საქართველოს დამოუკიდებლობის დღის - 26 მაისისადმი მიძღვნილი ღონისძიებების უზრუნველყოფის შესახებ

საქართველოს მთავრობის

განკარგულება №860

2014  წლის  16  მაისი 

ქ. თბილისი

საქართველოს დამოუკიდებლობის დღის – 26 მაისისადმი მიძღვნილი ღონისძიებების უზრუნველყოფის შესახებ

1. „2014 წელს განსახორციელებელი ზოგიერთი ღონისძიების დაგე­გ­მვის თაობაზე“ საქართველოს მთავრობის 2014 წლის 14 აპრილის №669 გან­კარგულების შესაბამისად, მოწონებულ იქნეს საქარ­თველოს დამოუ­კი­დებ­ლობის დღის – 26 მაისისადმი მიძღვნილი ღონის­ძიების ორგანიზე­ბის სა­მოქმედო გეგმა (შემდგომში – სამოქმედო გეგმა).

2. სამოქმედო გეგმის დამტკიცების უფლებამოსილება მიენიჭოს სა­ქართველოს პრემიერ-მინისტრს.

3. ეთხოვოს სამოქმედო გეგმით განსაზღვრულ თვითმმართველ ერ­თეულებს კომპეტენციის ფარგლებში სამოქ­მე­დო გეგმით განსაზღვრულ ღონისძიებებში მონაწილეობის მიღება.

4. „სახელმწიფო შესყიდვების შესახებ“ საქართველოს კანონის 10¹ მუ­­ხ­­ლის მე-3 პუნქტის „დ“ ქვეპუნქტის შესაბამისად, ამ განკარგულების პირველი პუნქტით განსაზღვრული სახელმწიფოებრივი და საზოგა­დო­ებ­რივი მნიშვნელობის ღონისძიების შეზღუდულ ვადებში შეუფერხებ­ლად ჩატარების მიზნით სამოქმედო გეგმით განსაზღვრული ღონის­ძიე­ბების შესრულებაზე პასუხისმგებელმა შემსყიდველმა ორგანი­ზა­ციებმა შე­საბამისი საქონლის ან/და მომსახურების სახელმწიფო შეს­ყი­დ­ვა განა­ხო­რციელონ გამარტივებული შესყიდვის საშუალებით.

პრემიერ-მინისტრი                                                            ირაკლი ღარიბაშვილი