საპენსიო პაკეტში შემავალი ფულადი და არაფულადი კომპონენტების გადანაწილების შესახებ

საქართველოს მთავრობის

დადგენილება №278

2012 წლის 20 ივლისი

ქ. თბილისი

საპენსიო პაკეტში შემავალი ფულადი და არაფულადი კომპონენტების გადანაწილების შესახებ

მუხლი 1. „სახელმწიფო პენსიის შესახებ“ საქართველოს კანონის 22-ე მუხლისა და „საქართველოს 2012 წლის სახელმწიფო ბიუჯეტის შე­სახებ“ საქართველოს კანონის 39-ე მუხლის მე-6 პუნქტის „გ“ ქვეპუნქტის საფუძველზე, განისაზღვროს საპენსიო პაკეტში შემავალი ფულადი და არაფულადი კომპონენტების გადანაწილების შემდეგი პირობები:

1. 2012 წლის 1 სექტემბრიდან:

ა) 60-დან 67 წლამდე ქალებისა და 65-დან 67 წლამდე მამაკა­ცე­ბისათვის საპენსიო პაკეტი განისაზღვროს 125 ლარის ოდენობით, რო­მელშიც ფულადი კომპონენტი შეადგენს – 110 ლარს;

ბ) 67 წლის და მეტი ასაკის პირთათვის საპენსიო პაკეტი განი­საზღვროს 140 ლარის ოდენობით, რომელშიც ფულადი კომპონენტი შე­ადგენს – 125 ლარს;

გ) საპენსიო პაკეტი მოიცავს „საქართველოს 2012 წლის სახელმ­წიფო ბიუჯეტის შესახებ“ საქართველოს კანონის „საპენსიო უზრუნველ­ყოფი­სა“ და „სოციალური დაცვის“ პროგრამული კოდებით დაფინან­სე­ბულ ყოველთვიურ ფულად გასაცემლებს, გარდა საყოფაცხოვრებო სუბ­სიდი­ისა, სახელმწიფო კომპენსაციისა, საარსებო, რეინტეგრაციის, დევ­ნილთა და ლტოლვილთა შემწეობებისა.

2. ამ მუხლის პირველი პუნქტით დადგენილ ფარგლებში ფუ­ლადი გასაცემლის გარდა, საპენსიო პაკეტის დარჩენილი წილი წარ­მოადგენს არა­ფულადი კომპონენტის ნაწილს (ჯანმრთელობის დაზღ­ვევა), რომლის პირობებიც განისაზღვრება საქართველოს მთავრობის შესაბამისი დად­გენილებით.

მუხლი 2 . დადგენილება ამოქმედდეს გამოქვეყნებისთანავე.

პრემიერ-მინისტრი            ი. მერაბიშვილი