მცხეთის მუნიციპალიტეტის გამგეობის იურიდიული სამსახურის დებულების დამტკიცების შესახებ

1.  მცხეთის მუნიციპალიტეტის გამგეობის (შემდგომში – გამგეობა) იურიდიული სამსახური (შემდგომში – სამსახური) წარმოადგენს გამგეობის სტრუქტურულ ერთეულს, რომელიც სამართლებრივად უზრუნველყოფს მცხეთის მუნიციპალიტეტის საქმიანობასა და სამსახურის კომპეტენციაში შემავალი სხვა საკითხების გადაწყვეტას.
2.  სამსახური თავის საქმიანობაში ხელმძღვანელობს საქართველოს კონსტიტუციით, „ადგილობრივი თვითმმართველობის შესახებ“ საქართველოს ორგანული კანონით, „საჯარო სამსახურის შესახებ“  საქართველოს კანონით, მცხეთის მუნიციპალიტეტის საკრებულოს მიერ 2011 წლის 21 იანვრის  №3 დადგენილებით დამტკიცებული მცხეთის მუნიციპალიტეტის გამგეობის დებულებით,  ამ დებულებითა და სხვა სამართლებრივი აქტებით.
3.  საკუთარი ფუნქციების განხორციელებისას სამსახური წარმოადგენს გამგეობას.
4.  სამსახური ანგარიშვალდებულია გამგებლის წინაშე და ასრულებს კანონით გათვალისწინებულ და გამგებლის მიერ კანონის საფუძველზე დაკისრებულ ამოცანებს.
5.  სამსახურის დაფინანსების წყაროა მცხეთის მუნიციპალიტეტის ბიუჯეტი.
6.  სამსახურის სრული სახელწოდებაა „მცხეთის მუნიციპალიტეტის გამგეობის იურიდიული  სამსახური.“

1. სამსახური თავისი კომპეტენციის ფარგლებში უზრუნველყოფს:

მცხეთის მუნიციპალიტეტის სამართლებრივ მომსახურებას.

2. მცხეთის მუნიციპალიტეტის ინტერესების სამართლებრივ დაცვას ყველა ინსტანციის სასამართლოში, აგრეთვე სახელმწიფო ორგანოებთან, ფიზიკურ და იურიდიულ პირებთან ურთიერთობისას.
3. სამსახურში შემოსული განცხადებების, წერილებისა და მომართვების განხილვას.
4. მცხეთის მუნიციპალიტეტის საკრებულოს თავმჯდომარის, მცხეთის მუნიციპალიტეტის გამგებლის, მცხეთის მუნიციპალიტეტის სტრუქტურული ერთეულებისა და ტერიტორიული ორგანოების იურიდიულ კონსულტირებას და სამართლებრივი დასკვნების მომზადებას.
5. გამგეობაში შემუშავებული სამართლებრივი აქტების პროექტების, გარიგებების, ადმინისტრაციული სამართალდარღვევის ოქმებისა და სხვა დოკუმენტების სამართლებრივ ექსპერტიზასა და მათ ვიზირებას.
6. მოქმედი კანონმდებლობითა და მცხეთის მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.

2.    სამსახურის უფროსი ანგარიშვალდებულია გამგებლის წინაშე.

3.  სამსახურის უფროსი: უშუალოდ წარმართავს და ხელმძღვანელობს სამსახურის საქმიანობას;

4.  პასუხს აგებს გამგეობის მიერ სამსახურზე დაკისრებული ამოცანებისა და    ფუნქციების შესრულებაზე;

5.  ანაწილებს სამსახურებრივ დავალებებს თანამშრომელთა შორის, ისმენს   ანგარიშებს მათ მიერ გაწეული სამუშაოს შესრულების შესახებ,  კონტროლს უწევს სამსახურში მომუშავე მოსამსახურეთა მიერ გამგეობის შინაგანაწესის დაცვას.

6.  გამგებელს წარუდგენს წინადადებებს სამსახურის თანამშრომელთა მორიგი და დამატებითი შვებულების, მივლინების, წახალისებისა და მათზე დისციპლინური პასუხისმგებლობის დაკისრების თაობაზე;

7.  ახორციელებს კანონმდებლობით და გამგეობის დებულებით გათვალისწინებულ სხვა ფუნქციებს.

8.  სამსახურის უფროსის არყოფნის შემთხვევაში, გამგებლის დავალებით სამსახურის უფროსის უფლება-მოვალეობებს ახორციელებს სამსახურის ერთ-ერთი მოსამსახურე.

9.  სამსახურის თანამშრომლები არიან საჯარო მოსამსახურეები, რომლებიც ახორციელებენ კანონმდებლობით, წინამდებარე დებულებითა და თანამდებობრივი ინსტრუქციებით მათთვის დაკისრებული ამოცანების შესრულებას.

1. სამსახურის დებულებას გამგებლის წარდგინებით ამტკიცებს მცხეთის მუნიციპალიტეტის საკრებულო.
2. ობიექტური მიზეზებიდან გამომდინარე ან/და ფორს-მაჟორულ შემთხვევებში, შესაბამისი ადმინისტრაციული აქტების საფუძველზე, შესაძლებელია დებულებაში ცვლილების ან/და დამატების  შეტანა.
3.  წინამდებარე დებულებაში ცვლილების ან/და დამატების  შეტანა ხორციელდება საქართველოში მოქმედი კანონმდებლობით დადგენილი წესით.
4. ყველა ის საკითხი, რომელსაც არ ითვალისწინებს წინამდებარე დებულება, რეგულირდება საქართველოს მოქმედი კანონმდებლობითა და შესაბამისი ადმინისტრაციულ-სამართლებრივი აქტებით.