დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საქართველოს სამოქალაქო საპროცესო კოდექსში ცვლილებებისა და დამატებების შეტანის თაობაზე | |
---|---|
დოკუმენტის ნომერი | 2398 |
დოკუმენტის მიმღები | საქართველოს პარლამენტი |
მიღების თარიღი | 09/09/1999 |
დოკუმენტის ტიპი | საქართველოს კანონი |
გამოქვეყნების წყარო, თარიღი | სსმ, 43(50), 21/09/1999 |
სარეგისტრაციო კოდი | 060.000.000.05.001.000.693 |
საქართველოს კანონი
საქართველოს სამოქალაქო საპროცესო კოდექსში ცვლილებებისა და დამატებების შეტანის თაობაზე
საქართველოს პარლამენტი ადგენს:
I. საქართველოს სამოქალაქო საპროცესო კოდექსში (პარლამენტის უწყებანი, №47-48, 31.12.97) შეტანილ იქნეს შემდეგი ცვლილებები და დამატებები:
1. 36-ე მუხლი ჩამოყალიბდეს შემდეგი რედაქციით:
„მუხლი 36. აცილების შესახებ სასამართლო განჩინების გასაჩივრება
აცილების თაობაზე სასამართლო განჩინება შეიძლება გასაჩივრდეს სასამართლო გადაწყვეტილებასთან ერთად, 377-ე და 404-ე მუხლებით დადგენილი წესით.“
2. 199-ე მუხლის პირველ ნაწილში სიტყვა „მოსარჩელეს“ შეიცვალოს სიტყვებით „პირს, რომელიც მიმართავს სასამართლოს სარჩელის უზრუნველყოფის თაობაზე“, ხოლო სიტყვა „მოპასუხისთვის“ –სიტყვებით „მეორე მხარისათვის“.
3. 236-ე მუხლიდან ამოღებულ იქნეს სიტყვები „რომელიც არ გამოცხადებულა სასამართლო სხდომაზე“.
4. 250-ე მუხლში სიტყვები „თუ მხარეები არ მოითხოვენ დასაბუთებულ გადაწყვეტილებას” შეიცვალოს სიტყვებით „თუ მხარეები მოითხოვენ გადაწყვეტილებას დასაბუთების გარეშე,”.
5. 264-ე მუხლის „გ“ ქვეპუნქტი ამოღებულ იქნეს.
6. 367-ე მუხლში სიტყვების „სააპელაციო საჩივარი“ შემდეგ დაემატოს სიტყვები „გადახდილი სახელმწიფო ბაჟის ქვითართან ერთად (თუ იგი გათავისუფლებული არ არის ბაჟის გადახდისაგან),“.
7. 369-ე მუხლს დაემატოს შემდეგი შინაარსის მე-2 ნაწილი:
„2. თუ გადაწყვეტილების გამოცხადებას ესწრება სააპელაციო საჩივრის შეტანის უფლების მქონე პირი, სააპელაციო საჩივრის შეტანის ვადა იწყება მისი გამოცხადების მომენტიდან.“.
8. 388-ე მუხლში სიტყვები „საქმის განხილვის შემდეგ” შეიცვალოს სიტყვებით „გადაწყვეტილების (განჩინების) ძალაში შესვლის შემდეგ“; ამავე მუხლიდან ამოღებულ იქნეს სიტყვები „ასლთან ერთად“, ხოლო სიტყვები „გადაწყვეტილების (განჩინების)“ შეიცვალოს სიტყვებით „გადაწყვეტილებასთან (განჩინებასთან)“.
9. 395-ე მუხლში სიტყვის „საჩივარი” შემდეგ დაემატოს სიტყვები „გადახდილი სახელმწიფო ბაჟის ქვითართან ერთად (თუ იგი გათავისუფლებული არ არის ბაჟის გადახდისაგან),“.
10. 397-ე მუხლს დაემატოს შემდეგი შინაარსის მე-2 ნაწილი:
„2. თუ გადაწყვეტილების გამოცხადებას ესწრება საკასაციო საჩივრის შეტანის უფლების მქონე პირი, საკასაციო საჩივრის შეტანის ვადა იწყება მისი გამოცხადების მომენტიდან.“.
11. 414-ე მუხლის პირველი ნაწილი ჩამოყალიბდეს შემდეგი რედაქციით:
„1. კერძო საჩივრის შეტანა შეიძლება სასამართლოს მიერ გამოტანილ განჩინებებზე, მხოლოდ ამ კოდექსით გათვალისწინებულ შემთხვევებში“.
12. 417-ე მუხლის სათაურიდან და ტექსტიდან ამოღებულ იქნეს სიტყვები „პირველი ინსტანციის“.
13. 419-ე მუხლს დაემატოს შემდეგი შინაარსის მე-3 ნაწილი:
„3. ზემდგომი სასამართლოს განჩინება კერძო საჩივრის თაობაზე არ გასაჩივრდება.“.
14. 429-ე მუხლს ბოლოში დაემატოს სიტყვები „რაც შეიძლება გასაჩივრდეს კერძო საჩივრით“.
15. 430-ე მუხლის მე-2 ნაწილს ბოლოში დაემატოს სიტყვები „რაც შეიძლება გასაჩივრდეს ზემდგომ სასამართლოში“.
II. ეს კანონი ამოქმედდეს გამოქვეყნებისთანავე.
საქართველოს პრეზიდენტი ედუარდ შევარდნაძე
თბილისი,
1999 წლის 9 სექტემბერი.
№2398-Iს
დოკუმენტის კომენტარები