჩარდ ჰოლბრუკის ქ. №8). იმ შემთხვევაში, თუ სხდომა ტარდება წესის მე-5 მუხლის მე-11 პუნქტის შესაბამისად, საბჭოს წევრს/წევრებს შეუძლია მონაწილეობა მიიღოს საბჭოს სხდომაში ვიდეოკონფერენციის საშუალებით.“.