დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს შინაგან საქმეთა სამინისტროს სისტემაში ფულადი სარგოს (თანამდებობრივი და წოდებრივი სარგოების) და დანამატის განსაზღვრის შესახებ | |
|---|---|
| დოკუმენტის ნომერი | 1016 |
| დოკუმენტის მიმღები | საქართველოს შინაგან საქმეთა მინისტრი |
| მიღების თარიღი | 25/12/2012 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 25/12/2012 |
| ძალის დაკარგვის თარიღი | 01/01/2014 |
| სარეგისტრაციო კოდი | 140130000.22.034.016152 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (25/12/2012 - 26/01/2013)
|
„ნორმატიული აქტების შესახებ“ საქართველოს კანონის 24-ე და 25-ე მუხლების, „პოლიციის შესახებ“ საქართველოს კანონის 31-ე მუხლის მე-4, მე-5, მე-6 პუნქტებისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ა“ და „ნ“ ქვეპუნქტების საფუძველზე, ვბრძანებ: |
| მუხლი 1 |
განისაზღვროს საქართველოს შინაგან საქმეთა სამინისტროს (შემდგომში – სამინისტროს) ტერიტორიულ ორგანოებსა და სტრუქტურულ ქვედანაყოფებში თანამდებობრივი სარგოების ყოველთვიური განაკვეთები თანდართული დანართების შესაბამისად (დანართი №1-41). |
| მუხლი 2 |
განისაზღვროს სამინისტროს სისტემაში (გარდა საქვეუწყებო დაწესებულებისა) წოდებრივი სარგოების ყოველთვიური განაკვეთები თანდართული დანართის შესაბამისად. (დანართი №42). |
| მუხლი 3 |
სამინისტროს მოსამსახურეებს (სამხედრო ან სპეციალური წოდების მქონე მოსამსახურე) და სამოქალაქო პირებს თანამდებობრივ კატეგორიებს ანიჭებს საქართველოს შინაგან საქმეთა მინისტრი ან საამისოდ უფლებამოსილი პირები. |
| მუხლი 4 |
სამინისტროს სავალდებულო სამხედრო სამსახურის სამხედრო მოსამსახურეთა ყოველთვიური ფულადი სარგო განისაზღვროს 8 (რვა) ლარის ოდენობით, ხოლო სამინისტროს სპეციალური და საგანგებო ღონისძიებების ცენტრის ობიექტების დაცვის სამმართველოს სავალდებულო სამხედრო სამსახურის სამხედრო მოსამსახურეებს - 23 (ოცდასამი) ლარის ოდენობით. |
| მუხლი 5 |
სამინისტროს სავალდებულო სამხედრო სამსახურის მოსამსახურეებს ყოველთვიურად დაუწესდეთ ფულად სარგოზე შემდეგი ოდენობის დანამატი:
ა) 25 ლარი - სამინისტროს სპეციალური და საგანგებო ღონისძიებების ცენტრის განსაკუთრებულ დავალებათა დეპარტამენტის და ობიექტების დაცვის სამმართველოს I განყოფილების II ქვეგანყოფილების სავალდებულო სამხედრო სამსახურის მოსამსახურეებს; ბ) 9 ლარი - სამინისტროს სპეციალური და საგანგებო ღონისძიებების ცენტრის სპეციალური ოპერაციების დეპარტამენტის სავალდებულო სამხედრო სამსახურის მოსამსახურეებს, გარდა სამინისტროს სპეციალური და საგანგებო ღონისძიებების ცენტრის ობიექტების დაცვის სამმართველოს I განყოფილების II ქვეგანყოფილების სავალდებულო სამხედრო სამსახურის მოსამსახურეებისა. |
| მუხლი 6 |
სამინისტროს საჯარო სამართლის იურიდიულ პირებში მივლენილ სავალდებულო სამხედრო სამსახურის სამხედრო მოსამსახურეთა ფულადი სარგოს გაცემის წესი და ოდენობა განისაზღვროს საქართველოს შინაგან საქმეთა მინისტრის სამართლებრივი აქტით.
|
| მუხლი 7 |
1.
დაუწესდეს სამინისტროს სისტემაში (გარდა სამინისტროს სისტემაში შემავალი სახელმწიფო საქვეუწყებო დაწესებულებისა) სახელმწიფო სპეციალური ან/და სამხედრო წოდების მქონე მოსამსახურეებს სახელმწიფო სპეციალური ან/და სამხედრო წოდებით ნამსახურევი კალენდარული წლების მიხედვით ფულად სარგოებზე (თანამდებობრივი და წოდებრივი სარგოები) ყოველთვიური პროცენტული (წელთა ნამსახურობის) დანამატი შემდეგი ოდენობით:
|
ა)
1-დან 2 წლამდე - 5%; |
ბ)
2-დან 5 წლამდე - 10%; |
გ)
5-დან 10 წლამდე –15%; |
დ)
10 წელი და მეტი – 20%. |
2.
სამოქალაქო პირისათვის სახელმწიფო სპეციალური ან სამხედრო წოდების მინიჭების შემთხვევაში, ყოველთვიური პროცენტული (წელთა ნამსახურობის) დანამატის დაანგარიშებისას, მინისტრის თანხმობით, განსაკუთრებულ შემთხვევებში ნამსახურობაში ჩაითვლება სამოქალაქო პირის სამინისტროს სისტემაში მუშაობის პერიოდი.
|
| მუხლი 8 |
1.
ამ ბრძანების მე-7 მუხლის მე-2 პუნქტით გათვალისწინებულ შემთხვევაში სამინისტროს მოსამსახურე ვალდებულია ცნობა ან ამონაწერი წელთა ნამსახურობის შესახებ წარადგინოს სამინისტროს შესაბამის საფინანსო სამსახურში. |
2.
სამინისტროს შესაბამისმა საფინანსო სამსახურებმა ნამსახურევი წლების დანამატის დარიცხვა განახორციელონ შესაბამისი ცნობის (ამონაწერის) წარმოდგენიდან პირველივე თვეს. |
| მუხლი 9 |
სამინისტროს სტრუქტურულ ქვედანაყოფებსა და ტერიტორიულ ორგანოებში ფულადი სარგოს და წელთა ნამსახურობის დანამატის დაფინანსება განხორციელდეს საქართველოს შინაგან საქმეთა სამინისტროსთვის სახელმწიფო ბიუჯეტით გათვალისწინებული ასიგნებებისა და დამტკიცებული რიცხოვნობის ფარგლებში, ხოლო ბრძანების მე-6 მუხლით გათვალისწინებულ პირებზე - საჯარო სამართლის იურიდიული პირების ასიგნებების ფარგლებში. |
| მუხლი 10 |
ძალადაკარგულად გამოცხადეს „საქართველოს შინაგან საქმეთა სამინისტროს სისტემაში ფულადი სარგოს (თანამდებობრივი და წოდებრივი სარგოების) და დანამატის განსაზღვრის შესახებ“ საქართველოს შინაგან საქმეთა მინისტრის 2007 წლის 28 დეკემბრის №1634 ბრძანება. |
| მუხლი 11 |
1.
ბრძანება, გარდა ბრძანებით დამტკიცებული №6–№11, №14–№32, №34–№36 დანართებისა ამოქმედდეს გამოქვეყნებისთანავე. |
2.
ბრძანებით დამტკიცებული დანართი №6 ამოქმედდეს 2012 წლის 1 დეკემბრიდან. |
3.
ბრძანებით დამტკიცებული დანართები №9–№11 ამოქმედდეს 2012 წლის 7 დეკემბრიდან. |
4.
ბრძანებით დამტკიცებული დანართები №7-№8, №14–№20, №22–№32, №34–№36 ამოქმედდეს 2012 წლის 14 დეკემბრიდან. |
5.
ბრძანებით დამტკიცებული დანართი №21 ამოქმედდეს 2012 წლის 17 დეკემბრიდან. |
|
დანართი №1
|
მინისტრის აპარატი
|
|
დანართი №2
|
ადმინისტრაციული დეპარტამენტი
|
|
დანართი №3
|
საზოგადოებასთან ურთიერთობის სამსახური
|
|
დანართი №4
|
გენერალური ინსპექცია (დეპარტამენტი)
|
|
დანართი №5
|
საფინანსო-სამეურნეო დეპარტამენტი |
|
დანართი №6
|
კადრების მთავარი სამმართველო
|
|
დანართი №7
|
საექსპერტო-კრიმინალისტიკური მთავარი სამმართველო (საექსპერტო-კრიმინალისტიკური მთავარი სამმართველოს რეგიონალური დანაყოფების გარდა)
|
|
დანართი №8
|
საექსპერტო-კრიმინალისტიკური მთავარი სამმართველოს რეგიონალური დანაყოფები
|
|
დანართი №9
|
საინფორმაციო-ანალიტიკური დეპარტამენტი (ანალიზისა და კოორდინაციის სამმართველოს, ოპერატიული საქმიანობის მონიტორინგის სამმართველოსა და საინფორმაციო ცენტრის (სამმართველოს) უფროსის, მისი მოადგილეებისა და პროგრამული უზრუნველყოფისა და ოპერატიული ინფორმაციის მართვის განყოფილების გარდა)
|
|
დანართი №10
|
საინფორმაციო-ანალიტიკური დეპარტამენტის საინფორმაციო ცენტრის (სამმართველოს) უფროსი, მისი მოადგილეებისა და პროგრამული უზრუნველყოფისა და ოპერატიული ინფორმაციის მართვის განყოფილება
|
|
დანართი №11
|
საინფორმაციო-ანალიტიკური დეპარტამენტის ანალიზისა და კოორდინაციის სამმართველო და ოპერატიული საქმიანობის მონიტორინგის სამმართველო
|
|
დანართი №12
|
ოპერატიულ-ტექნიკური დეპარტამენტი
|
|
დანართი №13
|
კონტრდაზვერვის დეპარტამენტი
|
|
დანართი №14
|
ცენტრალური კრიმინალური პოლიციის დეპარტამენტი (IV მთავარი სამმართველოსა (საზღვარგარეთის ქვეყნებში საქართველოს შსს წარმომადგენლების/პოლიციის მეკავშირე ოფიცრების) და სპეციალური ღონისძიებების სამმართველოს გარდა)
|
|
დანართი №15
|
ცენტრალური კრიმინალური პოლიციის დეპარტამენტის IV მთავარი სამმართველო (საზღვარგარეთის ქვეყნებში საქართველოს შსს წარმომადგენლების/პოლიციის მეკავშირე ოფიცრების)
|
|
დანართი №16
|
ცენტრალური კრიმინალური პოლიციის დეპარტამენტის სპეციალური ღონისძიებების სამმართველო (უზრუნველყოფის განყოფილებისა და სამორიგეო ქვეგანყოფილების გარდა)
|
|
დანართი №17
|
ცენტრალური კრიმინალური პოლიციის დეპარტამენტის სპეციალური ღონისძიებების სამმართველოს უზრუნველყოფის განყოფილება და სამორიგეო ქვეგანყოფილება
|
|
დანართი №18
|
საპატრულო პოლიციის დეპარტამენტი (ქ. თბილისისა და მცხეთა-მთიანეთის მთავარი სამმართველოსა და ადგილობრივი (რეგიონალური) დანაყოფების გარდა)
|
|
დანართი №19
|
საპატრულო პოლიციის დეპარტამენტის ქ. თბილისისა და მცხეთა-მთიანეთის მთავარი სამმართველო
|
|
დანართი №20
|
საპატრულო პოლიციის დეპარტამენტის ადგილობრივი (რეგიონალური) დანაყოფები
|
|
დანართი №21
|
ინტერპოლის ეროვნული ბიურო საქართველოში (მთავარი სამმართველო)
|
|
დანართი №22
|
სპეციალური და საგანგებო ღონისძიებების ცენტრი (განსაკუთრებულ დავალებათა დეპარტამენტის, სტრატეგიული მილსადენების დაცვის დეპარტამენტის, სპეციალური ოპერაციების დეპარტამენტის, საგანგებო სიტუაციების მართვის დეპარტამენტის, სამობილიზაციო სამმართველოს, შეიარაღების სამმართველოსა და ობიექტების დაცვის სამმართველოს გარდა)
|
|
დანართი №23
|
სპეციალური და საგანგებო ღონისძიებების ცენტრის განსაკუთრებულ დავალებათა დეპარტამენტი (სპეციალური და საგანგებო ღონისძიებების ცენტრის განსაკუთრებულ დავალებათა დეპარტამენტის შტაბისა (გარდა შტაბის ადმინისტრაციული პატიმრობის აღსრულების სამსახურის (ჰაუპტვახტის) და საშტაბო უზრუნველყოფის ასეულის) და საშტაბო უზრუნველყოფის განყოფილებებისა და ქვეგანყოფილებების გარდა)
|
|
დანართი №24
|
სპეციალური და საგანგებო ღონისძიებების ცენტრის განსაკუთრებულ დავალებათა დეპარტამენტის შტაბი (გარდა შტაბის ადმინისტრაციული პატიმრობის აღსრულების სამსახურის (ჰაუპტვახტის) და საშტაბო უზრუნველყოფის ასეულის) და საშტაბო უზრუნველყოფის განყოფილებები და ქვეგანყოფილებები
|
|
დანართი №25
|
სპეციალური და საგანგებო ღონისძიებების ცენტრის სტრატეგიული მილსადენების დაცვის დეპარტამენტი
|
|
დანართი №26
|
სპეციალური და საგანგებო ღონისძიებების ცენტრის სპეციალური ოპერაციების დეპარტამენტი (სპეციალური ოპერაციების დეპარტამენტის შტაბისა (სამედიცინო განყოფილების გარდა), და საბრძოლო მომზადებისა და გადამზადების სამმართველოს საბრძოლო მომზადების უზრუნველყოფის განყოფილების გარდა)
|
|
დანართი №27
|
სპეციალური და საგანგებო ღონისძიებების ცენტრის სპეციალური ოპერაციების დეპარტამენტის შტაბი (სამედიცინო განყოფილების გარდა) და საბრძოლო მომზადებისა და გადამზადების სამმართველოს საბრძოლო მომზადების უზრუნველყოფის განყოფილება
|
|
დანართი №28
|
სპეციალური და საგანგებო ღონისძიებების ცენტრის შეიარაღების სამმართველო
|
|
დანართი №29
|
სპეციალური და საგანგებო ღონისძიებების ცენტრის საგანგებო სიტუაციების მართვის დეპარტამენტი (სამაშველო მომზადებისა და რეაგირების სამმართველოს გარდა)
|
|
დანართი №30
|
სპეციალური და საგანგებო ღონისძიებების ცენტრის საგანგებო სიტუაციების მართვის დეპარტამენტის სამაშველო მომზადებისა და რეაგირების სამმართველო
|
|
დანართი №31
|
სპეციალური და საგანგებო ღონისძიებების ცენტრის ობიექტების დაცვის სამმართველო
|
|
დანართი №32
|
სპეციალური და საგანგებო ღონისძიებების ცენტრის სამობილიზაციო სამმართველო
|
|
დანართი №33
|
რეფორმებისა და განვითარების სააგენტო (დეპარტამენტი)
|
|
დანართი №34
|
სახელმწიფო უსაფრთხოების სააგენტო (დეპარტამენტი)
|
|
დანართი №35
|
ანტიკორუფციული სააგენტო (დეპარტამენტი)
|
|
დანართი №36
|
კონტრტერორისტული ცენტრი (დეპარტამენტი)
|
|
დანართი №37
|
საერთაშორისო ურთიერთობების დეპარტამენტი
|
|
დანართი №38
|
ქ. თბილისის მთავარი სამმართველო, ქ. თბილისის მთავარი სამმართველოს ადმინისტრაციის (სამმართველო) ოპერატიული აღრიცხვის განყოფილება (ქ. თბილისის მთავარი სამმართველოს ადმინისტრაციის (სამმართველო), საკადრო და ორგანიზაციული უზრუნველყოფის სამმართველოსა და რაიონული სამმართველოების საერთო განყოფილებების გარდა)
|
|
დანართი №39
|
ქ. თბილისის მთავარი სამმართველოს ადმინისტრაცია (სამმართველო), საკადრო და ორგანიზაციული უზრუნველყოფის სამმართველო და რაიონული სამმართველოების საერთო განყოფილებები
|
|
დანართი №40
|
ტერიტორიული ორგანოები (ქ. თბილისის მთავარი სამმართველოს კანცელარიის, კადრებისა და სამართლებრივი უზრუნველყოფის განყოფილების, საფინანსო-სამეურნეო უზრუნველყოფის განყოფილებისა და კინოლოგიის ჯგუფის გარდა)
|
|
დანართი №41
|
ტერიტორიული ორგანოების (ქ. თბილისის მთავარი სამმართველოს გარდა), კანცელარია, კადრებისა და სამართლებრივი უზრუნველყოფის განყოფილება, საფინანსო-სამეურნეო უზრუნველყოფის განყოფილება და კინოლოგიის ჯგუფი
|
|
დანართი №42
|
საქართველოს შინაგან საქმეთა სამინისტროს მოსამსახურეთა წოდებრივი სარგოს ყოვეთვიური განაკვეთები
|
|
დოკუმენტის კომენტარები