სახელმწიფო აუდიტის სამსახურში სტაჟირებისა და სასწავლო პრაქტიკის გავლის წესის დამტკიცების შესახებ

    2. ძალადაკარგულად გამოცხადდეს საქართველოს კონტროლის პალატის თავმჯდომარის 2009 წლის 13 მარტის №116/42 ბრძანება „საქართველოს კონტროლის პალატის სისტემაში სტაჟირების გავლის დებულების დამტკიცების შესახებ“ (სსმ, 29, 13.03.2009, სარეგისტრაციო კოდი 010.320.040.20.013.012.884).

ა) სტაჟირება – სახელმწიფო აუდიტის სამსახურში ამ წესით რეგულირებადი ანაზღაურებადი ან არაანაზღაურებადი საქმიანობა, რომელიც ხორციელდება სახელმწიფო აუდიტის სამსახურში შტატით გათვალისწინებულ თანამდებობაზე სტაჟიორად დანიშვნით ან მის გარეშე;

ბ) სასწავლო პრაქტიკა – სახელმწიფო აუდიტის სამსახურში ამ წესით რეგულირებული არაანაზღაურებადი საქმიანობა პრაქტიკული უნარ-ჩვევების გამომუშავების მიზნით;

გ) სტაჟიორი – პირი, რომელიც სახელმწიფო აუდიტის სამსახურში შტატით გათვალისწინებულ თანამდებობაზე ინიშნება სტაჟიორად (აუდიტორ-სტაჟიორი) ან შტატით გათვალისწინებულ თანამდებობაზე დანიშვნის გარეშე სტაჟირებაზე დაშვებული პირი, რომელიც  ამ  წესის  საფუძველზე გადის არაანაზღაურებად სტაჟირებას;

დ) პრაქტიკანტი - უმაღლესი საგანმანათლებლო დაწესებულების სტუდენტი, რომელიც ამ წესის საფუძველზე გადის სასწავლო პრაქტიკას სახელმწიფო აუდიტის სამსახურში;

ე) კანდიდატი – პირი, რომელმაც ამ წესის შესაბამისად დადგენილ დოკუმენტებთან ერთად სახელმწიფო აუდიტის სამსახურში  წარადგინა განცხადება სტაჟირების ან სასწავლო პრაქტიკის გავლის შესახებ.

ა) წერილობითი განცხადება;

ბ) საქართველოს მოქალაქის პირადობის დამადასტურებელი დოკუმენტის ასლი;

გ) ავტობიოგრაფია (ნაბეჭდი ფორმით);

დ) სამოტივაციო წერილი;

ე) დიპლომისა  და  ნიშნების ფურცლის ასლი;

ვ) რეკომენდაცია (ასეთის არსებობის შემთხვევაში);

ზ) ამონაწერი შრომის წიგნაკიდან (ასეთის არსებობის შემთხვევაში);

თ) ორი ნაბეჭდი და ერთი ელექტრონული (ბიომეტრიული) ფოტოსურათი;

ი) ნარკოლოგიური მომსახურების მიმწოდებელი ან შესაბამისი უფლებამოსილების მქონე დაწესებულების მიერ გაცემული ცნობა, რომლითაც დასტურდება საქართველოში სპეციალურ კონტროლს დაქვემდებარებულ ნივთიერებათა I და II სიაში შეტანილი ნივთიერებების მიმართ დამოკიდებულების ნიშნებისა და ამ ნივთიერებათა ექიმის დანიშნულების გარეშე მოხმარების ფაქტის არარსებობა.

კ) ცნობა ნასამართლობის შესახებ.

ა) წერილობითი განცხადება;

ბ) საქართველოს მოქალაქის პირადობის დამადასტურებელი დოკუმენტის ასლი;

გ) ავტობიოგრაფია (ნაბეჭდი ფორმით);

დ) სამოტივაციო წერილი;

ე) დიპლომისა და ნიშნების ფურცლის ასლი, თუ კანდიდატს აქვს უმაღლესი განათლება, ხოლო უმაღლესი განათლების არმქონე კანდიდატმა - ცნობა შესაბამისი უმაღლესი სასწავლებლიდან;

ვ) რეკომენდაცია (ასეთის არსებობის შემთხვევაში);   

ზ) ამონაწერი შრომის წიგნაკიდან (ასეთის არსებობის შემთხვევაში);

თ) ორი ნაბეჭდი და ერთი ელექტრონული (ბიომეტრიული) ფოტოსურათი.

ა) შესაბამისი სტრუქტურული ერთეულის ხელმძღვანელის თანხმობით გაეცნოს სამსახურებრივ დოკუმენტაციას (საარქივო მასალებს), ისარგებლოს სათანადო ინფორმაციით (ბიბლიოთეკით, ელექტრონული საშუალებებით და სხვ.), თუ აღნიშნული არ ეწინააღმდეგება კანონმდებლობით დადგენილ მოთხოვნებს;

ბ) სტრუქტურული ერთეულის ხელმძღვანელის თანხმობით დაესწროს და მონაწილეობა მიიღოს სამსახურის მიერ ორგანიზებულ სხვადასხვა სახის ღონისძიებაში;

გ) გაეცნოს სამსახურის სტრუქტურული ერთეულის მუშაობის სპეციფიკას, მონაწილეობა მიიღოს საკითხების მომზადებასა და სათანადო დოკუმენტების შედგენაში, რომელიც მოცემულ სფეროს მიეკუთვნება;

დ) სტრუქტურული ერთეულის ხელმძღვანელის მითითებით შეასრულოს შესაბამისი სტრუქტურული ერთეულის საქმიანობასთან დაკავშირებული კონკრეტული დავალებები.

ა) იხელმძღვანელოს კანონმდებლობით, რომელიც აწესრიგებს სამსახურის საქმიანობას;

ბ) დადგენილ ვადაში შეასრულოს ყველა ის დავალება, რომელიც მას დაეკისრება სამსახურის იმ სტრუქტურული ერთეულის ხელმძღვანელის მიერ, სადაც გადის სასწავლო პრაქტიკას;

გ) დაიცვას სამსახურის შინაგანაწესი.

ა) შეამოწმოს პრაქტიკანტის მიერ პრაქტიკის დღიურის წარმოება (ასეთის არსებობის შემთხვევაში);

ბ) პირადად აკონტროლოს  პრაქტიკანტის საქმიანობა;

გ) პერიოდულად მიაწოდოს სასწავლო თემატიკა, მისცეს დავალებები და მათთან დაკავშირებით უზრუნველყოს ინფორმაციით;

დ) განუსაზღვროს შესასრულებელი სამუშაოს კონკრეტული ვადა;

ე) ხელი შეუწყოს პრაქტიკანტისათვის მინიჭებული უფლებამოსილების განხორციელებას.