ქ. თბილისის 2014 წლის ბიუჯეტის დამტკიცების შესახებ

ა) განისაზღვროს ქ. თბილისის ბიუჯეტის არაფინანსური აქტივების ზრდა  171,993,6 ათასი  ლარის ოდენობით

ბ) განისაზღვროს ქ.თბილისის ბიუჯეტის არაფინანსური აქტივების კლება 35,000.0 ათასი  ლარის ოდენობით

განისაზღვროს ქ.თბილისის  ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში

ა) განისაზღვროს ქ.თბილისის ბიუჯეტის ფინანსური აქტივების ზრდა 8,200.0 ათასი ლარის ოდენობით

ბ) განისაზღვროს ქ.თბილისის ბიუჯეტის ფინანსური აქტივების კლება (50500.0) ათასი ლარის ოდენობით

განისაზღვროს ქ.თბილისის ბიუჯეტის ვალდებულებების კლება 7,790,4 ათასი ლარის ოდენობით

 1. სატრანსპორტო ინფრასტრუქტურის მშენებლობა-აღდგენა

სატრანსპორტო ინფრასტრუქტურის მშენებლობა აღდგენა კვლავ ერთერთ ძირითად პრიორიტეტად რჩება  დედაქალაქისათვის. ბოლო წლების განმავლობაში დედაქალაქის გზების მნიშვნელოვანი სარეაბილიტაციო სამუშაოების ჩატარების მიუხედავად გზების გარკვეული ნაწილი მოითხოვს სარეაბილიტაციო, კაპიტალურ და მიმდინარე შეკეთების სამუშაოებს და გზების ტექნიკური მდგომარეობის გაუმჯობესებას.  პრიორიტეტი ასევე ითვალისწინებს მეტროპოლიტენის ინფრასტრუქტურის მოწესრიგებას.

1.1 საგზაო ინფრასტრუქტურის მშენებლობა, აღდგენა და მოვლა-შეკეთება

ქალაქის გზებისა და ქუჩების გარკვეული ტექნიკურად მოძველებული ნაწილი ნაკლებად გამტარუნარიანია და საჭიროებს მიმდინარე და კაპიტალურ შეკეთებას. გზების ტექნიკური მდგომარეობის გაუმჯობესება ხელს შეუწყობს ავტოტრანსპორტის შეუფერხებელ მოძრაობას, შემცირდება საცობების რაოდენობა, რაც დადებითად იმოქმედებს სატრანსპორტო ინფრასტრუქტურის ტექნიკურ მაჩვენებლებზე. პროგრამის მიზანია გზების ტექნიკური მდგომარეობის გაუმჯობესება რაც ხელს შეუწყობს ქუჩებისა და მაგისტრალების განტვირთვას ჭარბი სატრანსპორტო ნაკადებისაგან და ავტოტრანსპორტის შეუფერხებელ მოძრაობას. პროგრამა მოიცავს შემდეგ ქვეპროგრამებს:

1.1.1 გზების მშენებლობა და აღდგენა

ქვეპროგრამა ითვალისწინებს დედაქალაქში გზის საფარის მიმდინარე და კაპიტალური შეკეთების და მშენებლობის სამუშაოების ჩატარებას.  

1.1.8;  1.1.9; 1.1.10;  1.1.11;  1.1.12;  1.1.13; 1.1.14;  1.1.15;  1.1.16;  1.1.17. გზების მოვლა-შეკეთება  ქ.თბილისის რაიონებში

ქვეპროგრამების ფარგლებში განხორციელდება რაიონის ტერიტორიაზე დაზიანებული ქუჩების, შიდა კვარტალური გზებისა და შიდა ეზოების მიმდინარე შეკეთება, რომელიც განაპირობებს რაიონში არსებული გზის საფარის დამაკმაყოფილებელ მდგომარეობაში შენარჩუნება-გაუმჯობესებას, რის შედეგადაც უსაფრთხო გახდება ტრანსპორტისა და ფეხით მოსიარულეთა გადაადგილება.

1.2 ტრანსპორტის განვითარება

პროგრამის მიზანია სატრანსპორტო ინფრასტრუქტურის განვითარება, რაც მოიცავს ქალაქის შუქნიშნების, საგზაო ნიშნების, მონიშვნების,  გზაჯვარედინების  მოწესრიგების ღონისძიებების განხორციელებას. შუქნიშნების მართვის ცენტრის ექსპლუატაციას, ტრანსპორტითა და  ფეხით მოსიარულეთა უსაფრთხო გადაადგილების უზრუნველყოფას. ასევე მეტროს სადისპეჩერო სისტემის რეკონსტრუქცია-განახლებას და საქალაქო სამგზავრო ტრანსპორტის მოძრავი შემადგენლობის მოდერნიზაციას. მგზავრთა გადამყვანი სატრანსპორტო კომპანიის შეუფერხებელი ფუნქციონირების უზრუნველსაყოფად სატრანსპორტო კომპანიის კაპიტალის ზრდა.

1.2.1 სატრანსპორტო ინფრასტრუქტურის მოწესრიგების ღონისძიებები

ქვეპროგრამის მიზანია დედაქალაქის ადმინისტრაციულ საზღვრებში ავტოტრანსპორტის გაზრდილი ნაკადების გამტარუნარიანობის,  ქუჩებსა და მოედნებზე ტრანსპორტით და ფეხით მოსიარულეთა უსაფრთხო გადაადგილების მაქსიმალურად უზრუნველყოფა; მოსახლეობის ინფორმირება სამარშრუტო ხაზზე ავტობუსის მოძრაობის ინტერვალის შესახებ;

ღონისძიებები: საგზაო მოძრაობის ტექნიკური საშუალებების ექსპლუატაცია და მოვლა-შენახვა; ჰორიზონტალური და ვერტიკალური საგზაო მონიშვნები ერთკომპონენტიანი საღებავით; ჰორიზონტალური საგზაო მონიშვნები თერმოპლასტით და ცივი პლასტით, ძველი  საგზაო მონიშვნის წაშლა; სატრანსპორტო საშუალებების მოძრაობის სიჩქარის იძულებითი შემცირებისათვის „ხელოვნური უსწორმასწორებების“ (ბორცვები) მონტაჟი, ძველის დემონტაჟი;   საგზაო ნიშნების შეძენა-მონტაჟი; ავტობუსის გაჩერებებზე ელექტრონული ტაბლოების შეძენა-მონტაჟი; ელექტრონული ტაბლოებისათვის დგარების მონტაჟი; ავტობუსის გაჩერებებზე ელექტრონული ტაბლოების ძაბვის გამანაწილებელ ქსელებზე მიერთების სამუშაოები; გზაჯვარედინების რეორგანიზაციის სამუშაოები; შუქნიშნის ობიექტების რეკონსტრუქცია და მართვის ცენტრთან მიერთება; შუქნიშნის მართვის ცენტრთან შუქნიშნის ობიექტების მიერთების ექსპერტიზა; შუქნიშნის მართვის ცენტრის ექსპლუატაცია; მიმართულებების წინასწარი მაჩვენებლების შეძენა-მონტაჟი; ლითონის ძელებიანი ზღუდარების  დემონტაჟი და მონტაჟი; სფერული სარკეების დემონტაჟი-მონტაჟი და სხვა ღონისძიებები.

1.2.2 საქალაქო სამგზავრო ტრანსპორტის  მოძრავი შემადგენლობის  მოდერნიზაცია

ქვეპროგრამის მიზანია მეტროს ვაგონებით მგზავრთა კომფორტული და უსაფრთხო გადაადგილება;

1.2.3  მეტროს სადგურების რეკონსტრუქცია და მშენებლობა

ქვეპროგრამის მიზანია მეტროს მოძველებული სადისპეტჩერო სისტემის თანამედროვე სტანდარტებთან შესაბამისობა; ახალი სადისპეტჩერო სისტემის მოწყობა, ტექნიკური გადაიარაღება.

1.2.4  ავტოსატრანსპორტო საშუალებათა პარკირების რეგულირება

ქვეპროგრამის მიზანია „ქ. თბილისის გზებზე ავტოსატრანსპორტო საშუალებათა პარკირების რეგულირების მიზნით, პარკირების სფეროს მართვის უფლების იჯარით გადაცემის შესახებ“ ხელშეკრულების საფუძველზე ქ. თბილისის მერიის მიერ ვალდებულების შესრულების უზრუნველყოფა.

1.2.5 სატრანსპორტო კომპანიის სუბსიდია

ქვეპროგრამის მიზანია რეგულირებად ეკონომიკურ სფეროებში (მიწისქვეშა ელექტროტრანსპორტი (მეტრო), M3 კატეგორიის ავტობუსი) ადგილობრივი საქალაქო რეგულარული სამგზავრო გადაყვანისას მომხმარებელთა ეკონომიკური ინტერესების დაცვა, მომხმარებელთათვის რეგულირებადი ტარიფის შენარჩუნება. სატრანსპორტო კომპანიის შეუფერხებელი ფუნქციონირების უზრუნველსაყოფად კომპანიის  კაპიტალის ზრდა და ტრანსპორტის მუშაკთა საახალწლო წახალისება ერთი თვის ხელფასის ოდენობით და სხვა ღონისძიებები.

1.2.6 საბაგირო ტრანსპორტის განვითარებისა და „დიღმის ჭალების“ ინფრასტრუქტურის მოწყობა

ქ. თბილისის განსაკუთრებულად რთულმა რელიეფმა და დედაქალაქში ტურიზმის განვითარებამ განაპირობა არსებული სატრანსპორტო ინფრასტრუქტურის განახლებისა და  ეკოლოგიურად სუფთა საბაგირო  ტრანსპორტით თბილისის მოქალაქეებისა და სტუმრების უზრუნველყოფის აუცილებლობა. პროგრამა ითვალისწინებს ახალი თანამედროვე ტურისტული და სატრანსპორტო ფუნქციების მქონე საბაგირო გზების მშენებლობას, რაც ხელს შეუწყობს მოსახლეობის სწრაფ გადაადგილებას და სატრანსპორტო ნაკადების განტვირთვას, ხმაურის, გამონაბოლქვის და გადაადგილებასთან დაკავშირებული დროისა და ხარჯების შემცირებას. დიღმის ჭალების ინფრასტრუქტურის მოწყობას.

1.2.7 მრავალსართულიანი ავტოსადგომის მშენებლობა

ქვეპროგრამის მიზანია მრავალსართულიანი ავტოსადგომების მშენებლობის დაფინანსება. დედაქალაქში ავტოსაშუალებების რაოდენობის მუდმივი და სწრაფი ზრდის გამო, სულ უფრო აქტუალური ხდება ევროპული ტიპის მრავალსართულიანი ავტოსადგომების მოწყობის აუცილებლობა. ქვეპროგრამის ფარგლებში განხორციელდება ავტოსადგომებისათვის საჭირო ტერიტორიების შერჩევა, ქალაქის ურბანული თავისებურებების, საავტომობილო მოძრაობისა და პარკირების სტატისტიკური მონაცემების შესაბამისად, ავტოსადგომების პროექტირება და მშენებლობა. 

2. ინფრასტრუქტურული ობიექტების მშენებლობა, ექსპლუატაცია და  ავარიული შენობების გამაგრება

მოსახლეობის კეთილდღეობის ამაღლების ძირითად პირობად დღეისათვის კვლავ რჩება საბინაო - საყოფაცხოვრებო პირობების გაუმჯობესება.  დედაქალაქში ამჟამად აღრიცხვაზეა მრავალი ავარიული საცხოვრებელი სახლი, რაც სხვადასხვა ფაქტორების გათვალისწინებით რეალურ საფრთხეს უქმნის მობინადრეთა სიცოცხლეს. გარდა ამისა, დედაქალაქში ამჟამად მრავლად არის მეწყერსაშიში ფერდობები და უბნები, დაზიანებული ნაგებობები, ამორტიზებული საინჟინრო კომუნიკაციები. ამ მიზნით გათვალისწინებულია ქ.თბილისში საინჟინრო ნაგებობების და ინფრასტრუქტურის ობიექტების მშენებლობა და აღდგენა – რეკონსტრუქცია, მეწყერსაწინააღმდეგო ღონისძიებების ჩატარება. გარდა ამისა პრიორიტეტი ითვალისწინებს  ეკონომიკის ცალკეული სექტორების მხარდაჭერას ერთობლივი პროექტების განხორციელებით, გარე განათების ქსელის ექსპლუატაცია და რეაბილიტაციას, სანიაღვრე ქსელის მოვლა-პატრონობას და სხვადასხვა კეთილმოწყობის ღონისძიებების ჩატარებას.

2.1 საინჟინრო ნაგებობებისა და ინფრასტრუქტურის ობიექტების მშენებლობა და აღდგენა–რეკონსტრუქცია

პროგრამა ითვალისწინებს საინჟინრო ინფრასტრუქტურის ობიექტების (კომუნიკაციები, საყრდენი კედლები, ხიდები და გვირაბები) მოწესრიგებას. დედაქალაქში ამჟამად მრავლად არის მეწყერსაშიში ფერდობები და უბნები, დაზიანებული ნაგებობები,  ამორტიზებული საინჟინრო კომუნიკაციები. დაგეგმილია თბილისში საინჟინრო ნაგებობების და ინფრასტრუქტურის ობიექტების მშენებლობა, აღდგენა – რეკონსტრუქცია და გაუმჯობესება, მეწყერსაწინააღმდეგო ღონისძიებების ჩატარება, სადრენაჟე სისტემების მოწესრიგება, მათ შორის დიდი ხეივნის დასახლებაში სადრენაჟე სისტემის პროექტირება-მოწყობა. რაც უზრუნველყოფს მოსახლეობისათვის უსაფრთხო საცხოვრებელი  გარემოს შექმნას.

2.2  ბინათმშენებლობა და ავარიული შენობების გამაგრება

პროგრამა ითვალისწინებს საბინაო - საყოფაცხოვრებო პირობების გაუმჯობესებას. დედაქალაქში ამჟამად აღრიცხვაზეა მრავალი ავარიული საცხოვრებელი სახლი, სხვადასხვა ფაქტორები (მ.შ. სტიქიური მოვლენები) რეალურ საფრთხეს უქმნის მობინადრეთა სიცოცხლეს. ამისათვის დაგეგმილია თბილისში გადაუდებელი აუცილებლობით გამოწვეული ავარიული შენობების აღდგენა-რეაბილიტაცია, რაც მიზნად ისახავს ავარიული საცხოვრებელი სახლების შემცირებას, ავარიული შენობების ჩამოშლის საშიშროების თავიდან აცილების შედეგად მობინადრეთა უსაფრთხოების დაცვას.

 საქართველოში საბჭოთა წყობის ნგრევის შედეგად, ქ.თბილისის ბინათმშენებლობაში ბევრი სამართლებრივად დაურეგულირებელი საკითხი წარმოიშვა, რამაც თბილისის მოქალაქეების ინტერესები დააზიანა. სახელმწიფოს მიერ წარმოებული ბინების მშენებლობის რიგში მყოფი მოქალაქეები ყოველგვარი გარანტიების გარეშე აღმოჩნდნენ. ამას გარდა დიდი ხნის განმავლობაში დაუმთავრებელი შენობები ხშირ შემთხვევაში ვეღარ აკმაყოფილებს ტექნიკური  უსაფრთხოების ნორმებს.

საქართველოს რესპუბლიკის მთავრობის 1992 წლის 9 ოქტომბრის #983 დადგენილებით სახელმწიფომ კოოპერატიული ბინათმშენებლობის წევრების წინაშე იკისრა საბჭოთა კავშირის დროს არსებული კოოპერატიული ბინათმშენებლობის წევრთა დაკმაყოფილება საცხოვრებელი ბინებით, რაც ვერ განხორციელდა ქვეყანაში დაწყებული ინფლაციის და მძიმე ეკონომიკური მდგომარეობების გამო. 2004 წლის 15 ნოემბერს საქართველოს მთავრობის დადგენილებით შეიქმნა საქართველოს სახელმწიფო საშინაო ვალის პრობლემათა შემსწავლელი კომისია, რომელსაც ერთ-ერთ საკითხად კოოპერატიულ ბინათმშენებლობასთან დაკავშირებული სახელმწიფოს ვალდებულებების გასტუმრების მიზნით რეკომენდაციები უნდა  შეემუშავებინა საქართველოს მთავრობისა და პარლამენტისთვის. პარალელურად, ქ.თბილისის 2005 წლის ბიუჯეტში გათვალისწინებული იყო კოოპერატიული ბინათმესაკუთრეთა ნაწილისათვის კორპუსების მშენებლობის დაფინანსება, რომლის მხოლოდ 7 % შესრულდა, ხოლო დანარჩენ ნაწილზე უარი ითქვა კომისიის მიერ რეკომენდაციების შემუშავებამდე. პროგრამა განხორციელდება შიდა ვალის შემსწავლელი სახელმწიფო კომისიის თანხმობის შემთხვევაში.

2.3 საპროექტო-საძიებო და კვლევითი სამუშაოები, ექსპერტიზა, ტექნიკური პირობები, კონსერვაცია და სხვა ღონისძიებები

სამშენებლო ნორმებისა და წესების შესაბამისად, სამშენებლო–სამონტაჟო და აღდგენა–რეკონსტრუქციის სამუშაოების ჩასატარებლად აუცილებელია შესაბამისი საპროექტო დოკუმენტაციის დამუშავება, სადაც გათვალისწინებული უნდა იყოს სხვადასხვა  ტექნიკური პირობების მოთხოვნები.   პროგრამა ითვალისწინებს ქ. თბილისში სამშენებლო სამუშაოებისათვის საჭირო საპროექტო–საძიებო სამუშაოების ჩატარებას, პროექტების ექსპერტიზას და მშენებლობისათვის საჭირო დოკუმენტაციის მომზადებას.  პროექტის მიზანია სამშენებლო სამუშაოების უზრუნველყოფა საპროექტო დოკუმენტაციით.

2.5 გარე განათების ქსელის ექსპლუატაცია და რეაბილიტაცია

პროგრამის მიზანია ქალაქში განათებული ქუჩების და მხატვრულად მინათებული შენობა-ნაგებობების რაოდენობისა და განათების ინტენსიობის გაზრდა. პროგრამა ითვალისწინებს ქ.თბილისის ქუჩების, მოედნების, მაგისტრალების, საცხოვრებელი მასივების, შიდა კვარტალების, ბაღ-სკვერების, ხიდების, გზატკეცილების გარე განათების არსებული ქსელის განათებასა და ქალაქის ღირსშესანიშნაობათა მხატვრულ მინათებას. გარე განათების ქსელის რეკონსტრუქციას და სწორ ექსპლოატაციას. ქალაქის გარე განათების ქსელის ექსპლოატაციისა და რეაბილიტაციის პროგრამის ფარგლებში მოხდება: გარე განათების ქსელის ცენტრალიზებული მართვის სისტემების სრულყოფა; გარე განათებისა და სკვერების განათების ბოძების დიზაინის გაუმჯობესება. ელექტროუსაფრთხოების  ღონისძიებების რეგულარული გატარება. გარე განათების ქსელის  მოდერნიზაცია–განვითარება.

2.6  სანიაღვრე ქსელის მოვლა-პატრონობა

ქალაქის კომუნალური მეურნეობისათვის განსაკუთრებით დიდი მნიშვნელობა ენიჭება სანიაღვრე ქსელების და კოლექტორების მოვლა-პატრონობას, გარკვეული ნაწილის აღდგენა-რეაბილიტაციას და სარეკონსტრუქციო სამუშაოებს. სანიაღვრე ქსელებისა და კოლექტორების გარკვეული ნაწილი ამორტიზირებულია და მოითხოვს განახლებას, ხოლო ქსელების ნაწილი სარეკონსტრუქციოა, კვეთის სიმცირის გამო.  პროგრამა ითვალისწინებს ქ. თბილისის ქუჩების სანიაღვრე ქსელების მოვლა-პატრონობას (ექსპლოატაცია), მიმდინარე შეკეთებას, სანიაღვრე კოლექტორების, წვიმმიმღებების, საკონტროლო ჭების, გვერდმიმღებების მოწყობას, კიუვეტების გაწმენდას.      პროგრამის მიზანია  სანიაღვრე ქსელების ნორმალური ფუნქციონირება, სანიაღვრე და სადრენაჟე ქსელების სათავე ნაგებობების წესრიგში მოყვანა.

2.7  ქალაქგაფორმებითი ღონისძიებები

პროგრამის ფარგლებში ხდება დედაქალაქის გაფორმება დღესასწაულებისთვის, ეროვნული და სხვადასხვა ღონისძიებების თანამედროვე ტექნიკური აღჭურვილობით უზრუნველყოფა. კონკრეტული ღონისძიების სპეციფიკისა და მისი ჩატარების ადგილმდებარეობის შესაბამისად. პროგრამის მიზანია დედაქალაქის მაღალმხატვრულ დონეზე გაფორმება, სხვადასხვა ქალაქგაფორმებითი ღონისძიებების მოწყობა.

2.8  მიწისქვეშა გადასასვლელების მოვლა-პატრონობა და რეაბილიტაციის სამუშაოები

დედაქალაქში არსებული მიწისქვეშა გადასასვლელები თავისი კომუნიკაციებით და მოწყობილობებით რთულ საინჟინრო კომპლექსურ ნაგებობებს წარმოადგენენ. მიწისქვეშა გადასასვლელების ნორმალური ფუნქციონირებისათვის აუცილებელია დროული მიმდინარე და კაპიტალური შეკეთებების განხორციელება.  პროგრამის მიზანია  მიწისქვეშა გადასასვლელების მიმდინარე და კაპიტალურ შეკეთება და მიწისქვეშა გადასასვლელების ნორმალური ფუნქციონირების უზრუნველყოფა.

2.9 კეთილმოწყობის ღონისძიებები

პროგრამის მიზანია დედაქალაქისათვის მნიშვნელოვანი და აუცილებელი კეთილმოწყობის ღონისძიებების სრულყოფილად და ეფექტურად განხორციელება. პროგრამის ფარგლებში განხორციელდება დაზიანებული საქალაქო  ინფრასტრუქტურის  ობიექტების აღდგენა – რეაბილიტაცია; დედაქალაქის ტერიტორიაზე სხვადასხვა ობიექტების კეთილმოწყობა, მოვლა-პატრონობა; მოსახლეობისათვის სათანადო სანიტარული, ეკოლოგიური და საყოფაცხოვრებო პირობები გაუმჯობესება.

2.9.1 კეთილმოწყობის საქალაქო ღონისძებები

დედაქალაქის საჭიროებებისა და პრობლემების მოსაგვარებლად აუცილებელია  კეთილმოწყობითი ღონისძიებების განხორციელება. პროგრამის ფარგლებში განხორციელდება შემდეგი ღონისძიებები: დაზიანებული საქალაქო  ინფრასტრუქტურის  ობიექტების აღდგენა – რეაბილიტაცია;   ვაზიანის ქიმიური სამარხის მოვლა–პატრონობა; შადრევან–აუზების რეაბილიტაცია და მოვლა-პატრონობა (ექსპლოატაცია); სამისამართო აბრების შეძენა-მონტაჟი; დახურული ნაგავსაყრელი პოლიგონების დაცვა; დედაქალაქის ტერიტორიაზე სხვადასხვა  ობიექტების კეთილმოწყობა.     

2.9.8  მოძრავი ქონების აღრიცხვა და  მოვლა-შენახვა

დედაქალაქის თვითმმართველი ერთეულის საკუთრებაში არსებული მოძრავი ქონების აღრიცხვა და მოვლა-შენახვა; სასაწყობო მეურნეობის მოვლა-მოწესრიგება და სხვა ღონისძიებები.    

2.9.9 უკანონო ნაგებობების დემონტაჟი

უკანონო და უსახური შენობა–ნაგებობების არსებობა ამახინჯებს დედაქალაქის იერსახეს და ზღუდავს საზოგადოებრივი სარგებლობის სივრცეებით სარგებლობას. ამავდროულად თვითმმართველი ერთეულის საკუთრებაში არსებულ მიწის ნაკვეთებზე განხორციელებული უნებართვო მშენებლობების შედეგად ხდება თვითმმართველი ერთეულის საკუთრების უკანონო ხელყოფა. დაგეგმილია გამოთავისუფლდეს თვითმმართველი ერთეულის საკუთრებაში არსებული უკანონოდ მიტაცებული მიწის ნაკვეთები მასზე არსებული უნებართვო და უსახური შენობა –ნაგებობებისაგან, უკანონო და უსახური კონსტრუქციების დემონტაჟის გზით შენარჩუნდეს და მოწესრიგდეს დედაქალაქის იერსახე და გამოთავისუფლდეს საზოგადოებრივი სარგებლობის სივრცეები უკანონო შეზღუდვებისგან. სხვა უკანონო ქმედებების ზედამხედველობა.

2.9.10;  2.9.11;  2.9.12;  2.9.13;  2.9.14;  2.9.15; 2.9.16;  2.9.17;  2.9.18;  2.9.19.  ქ.თბილისის რაიონების კეთილმოწყობის ღონისძიებები

ქვეპროგრამების ფარგლებში დაგეგმილია რაიონის ინფრასტრუქტურის განვითარებისკენ მიმართული მრავალმხრივი სამუშაოები, რათა გაუმჯობესდეს რაიონის ტერიტორიაზე არსებული ინფრასტრუქტურა, შეიქმნას რაიონის მოსახლეობისათვის სათანადო სანიტარული, ეკოლოგიური და საყოფაცხოვრებო პირობები. განხორციელდება არსებული სკვერების, სპორტული მოედნების და კორპუსებიდან სატრანსპორტო კვანძზე ჩამოსასვლელად კიბეების რეაბილიტაცია და ახლის მოწყობა, სადრენაჟე და სანიაღვრე ქსელების აღდგენა – რეაბილიტაცია, ავარიული და ზეხმელი ხეების გადაბელვის სამუშაოები, დაზიანებული საყრდენი კედლების აღდგენა და ახლის მოწყობა, რაიონის ტერიტორიაზე მდებარე ეკლესია-მონასტრების დახმარება. გაზიფიცირებასთან  დაკავშირებული ღონისძიებების დაფინანსების მიზნით ქ. თბილისის ბიუჯეტიდან დახმარება გაეწევა თბილისში მცხოვრებ მოსახლეობას და დახმარების გაცემის პირობებს დაადგენს ქ. თბილისის მთავრობა. საცხოვრებელი სახლების და მათი ელემენტების გამაგრება-შეკეთება: აივნები, პარაპეტები, კოლონები, კიბის უჯრედები, სადარბაზოს წინფარები, სახურავები და სხვა ღონისძიებები.

2.9.22 ლადო ასათიანის ძეგლი

ქვეპროგრამის ფარგლებში დიდი ქართველი პოეტის, ლადო ასათიანის სახელისა და ხსოვნის უკვდავსაყოფად ქ. თბილისში რუსთაველის პროსპექტზე დაიდგმება მისი ძეგლი.

2.10   ქალაქის განვითარების ხელშეწყობა

პროგრამის მიზანია ქ.თბილისის ტერიტორიაზე ისტორიული და სხვა მნიშვნელოვანი შენობა-ნაგებობების რეაბილიტაცია-გამაგრების სტრატეგიის შემუშავება და განხორციელება; ქალაქის ინფრასტრუქტურის (მ.შ. მიწისქვეშა ინფრასტრუქტურის) რეაბილიტაცია და მშენებლობა; ქალაქისთვის მნიშვნელოვანი პროექტების განხორციელება. პროგრამით გათვალისწინებულ სამუშაოებს განახორციელებს და უხელმძღვანელებს ააიპ "თბილისის განვითარების ფონდი". ღონისძიებების დაფინანსება განხორციელდება  ააიპ "თბილისის განვითარების ფონდში" შენატანის სახით.

2.11 გმირთა მოედნიდან ლაგუნა-ვერეს მონაკვეთზე და ვაშლიჯვრიდან დიღმის მიმართულებით ხიდის (გადასასვლელის) მშენებლობა

ტრანსპორტის გადაადგილების გაუმჯობესების და ქალაქში ე.წ. „საცობების“ შემზღუდველი ღონისძიებების  მიზნით განხორციელდება   გმირთა მოედნიდან ლაგუნა-ვერეს მონაკვეთზე  და ვაშლიჯვრიდან დიღმის მიმართულებით ესტაკადების მშენებლობა.

2.12 კოლხური კოშკის რეაბილიტაცია

პროგრამის ფარგლებში განხორციელდება კოლხური კოშკის სარეაბილიტაციო სამუშაოები

2.13 წმინდა ასი ათასი ქართველი მოწამის სახელობის მეტეხის ხიდის გაფორმებითი ღონისძიებები

1227 წელს თბილისში ჯალალედინის მიერ ქრისტიანული რწმენისათვის წამებული ასი ათასი ქართველის უკვდავსაყოფად, საკრებულოს გადაწყვეტილებით მეტეხის ხიდს "წმინდა ასი ათასი ქართველი მოწამის სახელობის მეტეხის ხიდი" ეწოდა. ამასთან დაკავშირებით, განხორციელდება აღნიშნული ხიდის გაფორმებითი ღონისძიებები.

3. ეკოლოგიური მდგომარეობის შენარჩუნება და გაუმჯობესება

პრიორიტეტის განხორციელებით საგრძნობლად გაუმჯობესდება დედაქალაქის ეკოლოგიური მდგომარეობა და გარე-იერსახე, მცენარეთა ფიტო-სანიტარული და ეკოლოგიური მდგომარეობა, ქალაქის მოსახლეობის დასვენების პირობები. მწვანე საფარის მოვლა-პატრონობა, მწვანე ნარგავებით ტერიტორიების შევსება და მათი შენარჩუნება საშუალებას იძლევა მნიშვნელოვნად გაიზარდოს თბილისის მწვანე საფარი. ახალი სკვერების მოწყობა და არსებულის რეკონსტრუქცია-რესტავრაციით დედაქალაქს შეემატება თანამედროვე ტიპის საერთო სარგებლობის დასასვენებელი კერები. მსოფლიოს და ადგილობრივი ფლორისა და ფაუნის ცოცხალი კოლექციის შენახვა, როგორც საექსპოზიციო, ასევე საგანმანათლებლო მიზნით ხელს შეუწყობს ზოოლოგიური პარკის და ბოტანიკური ბაღის, როგორც შემეცნებისა და დასვენების ერთ-ერთ ღირსშესანიშნავ ადგილად ჩამოყალიბებას. პრიორიტეტის ფარგლებში განხორციელდება დედაქალაქის დაგვა-დასუფთავების ღონისძებები.

3.1  გამწვანების ღონისძიებები

პროგრამის განხორციელებით საგრძნობლად უმჯობესდება დედაქალაქის ეკოლოგიური მდგომარეობა, გარე-იერსახე და ქალაქის მოსახლეობის დასვენების პირობები. მწვანე ნარგავებით ტერიტორიების შევსება და მათი შენარჩუნება საშუალებას იძლევა მნიშვნელოვნად გაიზარდოს თბილისის მწვანე საფარი. ასევე ხორციელდება ფერდობების, ბაღების, სკვერების მოვლა–პატრონობა; მცენარეთა შესყიდვა, (სხვადასხვა ჯიშის ყვავილები, ბუჩქები, ხე-მცენარეები); ქ. თბილისის ტერიტორიაზე, მწვანე თარგების მოწესრიგების მიზნით, მწვანე გაზონების მოწყობა (რულონი); ქ.თბილისში, სხვადასხვა ტერიტორიაზე მწვანე თარგებიდან სტრუქტურადარღვეული ნიადაგის ფენის მოშორება და მისი ნოყიერი და ყამირი ფენით შევსება; ხეების მოჭრა-გადაბელვა და კუნძების ამოღება-გატანა; ფოთლოვანი და წიწვოვანი ხე-მცენარეების მავნებელ დაავადებათა კვლევა, მონიტორინგი და მათ წინააღმდეგ ბრძოლის აგრო-ტექნიკური ღონისძიებები (გასხვლა, შეწამვლა);  ზრდასრული ხე-მცენარეების გადარგვა და  რეკულტივატორით გადარგული ხე-მცენარეების მორწყვა; სარწყავი ქსელების რეკონსტრუქცია და ახლის მოწყობა; სკვერების და პარკების მოწყობა-რეაბილიტაცია; ქარსაცავი ზოლის აღდგენა-რეაბილიტაცია; საპარკე ფურნიტურის მონტაჟი სარეკრეაციო ზონებში და სხვა ღონისძიებები.

3.2 დასუფთავების ღონისძიებები

ქუჩების დაგვა-დასუფთავება, საყოფაცხოვრებო, მყარი და დიდი ზომის ნარჩენების, ქუჩების მონახვეტის შეგროვება და ნაგავსაყრელ პოლიგონამდე ტრანსპორტირება; თოვლცვენის დროს გზებისა და მოედნების გაწმენდისა და ტექნიკური მარილის მოყრის სამუშაოების ორგანიზება; ხევების, ფერდობების  და მიწისქვეშა გადასასვლელების დაგვა დასუფთავება; საბილინგო სისტემის ფუნქციონირების უზრუნველყოფა; ღია ნაგავსაყრელი პოლიგონების სანიტარული ნორმების შესაბამისად დეზინფექცია-დერატიზაცია, შეზიდული ნარჩენების აღრიცხვა-კონტროლი და შემდგომში კონსერვაცია; ღია ნაგავსაყრელი პოლიგონების მოვლა-პატრონობა, დაცვა; ნარჩენების სრული იზოლირება მოსახლეობისა და გარემოსაგან; ნაგავსაყრელ პოლიგონზე ახალი უჯრედის მოწყობა. მატერიალურ-ტექნიკური ბაზის გაუმჯობესება და სხვა ღონისძიებები.

3.3  თბილისის ზოოლოგიური პარკის და ბოტანიკური ბაღის განვითარების ხელშეწყობა

მსოფლიოს და ადგილობრივი ფლორისა და ფაუნის ცოცხალი კოლექციის შენახვა, როგორც საექსპოზიციო, ასევე საგანმანათლებლო მიზნით ხელს შეუწყობს ზოოლოგიური პარკის და ბოტანიკური ბაღის, როგორც შემეცნებისა და დასვენების ერთ-ერთ ღირსშესანიშნავ ადგილად ჩამოყალიბებას. პროგრამა მიზნად ისახავს: ბოტანიკური ბაღის ხელშეწყობას და ზოოლოგიური პარკის ბინადართა მოვლა-პატრონობას და განვითარებას; საერთაშორისო სტანდარტების ზოოპარკის და ბოტანიკური ბაღის შექმნას; ვიზიტორების უსაფრთხოებას; იშვიათი, ენდემური და გადაშენების პირას მყოფი ცხოველებისათვის თავშესაფრის უზრუნველყოფას მათი დაცვის, კონსერვაციისა და რეპროდუქციის მიზნით; განათლების სხვადასხვა ასაკობრივი პროგრამების შემუშავებას და საზოგადოებაში სწორი და ჯანსაღი დამოკიდებულების ჩამოყალიბებას ველური ბუნებისა და გარესამყაროს მიმართ;  საერთაშორისო ორგანიზაციებთან საქმიანი კონტაქტების დამყარებას და გაწევრიანებას,  რაც საშუალებას მისცემს ზოოლოგიურ პარკს და ბოტანიკურ ბაღს მიიღოს დროული ინფორმაცია და რჩევები უცხოელი კოლეგებისგან, გააგზავნოს თანამშრომლები სტაჟირებაზე ცოდნისა და გამოცდილების გასაღრმავებლად, გაამდიდროს და გააფართოვოს ცხოველებისა და მცენარეების კოლექცია.

4. ეკონომიკის განვითარების ხელშეწყობა

მდგრადი ეკონომიკური განვითარების და ზრდის მისაღწევად, აუცილებელია ზრდის მაღალი ტემპების უზრუნველმყოფი ეკონომიკური პოლიტიკის შემუშავება და განხორციელება, რაც უზრუნველყოფს მიმზიდველი სამეწარმეო და საინვესტიციო გარემოს შექმნას. შესაბამისად, წარმოადგენს ინვესტიციების მოზიდვის საფუძველს და ქმნის ახალ სამუშაო ადგილებს; აუცილებელია საერთაშორისო დონეზე და ქვეყნის შიგნით ისეთი ღონისძიებების გატარება, რომლებიც ერთის მხრივ, უზრუნველყოფს თბილისში არსებული საინვესტიციო და ტურისტული შესაძლებლობების დემონსტრირებას, ხოლო მეორეს მხრივ, წარმოქმნის ახალ შესაძლებლობებს და ხელს შეუწყობს ინვესტიციების შემოდინებას ქვეყნის ეკონომიკის სხვადასხვა სექტორში; თბილისის ცნობადობის ასამაღლებლად ბიზნეს ფორუმების ჩატარება, საერთაშორისო კონფერენციებში, ტურისტულ, უძრავი ქონების და სავაჭრო გამოფენებში მონაწილეობის მიღება; მეწარმეობის განვითარების მიზნით სხვადასხვა აქტივობების განხორციელება; სამოქალაქო სექტორთან და ბიზნესთან თანამშრომლობით სხვადასხვა საქალაქო პროექტების განხორციელება; ქალაქის განვითარებისათვის მნიშვნელოვანი სექტორების მხარდაჭერა; თბილისის განვითარების ერთიანი სტრატეგიის შემუშავება; საერთაშორისო ქალაქთა ქსელებსა და მნიშვნელოვან საერთაშორისო პროექტებში ჩართულობა; თბილისის გადაქცევა მნიშვნელოვანი საერთაშორისო შეხვედრებისა და ბიზნესის კეთების საუკეთესო ადგილად,  პრიორიტეტის ფარგლებში არსებული პროგრამებისათვის სუვენირებისა და საიმიჯო მასალების შეძენა და გავრცელება და ა. შ.

4.1 მეწარმეობის მხარდაჭერა

დედაქალაქში მეწარმეობის სხვადასხვა სახეების განვითარება მნიშვნელოვნად განაპირობებს ქალაქის ეკონომიკის განვითარებას, ახალი ტიპის ეკონომიკური აქტივობების გაჩენას ქალაქში. სწორედ ამ მიზნის მიღწევას ემსახურება აღნიშნული პროგრამა. პროგრამა სხვა ღონისძიებებთნ ერთად გულისხმობს: ბიზნეს-კონსულტაციებს; იაფი ფინანსური რესურსისადმი ხელმისაწვდომობის გაზრდას; ინფორმაციების მომზადებას თბილისში არსებული ბიზნეს გარემოსა და სხვადასხვა სფეროებში არსებული მდგომარეობის შესახებ; დახმარებას ბაზრებისა და პარტნიორების მოძიებაში, ახალი ტექნოლოგიების დანერგვაში მხარდაჭერას და ა.შ. პროგრამის ფარგლებში მოხდება მეწარმეობის ისეთი მიმართულებების მხარდაჭერა, როგორიცაა: სოციალური მეწარმეობა, საინფორმაციაო-საკომუნიკაციო ბიზნესი, ტურიზმი და სხვა; აღნიშნულ ღონისძიებებთან ერთად პროგრამის ფარგლებში განხორციელდება თბილისის და მისი უბნების, როგორც სხვადასხვა ბიზნეს აქტივობების განხორციელების ადგილის პოპულარიზაცია: თბილისი  - კინოგადაღებების ადგილი, მეწარმეობის წამახალისებელი უბნები და სხვა.

4.3 თბილისის განვითარების სტრატეგია  და კაპიტალური ინვესტიციების დაგეგმარება 

ქ.თბილისის განვითარების სტრატეგია, როგორც განვითარების ერთიანი სამოქმედო დოკუმენტი მნიშვნელოვანია ქალაქის გრძელვადიანი განვითარებისათვის. თბილისის განვითარების სტრატეგიის დოკუმენტი მოითხოვს მუდმივ განახლებას, შესრულების მონიტორინგს და შესაბამისი ღონისძიებების შემუშავებას. ამ პროცესების ხელშესაწყობად მსოფლიო ბანკთან ერთად მუშავდება კაპიტალური დაგეგმვის მეთოდოლოგია და მისი დანერგვისთვის საჭირო ღონისძიებებიც. ამ პროგრამის მიზანია: შესაბამისი აქტების მომზადება ჩამოთვლილი აქტივობების შესასრულებლად, სტრატეგიის განსახორციელებლად საჭირო პროექტების, გეგმებისა და პროგრამების მომზადება, სპეციალური პროგრამის შემუშავება შესრულების ანალიზისა და მონიტორინგისთვის, საზოგადოების შეხვედრების ორგანიზება და ა.შ.

4.4 თბილისი - საერთაშორისო ქსელებსა და პროექტებში

ქალაქის განვითარებისთვის დიდი მნიშვნელობა აქვს ქალაქების საერთაშორისო ქსელში და პროექტებში ჩართულობას, საზღვარგარეთის ქალაქების წარმატებულ გამოცდილებათა გაზიარებას და მათ დანერგვას. თბილისის მერიას, როგორც ევროკავშირის ინიციატივის „მერების შეთანხმება“ წევრს, დაგეგმილი აქვს მთელი რიგი ღონისძიებები და ქმედებები, რომლებიც აღნიშნული შეთანხმებით ნაკისრი ვალდებულებების შესრულებას უზრუნველყოფს. პროგრამის მიზანია: საერთაშორისო ქალაქთა ქსელებში აქტიური ჩართულობა, ევროპის მთავარ ქალაქთა ქსელის და სხვა საერთაშორისო სამუშაო ჯგუფებში, პროექტებსა და ინიციატივებში მონაწილეობა, ევროპის ღია დღეების, ენერგეტიკის დღეების და სხვა ღონისძიებების მოწყობა; მერების შეთანხმების ყოველწლიურ კონფერენციებში მონაწილეობა; მერების შეთანხმებით ნაკისრი სხვა ვალდებულებების შესრულება.

4.5 მოქალაქეთა უნარ-ჩვევების განვითარება

პროგრამის მიზანია მოქალაქეთა უნარ-ჩვევების ამაღლება თანამედროვე მოთხოვნებისათვის მნიშვნელოვანი მიმართულებებით და მათთვის დღევანდელობისთვის აქტუალური ინფორმაციის მიწოდება. პროგრამის ფარგლებში მოხდება ისეთი კურსების ორგანიზება როგორიც არის: ინგლისური ენა, კომპიუტერული პროგრამები; მოხელეთა უნარ-ჩვევები, ტურიზმი და სხვა. ასევე განხორციელდება: თბილისის მერიის მოხელეთა განვითარებისთვის საჭირო სხვადასხვა სახის კურსებისა და ტრენინგების, სასწავლო ტურების ორგანიზება; დასაქმებული მასწავლებლების გადამზადება და სხვა. პროგრამები შეიძლება იყოს ორგანიზებული როგორც ონლაინ, შერეული და პირისპირ გაკვეთილები. პროგრამის განსახორციელებლად საჭირო იქნება: პროგრამული უზრუნველყოფა, ლიტერატურა, აღჭურვილობა, ინვენტარი, საკანცელარიო ნივთები და ა.შ.

4.6 თბილისელების ადვოკატი

თბილისის მოსახლეობისათვის უფასო იურიდიული კონსულტაციის გაწევა და უფასო სამართლებრივი დახმარებით უზრუნველყოფა ხელს შეუწყობს თბილისის მოსახლეობას  საკუთარი უფლებების სამართლებრივ დაცვასა და რეალიზაციას. გათვალისწინებულია თბილისის მოსახლეობის უფასო სამართლებრივი დახმარების უზრუნველყოფა; თბილისის მოსახლეობისათვის უფასო იურიდიული კონსულტაციის გაწევა სამოქალაქო და ადმინისტრაციული სამართლის სფეროში; მცირე და საშუალო მეწარმეთათვის  საგადასახადო და სამეწარმეო საკითხებზე უფასო იურიდიული დახმარება.

4.7  მერიის სისტემის საქმიანობის ხელშეწყობა

პროგრამის მიზანია თანამედროვე მართვის სტანდარტებსა და კანონმდებლობასთან თავსებადი მართვის მრავალფუნქციური სისტემის დანერგვა, მერიის სისტემაში შემავალი სტრუქტურული ერთეულების და ტერიტორიული ორგანოების საქმიანობის პროცესში გამოვლენილი ხარვეზების აღმოფხვრა,  თბილისის მერიის სახელმწიფო შესყიდვების გამჭვირვალობა. პროგრამაში გათვალისწინებულია თბილისის ბიუჯეტის და მერიის ერთიანი სააღრიცხვო და სახელმწიფო შესყიდვების მოდელის შექმნა, შიდა აუდიტორული სისტემის გამართვა და სახელმწიფო შესყიდვების სავარაუდო ღირებულების განსაზღვრის მომსახურება.ქ. თბილისის მერიის საფინანსო სისტემის შეფასება PEFA-ს სტანდარტების შესაბამისად. საბიუჯეტო პროცესის სრულყოფის ღონისძიებები. ბიუჯეტის შედგენასთან დაკავშირებით ინფორმაციის შეგროვება

4.8 ერთად ვაკეთოთ საქმე თბილისისათვის

პროგრამის მიზანია მოსახლეობასთან, სამოქალაქო სექტორთან და ბიზნესთან ერთად ისეთი პროექტების განხორციელება, რომლებიც განაპირობებენ ქალაქის შესაძლებლობათა რეალიზაციას და მისი განვითარების ხელშეწყობას. პროგრამის ფარგლებში დაგეგმილია: თბილისის უბნების განვითარების პროექტების განხორციელება, სხვადასხვა ინიციატივები ხანშიშესული თბილისელებისათვის; თბილისელთა ინფორმაციული უზრუნველყოფა კომუნალური დანახარჯების შემცირების შესაძლებლობებზე, აგრეთვე შესაბამისი აპარატურის შეძენა; აქტივობები თბილისის უმაღლეს სასწავლებლებსა და კვლევით ცენტრებთან ერთად და სხვა. პროგრამის ფარგლებში ასევე განხორციელდება ელექტრონული ბიბლიოთეკისა და ელექტრონული საინფორმაციო-ტურისტული მოწყობილობების დაინსტალირება ქალაქში; აღნიშნული აქტივობების განსახორციელებლად ჩატარდება შეხვედრები, პრიორიტეტის ფარგლებში არსებული პროგრამებისათვის მოხდება სუვენირებისა და საიმიჯო მასალების შესყიდვა და გავრცელება.

5. ბინათმესაკუთრეთა ამხანაგობების განვითარება

პრიორიტეტი ითვალისწინებს ამხანაგობების გააქტიურებას საკუთარი და მერიის თანამონაწილეობით საერთო საკუთრების მოვლა-პატრონობის უზრუნველსაყოფად. დახმარება გაუწიოს მოქალაქეებს საერთო საკუთრებასთან დაკავშირებული პრობლემების მოგვარების საქმეში. დღევანდელი ვითარებიდან გამომდინარე, ძნელია მოქალაქეებმა საკუთარი სახსრებით მიხედონ საერთო სარგებლობის ქონებას. ფინანსური თანადგომით და თანადაფინანსების პრინციპით განხორციელებული პროექტებით და ღონისძიებებით  მერია  აქტიურად ეხმარება მოსახლეობას მნიშვნელოვნად გააუმჯობესოს საცხოვრებელი გარემო და ქმნის ხელსაყრელ პირობებს სამოქალაქო საზოგადოების განვითარებისათვის.

5.1;  5.1.8;  5.1.9;  5.1.10;  5.1.11;  5.1.12; 5.1.13; 5.1.14; 5.1.15; 5.1.16; 5.1.17.    ბინათმესაკუთრეთა ამხანაგობების განვითარების ხელშეწყობა

ქალაქში დაგროვილი პრობლემების გადასაჭრელად დღეისათვის მეტად აქტუალურია ბინათმესაკუთრეთა ამხანაგობების ჩამოყალიბება, რომელთა მიზანია პროგრამის ფარგლებში შეთავაზებული პოზიციებიდან, თანადაფინასების  პრინციპით სისტემატიურად განახორციელონ მათთვის საჭირო პროექტები, რაც თავის მხრივ  მნიშვნელოვნად გააუმჯობესებს მრავალბინიანი კორპუსების ინფრასტრუქტურას და კომუნალურ პირობებს. დედაქალაქში ბინათმესაკუთრეთა ამხანაგობებისა და მოსახლეობის დახმარების მიზნით, პროგრამა მოიცავს შემდეგ ღონისძიებებს: შენობის სახურავის შეკეთებას (ბრტყელი გადახურვა და ქანობიანი გადახურვა); ლიფტების  მიმდინარე შეკეთებას; შიდა წყალკანალიზაციის გაყვანილობის შეკეთებას; ბინათმესაკუთრეთა მიერ მრავალბინიან საცხოვრებელ სახლებზე განხორციელებული ე.წ. მიშენების (არა ინდივიდუალური) კონსტრუქციების მდგრადობისა და სეისმომედეგობის განსაზღვრას; სახურავის წყალსაწრეტი მილების შეკეთებას; ამხანაგობის კუთვნილი მიმდებარე ტერიტორიის დაფიქსირებას (წითელ ხაზებში მოქცევა); სადარბაზოების შიდა რემონტს; სადარბაზოს შესასვლელი კარების დამზადება-მონტაჟს; პანელოვან შენობებში  სართულშუა ნაპრალების რეაბილიტაციას; ავარიული შენობების გამაგრებას, ბინათმესაკუთრეთა ამხანაგობების თავმჯდომარეების წახალისებას და სხვა ღონისძიებებს.

6. ჯანმრთელობის დაცვა და სოციალური უზრუნველყოფა

ქვეყანაში მიმდინარე სოციალურ-ეკონომიკური ცვლილებების ფონზე მოსახლეობის დახმარება ჯანმრთელობის დაცვისა და სოციალური მომსახურების სფეროში თბილისისთვის კვლავ რჩება ერთ-ერთ ძირითად პრიორიტეტულ მიმართულებად. აღნიშნული მდგომარეობიდან გამომდინარე საჭიროა სიღატაკის ზღვარს მიღმა მყოფი ოჯახების იდენტიფიკაციის, სოციალურ-ეკონომიკური მდგომარეობის შეფასებისა და მონაცემთა ბაზის ფორმირების პროგრამაში დარეგისტრირებულ ოჯახთა (70000 და დაბალი სარეიტინგო ქულის მქონე ოჯახების) სოციალურ-ეკონომიკური მდგომარეობის გაუმჯობესება. ამ მიზნით განხორციელდება ჯანმრთელობისა და სოციალური დაცვის სხვადასხვა პროგრამები.

6.1 ჯანმრთელობის დაცვა

ჯანმრთელობის დაცვის სფეროში სახელმწიფო დაზღვევის არმქონე მოსახლეობის ოპტიმალური სოციალურ-ეკონომიკური და სამედიცინო პირობების შექმნის მიზნით,  განხორციელდება ჯანდაცვის სხვადასხვა ღონისძიებების დაფინანსება. როგორიცაა ონკოლოგიურ დაავადებათა შემცირების მიზნით პრევენციული ღონისძიებები, სასწრაფო სამედიცინო მომსახურებით უზრუნველყოფა, ეპიდემიოლოგიური უსაფრთხოების უზრუნველყოფა და სხვა.

6.1.1  სასწრაფო სამედიცინო დახმარება

მოსახლეობისათვის კრიტიკულ მდგომარეობაში სასწრაფო სამედიცინო და გადაუდებელი დახმარების ხელმისაწვდომი, დროული და ეფექტური მომსახურების უზრუნველყოფა და კონკრეტულ შემთხვევებში სტაციონარში გადაყვანა.

6.1.2  სარძევე ჯირკვლის, საშვილოსნოს ყელის, წინამდებარე ჯირკვლის და სწორი ნაწლავის ავთვისებიანი სიმსივნეების სკრინინგი (გაეროს ფონდის თანადაფინანსება) 

ონკოლოგიური დაავადებები გლობალური პრობლემაა და მსოფლიოს მრავალ ქვეყანაში წამყვანი ადგილი უკავია სიკვდილის გამომწვევ მიზეზთა შორის.  მაღალკვალიფიციური და ხელმისაწვდომი სამედიცინო მომსახურებით მოსახლეობის უზრუნველყოფის მიზნით პროგრამის ფარგლებში    განხორციელდება:  სარძევე ჯირკვლის სკრინინგი (ქ. თბილისში მცხოვრები 40-70 წლამდე ასაკის ქალების გამოკვლევები;  ამბულატორიულ-ქირურგიული ოპერაციები), საშვილოსნოს ყელის სკრინინგი (ქ. თბილისში მცხოვრები 25-60 წლამდე ასაკის ქალების გამოკვლევები), წინამდებარე ჯირკვლის სკრინინგი        (ქ. თბილისში მცხოვრები 50-70 წლამდე ასაკის მამაკაცების გამოკვლევები), სწორი ნაწლავის სკრინინგი (ქ. თბილისში მცხოვრები 40-70 წლამდე ასაკის მოქალაქეების  გამოკვლევები).

6.1.3 გადამდებ დაავადებათა ეპიდემიოლოგიური კონტროლი

მოსახლეობისათვის ჯანსაღი და უსაფრთხო გარემოს შექმნის მიზნით აუცილებლობას წარმოადგენს გადამდებ დაავადებათა ეპიდზედამხედველობისა და კონტროლის გაუმჯობესება, დაავადებათა დროული გამოვლენა, პროფილაქტიკური გამოკვლევების დროული ჩატარება ინფექციის წყაროსა და დაავადების გამომწვევი მიზეზების დასადგენად, მათ საწინააღმდეგო სრულყოფილი ეპიდსაწინააღმდეგო ღონისძიებების გატარება გადამდებ დაავადებათა რეგისტრაცია, იდენტიფიცირება, ადგილობრივი და შემოტანილი შემთხვევების შესწავლა, დაავადების გამომწვევი მიზეზების დადგენა, დროული ეპიდღონისძიებების გატარება, მ.შ. პროფილაქტიკური აცრებისა და კონტაქტირებულებში ლაბორატორიული კვლევისა და პროფილაქტიკური მკურნალობის ორგანიზება.  

6.1.9 ნარკომანიის ჩანაცვლებითი თერაპია

ნარკომანიით დაავადებულ პირთა ჯანმრთელობის მდგომარეობის გაუმჯობესება; ნარკომანიით დაავადებული ბენეფიციართა ჩანაცვლებითი თერაპიით მკურნალობის  თანადაფინანსება; ნარკომანიით დაავადებულ პირთა მკურნალობა (სტაციონარული დეტოქსიკაცია) და პირველადი რეაბილიტაცია, ასევე მათი ჩამანაცვლებელი ნარკოტიკით უზრუნველყოფა და სამედიცინო მეთვალყურეობა.

6.1.10 ნარკომანიით დაავადებულთა ფსიქო-თერაპიული რეაბილიტაცია

ქვეპროგრამა ითვალისწინებს ნარკომანების რეაბილიტაციას და ადაპტაციას რამდენიმე ეტაპიანი კურსის ჩატარებით. კურსი მოიცავს განთვისუფლებას ქიმიურ დამოკიდებულებისაგან (დეტოქსიკაციას), შრომით თერაპიას, სპორტით და აქტიური დასვენებით დაკავებას. აღნიშნული ხელს შეუწყობს მათ  დაბრუნებას ნორმალური ცხოვრების წესთან,  ემოციურ, ინტელექტუალურ და სულიერ მდგრადობას, პროფესიული უნარ-ჩვევების განვითრებას, ურთიერთობების  აღდგენას ოჯახის წევრებთან და გარემოსთან.

6.1.11 ჰემოფილიით დაავადებულთა მკურნალობა-რეაბილიტაცია

ქვეპროგრამის ფარგლებში განხორციელდება ჰემოფილიით დაავადებულთა სპეციფიკური სამედიცინო მკურნალობა; სისხლის გამოკვლევები, სტომატოლოგიური მომსახურებით და მედიკამენტებით უზრუნველყოფა.

 6.2 სოციალური დაცვა

სამედიცინო და პროფილაქტიკური უზრუნველყოფის სფეროში მოსახლეობის ოპტიმალური სოციალურ-ეკონომიკური  პირობების შექმნის მიზნით, განხორციელდება სოციალური დაცვის ღონისძიებების დაფინანსება. სხვადასხვა სოციალური დახმარებები გაეწევათ სოციალური მომსახურების სააგენტოს მიერ ყოველთვიურად განახლებადი მონაცემთა ბაზების შესაბამისად, სიღატაკის ზღვარს მიღმა მყოფი ოჯახების იდენტიფიკაციის, სოციალურ-ეკონომიკური მდგომარეობის შეფასებისა და მონაცემთა ბაზის ფორმირების პროგრამაში დარეგისტირებული ოჯახებს (70000 და დაბალი სარეიტინგო ქულის მქონე ოჯახები).  სოციალური დახმარებები, მომსახურებები და შეღავათები გაეწევათ სხვა კატეგორიის მოქალაქეებს. სამედიცინო დახმარების დამატებითი კომპონენტის გარეშე სახელმწიფო სამედიცინო პროგრამებით დაფინანსების მიღმა დარჩენილი ბენეფიციარებისთვის სრულყოფილი სამედიცინო მომსახურებით უზრუნველყოფა.

6.2.1 კომუნალური ვაუჩერი

სოციალურად დაუცველი მოსახლეობის მატერიალური მდგომარეობის გაუმჯობესება. სოციალური მომსახურების სააგენტოს მიერ ყოველთვიურად განახლებადი მონაცემთა ბაზების შესაბამისად, სიღატაკის ზღვარს მიღმა მყოფი ოჯახების იდენტიფიკაციის, სოციალურ-ეკონომიკური მდგომარეობის შეფასებისა და მონაცემთა ბაზის ფორმირების პროგრამაში დარეგისტირებულ 70000 და დაბალი სარეიტინგო ქულის მქონე ოჯახებს გამოეყოფა 250 ლარი, რომლითაც ანაზღაურდება კომუნალური მომსახურების ელექტროენერგიის, წყლისა და დასუფთავების ღირებულება სადისტრიბუციო კომპანიების ანგარიშებზე ჩარიცხვის გზით, ასევე შესაძლებელია თანხის ჩარიცხვა მოქალაქეთა პირად ანგარიშებზე, ქ.თბილისის მთავრობის მიერ დადგენილი პირობების შესაბამისად.

ყველა სხვა კატეგორიის ოჯახებზე გამოიყოფა 100 ლარი, რომელიც ჩაირიცხება კომუნალური მომსახურების (ელექტროენერგია, წყალი, დასუფთავება) სადისტრიბუციო კომპანიების ანგარიშებზე.

6.2.2  სოციალურად დაუცველი მრავალშვილიანი ოჯახებისათვის 18 წლამდე ასაკის თითოეულ ბავშვზე ყოველთვიური დახმარება

სოციალურად დაუცველი მრავალშვილიანი ოჯახების მატერიალური მდგომარეობის გაუმჯობესება.  

სიღატაკის ზღვარს მიღმა მყოფი ოჯახების იდენტიფიკაციის, სოციალურ-ეკონომიკური მდგომარეობის  შეფასებისა და მონაცემთა ბაზის ფორმირების პროგრამაში 70000 და დაბალი სარეიტინგო ქულით დარეგისტირებული მრავალშვილიანი ოჯახებისათვის (3 და მეტი ბავშვით), საბანკო პლასტიკურ ბარათზე ყოველთვიურად ერთჯერადი მატერიალური დახმარების დარიცხვა 18 წლამდე ასაკის თითოეულ ბავშვზე 25 ლარის ოდენობით.  განცხადების საფუძველზე ანაზღაურებას ექვემდებარება სააგენტოს მიერ გადამოწმების საფუძველზე მონაცემთა ბაზაში ოჯახის არყოფნის პერიოდში მისაღები თანხა, თუ ოჯახის სარეიტინგო ქულა დარჩა 70000 და დაბალი. თანხა დაერიცხება მერიის მიერ შერჩეულ ბანკში უფლებამოსილი პირის სახელზე გახსნილ პირად ანგარიშზე ბანკის მიერ ბენეფიციარებზე გაცემული პლასტიკური ბარათების გათვალისწინებით მოწოდებული რეესტრების შესაბამისად, მათ შორის იმ ბენეფიციარებზე რომლებმაც ბანკიდან დაგვიანებით გაიტანეს პლასტიკური ბარათები. 

6.2.3  სოციალურად დაუცველი ოჯახებისათვის მე-3, მე-4, მე-5 და მეტი შვილის დაბადებისათვის ერთჯერადი მატერიალური დახმარება

სოციალურად დაუცველი მრავალშვილიანი ოჯახების მატერიალური მდგომარეობის გაუმჯობესება.

სიღატაკის ზღვარს მიღმა მყოფი ოჯახების იდენტიფიკაციის, სოციალურ-ეკონომიკური მდგომარეობის  შეფასებისა და მონაცემთა ბაზის ფორმირების პროგრამაში 70000 და დაბალი სარეიტინგო ქულით დარეგისტირებული  მრავალშვილიანი ოჯახებისათვის მე-3, მე-4, მე-5 და მეტი შვილის შეძენის შემთხვევაში ერთჯერადი მატერიალური დახმარების დარიცხვა მე-3 ახალშობილზე - 600 ლარის ოდენობით, მე-4 ახალშობილზე - 800 ლარის ოდენობით, ყოველ შემდეგ ახალშობილზე თანხა გაიზრდება 200 ლარის ოდენობით. განცხადების საფუძველზე თანხა დაერიცხება იმ შემთხვევაში თუ ოჯახი ბავშვის დაბადების თვეს ფიქსირდება  სოციალური მომსახურების სააგენტოს მიერ შესაბამის თვეში მოწოდებულ მონაცემთა ერთიან ბაზაში.

6.2.4  შეზღუდული შესაძლებლობის მქონე მოზარდთა საკურორტო-სამკურნალო რეაბილიტაცია  და თბილისში რეგისტრირებული ბავშვებისათვის საზაფხულო კულტურულ-გამაჯანსაღებელი ბანაკების მოწყობა

განცხადების საფუძველზე ქ. თბილისში მცხოვრები შეზღუდული შესაძლებლობების მქონე 20 წლამდე (1994 და შემდგომ წლებში დაბადებული მოზარდები) ასაკის მოზარდთა რეაბილიტაცია და საზოგადოებაში ინტეგრაცია.

ნოზოლოგიების მიხედვით კონტიგენტის შერჩევა, განაწილება, ნაკადების დაკომპლექტება და მთისა და ზღვის კურორტების საგზურებით უზრუნველყოფა; პროგრამის ბენეფიციარებს წარმოადგენენ აგრეთვე  ის 20 წლამდე მოზარდები, რომლებიც არიან: ა) ქ.თბილისის საჯარო სკოლების არათბილისელი მოსწავლეები; ბ) თბილისის სპეციალიზირებული დღის ცენტრების არათბილისელი ბენეფიციარები; დამატებითი საგზურები აგრეთვე გაიცემა შშმ ბავშვის ტყუპისცალზე.  

თბილისში რეგისტრირებული 10-დან 15 წლამდე  ბავშვების საზაფხულო ბანაკების საგზურებით უზრუნველყოფა. გაწეული მომსახურების ღირებულების ანაზღაურება მოხდება წარმოდგენილი შესრულებული სამუშაოების შესაბამისად;  გაწეული მომსახურების მონიტორინგი.

6.2.5 100 წელს მიღწეულ მოქალაქეთათვის ერთჯერადი დახმარება

ქვეპროგრამის მიზანია ხანდაზმული მოქალაქეების პატივისცემა და ღვაწლის დაფასება, მათი  თანადგომა და მხარდაჭერა.

ქვეპროგრამის ფარგლებში განხორციელდება 100 წელს მიღწეულ და გადაცილებულ ხანდაზმულთათვის ერთჯერადი მატერიალური დახმარების გაცემა 400 ლარის ოდენობით, ხოლო სოციალურად დაუცველ ხანდაზმულთათვის (70000 და დაბალი სარეიტინგო ქულით) - 600 ლარის ოდენობით.  განცხადების საფუძველზე თანხა გაიცემა ყველა იმ ბენეფიციარზე, რომლსაც საბიუჯეტო წლის განმავლობაში შეუსრულდება 100 და მეტი წელი (ბენეფიციარის გარდაცვალების შემთხვევაში ბენეფიციარის კუთვნილი თანხა გადაეცემა მის ოჯახს).

6.2.6 სოციალურად დაუცველი მოსახლეობის სერვისების მიწოდების დაფინანსება

პროგრამა მიზნად ისახავს სიღატაკის ზღვარს მიღმა მყოფი ოჯახების იდენტიფიკაციის, სოციალურ-ეკონომიკური მდგომარეობის  შეფასებისა და მონაცემთა ბაზის ფორმირების პროგრამაში 70000 და დაბალი სარეიტინგო ქულით დარეგისტირებული   ოჯახებისათვის:

2013-2014, 2014-2015 სასწავლო წლებისათვის  თბილისის ავტორიზირებულ უმაღლეს საგანმანათლებლო დაწესებულებაში აკადემიური განათლების (ბაკალავრიატი, მაგისტრატურა, სწავლების ერთი დამატებითი სემესტრი) საფეხურზე ჩარიცხულ სტუდენტთა სწავლების ღირებულების 50%-ის (არაუმეტეს უმაღლესი სახელმწიფო გრანტის ოდენობის ¼–სა სემესტრში) დარიცხვა საგანმანათლებლო დაწესებულების  საბანკო ანგარიშებზე სემესტრების მიხედვით. 70% გრანტის შემთხვევაში მოხდება დარჩენილი 30%-ის შევსება სახელმწიფო გრანტის სრულ ოდენობამდე

თანხის ანაზღაურება მოხდება:

1. სტუდენტის მიერ საბიუჯეტო წელს შემოტანილი განცხადებით მომართვის საფუძველზე;

2. განცხადების შემოტანის თვეში ან მიმდინარე სემესტრის განმავლობაში სტუდენტის სტატუსის შესაბამისად სოციალური მომსახურების სააგენტოს მიერ მოწოდებულ მონაცემთა ბაზაში დაფიქსირების შემთხვევაში.

3. გამონაკლისის სახით   წინა სასწავლო წლის პირველი სემესტრის განცხადებები, რომელთა  განცხადებების გახილვა არ მოხდა ტექნიკური მიზეზის გამო და რომელთა თანადაფინანსების საკითხი განიხილება და გადაწყდება ინდივიდუალურად.

18 წლამდე ასაკის ბავშვთა სწავლების ღირებულების ანაზღაურება მერიის მიერ დაფუძნებული სამუსიკო სკოლების და მოსწავლე ახალგაზრდობის ცენტრების და სპორტული სკოლების მიერ წარმოდგენილი შესრულებული სამუშაოს შესაბამისად.

1.  სწავლების დაფინანსება ერთი ბენეფიციარისათვის მოხდება ბენეფიციარის მიერ სამი სხვადასხვა სახეობიდან თითო–თითოს შერჩევის უფლებით.

2. ხელოვნების და სამუსიკო სკოლებში მოსწავლეთა მიღება განხორციელდება ერთხელ-სექტემბერში, ან ორჯერ (სასწავლო პროცესის სპეციფიკიდან გამომდინარე). სწავლება 10 თვე;

3. სპორტულ სკოლაში  მოსწავლეთა მიღება განხორციელდება წლის განმავლობაში ორჯერ – იანვარსა და სექტემბერში. სწავლება 10 თვე.

მეტროთი და ავტოტრანსპორტით შეღავათიანი მგზავრობით სარგებლობის უკონტაქტო პლასტიკური ბარათების შესყიდვა, ინიციალიზაცია, ბენეფიციართათვის პლასტიკური ბარათების გაცემის სერვის ცენტრისათვის საბეჭდი მოწყობილობების, კარტრიჯებისა და საწმენდი მასალის შესყიდვა, სერვისცენტრის თნამშრომელთა შრომის ანაზღურება და სხვა ღონისძიებები.

6.2.7  სოციალურად დაუცველ და უპატრონო მიცვალებულთა დაკრძალვის დაფინანსება

განხორციელდება სოციალურად დაუცველი და უპატრონო მიცვალებულების დაკრძალვის სარიტუალო მომსახურება. პროზექტურებში განთავსებული უპატრონო მიცვალებულებისათვის სარიტუალო მომსახურების გაწევა, კერძოდ: სანიტრის მომსახურება, სუდარის დამზადება, მოზრდილი უზედამხედველო მიცვალებულისათვის ლითონის ფირფიტის დამზადება, კატაფალკის მომსახურება, სამარხზე მომსახურება (სამარის გათხრა ჩასვენება, სამარის ამოვსება, ბორცვის მოწყობა).  სოციალურად დაუცველი (70000 და დაბალი სარეიტინგო ქულით)  გარდაცვლილი მოქალაქეების დაკრძალვა  თბილისის ტერიტორიაზე არსებულ სასაფლაოზე. მომსახურება მოიცავს სამარის გათხრას, ჩასვენებას, სამარის ამოვსებას, ბორცვის მოწყობას.

6.2.8  ყრუ ინვალიდთათვის თარჯიმან-დაქტილოლოგების მომსახურებით უზრუნველყოფა

ყრუ და სმენადაქვეითებული მოქალაქეების სოციალური რეაბილიტაცია და საზოგადოებაში ინტეგრაცია.  განხორციელდება პროგრამის კოორდინატორის, თარჯიმნებისა და  სოციალური მუშაკების ხელფასის, საკანცელარიო და საკომუნიკაციო ხარჯების ანაზღაურება; პროგრამის მიმდინარეობაზე ყოველთვიური მონიტორინგის წარმოება.

6.2.9 სხვა სოციალური დახმარების ღონისძიებები

ქვეპროგრამის მიზანია სიღატაკის ზღვარს მიღმა მყოფი მარტოხელა ბენეფიციარების ჯანმრთელობისა და ფსიქო-სოციალური მდგომარეობის გაუმჯობესება, საზოგადოებაში რეინტეგრაცია.

 უმწეო და გაჭირვებულ მდგომარეობაში მყოფი მოსახლეობის სოციალურ-ეკონომიკური მდგომარეობის გაუმჯობესება.

სოციალურად დაუცველ ოჯახების ბავშვებისათვის (3 წლამდე) ახალი სერვისების დანერგვა - დღის ცენტრის განვითარება.

ქვეპროგრამის ფარგლებში განხორციელდება  სიღატაკის ზღვარს მიღმა მყოფი ოჯახების მონაცემთა ბაზაში რეგისტრირებული საწოლს ან სახლს მიჯაჭვული  მარტოხელა ბენეფიციარების შინმოვლა, რომლებსაც ფიზიკური თუ ფსიქიკური პათოლოგიის გამო ესაჭიროებათ დახმარება.

ასევე განხორციელდება მოსახლეობის მძიმე სოციალურ-ეკონომიკური მდგომარეობის გათვალისწინებით სხვადასხვა სახის დახმარებების გაწევა, მათ შორის სამედიცინო დახმარება.

6.2.10 ომის ვეტერანების დახმარება 

მეორე  მსოფლიო ომის ვეტერანთა ღვაწლის დაფასება, თანადგომა და მხარდაჭერა; მეორე  მსოფლიო ომის ვეტერანებისათვის 9 მაისის დღესასწაულთან დაკავშირებით ერთჯერადი ფინანსური დახმარების გაწევა; ომის, შრომისა და სამხედრო ძალების ვეტერანთა თბილისის საქალაქო კავშირის ვეტერანების წახალისება. 

6.2.11 საქალაქო საავტობუსო ტრანსპორტით, მიწისქვეშა ელექტროტრანსპორტით (მეტრო)  და საბაგირო გზით  საქალაქო რეგულარული სამგზავრო გადაყვანისას  უფასო და შეღავათიანი ტარიფით მოსარგებლე პირთა მომსახურება.

      ქვეპროგრამის მიზანია ადგილობრივი საქალაქო რეგულარული სამგზავრო გადაყვანისას ქ. თბილისის ადმინისტრაციულ საზღვრებში მცხოვრები მოქალაქეთა ცალკეული კატეგორიების უფასო ან შეღავათიანი  მგზავრობის უზრუნველყოფით მოქალაქეთა სოციალური და ეკონომიკური აქტივობის ამაღლება.

     ღონისძიებები:

1. რეგულირებადი ეკონომიკური სფეროებისა და ტარიფების განსაზღვრის შესახებ ქ.თბილისის საკრებულოს შესაბამისი გადაწყვეტილებით დადგენილი კატეგორიების მიხედვით უფასო და შეღავათიანი მგზავრობის ტარიფით მოსარგებლე ფაქტიურად გადაყვანილ თითოეულ მგზავრზე მგზავრობის ტარიფის სრული ოდენობის (მიწისქვეშა ელექტროტრანსპორტით (მეტრო) და M₃ კატეგორიის ავტობუსით – 0,5 ლარი, ხოლო საბაგირო გადაყვანისას – 1,0 ლარი) შესავსებად თანხების ანაზღაურება;

2. მიწისქვეშა ელექტროტრანსპორტით (მეტრო) და M₃ კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას სამგზავრო პლასტიკური ბარათით მოსარგებლე  იმ მომხმარებელთათვის, რომლებიც სარგებლობენ ქ. თბილისის მერიის მიერ დადგენილი ფასდაკლების სისტემით, ფაქტობრივად გადაყვანილ თითოეულ მგზავრზე მგზავრობის ტარიფის სრული ოდენობის (0,5 ლარი) შესავსებად თანხების ანაზღაურება, გარდა იურიდიული პირე ბისათვის (“კორპორატიული კლიენტი“) დაწესებული შეღავათისა;

3. დედაქალაქში რეგისტრირებული: მეორე მსოფლიო ომის ვეტერანების და მათთან გათანაბრებული პირების; საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედებების ვეტერანების და მათთან გათანაბრებული პირების, მათ შორის სამოქალაქო ავიაციის მფრინავების, რომლებიც ასრულებდნენ სპეციალურ რეისებს საომარი მოქმედებების ზონაში; სხვა სახელმწიფოთა ტერიტორიებზე საბრძოლო მოქმედებების ვეტერანების და მათთან გათანაბრებული პირების; სამხედრო ძალების ვეტერანების; მეორე მსოფლიო ომში, საქართველოს ტერიტორიული მთლიანობის, თავისუფლებისა და დამოუკიდებლობისათვის, სხვა სახელმწიფოთა ტერიტორიებზე მიმდინარე საბრძოლო მოქმედებების დროს დაღუპულთა (გარდაცვლილთა), მათ შორის, ომის შემდგომ გარდაცვლილთა (უგზო-უკვლოდ დაკარგულთა) ოჯახების წევრების; „სოციალურად დაუცველი ოჯახების ინდენტიფიკაციის, სოციალურ-ეკონომიკური მდგომარეობის შეფასებისა და მონაცემთა ბაზის ფორმირების სახელმწიფო პროგრამაში“ რეგისტრირებული 70 000 და დაბალი სარეიტინგო ქულის მქონე ქ. თბილისის ტერიტორიაზე მცხოვრები მოქალაქეების  50-%-იანი ფასდაკლებით მგზავრობის ფaსის ანაზღაურება M₂ კატეგორიის იმ ავტობუსით, სადაც   მგზავრობის ფასის გადახდა ხორციელდება ელექტრონული აღმრიცხველი საშუალებების გამოყენებით, ხოლო ნებართვების მფლობელთა მიერ ერთი და იმავე დღის განმავლობაში მე-2 და ყოველი მომდევნო მგზავრობისას გასნსაზღვრული 0,65 ლარის მგზავრობის ფასის შემთხვევაში, შეღავათიანი მგზავრობის ფასით მოსარგებლე ფაქტიურად გადაყვანილ თითოეულ მგზავრზე 0,33 ლარის ანაზღაურება.  მე-„3“ პუნქტში მითითებულ მოქალაქეებზე, რომლებიც მგზავრობენ M₂ კატეგორიის იმ ავტობუსით, სადაც მგზავრობის ფასის გადახდა ხორციელდება ელექტრონული აღმრიცხველი საშუალებების გამოყენებით, აღნიშნული შეღავათები ვრცელდება დღის განმავლობაში ჯამში არაუმეტეს 4 მგზავრობაზე.

6.2.12 სოციალური საცხოვრისი კეთილგანწყობილ გარემოში

სოციალურად დაუცველი ოჯახების საბინაო პრობლემების მოგვარება;  არსებულ სოციალურ სახლებში პროგრამით დასაქმებულ მუშაკთა შრომის ანაზღაურება;  კომუნალური გადასახადების თანაგადახდის ფონდის განკარგვა;თემის განვითარების ფონდის განკარგვა.

6.2.13  მარტოხელა ხანდაზმულთა დღის ცენტრის ხელშეწყობა

ქ.თბილისში მცხოვრებ მარტოხელა ხანდაზმულთა საზოგადოებაში ინტეგრაცია. მარტოხელა ხანდაზმულთა დღის ცენტრის კომუნალური გადასახადების გადახდა. მოხალისეთა მიერ ინიცირებული სოციალური პროექტების დაფინანსება.

6.2.14;  6.2.14.6;  6.2.14.7;  6.2.14.8;  6.2.14.9;  6.2.14.10;  6.2.14.11;  6.2.14.12;  6.2.14.13; 6.2.14.14; 6.2.14.15.  უფასო სასადილოებით მომსახურება

რაიონის ტერიტორიაზე მცხოვრები  უმწეო და გაჭირვებულ მდგომარეობაში მყოფ მოქალაქეთა დახმარება.  რაიონში მცხოვრებ ბენეფიციართა რაოდენობის დაზუსტება და მათი უფასო კვებით უზრუნველყოფა.

6.2.15;  6.2.15.7;  6.2.15.8;  6.2.15.9;  6.2.15.10;  6.2.15.11;  6.2.15.12;  6.2.15.13; 6.2.15.14; 6.2.15.15; 6.2.15.16. გარდაცვლილ მეომართა სარიტუალო ღონისძიებები

რაიონში მცხოვრები, გარდაცვლილ მეომართა ოჯახების დაკრძალვის სარიტუალო მომსახურებისათვის დახმარება. განხორციელდება: რაიონში მცხოვრებ მეომართა და გარდაცვლილ მეომართა ოჯახების საინფორმაციო ბაზის შექმნა; გარდაცვლილ მეომართა ოჯახებისათვის დაკრძალვის სარიტუალო მომსახურებისათვის დახმარების გაწევა 350 ლარის ოდენობით.

6.2.16 ;  6.2.16.7;  6.2.16.8;  6.2.16.9;  6.2.16.10;  6.2.16.11; 6.2.16.12; 6.2.16.13; 6.2.16.14; 6.2.16.15; 6.2.16.16. დანგრეული სახლების მაცხოვრებელთა კომპენსაცია

დანგრეული სახლების მაცხოვრებელთა უზრუნველყოფა საცხოვრებელი ფართით. რაიონის ტერიტორიაზე სხვადასხვა მიზეზით ავარიული და საცხოვრებლად საშიში შენობებიდან გამოყვანილი, უსახლკაროდ დარჩენილი ოჯახების უზრუნველყოფა საცხოვრებელი ფართით (ბინის ქირის ასანაზღაურებელი კომპენსაცია).

6.2.17;  6.2.17.7;  6.2.17.8;  6.2.17.9;  6.2.17.10;  6.2.17.11;  6.2.17.12;  6.2.17.13;  6.2.17.14; 6.2.17.15; 6.2.17.16.  ომის ომის ვეტერანების დახმარების პროგრამა

ომის ვეტერანების ღვაწლის დაფასება და მათი მორალური მხარდაჭერა. ომის ვეტერანების ღვაწლის დაფასების მიზნით სხვადასხვა ღონისძიებების ჩატარება და მათი  დახმარება.

6.2.18 ; 6.2.18.7;  6.2.18.8;  6.2.18.9;  6.2.18.10;  6.2.18.11;  6.2.18.12;  6.2.18.13;  6.2.18.14;  6.2.18.15;  6.2.18.16.  სხვა სოციალური (დახმარების) ღონისძიებები

მიზანია რაიონის ტერიტორიაზე მცხოვრებ უმწეო მოქალაქეების საარსებო პირობების გაუმჯობესება. განხორციელდება რაიონის ტერიტორიაზე მცხოვრები უმწეო და გაჭირვებულ მდგომარეობაში მყოფი მოქალაქეების შემწეობები და დახმარებები. შემოსული განცხადებების საფუძველზე სამედიცინო და საყოფაცხოვრებო  პრობლემების შესაძლებლობების ფარგლებში დაფინანსება.

6.2.19 წყალის გადასახადზე 50%-იანი შეღავათი

სოციალურად დაუცველი  მოსახლეობის მატერიალური მდგომარეობის გაუმჯობესება.

სიღატაკის ზღვარს მიღმა მყოფი ოჯახების იდენტიფიკაციის, სოციალურ-ეკონომიკური მდგომარეობის შეფასებისა და მონაცემთა ბაზის ფორმირების პროგრამაში დარეგისტირებული 4 და მეტი სულიანი ოჯახების  (70000 და დაბალი სარეიტინგო ქულის მქონე ოჯახების) მიერ მოხმარებული წყლის საფასურის ასანაზღაურებლად თანაგადახდა 50%-იანი შეღავათის გაწევის მიზნით. ანაზღაურება მოხდება ყოველი წინა თვის სოციალურად დაუცველთა დაზუსტებული ბაზის მიხედვით.

წყალმომარაგების სისტემის მოწესრიგება  რაიონებში (6.2.20; 6.2.20.1; 6.2.20.2; 6.2.20.3; 6.2.20.4)

დედაქალაქის ადმინისტრაციულ საზღვრებში ახლად შემოერთებული ტერიტორიები საჭიროებს ქალაქის ინფრასტრუქტურის მოთხოვნებთან შესაბამისობაში მოყვანას. პირველ რიგში ეს ეხება აღნიშნულ ტერიტორიებზე წყალმომარაგების სისტემის მოწესრიგებას, რაც უზრუნველყოფს მოსახლეობისათვის და სამომავლოდ ახალი ობიექტებისათვის და შენობა-ნაგებობებისათვის სასმელი წყლის მისაწვდომობას, სისუფთავეს და უსაფრთხოებას. ქვეპროგრამის განხორციელების შედეგად, დედაქალაქის შემოერთებული ტერიტორიები აღჭურვილი იქნება ქალაქის ინფრასტრუქტურისათვის ერთ-ერთი ყველაზე უფრო საჭირო კომპონენტით - წყალმომარაგების სისტემით, რაც შესაძლებელს გახდის ტერიტორიების საქალაქო განვითარებას. თბილისის შემოერთებულ ტერიტორიებზე წყალსადენის ქსელების მოწყობასთან დაკავშირებული ღონისძიებების დაფინანსების მიზნით ქ. თბილისის ბიუჯეტიდან დახმარება გაეწევათ ამ ტერიტორიაზე მცხოვრებ მოსახლეობას და დახმარების გაცემის პირობებს დაადგენს ქ. თბილისის მთავრობა.

6.2.21 უსახლკაროთა თავშესაფარი

უსახლკაროებისათვის თავშესაფრის მოწყობა და ფუნქციონირება. ქვეპროგრამა ითვალისწინებს უსახლკაროების ღამის თავშესაფრით უზრუნველყოფას, ერთჯერად კვებას და პირველად ჰიგიენური მოთხოვნილებების დაკმაყოფილებას.

6.3 ვეტერანთა ჰოსპიტლის შენობის რემონტი და აღჭურვა

ომის ვეტერანებისათვის სრულყოფილი სამედიცინო მომსახურების გაწევის მიზნით, ჰოსპიტალის  სრულფასოვანი ფუნქციონირებისათვის სარემონტო სამუშაოების ჩატარება; თანამედროვე მოთხოვნების შესაბამისი სამედიცინო აპარატურით აღჭურვა.

7. განათლება

საბავშვო ბაგა–ბაღების აღსაზრდელთა განვითარების ხელშეწყობა  და სრულფასოვანი სააღმზრდელო  გარემოს შექმნა უზრუნველყოფს დედაქალაქის საგანმანათლებლო - სააღმზრდელო და კულტურული გარემოს მნიშვნელოვან გაუმჯობესებას, საზოგადოების აქტიურ ჩართვას მიმდინარე საგანმანათლებლო-სააღმზრდელო და კულტურულ პროცესებში, მათ ინტელექტუალური და შემოქმედებითი უნარების სტიმულირებას, ადგილობრივი საგანმანათლებლო - სააღმზრდელო და კულტურული დაწესებულებების მუშაობის გაუმჯობესებას, დახვეწასა და მოსახლეობის ინტერესებზე მორგებას. ურბანული კულტურის განვითარებასა და საერთაშორისო შემოქმედებით–საგანმანათლებლო პროცესებში აქტიურ ჩართვას. სპეციალური საგანმანათლებლო საჭიროებების მქონე პირთა აქტივობის ამაღლებასა და საზოგადოებაში სოციალური ინტეგრაციას. ეროვნული უმცირესობის სამოქალაქო ცნობიერების ამაღლებას. პრიორიტეტის ფარგლებში ხორციელდება ადგილობრივი მნიშვნელობის ბიბლიოთეკების განვითარების ხელშეწყობა.  

7.1 სკოლამდელი აღზრდის დაწესებულებების ხელშეწყობა

პროგრამის მიზანია დედაქალაქის საბავშვო ბაგა-ბაღებში თანამედროვე სტანდარტების შესაბამისი გარემოს ჩამოყალიბება. ახალი საბავშვო ბაღების მშენებლობა მათ შორის სოფელი ფონიჭალა 218 სკოლის მიმდებარედ და ზემო ფონიჭალის ტერიტორიაზე ყოფილი 206 ბაგა-ბაღის აღდგენა. საბავშვო  ბაგა-ბაღის  აღსაზრდელთა დაფინანსება. საბავშვო ბაგა-ბაღების რეფორმისა და მართვის სისტემის გაუმჯობესების ხელშეწყობა. ბაგა-ბაღების აღმზრდელთა ორცვლიან განრიგზე გადასვლა; ლოგოპედების შრომის ანაზღაურების მოწესრიგება. პროგრამიდან დაფინანსდება 2013 წელს (პროგრამული კოდი 2.9.21)-დან გაფორმებული გარდამავალი ხელშეკრულებები.

7.2 განათლების ხელშეწყობა

პროგრამის მიზანია განახორციელდეს ისეთი პროგრამები, რომლებიც ხელს შეუწყობს თბილისელების საგანმანათლებლო და შემეცნებითი დონის ამაღლებას. უზრუნველყოფს დედაქალაქის საგანმანათლებლო-სააღმზრდელო და კულტურული გარემოს მნიშვნელოვან გაუმჯობესებას, საზოგადოების აქტიურ ჩართვას მიმდინარე  საგანმანათლებლო-სააღმზრდელო და კულტურულ პროცესებში, მათ ინტელექტუალური და შემოქმედებითი უნარების სტიმულირებას, ადგილობრივი საგანმანათლებლო-სააღმზრდელო და კულტურული დაწესებულებების მუშაობის გაუმჯობესებას, დახვეწასა და მოსახლეობის ინტერესებზე მორგებას. ურბანული კულტურის განვითარებასა და საერთაშორისო შემოქმედებით–საგანმანათლებლო პროცესებში აქტიურ ჩართვას. სპეციალური საგანმანათლებლო საჭიროებების  მქონე პირთა აქტივობის ამაღლებასა და საზოგადოებაში სოციალურ ინტეგრაციას. ეროვნული უმცირესობის სამოქალაქო ცნობიერების ამაღლებას.

7.2.1 აღზრდისა და დამატებითი განათლების ღონისძიებები 

პროგრამის მიზანია  ისეთი პროექტების განხორციელება, რომელიც აქტიურად შეუწყობს ხელს მოზარდთა ინტელექტუალური დონის ამაღლებას,  შემოქმედებითი უნარების გამოვლენასა და წახალისებას. აღზრდისა და განათლების სფეროში დასაქმებული ადამიანების სოციალურ ინტეგრაციას და სტიმულირებას, მათი პოტენციალის გამოყენებას. არსებული სიახლეების გაცნობას, დანერგვას და საუკეთესო ტრადიციების მქონე ქვეყნების გამოცდილების გაზიარებას. ინოვაციური, საგანმანათლებლო და სააღმზრდელო ინიციატივების ხელშეწყობა.  საგანმანათლებლო ღონისძიებები ეროვნული უმცირესობებისა და შეზღუდული შესაძლებლობის მქონე პირთათვის და სხვა.

7.2.3 საზოგადოების განათლებისა და ინფორმირების ხელშეწყობა 

ქ.თბილისის მერიის მიერ განხორციელებული პროგრამების, პროექტებისა და ღონისძიებების საზოგადოებისათვის მიწოდების უზრუნველყოფა, სხვადასხვა  პოლიგრაფიული, ინტერნეტ რესურსების მეშვეობით.

7.2.4 საზოგადოებისათვის მნიშვნელოვანი ინფორმაციის გავრცელება

სოციალური რეკლამის განთავსებისა და საზოგადოებისათვის მნიშვნელოვანი ინფორმაციის გავრცელების მიზნით ქ. თბილისის ადგილობრივი თვითმმართველობის ორგანოების მიერ განხორციელებული პროექტებისა და სხვადასხვა მნიშვნელოვანი ღონისძიებების სამოქალაქო საზოგადოებისათვის ოპერატიული მიწოდების უზრუნველსაყოფად ტელე-რადიო სივრცეში სხვადასხვა ვიდეო-საინფორმაციო რგოლების მომზადება და განთავსება.

7.3 ადგილობრივი მნიშვნელობის ბიბლიოთეკების განვითარების ხელშეწყობა

თბილისის მთავარი ბიბილიოთეკის (38 ფილიალი თბილისის სხვადასხვა უბანში და შემოერთებული ტერიტორიების 6 ბიბლიოთეკა)  ხელშეწყობა კონკრეტული პროექტების განხორციელების გზით. მათ შორის: მოძველებული ბიბლიოთეკების განახლება, თანამედროვე ტექნიკითა და ინვენტარით აღჭურვა, ახალი მეთოდების დანერგვა - კომპიუტერიზაცია, მომხმარებლებისათვის გაუმჯობესებული სერვისების შეთავაზება, მომსახურე პერსონალის კვალიფიკაციის ამაღლება და საერთაშორისო ინსტიტუციებთან თანამშრომლობა, წიგნის საერთაშორისო ფესტივალის ჩატარება, სოციალურ-კულტურული ღონისძიებების განხორციელება, ახალი თაობის დაინტერესება წიგნით და საზოგადოების განათლებისთვის საჭირო ინფორმაციით და სხვა;

თბილისის მედიათეკების გაერთიანების ხელშეწყობა კონკრეტული პროექტების განხორციელების გზით, სხვადასხვა პროექტების  შემუშავება, დაგეგმვა და მისი განხორციელების კოორდინაცია. მათ შორის: მედიათეკებში გაიმართება "კითხვის საათები", მულტიპლიკაციური ფილმების ჩვენება, გამოფენები, ორგანიზებული ვიზიტები სხვადასხვა სკოლებიდან, შეხვედრები საყვარელ მწერლებთან, წიგნის პრეზენტაციები, კონფერენციები, ტრეინინგები, აქტივობები ღია ცის ქვეშ, ფილმის ჩვენებები და დისკუსიები აქტუალურ საკითხებზე, უფასო გაკვეთილები უცხოელებისათვის ქართულ ენასა და ლიტერატურაში, ყოველკვირეული პროექტი სოციალურად დაუცველი ბავშვებისათვის (ზღაპრის კითხვა, მულტიპლიკაციური ფილმების ჩვენება), ყოველკვირეული პროექტი ილიას სახელმწიფო უნივერსიტეტთან ერთად, სხვადასხვა კინო - შედევრების ხილვა დიდ ეკრანზე ორიგინალში, ქართული სუბტიტრებით. თითების თეატრის წარმოდგენები ბავშვებისათვის და სხვა).

8. კულტურა, სპორტი და ახალგაზრდობა

კულტურის და ხელოვნების სფეროებში სხვადასხვა პროექტების  შემუშავება, დაგეგმვა და მისი განხორციელების კოორდინაცია; ქართული ლიტერატურისა და ხელოვნების ტრადიციების დაცვა, განვითარება და პოპულარიზაცია კონკრეტული პროექტების განხორციელების გზით; ადგილობრივი მნიშვნელობის მუზეუმების და თეატრების ხელშეწყობა და სრულყოფილი ფუნქციონირებისათვის შესაბამისი პირობების შექმნა; სახელოვნებო განათლების და ხელოვნების დარგების პროგრამის ფარგლებში განსახორციელებელი პროექტების მხარდაჭერა; თბილისში ხელოვნების პოპულარიზაცია, საერთაშორისო თეატრალური, მუსიკალური, სახვითი, წიგნის ფესტივალების, კონცერტებისა და გამოფენების ხელშეწყობა; შემოქმედებითი (მათ შორის ფოლკლორული) კოლექტივებისა და ინდივიდუალური შემსრულებლების ფესტივალებში, კონკურსებსა და გამოფენებში მონაწილეობის ხელშეწყობა; პრიორიტეტის ფარგლებში განსაკუთრებული ადგილი უკავია ახალგაზრდებში ცხოვრების ჯანსაღი წესის წახალისების მიზნით გასატარებელ ღონისძიებებს; სპორტის სხვადასხვა სახეობის, საქართველოს ასაკობრივი გუნდების მომზადებასა და საერთაშორისო სპორტულ ღონისძიებებში (მსოფლიოსა და ევროპის ჩემპიონატებში, სხვადასხვა საერთაშორისო ტურნირებში) მონაწილეობის ხელშეწყობას; სპორტული დაწესებულებების ბაზების თანამედროვე სტანდარტების დონეზე მოწყობას; მწვრთნელ-მასწავლებელთა და სპორტსმენთა სოციალური და მატერიალური პირობების გაუმჯობესებას; სპორტის სხვადასხვა სახეობების პოპულარიზაციას შეზღუდული შესაძლებლობების მქონე პირებში, მათი შემდგომში რესოციალიზაციისა და აქტიურ სპორტში ჩართვისათვის; სპორტული მოედნების მშენებლობა-რეკონსტრუქციას თბილისის ყველა უბანში; ახალგაზრდების სხვადასხვა ასპარეზზე მხარდაჭერას და მათი სამოქალაქო საზოგადოების აქტიურ წევრებად ჩამოყალიბების ხელშეწყობას.

8.1 თეატრალური ხელოვნების განვითარების ხელშეწყობა

თანამედროვე თეატრალური ხელოვნებისათვის ხელშემწყობი გარემოს შექმნა გულისხმობს ადგილობრივი მნიშვნელობის მქონე თეატრების არსებული მდგომარეობის შეფასებას და დახმარებას რეპერტუარის განახლებაში, თითოეული თეატრის მოთხოვნების, სტრუქტურის, შინაარსისა და მოცულობის გათვალისწინებით; ადგილობრივი თეატრების ხელშეწყობას სპექტაკლების დადგმის ხარჯის გაწევით და ტექნიკური აღჭურვით. საშემსრულებლო ხელოვნებისა და კულტურული ინოვაციების ტენდენციების წარმოდგენა თეატრალური წარმოდგენების სახით და ამ გზით საქართველოში საერთაშორისო კულტურული ცენტრის შექმნა ყველა თაობისა და ასაკის ადამიანებისათვის, ხელს შეუწყობს თბილისისა და საქართველოს კულტურული ცხოვრების გამდიდრებას, თანამედროვე თეატრალური ხელოვნებისა და კულტურის ყველაზე გამომწვევი, საინტერესო, საუკეთესო ნამუშევრებით და ამ სახით თბილისისა და საქართველოს მოსახლეობის კულტურული და ეკონომიკური კეთილდღეობის განვითარებას, თბილისისათვის საერთაშორისო კულტურული და ტურისტული სტატუსის მოპოვებას და მის მიმართ დაინტერესების ზრდას. პროგრამის ფარგლებში გათვალისწინებულია ადგილობრივი მნიშვნელობის თეატრების (ს.ახმეტელის სახელობის დრამატული თეატრი, პანტომიმის სახელმწიფო თეატრი, თეატრი ,,გლობუსი“, სამეფო უბნის თეატრი) სრულყოფილი ფუნქციონირებისათვის შესაბამისი პირობების შექმნა, რეპერტუარის განახლების, სადადგმო, საგასტროლო და ტექნიკური აღჭურვილობის ხარჯების დაფარვა; თბილისის საშემსრულებლო ხელოვნების საერთაშორისო თეატრალური ფესტივალის, მუნიციპალური თეატრების სარეკომენდაციო საბჭოს ხელშეწყობა; ინკლუზიური თეატრალური ხელოვნების მეთოდოლოგიის შემუშავება თბილისის მუნიციპალური თეატრებისთვის; ინკლუზიური თეატრალური დასის შემეცნებითი და შემოქმედებითი აქტივობების ხელშეწყობა.

  8.2 სახელოვნებო განათლების ხელშეწყობა

სახელოვნებო განათლების არამოთხოვნადი სპეციალობების (ქართული ხალხური საგუნდო და მუსიკალური საკრავები - სასულე და სიმფონიური ორკესტრების - ვიოლინო, ვიოლენჩელო, ჩელო, კონტრაბასი, არფა, ფლეიტა, კლარნეტი, ვალტორნა, საქსაფონი, საყვირი, დასარტყამი ინსტრუმენტები, ტრომბონი და სხვა) შენარჩუნების მიზნით:

ოთარ თაქთაქიშვილის სახელობის #19 ხელოვნების სკოლაში - საორკესტრო ინსტრუმენტების სპეციალობით მოსწავლეთა უფასო სწავლება; 

შოთა შანიძის სახელობის #20 ხელოვნების სკოლაში - საორკესტრო ინსტრუმენტების სპეციალობით მოსწავლეთა უფასო სწავლება;

ზურაბ ანჯაფარიძის სახელობის #28 ხელოვნების სკოლაში - ქართული ხალხური საგუნდო ხელოვნების განყოფილებაზე მოსწავლეთა უფასო სწავლება;

ჰამლეტ გონაშვილის სახელობის #29 ხელოვნების სკოლაში - თანამედროვე და ტრადიციული მიმდინარეობის განხრით მოსწავლეთა უფასო სწავლება;

თბილისის ხელოვნების სკოლების და მოსწავლე ახალგაზრდობის სახლის დაფინანსება სასწავლო-შემოქმედებით პროცესში მაღალი აკადემიური მოსწრების მქონე მოსწავლეების რაოდენობის შესაბამისად (წარმატებული მოსწავლეების და მათი მასწავლებლების წახალისების მიზნით);

სახელოვნებო სკოლებში ინკლუზიური სწავლების დაფინანსება;

თბილისის ხელოვნების სკოლებში მაღალი აკადემიური მოსწრების მქონე მოსწავლეების გამოსავლენად ფესტივალების, საქალაქო კონკურსების და სხვა ღონისძიებების ჩატარება;

ხელოვნების სკოლებისათვის და მოსწავლე ახალგაზრდობის სახლისათვის ფესტივალების, საქალაქო კონკურსების, საანგარიშო და საიუბილეო კონცერტებისათვის დარბაზით მომსახურება;

ტრენინგები, ვორქშოპები, სემინარები ხელოვნების სკოლებისათვის  და მოსწავლე ახალგაზრდობის სახლისათვის (ადმინისტრაცია, მასწავლებლები, მოსწავლეები); საიუბილეო ღონისძიებების პოლიგრაფიული მომსახურება (ბუკლეტები, ბროშურები და სხვა საინფორმაციო);

სასწავლო-საგანმანათლებლო მასალების მომზადება-გამოცემა (სასწავლო გეგმები, პროგრამები, სასწავლო სახელმძღვანელოები)  და სხვა.  

 8.3 ადგილობრივი მნიშვნელობის მუზეუმების განვითარება და პოპულარიზაცია

ადგილობრივი მნიშვნელობის მუზეუმების (ი.ჭავჭავაძის ლიტერატურულ-მემორიალური მუზეუმი, ზ.ფალიაშვილის მემორიალური სახლ-მუზეუმი, ნ.ბარათაშვილის სახლ-მუზეუმი, მ.ჯავახიშვილის მემორიალური ბინა-მუზეუმი, გ.ტაბიძის სახლ-მუზეუმი, ვ.ჭაბუკიანის ბინა-მუზეუმი, მ.კოსტავას მემორიალური სახლ-მუზეუმი, ს.წერეთლის სახლ-მუზეუმი, ქ.თბილისის თოჯინების მუზეუმი, ე.ახვლედიანის ბავშვთა სურათების გალერეა) მოვლა-პატრონობა და სრულყოფილი ფუნქციონირებისათვის შესაბამისი პირობების შექმნა;

ადგილობრივი მნიშვნელობის მუზეუმებზე არსებული ინფორმაციის შევსება, განახლება და სისტემატიზაცია, სამუზეუმო კოლექციების დიაგნოსტიკის, სამუზეუმო ფონდების განახლების, მართვის გაუმჯობესების, საერთაშორისო ინსტიტუციებთან თანამშრომლობის, ინფრასტრუქტურის განვითარების, საგანმანათლებლო ფუნქციის გააქტიურების ხელშემწყობი ღონისძიებები;

მუზეუმების საგამოფენო-საექსპოზიციო საქმიანობის გააქტიურება კულტურულ-საგანმანათლებლო ფუნქციების განვითარებითა და გაძლიერებით;

მოსახლეობის ფართო მასების ინტერესების გათვალისწინებით ახალი პროგრამების შემუშავება, რაც ხელს შეუწყობს მუზეუმებში მიმდინარე მოვლენებით დაინტერესების კულტურის დამკვიდრებას და დამთვალიერებელთა რაოდენობის ზრდას.

 8.4 ხელოვნებისა და კულტურის ობიექტების განვითარება

თანამედროვე მუსიკალური ხელოვნების პოპულარიზაციის მიზნით საკონცერტო ორკესტრის “ბიგ-ბენდი” ხელშეწყობა  კონკრეტული პროექტების განხორციელების გზით. ორკესტრი ხელს უწყობს ნიჭიერი ახალგაზრდა მუსიკოს-შემსრულებელთა გამოვლენასა და მათ აქტიურ ჩაბმას საკონცერტო საქმიანობაში;

ქართული ფოლკლორის მოსწავლეთა სასახლის ხელშეწყობა, ქართული ფოლკლორის დარგების შესწავლა და პოპულარიზაცია, ქართული ფოლკლორისა და ხელოვნების ტრადიციების დაცვა და განვითარება კონკრეტული პროექტების განხორციელების გზით, მოსწავლე-ახალგაზრდობის დაინტერესება ფოლკლორული მუსიკით და მათი მიზიდვა საგანმანათლებლო-სახელოვნებო სივრცეში;

თბილისის პანთეონების (მთაწმინდა, დიდუბე, ხოჯევანქი) მოვლა-პატრონობა და პოპულარიზაცია - მისი როგორც საქართველოს უახლესი ისტორიის ძეგლის წარმოჩინება და კულტურულ ტურიზმში ჩართვა;

მუნიციპალური კულტურის დაწესებულებების (ხელოვნების სკოლები, მოსწავლე ახალგაზრდობის სახლები, მუზეუმები, ბიბლიოთეკები, თეატრები) მატერიალურ-ტექნიკური ბაზის გაუმჯობესების ღონისძიებები. მათ შორის: შენობების მიმდინარე რემონტი, საოფისე ინვენტარის, სასწავლო ტექნიკის შეძენა, მუსიკალური ინსტრუმენტების განახლება, ტექნიკური აღჭურვა, კომუნალური ხარჯების თანადაფინანსება და სხვა.

8.5 კულტურის ღონისძიებები

პროგრამის მიზნები ემსახურება ჩვენი ქვეყნის ხელოვანების ღირსეულად წარმოჩენას, მათ ხელშეწყობას და მათი პროექტების მეშვეობით ქალაქის კულტურული ცხოვრების  გამრავალფეროვნებას, ღვაწლმოსილი ხელოვანების სათანადოდ დაფასებასა და მათი შემოქმედებითი საღამოების ორგანიზებას, ახალგაზრდებისათვის კი მაქსიმალურ ჩართულობასა და სტიმულის მიცემას. საზღვრებს გარეთ დედაქალაქის სათანადო იმიჯის ჩამოყალიბებას, დაძმობილებულ ქალაქებთან კულტურული ურთიერთობების შენარჩუნებას და გაცვლითი ღონისძიებების დაგეგმვასა და განხორციელებას, დედაქალაქის მსოფლიო კულტურულ რუქაზე ღირსეული ადგილის დამკვიდრებას, რაც სხვადასხვა საერთაშორისო ფესტივალების მეშვებითაა შესაძლებელი.

სახელმწიფო სახალხო და რელიგიური სადღესასწაულო ღონისძიებების აღნიშვნა, ტრადიციების შენარჩუნების გათვალისწინებით და მოსახლეობისა და ტურისტებისათვის სასიამოვნო და დაუვიწყარი გარემოს შექმნა, რაც დღესასწაულების ფარგლებში სხვდასხვა ღონისძიებების განხორციელებითაა შესაძლებელი; ზვიად გამსახურდიას 75 წლის იუბილესთან დაკავშირებული ღონისძიებები;

სხვადასხვა სახელოვნებო მიმართულების განვითარება, როგორიცაა: თეატრი, სახვითი ხელოვნება, სამუსიკო სფერო თუ ლიტერატურა, მიმდინარე კულტურულ-საგანმანათლებლო პროცესებში სხვადასხვა თაობის ხელოვანების ჩართულობა;

თეატრალური პროექტების ფარგლებში სხვადასხვა თეატრებსა თუ დამოუკიდებელ რეჟისორებს ეძლევათ შესაძლებლობა განახორციელონ ახალი თეატრალური დადგმები თბილისის სხვადასხვა თეატრების სცენებზე. ხელოვანების ინტერესი და მათი ჩართულობა პროგრამის ფარგლებში განხორციელებული ღონისძიებების მიმართ, ყოველწლიურად იზრდება, რაც განაპირობებს სხვადასხვა ხელოვნების სფეროს წარმომადგენელთა შემოქმედების რეალიზებას საქართველოს დედაქალაქში.

8.6  სპორტის განვითარების ხელშეწყობა

თბილისში სპორტის სხვადასხვა სახეობების განვითარება - პოპულარიზაცია, თბილისის ნაკრების, ეროვნული და ასაკობრივი გუნდების მზადება და მონაწილეობა საერთაშორისო და ადგილობრივ სპორტულ ღონისძიებებში (მსოფლიო, ევროპის და საქართველოს ჩემპიონატები, პირველობები, თასების გათამაშებები, მასობრივი სპორტული ღონისძიებები, საერთაშორისო ტურნირები, სასწავლო საწვრთნელი შეკრებები);

სპორტის სხვადასხვა სახეობის ეროვნულ და თბილისის ფედერაციებთან, სპორტულ ასოციაციებთან, სხვადასხვა სპორტულ ორგანიზაციებთან თანამშრომლობა და მათი საქმიანობის ხელშეწყობა; ახალგაზრული ღონისძიებების ხელშეწყობა.

მწვრთნელ-მასწავლებელთა და წარმატებული სპორტსმენი ბავშვების სოციალური და მატერიალური პირობების გაუმჯობესება;

სპორტის სხვადასხვა სახეობების პოპულარიზაცია შეზღუდული შესაძლებლობების მქონე პირებში, მათი შემდგომში რესოციალიზაციისა და აქტიურ სპორტში ჩართვისათვის;

სპორტული ინფრასტრუქტურის შექმნა და რეაბილიტაცია, მატერიალურ-ტექნიკური მდგომარეობის გაუმჯობესება, სპორტული დანიშნულების ობიექტების, დარბაზებისა და სტადიონების შეკეთება, აღდგენა, მშენებლობა;

 8.6.1 სპორტული და ახალგაზრდული ღონისძიებები

სპორტის სხვადასხვა სახეობების განვითარება–პოპულარიზაცია;

სპორტის სხვადასხვა სახეობის საქართველოს ეროვნული და ასაკობრივი გუნდების მომზადება და საერთაშორისო სპორტულ ღონისძიებებში (მსოფლიოსა და ევროპის ჩემპიონატებში, სხვადასხვა საერთაშორისო ტურნირებში) მონაწილეობის ხელშეწყობა;

სპორტის სხვადასხვა სახეობებში მასობრივი სპორტული ღონისძიებების, თასის გათამაშებების, ქალაქის პირველობების და ჩემპიონატების, სახელობითი და საერთაშორისო ტურნირების ჩატარება და სპორტსმენთა მივლინება საერთაშორისო ტურნირებზე;

თბილისის ნაკრები გუნდების საერთაშორისო და რესპუბლიკის ტურნირებში მონაწილეობა;

2015 წელს თბილისში დაგეგმილი ევროპის ახალგაზრდული ოლიმპიური ფესტივალისთვის მაღალი კლასის სპორტსმენების მომზადება;

დედაქალაქის ნაკრები გუნდებისათვის სასწავლო საწვრთნო და ფიზიკური მომზადებისათვის სასწავლო-გამაჯანსაღებელი შეკრებების მოწყობა;

სპორტის სხვადასხვა სახეობის ეროვნული და თბილისის ფედერაციების, თბილისის მთავრობის მიერ დაფუძნებული სპორტული ცენტრების საქმიანობის ხელშეწყობა; წყალბურთის კლუბის ,,თბილისი" და კალათბურთის კლუბის ,,დინამო" ხელშეწყობა.

პროგრამა ასევე მოიცავს ღონისძიებებს, რომლებიც მიმართულია ახალგაზრდული ორგანიზაციების საქმიანობის ხელშეწყობისკენ და ითვალისწინებს მათ მიერ ჩატარებული ღონისძიებების მხარდაჭერას და წახალისებას, ტრენინგ–პროგრამების შემუშავებას, ახალგაზრდების მონაწილეობას სხვადასხვა კონფერენციებში, ფორუმებში, სესიებში, კონკურსებში და სამუშაო ჯგუფებში; ახალგაზრდა შემოქმედთა წახალისების მიზნით გამოფენების, კონცერტების, ლიტერატურული საღამოების, ფესტივალების, კონკურსების მოწყობას; ახალგაზრდებისთვის სხვადასხვა პროექტების განხორციელებას კულტურის, სპორტის, მეცნიერება - განათლების, საერთაშორისო ურთიერთობების სფეროში; კულტურულ-შემოქმედებითი, შემეცნებითი და გასართობი ღონისძიებების მოწყობას, ქართველი ახალგაზრდების ჩართვას სხვადასხვა აქტივობებში, ცხოვრების ჯანსაღი წესის პროპაგანდას, ახალგაზრდების ცოდნისა და უნარების გაღრმავებას სხვადასხვა მიმართულებით; არაფორმალური განათლების ხელშეწყობას, ახალგაზრდებისათვის თავისუფალი დროის შინაარსიანად და ეფექტურად გამოყენების ორგანიზებას.

8.6.2 მწვრთნელთა მხარდაჭერა

ბავშვთა ჯგუფებთან მომუშავე მწვრთნელ-მასწავლებელთა მატერიალური წახალისება ფინანსური მხარდაჭერის მიზნით, გაზრდის მათ დაინტერესებას სასწავლო-საწვრთნო პროცესის ჩატარების მიმართ და აქტიურ მონაწილეობას მიიღებენ საშეჯიბრო პროგრამებში, რაც ხელს შეუწყობს დედაქალაქის სპორტის სხვადასხვა სახეობებში მწვრთნელ-მასწავლებლების მიერ პერსპექტიული მოზარდებისა და ახალგაზრდების მოძიებას, მათ ჩაბმას სპორტულ ჯგუფებში და მაღალი შედეგების მიღწევას.

8.6.3 სპორტული მოედნების მშენებლობა, რეკონსტრუქცია

ხელოვნურსაფარიანი სპორტული მოედანი თბილისის ყველა უბანსა და ეზოში  ხელს შეუწყობს მოსახლეობის ფართო მასებში ჯანსაღი ცხოვრების წესის დანერგვას და სპორტის პოპულარიზაციას. ქალაქში უკვე ფუნქციონირებს 600-მდე სპორტული მოედანი. 2014 წელს უნდა მოეწყოს 20-მდე ახალი და რეკონსტრუქცია ჩაუტარდეს 120 მდე არსებულ მარტივი ტიპის ხელოვნურსაფარიან კომბინირებულ სპორტულ მოედანს, რაც შესაძლებლობას მისცემს დედაქალაქის მოსახლეობას აქტიურად ჩაებას სპორტში და იცხოვროს ჯანსაღი ცხოვრების წესით.

8.6.4 სპორტული დაწესებულებების მატერიალურ-ტექნიკური ბაზის გაუმჯობესება და მშენებლობა

სპორტული დაწესებულებების მატერიალურ-ტექნიკური ბაზის გაუმჯობესების ღონისძიებები განაპირობებს თანამედროვე მოთხოვნების შესაბამისი სასწავლო-საწვრთნელი პროცესის წარმართვისათვის ხელის შეწყობას, ამაღლებს სპორტული ობიექტების კონკურენტუნარიანობას, რაც შესაბამისად დადებითად წაადგება სპორტის პოპულარიზაციას და განვითარებას. ქვეპროგრამის ფარგლებში განხორციელდება თბილისის მთავრობის მიერ დაფუძნებული სპორტული ცენტრებისა და დედაქალაქში არსებული საზოგადოებრივი მოხმარების ინფრასტრუქტურის მშენებლობა - რეაბილიტაცია, საპროექტო-სახარჯთაღრიცხვო დოკუმენტაციის მომზადება, ინვენტარითა და ტექნიკით აღჭურვა და მოწესრიგების სხვა ღონისძიებები. 

8.6.5 წარმატებული სპორტსმენი ბავშვების წახალისება

სპორტის სხვადასხვა სახეობების, 18 წლამდე ასაკის, პერსპექტიული სპორტსმენების მატერიალური წახალისება ფინანსური მხარდაჭერის მიზნით, გაზრდის მათ დაინტერესებას სასწავლო-საწვრთნო პროცესის ჩატარების მიმართ და გაააქტიურებს მათ საშეჯიბრო პროგრამებში მონაწილეობას, რაც ხელს შეუწყობს საქართველოს პირველობებში, ჩემპიონატებში, თასების გათამაშებებში და საერთაშორისო ტურნირებში მაღალი შედეგების მიღებას, ახალგაზრდებში ჯანსაღი ცხოვრების წესის დამკვიდრებას, გაზრდის პროფესიონალური სპორტის პოპულარობას, სწორად წარმართავს ბავშვთა და მოზარდთა შორის თავისუფალი დროის გამოყენებას.

8.6.6 პარასპორტის განვითარების ხელშეწყობა  

პროგრამის მიზანია: სპორტის სხვადასხვა სახეობების პოპულარიზაცია შეზღუდული შესაძლებლობების მქონე პირებში, მათი შემდგომში რესოციალიზაციისა და აქტიურ სპორტში ჩართვისათვის; პარასპორტული წრეების ჩამოყალიბება, სახეობების მიხედვით, მათი პრივილეგიების გათვალისწინებით; კვალიფიციური მწვრთნელ-მასწავლებლების და მენეჯერების მოზიდვა კონკურენტუნარიანი სპორტსმენების აღსაზრდელად; პარასპორტული სახეობების პოპულარიზაცია მთელს საზოგადოებაში; ამ ეტაპზე ხორციელდება ინტენსიური საწვრთნელ-სარეაბილიტაციო პროცესი პარაფარიკაობასა და პარამშვილდოსნობაში.  ცენტრის მიზანია კიდევ სხვა პარასპორტული სახეობების განვითარება და შესაბამისად  შეზღუდული შესაძლებლობების მქონე პირების მოზიდვა მათი რესოციალიზაციის მიზნით.

8.6.7 კალათბურთის ხელშეწყობის ღონისძიებები

კალათბურთის განვითარების  ხელშეწყობის მიზნით საჭირო პირობების შექმნა.

8.7 ,,თბილისი – 2015” ახალგაზრდული ოლიმპიური ფესტივალის მოსამზადებელი ღონისძიებები

,,თბილისი - 2015“ ევროპის ახალგაზრდულ ოლიმპიურ ფესტივალთან დაკავშირებით, თბილისში გრძელდება  სპორტული ინფრასტრუქტურის განვითარება, რაც ახალი სპორტული დარბაზების მშენებლობას, არსებული სპორტული ცენტრების რეაბილიტაციას და მათ საერთაშორისო სტანდარტებთან შესაბამისობას გულისხმობს. ფესტივალის ფარგლებში შეჯიბრებები სპორტის 9 სახეობაში - კალათბურთში, ხელბურთში, ფრენბურთში, ჩოგბურთში, ძიუდოში, მძლეოსნობაში, ცურვაში, ტანვარჯიშში, ველოსპორტში გაიმართება და მონაწილეობას მიიღებს 49 ქვეყანა;

თბილისი – 2015 ახალგაზრდული ოლიმპიური ფესტივალის მოსამზადებელი ღონისძიებების ფარგლებში განხორციელდება სხვადასხვა  პროექტების მხარდაჭერა, მათ შორის:  ოლიმპიური ინფრასტრუქტურის მშენებლობა-რეაბილიტაცია, სპორტული ინვენტარის შეძენა, ფესტივალის საორგანიზაციო კომიტეტის საქმიანობის ხელშეწყობა და სხვა.

9. საზოგადოებრივი წესრიგი და უსაფრთხოება

9.1 საგანგებო და გადაუდებელი სიტუაციების მართვა

პროგრამის მიზანია ხანძრისა და სტიქიური უბედურების შემთხვევების დროს მოსახლეობისა და მათი ქონების დასაცავად ადგილზე დროული მისვლა და  კვალიფიციური დახმარების აღმოჩენა; საგანგებო სიტუაციების სალიკვიდაციო სამუშაოების განხორციელება; მოსახლეობის დაცვა მაწანწალა-უზედამხედველო ცხოველებისა (ძაღლი, კატა) და ქვეწარმავლებისაგან.

განისაზღვროს ქ.თბილისის ბიუჯეტის ასიგნებები თანდართული რედაქციით