გორის მუნიციპალიტეტის 2014 წლის ბიუჯეტის დამტკიცების შესახებ

ა) განისაზღვროს გორის მუნიციპალიტეტის ბიუჯეტის არაფინანსური აქტივების ზრდა 3178,0 ათასი ლარის ოდენობით თანდართული რედაქციით:

ბ) განისაზღვროს გორის მუნიციპალიტეტის ბიუჯეტის არაფინანსური აქტივების კლება 80.0 ათასი ლარის ოდენობით, მათ შორის:

2. განისაზღვროს გორის მუნიციპალიტეტის ბიუჯეტის ფინანსური აქტივების კლება 176,6 ათასი ლარის ოდენობით.

ა) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებით განსაზღვრული უფლებამოსილების განხორციელებისათვის 75.0 ათასი ლარი;

ბ) „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ და „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“ საქართველოს კანონით განსაზღვრული უფლებამოსილების განხორციელებისათვის 10,5 ათასი ლარი.

2. „საქართველოს საბიუჯეტო კოდექსის“ 69-ე მუხლის საფუძველზე წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

ქვეყნის თავდაცვისუნარიანობის ხარისხის ამაღლების ხელშეწყობის მიზნით მუნიციპალიტეტში ხორციელდება სამხედრო აღრიცხვის და გაწვევის, წვევამდელთა ტრანსპორტირების ღონისძიებები.

1.1. თავდაცვისუნარიანობის ამაღლების ხელშეწყობა (პროგრამული კოდი 02 01)

შეიარაღებული ძალების თავდაცვისუნარიანობის ამაღლების მიზნით ხორციელდება  წვევამდელთა პირველადი აღრიცხვა და  გაწვევის პუნქტებამდე ტრანსპორტირება, სარეზერვო ძალების მობილიზება.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, პრიორიტეტის ფარგლებში განხორციელდება არსებული ინფრასტრუქტურის მოვლა შენახვა და დაფინანსდება მის ექსპლოატაციასთან დაკავშირებული ხარჯები.

2.1. საგზაო ინფრასტრუქტურის მშენებლობა-რეაბილიტაცია და მოვლა შენახვა (პროგრამული კოდი 03 01)

პროგრამის ფარგლებში განხორციელდება გორის მუნიციპალიტეტის სოფლებში საავტომობილო გზების მოვლა.

2.1.1. გზების მშენებლობის, რეკონსტრუქციისა და მოვლა-შენახვის ხარჯები (პროგრამული კოდი 03 01 01)

პროგრამის ფარგლებში განხორციელდება გორის მუნიციპალიტეტის სოფლებში საავტომობილო გზების მოვლა.

2.2. კომუნალური ინფრასტრუქტურის მშენებლობა რეაბილიტაცია და ექსპლოატაცია (პროგრამული კოდი 03 02)

პროგრამის ფარგლებში დაგეგმილია გარე განათების მოწყობა, რეაბილიტაცია და  ექსპლოატაცია, დასუფთავების ღონისძიებები, სანიაღვრე არხების მოწყობა-მოვლა, წყლის სისტემის რეაბილიტაცია,  სარწყავი არხების მოწყობა-რეაბილიტაცია, მუნიციპალური და რეგიონული განვითარების სააგენტოს ხელშეწყობით ინფრასტრუქტურული პროექტების თანადაფინანსება.

2.2.1. გარე განათების მოწყობა, რეაბილიტაცია და ექსპლოატაცია (პროგრამული კოდი 03 02 01)

მოსახლეობის კომფორტული და უსაფრთხო გადაადგილების მიზნით პროგრამის ფარგლებში დაგეგმილია გარე განათების მოწყობა, რეაბილიტაცია და ესპლოატაცია.

2.2.2. დასუფთავების ღონისძიებები (პროგრამული კოდი 03 02 02)

მუნიციპალიტეტის ერთ-ერთ მთავარ ფუნქციას წარმოადგენს სანიტარული მდგომარეობის უზრუნველყოფა, შესაბამისად ქვეპროგრამის ფარგლებში დაგეგმილია სოფლებიდან საყოფაცხოვრებო ნარჩენების გატანა, ურნების გათავისუფლება და სანიტარული დამუშავება (პერიოდულად), ცენტრალური ნაგავსაყრელის მოვლა.

2.2.3. საკანალიზაციო სისტემის მოწყობა და რეაბილიტაცია (პროგრამული კოდი 03 02 03)

ქვეპროგრამის ფარგლებში იგეგმება დევნილი მოსახლეობისადმი საერთო მნიშვნელობის ტექნიკურ-კონსტრუქციული ელემენტების და კეთილმოწყობითი პრობლემების მოწესრიგების ხელშეწყობის მიზნით სანიაღვრე და საკანალიზაციო სისტემების გაწმენდა, მოწყობა ან სარემონტო სამუშაოების შესრულება.

2.2.4. წყლის სისტემის რეაბილიტაცია (პროგრამული კოდი 03 02 04)

განხორციელდება დევნილთა დასახლებებში სასმელი წყლის ჭაბურღილების ფუნქციონირებისათვის საჭირო ელ.ენერგიის ღირებულების ანაზღაურება მუნიციპალიტეტის მიერ.

დასრულდება წყალმომარაგების სისტემის რეაბილიტაცია და ახალი ჭაბურღილის მოწყობის სამუშაოები.

დაიწყება სოფელ ქვახვრელის სასმელი წყლის ჭაბურღილის და რეზერვუარის მოწყობა და სოფელ ნაწრეტის წყლის სისტემის რეაბილიტაცია.

იგეგმება დევნილი მოსახლეობისადმი საერთო მნიშვნელობის ტექნიკურ-კონსტრუქციული  ელემენტების და კეთილმოწყობითი პრობლემების მოწესრიგების ხელშეწყობის მიზნით წყალგაყვანილობის სისტემის მოწყობა ან სარემონტო სამუშაოების შესრულება.

2.2.5. გაზგაყვანილობის სისტემების მოწყობა-რეაბილიტაცია და ექსპლოატაცია (პროგრამული კოდი 03 02 05)

ქვეპროგრამის ფარგლებში იგეგმება დევნილი მოსახლეობისადმი საერთო მნიშვნელობის ტექნიკურ-კონსტრუქციული ელემენტების და კეთილმოწყობითი პრობლემების მოწესრიგების ხელშეწყობის მიზნით გაზგაყვანილობის სისტემის მოწყობა ან სარემონტო სამუშაოების შესრულება.

2.2.6. სარწყავი არხების მოწყობა-რეაბილიტაცია (პროგრამული კოდი 03 02 06)

პროგრამის ფარგლებში გათვალისწინებულია სოფლებში სარწყავი არხების სატუმბი სადგურების მოხმარებული ელექტროენერგიის ღირებულების დაფარვა.

2.2.7. ინფრასტრუქტურული პროექტების თანადაფინანსება (პროგრამული კოდი 03 02 07)

მუნიციპალიტეტის ტერიტორაზე ინფრასტრუქტურული მდგომარეობის გაუმჯობესების და შემდგომში პრობლემის გადაჭრის მექანიზმის შექმნის  მიზნით, მუნიციპალიტეტი აცხადებს მზადყოფნას გარკვეული თანადაფინანსებით წაახალისოს ყველა ის ორგანიზაცია (საბიუჯეტო, არასამთავრობო, სათემო, არარეგისტრირებული კავშირი, არასამეწარმეო და სხვა), რომელიც საკუთარი სახსრებით ან დონორი ორგანიზაციებიდან გრანტის მიღების გზით მოახდენს წილობრივ თანადაფინანსებას პროექტის განხორციელებისათვის.

2.3. კეთილმოწყობის სამუშაოები (პროგრამული კოდი 03 03)

პროგრამის ფარგლებში განხორციელდება რაიონის(თემის) იერსახის გაუმჯებესების მიზნით მუნიციპალიტეტში არსებული გამწვანების სამსახურის და სანერგე მეურნეობის მიერ სკვერების და გაზონების გამწვანება, მოვლა-შენახვა და რეკონსტრუქცია. ასევე იგეგმება მოსაცდელების, მემორიალური დაფების, ეზოების, სპორტული მოედნების მოვლა-შენახვისა და რეკონსტრუქციის ღონისძიებები

2.3.1. სკვერების და გაზონების ექსპლოატაცია, რეკონსტრუქცია და მოვლა-შენახვა (პროგრამული კოდი 03 03 01)

პროგრამის ფარგლებში გათვალისწინებულია სკვერების რეკონსტრუქცია.

2.3.2. მრავალბინიანი საცხოვრებელი სახლების, სახურავების რეაბილიტაცია და ეზოების კეთილმოწყობა (პროგრამული კოდი 03 03 02)

პროგრამის ფარგლებში გათვალისწინებულია დევნილი მოსახლეობისადმი საერთო მნიშვნელობის ტექნიკურ-კონსტრუქციული ელემენტების და კეთილმოწყობითი პრობლემების მოწესრიგების ხელშეწყობის მიზნით მხოლოდ საერთო საცხოვრისში სახურავის სარემონტო–სარეაბილიტაციო სამუშაოების შესრულება.

2.3.3. სპორტული მოედნების მოწყობა და მოვლა-შენახვა (პროგრამული კოდი 03 03 03)

დაგეგმილია ახალი სპორტული მოედნის მოწყობა და არსებული სპორტული მინი მოედნების მოვლა-პატრონობის ღონისძიებების დაფინანსება.

2.3.4. დეფექტური აქტების, პროექტებისა და  ხარჯთაღრიცხვების მომსახურება (პროგრამული კოდი 03 03 04)

მუნიციპალიტეტში დაგეგმილი სამშენებლო-სარეაბილიტაციო სამუშაოების საფუძველს, მოქმედი სამშენებლო ნორმებისა და წესის გათვალისწინებით, შესაბამისი საპროექტო-სახარჯთაღრიცხვო დოკუმენტაცია წარმოადგენს.  ასევე აუცილებელია შესრულებულ სამუშაოებზე ექსპერტიზის ჩატარება, რომლის ფარგლებშიც ხორციელდება სამუშაოების სახარჯთაღრიცხვო დოკუმენტაციასთან შესაბამისობის დადგენა. ქვეპროგრამების ფარგლებში დაგეგმილია ზემოთ აღნიშნული ღონისძიებების განხორციელებისათვის საჭირო ხარჯების დაფინანსება.

2.3.5. სოფლის მხარდაჭერის პროგრამის ფარგლებში განსახორციელებელი პროექტები (პროგრამული კოდი 03 04)

ქვეპროგრამის ფარგლებში გათვალისწინებელია,  გასულ წელს აღებული ვალდებულებების ფარგლებში, სამუშაოების დასრულება.

ასევე გათვალისწინებულია მიმდინარე წლის პროგრამის ფარგლებში, სოფლებში საერთო სარგებლობის არასაცხოვრებელი შენობების, გზების, ხიდების, ელექტროგადამცელი ხაზების, საკანალიზაციო და წყლის სისტემების და სხვა შენობა–ნაგებობების რეაბილიტაცია, სხვა მანქანა–დანადგარებისა და ინვენტარის შეძენა და სხვა მიმდინარე სამუშაოების შესრულება.

3. განათლება  (პროგრამული კოდი 04 00)

მომავალი თაობების აღზრდის მიმართულებით, დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად, მუნიციპალიტეტის ერთ-ერთ პრიორიტეტს წარმოადგენს, რომლის ფარგლებშიც, მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი რეაბილიტაცია, ინვენტარით უზრუნველყოფა.

3.1. სკოლამდელი განათლების დაფინანსება (პროგრამული კოდი 04 01)

გორის მუნიციპალიტეტში ფუნქციონირებს 30 საბავშვო ბაგა-ბაღი, სადაც სკოლამდელ  განათლებას იღებს საშუალოდ 1910 ბავშვი. სკოლამდელი დაწესებულებების დაფინანსება  გათვალისწინებულია ვაუჩერული სისტემით, კერძოდ: 1-დან  30 ბავშვის ჩათვლით თითოეულ ბავშვზე 75 ლარი თვეში, ხოლო იმ საბავშვო ბაგა–ბაღში, სადაც ირიცხება 30 ბავშვზე ზემოთ თითოეულ ბავშვზე 60 ლარი თვეში. იმ საბავშვო ბაგა– ბაღების დაფინანსება, სადაც ირიცხება 10 და ნაკლები ბავშვი  მოხდეს არანაკლებ თვეში 800 ლარისა. აღნიშნული ქვეპროგრამით გორის მუნიციპალიტეტი ხელს უწყობს დასაქმებულთა სტაბილურ შრომის ანაზღაურებას, კვების და მატერიალური ბაზის გაუმჯობესებას.

აღნიშნული ქვეპროგრამით მუნიციპალიტეტი ხელს უწყობს დასაქმებულთა სტაბილურ შრომის ანაზღაურებას, კვების და მატერიალური ბაზის გაუმჯობესებას.

4. კულტურა, რელიგია, ახალგაზრდობის ხელშეწყობა  და სპორტი (პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალელურად აუცილებელია  კულტურული ტრადიციების დაცვა და ღირსეული გაგრძელება. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული პროექტების  ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლენა.

4.1. სპორტის განვითარების ხელშეწყობა (პროგრამული კოდი 05 01)

პროგრამის ფარგლებში დაგეგმილია სპორტული სკოლების ფუნქციონირების ხელშეწყობა, მომავალი თაობის სპორტული სულისკვეთებით აღსაზრდელად  ასევე განხორციელდება სხვადასხვა სპორტული ორგანიზაციების  ფინანსური მხარდაჭერა ნიჭიერი სპორტსმენების აღზრდისა და  წახალისების მიზნით. გაიმართება სხვადასხვა სპორტული შეჯიბრებების  დაფინანსება, რომელიც უზრუნველყოფს სპორტული შეჯიბრებების ორგანიზებას.

4.1.1. სპორტული ღონისძიებების დაფინანსება (პროგრამული კოდი 05 01 01)

მუნიციპალიტეტის ტერიტორიაზე მოღვაწეობს მრავალი წარმატებული ადამიანი, რომელთა საქმიანობა მიმართულია სპორტული ცხოვრებისაკენ. მუნიციპალიტეტი ახორციელებს წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლენა.  ქვეპროგრამის ფარგლებში დაგეგმილია წარმატებული სპორტსმენების და მწვრთნელების გარკვეული თანხით წახალისება.

4.1.2. სპორტული სკოლების ხელშეწყობა (პროგრამული კოდი 05 01 02)

ქვეპროგრამის ფარგლებში დაგეგმილია კრივის სპეციალიზირებული და საჭიდაო კომპლექსური სკოლების ფუნქციონირების ხელშეწყობა, რათა მათ ჰქონდეთ შესაძლებლობა მომავალი სპორტული თაობის აღსაზრდელად.

4.2. კულტურის განვითარების ხელშეწყობა  (პროგრამული კოდი 05 02)

ქვეპროგრამის ფარგლებში მუნიციპალიტეტი ახორციელებს 5 სამუსიკო სკოლის  დაფინანსებას, რითიც ხელს უწყობს მოსწავლეთა მიერ მუსიკალური განათლების მიღებას სრული კურსით და უზრუნველყოფს მათი ფუნქციონირებისათვის საჭირო მატერიალური და ფინანსური ბაზის შექმნას.მუნიციპალიტეტი, კულტურული ტრადიციების დაცვის მიზნით პროგრამის ფარგლებში აგრძელებს კულტურულ-საგანმანათლებლო ცენტრის, ისტორიულ-ეთნოგრაფიული მუზეუმის ფინანსურ მხარდაჭერას, გეგმავს სხვადასხვა კულტურული ღონისძიებების ხელშეწყობას, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებების დაფინანსებას.

4.2.1. კულტურული ღონისძიებების დაფინანსება (პროგრამული კოდი 05 02 01)

ქვეპროგრამის ფარგლებში  ასევე ახალგაზრდების მრავალმხრივი განვითარებისათვის და მათში ცხოვრების ჯანსაღი წესის დამკვიდრებისათვის,  მუნიციპალიტეტი ახორციელებს დაფინანსებას წარმატებული და ნიჭიერი ახალგაზრდების და ხელოვანების ხელშეწყობის მიზნით, რათა მათ შეძლონ შესაძლებლობების სრულად გამოვლენა. ასევე გეგმავს სხვადასხვა კულტურული ღონისძიებების ხელშეწყობას, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებების დაფინანსებას.

4.2.2. სახელოვნებო სკოლები  (პროგრამული კოდი 05 02 02)

ქვეპროგრამის ფარგლებში მუნიციპალიტეტი ახორციელებს 5 სამუსიკო სკოლის  დაფინანსებას, რითიც ხელს უწყობს მოსწავლეთა მიერ მუსიკალური განათლების მიღებას სრული კურსით და უზრუნველყოფს მათი ფუნქციონირებისათვის საჭირო მატერიალური და ფინანსური ბაზის შექმნას.

4.2.3. მოსწავლე-ახალგაზრდობის კულტურულ საგანმანათლებლო ცენტრის და კულტურის სახლების ხელშეწყობა (პროგრამული კოდი 05 02 03)

ქვეპროგრამის ფარგლებში მუნიციპალიტეტი ახორციელებს ახალგაზრდებისათვის იმ ცოდნისა და ქცევის ნორმების შეძენას რაც უზრუნველყოფს მათ მზადყოფნას ყოველდღიური ცხოვრებისათვის, ხელს უწყობს მოზარდთა ინტერესების შესაბამისად სამეცნიერო-შემოქმედებითი, მოქალაქეობრივი და ესტეთიკური მიმართულებებით მოქნილი პროგრამების შემუშავება-განხორციელებას და აქტიური ინტელექტუალური ახალგაზრდების გამოვლენას. ასევე პროგრამა ხელს უწყობს მოსახლეობის დადებითი განწყობის შექმნას დღესასწაულების მიმართ, ქართული კულტურისა და ტრადიციების შენარჩუნებას. ცენტრი უზრუნველყოფს სხვა და სხვა სადღესასწაულო დღეებში გასართობი სანახაობრივი ღონისძიებების ორგანიზებას.

4.2.4. ისტორიულ-ეთნოგრაფიული მუზეუმის და სხვა მუზეუმების ხელშეწყობა   (პროგრამული კოდი 05 02 04)

ქვეპროგრამის ფარგლებში დაგეგმილია გორის ისტორიულ-ეთნოგრაფიული მუზეუმის დაფინანსება, რომელიც უზრუნველყოფს ეროვნული საგანძურის დაცვას, სამუზეუმო ექსპონატების გამოფენას, მოძიებას, კვლევა - შენახვასა და სამეცნიერო შესწავლას. გარდა ამისა იგეგმება ნიკო ლომოურის სახლ-მუზეუმის რეაბილიტაცია.

4.2.5. კულტურული ღონისძიებების პროექტების ხელშეწყობა და თანადაფინანსება  (პროგრამული კოდი 05 02 05)

ქვეპროგრამის ფარგლებში მუნიციპალიტეტი აცხადებს მზადყოფნას ქართული და უცხოური  არასამთავრობო ორგანიზაციების და მოქალაქეთა საინიციატივო ჯგუფების მიერ წარმოდგენილი პროექტების თანადაფინანსების განსახორციელებლად, რომელიც ემსახურება კულტურული სფეროს გაუმჯობესებას.

5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში  განაგრძობს სოციალურად დაუცველი მოსახლეობის სხვადასხვა დახმარებებითა და შეღავათებით უზრუნველყოფას. ადგილობრივ დონეზე, ერთიანი სახელმწიფო პოლიტიკის ფარგლებში, საზოგადოებრივი ჯანმრთელობის დაცვის მიზნით გაგრძელდება სხვადასხვა ღონისძიებების განხორციელება რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

5.1. სოფლებში ამბულატორიებისათვის ინფრასტრუქტურის მოწყობა (პროგრამული კოდი 06 01)

პროგრამის ფარგლებში იგეგმება სოფლებში ამბულატორიების მშენებლობის ნულოვანი ციკლის სამუშაოების შესრულება, ინფრასტრუქტურის მოწყობა და ტექნიკური პირობის დაფინანსება.

5.2. მოსახლეობის სოციალური უზრუნველყოფა (პროგრამული კოდი 06 02)

პროგრამის ფარგლებში დაგეგმილია მუნიციპალიტეტის ტერიტორიაზე მცხოვრები მოსახლეობის სხვადასხვა ფენის  გარკვეული შეღავათებითა და სოციალური დახმარებებით უზრუნველყოფა, სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურება, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარება და სხვა სოციალური ღონისძიებები, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

5.2.1. ასი და მეტი წლის უხუცესთა დახმარების პროგრამა (პროგრამული კოდი 06 02 01)

ქვეპროგრამის ფარგლებში გათვალისწინებულია 100 და მეტი წლის ასაკის უხუცესების ერთჯერადი დახმარება 500 ლარის ოდენობით.

5.2.2. დედ-მამით ობოლი ბავშვების დახმარება (პროგრამული კოდი 06 02 02)

ქვეპროგრამის ფარგლებში გათვალისწინებულია:

ა) დედ-მამით ობოლ 0-დან 18 წლის ჩათვლით პაციენტის დახმარება ერთჯერადად სტაციონარული მკურნალობისათვის – 50%-ის ოდენობით, მაგრამ არა უმეტეს 700 ლარისა.

ბ) დედ-მამით ობოლ ბავშვების დახმარება ერთჯერადად, ყოველ ბავშვზე 500 ლარის ოდენობით.

5.2.3. მრავალშვილიანი ოჯახების დახმარება (პროგრამული კოდი 06 02 03)

ქვეპროგრამის ფარგლებში გათვალისწინებულია:

ა) ერთჯერადი (თითო ბავშვზე) 100 (ასი) ლარის ოდენობით დაფინანსება გორის მუნიციპალიტეტში რეგისტრირებული ოჯახებისთვის, რომალთაც ჰყავთ 5 და მეტი შვილი 0-დან 18-წლის ჩათვლით.

ბ) გორის მუნიციპალიტეტში რეგისტრირებული ოჯახების, რომელთაც შეეძინათ შვილი და ჰყავთ კიდევ სამი (0-18 წლის ასაკის) შვილი ერთჯერადი დაფინანსება 200 (ორასი) ლარის ოდენობით.

5.2.4. ცერებრალური დამბლით, დაუნის სინდრომითდა აუტიზმით  დაავადებული სოციალურად დაუცველი ბავშვების სამკურნალო-სარეაბილიტაციო და სოციალური დახმარება (პროგრამული კოდი 06 02 04)

ქვეპროგრამის ფარგლებში გათვალისწინებულია:

ცერებრალური დამბლით დაავადებული ბავშვების (0-დან 18 წლამდე) დახმარება, კერძოდ ამბულატორიული,  სტაციონალური და სარეაბილიტაციო მკურნალბისათვის ერთჯერადად 50%-იანი თანადაფინანსება არაუმეტეს 500 ლარისა;

საცურაო-გამაჯანსაღებელი კურსის დაფინანსება თითოეულ ბავშვზე საცურაო აუზზე 12 პროცედურა;

ცერებრალური დამბლით დაავადებული ბავშვების სოციალური დახმარება ერთჯერადად 250 ლარის ოდენობით.

5.2.5. მიცვალებულთა სარიტუალო მომსახურება (პროგრამული კოდი 06 02 05)

ქვეპროგრამის ფარგლებში დაგეგმილია:

საქართველოს ტერიტორიული მთლიანობისათვის მებრძოლთა და ავღანეთის ომის მონაწილეთა გარდაცვალების სარიტუალო მომსახურება თითოეულ ბენეფიციარზე 250 ლარის ოდენობით (მიზნობრივი ტრანსფერის ფარგლებში);

იძულებით გადაადგილებულ პირთა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით (მიზნობრივი ტრანსფერის ფარგლებში);

მუნიციპალიტეტის ტერიტორიაზე მცხოვრები მარტოხელა სოციალურად დაუცველ პირთა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით;

5.2.6. ოკუპირებულ ტერიტორიებთან გამყოფი ხაზის მიმდებარე სოფლებში მცხოვრები ოჯახებისათვის დახმარება (პროგრამული კოდი 06 02 06)

ქვეპროგრამის ფარგლებში მუნიციპალიტეტი უზრუნველყოფს ოკუპირებულ ტერიტორიებთან გამყოფი ხაზის მიმდებარე სოფლებში მცხოვრები ანაზღაურების გარეშე დარჩენილი 50 ოჯახისათვის ზამთრის პერიოდში გათბობის უზრუნველყოფის მიზნით თითოეულ ოჯახზე 200 (ორასი) ლარის დახმარების გაცემას.

ასევე გათვალისწინებულია ოკუპირებულ ტერიტორიებთან გამყოფი ხაზის მიმდებარე სოფლების მოსახლეობის სოციალური მდგომარეობის გაუმჯობესების მიზნით დახმარების გაწევა.

5.2.7. სტუდენტების სოციალური დახმარება (პროგრამული კოდი 06 02 08)

ქვეპროგრამის ფარგლებში გათვალისწინებულია:

დახმარება არაუმეტეს 500 ლარისა, შემდეგი კატეგორიის სტუდენტების: დედ-მამით   ობოლი, მარჩენალდაკარგული მრავალშვილიანი (4 და მეტი შვილი 18 წლის ჩათვლით) ოჯახის  აკრედიტებული უმაღლესი სასწავლებლის აკადემიური მოსწრების მქონე სტუდენტები, რომლებიც არ სარგებლობენ სხვა სახელმწიფო პროგრამით, არ აქვთ მოპოვებული სახელმწიფო გრანტი და სოციალურად დაუცველი სტუდენტები, რომელთაც აქვთ მინიჭებული სარეიტინგო ქულა 0-დან 57000-ის ჩათვლით არ სარგებლობენ სხვა სახელმწიფო პროგრამით და არ აქვთ მოპოვებული სახელმწიფო გრანტი.

5.2.8. სოციალურად დაუცველი მოსახლეობის სამედიცინო დახმარება (პროგრამული კოდი 06 02 09)

ქვეპროგრამის ფარგლებში გათვალისწინებულია:

ა) სოციალურად დაუცველ მოქალაქეებს, რომელთაც ესაჭიროებათ სამედიცინო კვლევა, რომელიც არ არის გათვალისწინებული სხვა პროგრამით და გააჩნიათ 0-დან 70000-ჩათ. სარეიტინგო ქულა, დაფინანსება განისაზღვროს 150(ასორმოცდაათი) ლარის ოდენობით.  

ბ) სოციალურად დაუცველ მოქალაქეებს, რომელთაც გააჩნიათ  70000-დან. 100000-ჩათ. სარეიტინგო ქულა სამედიცინო დახმარების თანადათინანსება მუნიციპალიტეტის მხრიდან განესაზღვროს არსებული სამედიცინო მომსახურების სახელმწიფო ტარიფის მიხედვით წარმოდგენილი  თანხის  50% -ით, მაგრამ არა უმეტეს 500(ხუთასი) ლარისა.

   გ) სოციალურად დაუცველ მოქალაქეებს, რომელთაც გააჩნიათ 0-დან 100000-ჩათვლით სოციალურ სააგენტოდან მინიჭებული სარეიტინგო ქულა, ვერ სარგებლობენ ჯანდაცვის ვერცერთი პროგრამით, თანადაფინანსება მუნიციპალიტეტის მხრიდან განისაზღვროს, ბენეფიციარის  მხრიდან წარმოდგენილი თანხის 50%-ით. მაგრამ არა უმეტეს 500 ლარისა.

5.2.9. ონკოლოგიური ავადმყოფების სამედიცინო დახმარება (პროგრამული კოდი 06 02 10)

ქვეპროგრამის ფარგლებში გათვალისწინებულია:

უფასო მედიკამენტებით უზრუნველყოფა ერთჯერადად არა უმეტეს 300 ლარის ოდენობით, ამ მუხლში აღნიშნულ დაავადებათა მკურნალობის ფარგლებში;

ონკოლოგიური ავადმყოფების,  სამედიცინო კვლევა, რომელიც არ არის გათვალისწინებული სხვა პროგრამით, კვლევის თანადაფინანსება განისაზღვროს წარმოდგენილი ღირებულების  არაუმეტეს 300 ლარისა.

   ონკოლოგიური ავადმყოფების სამედიცინო სტაციონალური მომსახურების თანადაფინანსება მუნიციპალიტეტის მხრიდან განისაზღვროს, ბენეფიციარის  მხრიდან წარმოდგენილი თანხის 50%-ით. მაგრამ არა უმეტეს 500 ლარისა.

5.2.10. სქოლიოზით დაავადებული ბავშვების სამკურნალო-სარეაბილიტაციო დახმარება (პროგრამული კოდი 06 02 11)

ქვეპროგრამის ფარგლებში გათვალისწინებულია:

ა) II-III ხარისხის  სქოლიოზით დაავადებული ბავშვების (0-დან 18 წლის ჩათვლით), რომელთაც გააჩნიათ 0-დან 70 000-ჩათ. სარეიტინგო ქულა დახმარება ამ დაავადებათა მკურნალობის ფარგლებში, მოხდება ერთჯერადად 50%-ის თანადაფინანსებით არა უმეტეს 500 (ხუთასი) ლარისა.სამკურნალო მასაჟი 12 პროცედურა.

ბ) დაფინანსება საცურაო აუზზე II-III ხარისხის  სქოლიოზით  დაავადებული ბავშვების 18 წლამდე, რომელთაც გააჩნიათ 0-დან 70 000-ჩათ. სარეიტინგო ქულა. თითო ბავშვს დაუფინანსდება ერთთვიანი საცურაო-გამაჯანსაღებელი კურსი „არასამეწარმეო (არაკომერციული) იურიდიული პირი გორის მუნიციპალიტეტის საცურაო აუზზე“ თვეში 12 პროცედურა (კვირაში 3 დღე).

5.2.11. სოციალური პროექტების თანადაფინანსება (პროგრამული კოდი 06 02 12)

ქვეპროგრამის ფარგლებში დაგეგმილია:

საბიუჯეტო, არასამთავრობო, არარეგისტრირებული კავშირების, არასამეწარმეო და სხვა ოგანიზაციების  თანადაფინანსება, რომლებიც საკუთარი სახსრებით ან დონორი ორგანიზაციებიდან გრანტის მიღების გზით მოახდენენ წილობრივ თანადაფინანსებას და პროექტის განხორციელებით ხელს შეუწყობენ მუნიციპალიტეტის ტერიტორიაზე სოციალური მდგომარეობის გაუმჯობესებას. ასევე მუნიციპალიტეტის მონაწილეობა ჯანდაცვისა და სოციალურ სფეროში ჩატარებულ საქველმოქმედო ღონისძიებებში.

5.2.12. უფასო მედიკამენტებით უზრუნველყოფა (პროგრამული კოდი 06 02 13)

ქვეპროგრამის ფარგლებში გათვალისწინებულია:

მუნიციპალიტეტში რეგისტრირებული ეპილეფსიით, პარკინსონიზმით, ბრონქიალური ასთმით  და გულის იშემიური დაავადებით დაავადებული სიღარების ზღვარს მიღმა მაცხოვრებლები, რომელთაც გააჩნიათ 0-დან 57000-ის  ჩათვლით სარეიტინგო ქულა  დაავადებული პაციენტების ერთჯერადი დახმარება,  აღნიშნული დაავადებების მკურნალობის ფარგლებსი გაიცემა  არაუმეტეს 100 ლარისა.

5.2.13. ხანძრებისა და სტიქიური მოვლენებით საცხოვრებელ ბინებზე მიყენებული ზარალისათვის ოჯახისადმი დახმარება (პროგრამული კოდი 06 02 14)

ქვეპროგრამის ფარგლებში გათვალისწინებულია:   

ხანძრებისა და სტიქიური მოვლენების შედეგად საცხოვრებელ ბინებზე მიყენებული ზარალისათვის დაზარალებული ოჯახების ერთჯერადი ფულადი დახმარება დამდგარი ზიანის მიხედვით, მაგრამ არაუმეტეს 1000 ლარისა.

5.2.14. საქართველოს თავისუფლებისა და ტერიტორიული მთლიანობისათვის მებრძოლთა (ვეტერანთა) ოჯახების სოციალური დახმარება (პროგრამული კოდი 06 02 15)

ქვეპროგრამის ფარგლებში გათვალისწინებულია:

საქართველოს თავისუფლებისა და ტერიტორიული მთლიანობისათვის მებრძოლი ინვალიდების, ომის შედეგად გარდაცვლილთა ოჯახების, მეორე მსოფლიო ომის მონაწილეების ერთჯერადი დახმარება 200 ლარის ოდენობით.