სასაფლაოების მოწყობისა და მოვლა-პატრონობის წესის დამტკიცების შესახებ

აბაშის მუნიციპალიტეტის საკრებულოს

დადგენილება № 17

2012 წლის 5 აპრილი

ქ. აბაშა

სასაფლაოების მოწყობისა და მოვლა-პატრონობის წესის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „პ” ქვეპუნქტის შესაბამისად, აბაშის მუნიციპალიტეტის საკრებულომ დაადგინა :

1. დამტკიცდეს სასაფლაოების მოწყობისა და მოვლა-პატრონობის წესი დანართი №1-ის შესაბამისად (დანართი №1 თან ერთვის).

2. დადგენილება ამოქმედდეს გამოქვეყნებისთანავე.

საკრებულოს თავმჯდომარე       დ . თოფურია

 

დანართი  №1

სასაფლაოების მოწყობისა და მოვლა -პატრონობის წესის დამტკიცების შესახებ

    მუხლი 1. რეგულირების სფერო

 წინამდებარე წესი განსაზღვრავს აბაშის მუნიციპალიტეტის ტერიტორიაზე სასაფლაოების მოწყობისა და მართვის , მოვლა -პატრონობის , სარიტუალო მომსახურების , სასაფლაოების დახურვისა და ახალი სასაფლაოების გახსნის ზოგად წესებს .

    მუხლი 2. ტერმინთა განმარტება

ამ წესში გამოყენებულ ტერმინებს აქვთ შემდეგი მნიშვნელობა :

ა ) სასაფლაო – აბაშის მუნიციპალიტეტის ადმინისტრაციულ ტერიტორიაზე მდებარე ან ადმინისტრაციული საზღვრების ფარგლებს გარეთ აბაშის მუნიციპალიტეტის საკუთრებაში არსებული მიწის ნაკვეთი , რომელსაც საკრებულოს განკარგულებით მინიჭებული აქვს სასაფლაოს სტატუსი , რომელიც განკუთვნილია და გამოიყენება ადამიანის ნეშტის დასაკრძალავად და რომელიც იმართება კანონმდებლობის შესაბამისად დაფუძნებული კერძო სამართლის სამეწარმეო ან არასამეწარმეო (არაკომერციული ) იურიდიული პირის მეშვეობით ;

ბ ) სასაფლაოს მმართველი ორგანიზაცია – არის აბაშის მუნიციპალიტეტის საკრებულოს მიერ დაფუძნებული არასამეწარმეო (არაკომერციული ) იურიდიული პირი , რომელიც ახორციელებს სასაფლაოების მოვლა -პატრონობას , მმართველობასა და მომსახურებას ;

გ ) პანთეონი – სასაფლაო ან მისი ნაწილი , რომელიც განკუთვნილია საზოგადო მოღვაწეთა დაკრძალვისათვის ;

დ ) კერძო სასაფლაო – ფიზიკური ან კერძო სამართლის იურიდიული პირის საკუთრებაში არსებული მიწის ნაკვეთი , რომელიც გამოიყენება ადამიანის ნეშტის დასაკრძალავად ;

ე ) საფლავი – არის სასაფლაოზე შემოსაზღვრული ან /და სხვაგვარად გამოკვეთილი მიწის ნაკვეთი , რომელზედაც განლაგებულია ერთი ან რამდენიმე სამარე ;

ვ ) საგვარეულო (საოჯახო ) საფლავი – არის საფლავი , რომელიც გამოიყენება ოჯახის წევრების ან მათი თანხმობით მათი ახლობელი ადამიანების ნეშტის დასაკრძალავად ;

ზ ) სამარე – არის მიწის ნაკვეთი სასაფლაოზე , რომელიც გამოიყენება ან განკუთვნილია ერთი ადამიანის ნეშტის დასაკრძალავად ;

თ ) სამარხი – არის საფლავის შიგნით ადამიანის ნეშტის დასაკრძალავად განკუთვნილი ადგილი ;

ი ) ჭირისუფალი – არის გარდაცვლილის ახლო ნათესავი ან მის სიცოცხლეში ანდერძით ან სხვა რაიმე სახის დოკუმენტით დასახელებული პიროვნება , რომელიც უფლებამოსილია დაკრძალვის ცერემონიის განხორციელებაზე და იხდის მომსახურების ხარჯებს ;

კ ) სარიტუალო საქმიანობა – არის ყველა სახის მომსახურება დაკავშირებული ადამიანის ნეშტის დაკრძალვასთან , დაკრძალვამდე ცხედრის გაპატიოსნებასთან და გარდაცვლილის ხსოვნის უკვდავსაყოფად სარიტუალო , საწარმოო , სანიტარიულ მომსახურებასთან ;

ლ ) საფლავის მომსახურება – არის მომსახურება , რომელსაც დასაფლავებასთან დაკავშირებით ახორციელებს მუნიციპალური სასაფლაოს მმართველი ორგანიზაცია ;

მ ) დაკრძალვა – არის გარდაცვლილის ნეშტის მიწას მიბარების ცერემონია , რომელიც ხორციელდება რელიგიური წესების , ადათებისა და წეს -ჩვეულებების შესაბამისად . დაკრძალვა ხორციელდება სანიტარიული ნორმების დაცვით ;

ნ ) მეორეული დაკრძალვა – გარდაცვლილის მიწას მიბარების ცერემონია , როდესაც ნეშტი იკრძალება ადრე არსებულ სასაფლაოზე წინამდებარე წესით დადგენილი ნორმების შესაბამისად ;

ო ) ძეგლი (საფლავის ქვა ) – არის სასაფლაოზე დამონტაჟებული ქვის , ლითონის ან /და სხვა მასალისაგან დამზადებული გამოსახულება , კონსტრუქცია და ა .შ ., რომელიც განკუთვნილია გარდაცვლილის ხსოვნის უკვდავსაყოფად ;

პ )  გადასვენება – არის გარდაცვლილის ნეშტის მიწას მიბარების ცერემონია , როდესაც ხდება გარდაცვლილის ნეშტის ამოსვენება სამარიდან და იმავე სასაფლაოს სხვა სამარეში ან სხვა სასაფლაოზე დაკრძალვა ;

ჟ ) სასაფლაოს დახურვა – აბაშის მუნიციპალიტეტის საკრებულოს განკარგულების საფუძველზე შემოღებული სპეციალური რეჟიმი , როდესაც სასაფლაოზე წყდება ახალი საფლავების გამოყოფა ;

რ ) სასაფლაოს გაუქმება – არის აბაშის მუნიციპალიტეტის საკრებულოს განკარგულების საფუძველზე შემოღებული სპეციალური რეჟიმი , როდესაც სასაფლაოზე წყდება როგორც ახალი , ისე მეორეული დაკრძალვა .

    მუხლი 3. სასაფლაოსათვის მიწის ნაკვეთის გამოყოფა

1. ახალი სასაფლაო უნდა განლაგდეს სულ ცოტა 100 მეტრის დაშორებით საცხოვრებელი შენობებიდან და დასასვენებელი ადგილებიდან , გარდა იმ შემთხვევისა , როდესაც სასაფლაოსათვის მიწის ნაკვეთის გამოყოფა (სტატუსის მინიჭება ) ხდება უკვე ფაქტობრივად არსებული სასაფლაოს მომიჯნავედ . აბაშის მუნიციპალიტეტის საკრებულოს შესაბამისი განკარგულების საფუძველზე , პანთეონის განლაგებისას ასევე შესაძლებელია არ იქნეს დაცული ამ პუნქტის პირველი წინადადებით განსაზღვრული 100 - მეტრიანი შეზღუდვის წესი .

2. სასაფლაოსათვის (მათ შორის , პანთეონისათვის ) მიწის ნაკვეთის გამოყოფის (სტატუსის მინიჭების ) შესახებ გადაწყვეტილებას აბაშის მუნიციპალიტეტის აღმასრულებელი ორგანოს წარდგინებით , განკარგულების ფორმით იღებს აბაშის მუნიციპალიტეტის საკრებულო . სასაფლაოსათვის მიწის ნაკვეთის გამოყოფა ხორციელდება აბაშის მუნიციპალიტეტის საკუთრებაში არებული მიწის ნაკვეთის საფუძველზე .

3. სასაფლაოების მოწყობა და გაფართოება დაუშვებელია შემდეგ ტერიტორიებზე :

ა ) წყალმომარაგების სათავეებთან , სანიტარიული დაცვის პირველ და მეორე ზონებში , კურორტებისა და საკურორტო ადგილების სანიტარიული დაცვის პირველ და მეორე ზონებში ;

ბ ) მდინარეების , ხელოვნული წყალსაცავების და სხვა ღია წყალსაცავების სანაპიროებზე , რომლებიც მოსახლეობის მიერ გამოიყენება სამეურნეო -საყოფაცხოვრებო დანიშნულებით , სხვა კულტურულ -გამაჯანსაღებელი მიზნით ;

გ ) სასმელი და სამეურნეო დანიშნულების წყლით მომარაგების ცენტრალიზებული სისტემებით დაკავებულ ტერიტორიებზე .

4. სასაფლაოსათვის გამოყოფილი მიწის ნაკვეთი უნდა აკმაყოფილებდეს შემდეგ პირობებს :

ა ) არ უნდა იყოს მეწყერულ ზონაში ;

ბ ) არ უნდა იტბორებოდეს წყალდიდობის შემთხვევაში ;

გ ) გრუნტის წყლები უნდა იყოს სულ ცოტა ორი მეტრით დაშორებული მიწის ზედაპირიდან .

    მუხლი 4. სასაფლაოების მართვა

1. აბაშის მუნიციპალიტეტის სასაფლაოების მართვას ახორციელებს საქართველოს კანონმდებლობის შესაბამისად , აბაშის მუნიციპალიტეტის საკრებულოს მიერ დაფუძნებული არასამეწარმეო (არაკომერციული ) იურიდიული პირი (შემდგომში – მუნიციპალური სასაფლაოს მართვის მიზნით შექმნილი იურიდიული პირი ).

2. სასაფლაოს მართვის მიზნით შექმნილი იურიდიული პირის მართვაში შეიძლება იყოს როგორც ახალი სასაფლაო ტერიტორია , ისე უკვე არსებულო სასაფლაო (სასაფლაოები ), რის შესახებაც გადაწყვეტილებას სადამფუძნებლო დოკუმენტის ან /და ცალკე განკარგულების სახით იღებს აბაშის მუნიციპალიტეტის საკრებულო .

    მუხლი 5. გარდაცვლილის სასაფლაოზე დაკრძალვის წესი და საფასური

1. ჭირისუფლის მიერ სასაფლაოს მართვის მიზნით შექმნილი იურიდიული პირისადმი მიმართვის შემთხვევაში სასაფლაოზე აბაშის მუნიციპალიტეტის საკრებულოს მიერ, ამ წესით დადგენილი საფასურის გადახდის საფუძველზე, გაიცემა 2-სამარიანი საფლავის ან საფლავის გვერდიგვერდ არსებული 2 სამარის ადგილი მიცვალებულისა და მისი მეუღლის დასაკრძალავად , ხოლო იმ შემთხვევაში , თუკი მიცვალებულის მეუღლე გარდაცვლილია ან მიცვალებული არ იმყოფებოდა ქორწინებაში ან დაინტერესებულმა პირმა გადაიხადა მხოლოდ 1 სამარის საფასური , მაშინ მიცვალებულზე გამოიყოფა 1-სამარიანი საფლავის ადგილი ან საფლავის 1 სამარე . თუკი ჭირისუფალს დასაკრძალი ჰყავს რამდენიმე მიცვალებული , რომლებიც ერთი ოჯახის წევრები არიან , აბაშის მუნიციპალიტეტის საკრებულოს მიერ. ამ წესით დადგენილი საფასურის გადახდის საფუძველზე, იმდენი ადგილი გაიცემა , რამდენიც მიცვალებულია . ასეთ შემთხვევაში , თუკი არის შესაძლებლობა , საფლავის ადგილები გაიცემა გვერდიგვერდ .

2. დაინტერესებული პირის მიერ სასაფლაოს მართვის მიზნით შექმნილი იურიდიული პირისადმი შესაბამისი მოთხოვნით მიმართვის შემთხვევაში , თუკი მას სურს წინასწარ რამდენიმე სამარის გამოყოფა იმ მიზნით , რომ იქონიოს საგვარეულო (საოჯახო ) საფლავი ან /და ჭირისუფალს , რომელსაც უკვე გამოეყო მიცვალებულის დასაკრძალავად აბაშის მუნიციპალიტეტის საკრებულოს მიერ, ამ წესით დადგენილი საფასურის გადახდის საფუძველზე, კუთვნილი სამარე , მაგრამ საგვარეულო (საოჯახო ) საფლავის მოწყობისათვის ითხოვს დამატებით სამარეებს , მაშინ დამატებითი სამარის გაცემა ფასიანია და იგი გაიცემა აბაშის მუნიციპალიტეტის საკრებულოს მიერ დადგენილი შესაბამისი საფასურის გადახდის საფუძველზე . საფასურის გადახდა ხდება სასაფლაოს მართვის მიზნით შექმნილი იურიდიული პირის ანგარიშზე უნაღდო ანგარიშსწორების ფორმით . საფლავის გამოყოფა ხორციელდება შესაბამისი საფასურის გადახდის დამადასტურებელი საბანკო ქვითრისა და ამ წესით გათვალისწინებული დოკუმენტაციის სასაფლაოს მართვის მიზნით შექმნილი იურიდიული პირისადმი დადგენილი წესით წარდგენის შემდეგ .

3. საფლავის (სამარის ) გამოყოფისა და სასაფლაოს მართვის მიზნით შექმნილი იურიდიული პირის მიერ გაწეული სასაფლაო მომსახურების სახეობები და საფასურები , ასევე მისი გადახდისაგან გათავისუფლებისა და შეღავათების გაწევის წესი და შემთხვევები განისაზღვრება აბაშის მუნიციპალიტეტის საკრებულოს ცალკე სამართლებრივი აქტით .

4. გარდაცვლილის სასაფლაოზე დაკრძალვის შესახებ მუნიციპალური სასაფლაოს მართვის მიზნით შექმნილი იურიდიულ პირი გარდაცვლილის ჭირისუფალზე (მათგან დაინტერესებულ პირზე ) გასცემს შესაბამის მოწმობას მისი აღრიცხვის რიგითობისა და საფლავის (სამარის ) ნომრის მითითებით . სასაფლაოზე დაკრძალულ პირთან დაკავშირებით გასაცემი მოწმობის ფორმას ამტკიცებს აბაშის მუნიციპალიტეტის საკრებულო .

5. სასაფლაოს მართვის მიზნით შექმნილი იურიდიული პირის მიერ გაწეული მომსახურება , რომლის საფასურის დადგენაც წინასწარ შეუძლებელია და გამომდინარეობს ჭირისუფლის (დაინტერესებული პირის ) მოთხოვნებიდან (მაგ .: საფლავის კეთილმოწყობა , საფლავის ქვის (ძეგლის ) დამზადება და სხვ .) განისაზღვრება სასაფლაოს მართვის მიზნით შექმნილ იურიდიულ პირსა და ჭირისუფლის წარმომადგენელს (დაინტერესებულ პირს ) შორის გაფორმებული ხელშეკრულებით . ამ პუნქტით გათვალისწინებულ შემთხვევაში სასაფლაოს მართვის მიზნით შექმნილი იურიდიული პირის (ხელმძღვანელის ) მიერ მომსახურების საფასური უნდა განისაზღვროს ამ იურიდიული პირის ინტერესებიდან გამომდინარე , საბაზრო ეკონომიკის პრინციპებზე დაყრდნობით .

    მუხლი 6. სასაფლაოების მართვის მიზნით შექმნილი იურიდიული პირის უფლებამოსილება

1. სასაფლაოს მართვის მიზნით შექმნილი იურიდიული პირი ახორციელებს სასაფლაოების მართვასთან , მათ მოვლა -პატრონობასთან , გარდაცვლილის ნეშტის დაკრძალვასთან დაკავშირებით საჭირო შესაბამის მომსახურებას .

2. სასაფლაოს მართვის მიზნით შექმნილი იურიდიული პირი ვალდებულია განახორციელოს შემდეგი მომსახურება :

ა ) სასაფლაოზე საფლავების (სამარეების ) დადგენილი წესით გამოყოფა ;

ბ) სამარეზე სარეგისტრაციო ფირფიტის დაყენება ;

გ) სასაფლაოს გასასვლელების , ბილიკების , საზოგადოებრივი სარგებლობის სხვა ადგილების და არსებული ქონების მოვლა -პატრონობა ;

დ) დაინტერესებული პირებისათვის სახელშეკრულებო ურთიერთობის საფუძველზე შესაბამისი მომსახურების გაწევა , კერძოდ: სასაფლაოზე გამოყოფილი სამარის გათხრა და ამოვსება , გარდაცვლილის სამარეში ჩასვენება , სამარის მოვლა-დასუფთავება და ა.შ.;

ე) სხვა მომსახურება საქართველოს კანონმდებლობის, წინამდებარე წესისა და აბაშის მუნიციპალიტეტის საკრებულოს სამართლებრივი აქტების შესაბამისად.

3. სასაფლაოს მართვის მიზნით შექმნილი იურიდიული პირი ვალდებულია გარდაცვლილის ნეშტის დაკრძალვასთან დაკავშირებული მომსახურების გაწევისას დაიცვას შესაბამისი ნორმები, რელიგიური წეს-ჩვეულებები და ქვეყანაში არსებული კულტურული ტრადიციები, ასევე იგი ვალდებულია შესაძლებლობის ფარგლებში გაითვალისწინოს გარდაცვლილის ჭირისუფლის სურვილები.

4.  სასაფლაოს მართვის მიზნით შექმნილი იურიდიული პირი გარდაცვლილის შესახებ უნდა ფლობდეს შემდეგ ინფორმაციას:

ა) სახელი, გვარი, პირადი ნომერი;

ბ) რეგისტრაციის უკანასკნელი ადგილი;

გ) დაბადების და გარდაცვალების თარიღი;

დ) იმ ახლობლის სახელი, გვარი, პირადი ნომერი და მისამართი, რომელმაც მიიღო გადაწყვეტილება გარდაცვლილის დასაფლავების შესახებ და რომელმაც მიმართა მუნიციპალური სასაფლაოს მართვის მიზნით შექმნილ იურიდიულ პირს.

5. სასაფლაოს მართვის მიზნით შექმნილ იურიდიულ პირს უფლება აქვს, დადგენილი წესით:

ა) საფლავის მოვლა-პატრონობაზე დაინტერესებულ პირთან დადებული ხელშეკრულების საფუძველზე მიიღოს ნებისმიერი შენატანი, ანაზღაურება, ქონება, ფასიანი ქაღალდები ან ნებისმიერი სხვა შემოსავალი, რათა რაიმე განსაკუთრებული სახით მოაწყოს საფლავი, ძეგლი და სხვა; წესრიგში იქონიოს და მოუაროს საფლავს, ძეგლს და სხვ.;

ბ) შეიძინოს ახალი ქონება, ააშენოს ახალი შენობა-ნაგებობები, რათა გაზარდოს სასაფლაოების მოვლის ეფექტიანობა;

გ) მოაწესრიგოს სასაფლაოს ტერიტორიაზე საფლავის შემოფარგვლის, მოპირკეთებითი სამუშაოების, საფლავის ძეგლების, გარდაცვლილის ხსოვნისადმი საჭირო სხვა ობიექტების დადგმა-დამონტაჟების საკითხები და სხვა;

დ) აბაშის მუნიციპალიტეტის საკრებულოზე განსახილველად გამგებელს წარუდგინოს სასაფლაოს ეფექტური მართვისათვის საჭირო მომსახურების ახალი სახეებისა და მათი საფასურის ოდენობის შესახებ წინადადებები.

6. სასაფლაოს მართვის მიზნით შექმნილი იურიდიული პირის საქმიანობის კონტროლი ხორციელდება საქართველოს კანონმდებლობის შესაბამისად.

    მუხლი 7 . სასაფლაოების მოვლა-პატრონობა

1. სასაფლაოების მოვლა-პატრონობა მოიცავს:

ა) ბალახის, ბუჩქების და ხეების გაკრეჭვას და მორთვას;

ბ)  წყალარინების სისტემის, წყლის ქსელების, გზების, შენობების და სასაფლაოს სხვა სტრუქტურების წესრიგში მოყვანას;

გ) სასაფლაოების მოვლა-პატრონობისათვის საჭირო მანქანა-დანადგარების და მოწყობილობების შეძენასა და მომსახურებას;

დ) მოსამსახურეთა შრომის ანაზღაურებას :

ე) მიცვალებულის ნეშტის დაკრძალვისათვის საჭირო მომსახურებას;

ვ)  სასაფლაოს ტერიტორიის (გასასვლელები, ბილიკები, საზოგადოებრივი სარგებლობის სხვა ადგილები) მორწყვას, რეგულარულ დაგვა-დასუფთავებას, მწვანე ნარგავების კარგ მდგომარეობაში შენარჩუნებასა და სხვა.

2. სასაფლაოს მართვის მიზნით შექმნილი იურიდიული პირი საფლავის მოვლა-პატრონობას ახორციელებს საფლავის მეპატრონესთან გაფორმებული ხელშეკრულების საფუძველზე, ხოლო სასაფლაოს ტერიტორიის საზოგადოებრივი ადგილების მოვლა-პატრონობას მუნიციპალური სასაფლაოს მართვის მიზნით შექმნილი იურიდიული პირი ახორციელებს საკუთარი ხარჯებით.

    მუხლი 8. საფლავების მოწყობა და ექსპლუატაცია

1. სასაფლაოსათვის მიწის ნაკვეთის გამოყოფის (სტატუსის მინიჭების) შემდეგ საფლავების (სამარეების) ქაოტურად განთავსებისა და მოუხერხებელი გარემოს შექმნისაგან თავიდან აცილების მიზნით ხორციელდება სასაფლაოს დაგეგმარება.

2. სასაფლაოს მოწყობა (დაგეგმარება) უნდა განხორციელდეს შესაბამისი წესით დამტკიცებული პროექტის მიხედვით, რომელშიც სხვა საკითხებთან ერთად გათვალისწინებული უნდა იქნეს:

ა) დასაფლავებისათვის ნაკვეთების (სექტორების) გამოყოფა და მათი გამოყენების რიგითობა;

ბ) გასასვლებებისა და ფეხით სავალი გზების მიმართულება, ზომები და კეთილმოწყობა;

გ) მწვანე ნარგავების განთავსება და ხასიათი;

დ)     სასაფლაოს ფუნქციონირებისათვის საჭირო შენობები და ნაგებობები (საოფისე შენობა, წყალგაყვანილობა, ყვავილების მაღაზია, საზოგადოებრივი ტუალეტი, დაკრძალვის წინ ცხედრის დასასვენებლად (სამოქალაქო პანაშვიდი და ა.შ.) განკუთვნილი სპეციალური შენობა და ა.შ.;

ე) სასაფლაოს გამწვანება, სასაფლაოს პერიმეტრის გასწვრივ დამცავი მწვანე ნარგავების გაშენება და დეკორატიული ნარგავების დარგვა, ძირითად ხეივნებსა და დაკრძალვის ადგილებში საკმარისი განიავების უზრუნველყოფით;

ვ) სასაფლაოს შესასვლელში საავტომობილო სადგომის მოწყობა;

ზ) საფლავებისა და საფლავში სამარეების აღრიცხვა-ნუმერაცია და სხვა.

3. სასაფლაოსათვის გამოყოფილი მიწის ნაკვეთის დაგეგმარება წინამდებარე წესით განსაზღვრული მოთხოვნების გათვალისწინებით ხორციელდება აბაშის მუნიციპალიტეტის გამგეობის შესაბამისი სამსახურის მიერ ან/და, სახელმწიფო შესყიდვის საფუძველზე, შესაბამისი მომსახურების შესყიდვით. სასაფლაოსათვის გამოყოფილი მიწის ნაკვეთის დაგეგმარების პროექტს აბაშის მუნიციპალიტეტის აღმასრულებელი ორგანოს წარდგინებით განკარგულებით ამტკიცებს აბაშის მუნიციპალიტეტის საკრებულო.

4 . ყოველი გარდაცვლილის დაკრძალვა უნდა მოხდეს ცალკე სამარეში. სამარისათვის გამოყოფილ 1 კვ.მ. მიწის ფართობზე სასაფლაო მომსახურების საფასური განისაზღვროს 5 (ხუთი) ლარის ოდენობით, ზღვრული ნორმის – 12 (თორმეტი) კვ.მ-ზე (3X4) ზევით გამოსაყოფ ყოველ კვადრატულ მეტრზე დაწესდეს 20 (ოცი) ლარი. მარტოხელა და უპატრონო მიცვალებულების დასაკრძალად მიწის ფართობის ნორმად მიღებულ იქნეს 4 კვ. მეტრი და იგი გაიცეს საფასურის გადახდის გარეშე, უსასაყიდლოდ. მიცვალებულის ნეშტის დასაკრძალავად გაცემული მიწის ფართობის სხვა პირზე გაცემა ან გაყიდვა აიკრძალოს. ომის ვეტერანებსა და მასთან გათანაბრებულ პირებს დაუწესდეთ შეღავათი 50% ფასდაკლებით, დევნილთა მიცვალებულის ნეშტის დასაკრძალავად აბაშის მუნიციპალიტეტის სასაფლაოზე მიწის გაცემა მოხდეს მომსახურების საფასურის გადახდის გარეშე ზღვრული ნორმის დაცვით. საფლავებს შორის დაშორება არ უნდა იყოს გრძელ მხარეებს შორის 0.8 მეტრზე ნაკლები, ხოლო მოკლე მხარეებს შორის – 0,5 მეტრზე ნაკლები.

5. ერთსამარიანი საფლავისათვის მიწის ფართობის ნორმად მიღებულ იქნეს 4 კვ. მეტრი, ორი და მეტსამარიანი საფლავისათვის თითოეული სამარის მიწის ფართობის ნორმად მიღებულ იქნეს 3 კვ. მეტრი. სამარის სიღრმე არ უნდა იყოს 1,2 მეტრზე ნაკლები (ადგილობრივი ნიადაგისა და კლიმატური პირობების გათვალისწინებით). გარდაცვლილ ჩვილ ბავშვთა ან ადრე გარდაცვლილის ნეშტის დასაფლავებისას სამარე შესაბამისად შეიძლება შემცირდეს. ყოველ სამარეზე უნდა მოეწყოს მისი ბორცვი.

6. გარდაცვლილის მჯდომარე მდგომარეობაში დაკრძალვისას მიწის შრე გვამზე საფლავსზედა ყრილის ჩათვლით უნდა იყოს სულ ცოტა 1 მეტრი.

7. გარდაცვლილთა დასაფლავების ადგილამდე გადატანა, როგორც წესი, ხორციელდება კუბოთი, უპატრონო მიცვალებულის შემთხვევაში – დაკრძალვისათვის დამზადებული კუბოთი ან სპეციალურ სუდარაში.

8. ჭირისუფალი ვალდებულია სასაფლაოს მართვის მიზნით შექმნილ იურიდიულ პირს გარდაცვლილის შესახებ მიაწოდოს შემდეგი ინფორმაცია:

ა) სახელი, გვარი, პირადი ნომერი;

ბ) დაბადების და გარდაცვალების თარიღი;

გ) უკანასკნელი საცხოვრებელი ადგილი;

დ) გარდაცვალების მოწმობა ან სხვა დოკუმენტი (ცნობა, ადმინისტრაციულ-სამართლებრივი აქტი, რომელიც ადასტურებს პირის გარდაცვალების ფაქტს) ამ მუხლის მე-8 პუნქტით გათვალისწინებულ შემთხვევებში.

9. გარდაცვლილთა სხვა სამარეში გადასვენება შესაძლებელია მხოლოდ ჭირისუფალთან და სასაფლაოს მართვის მიზნით შექმნილ იურიდიულ პირთან შეთანხმებით.

    მუხლი 9. საფლავი

1. საფლავი შეიძლება იყოს:

ა) ორი სამარის მქონე მეუღლეების დაკრძალვისათვის;

ბ) რამდენიმე სამარის მქონე საგვარეულო (საოჯახო) საფლავის მოწყობისათვის;

გ) ერთი, ორი ან უფრო მეტი სამარის მქონე ცალკეული დაკრძალვებისათვის.

2. საფლავში, როგორც წესი, შეიძლება იყოს არა უმეტეს რვა სამარე. გამონაკლისი შეიძლება გათვალისწინებულ იქნეს სასაფლაო ტერიტორიის დაგეგმარების პროექტით.

3. თუ საფლავში არის მხოლოდ ერთი თავისუფალი სამარე, მაშინ ის უპირობოდ ეკუთვნის გარდაცვლილის მეუღლეს, თუ გარდაცვლილის მეუღლე, არ არის მანამდე გარდაცვლილი, ან გარდაცვლილი არ იყო ქორწინებაში.

4. ცხედრის კონკრეტულ სასაფლაოზე დაკრძალვასა ან გადასვენებასთან დაკავშირებით გადაწყვეტილება შეიძლება მიიღონ:

ა) გარდაცვლილის მიერ მის სიცოცხლეში ანდერძით, ხელშეკრულებით ან/და სხვა რაიმე წერილობითი დოკუმენტით დასახელებულმა პირმა (ასეთის არსებობის შემთხვევაში);

ბ) გარდაცვლილის მეუღლემ;

გ) გარდაცვლილის სრულწლოვანმა შვილმა (შვილებმა);

დ) გარდაცვლილის მშობლებმა;

ე) გარდაცვლილის ოჯახის სხვა სრულწლოვანმა წევრებმა;

ვ) გარდაცვლილის ახლო ნათესავმა.

5. ამ მუხლის მე-4 პუნქტში ჩამოთვლილ პირებს შორის შეთანხმების მიუღწევლობის შემთხვევაში დავა წყდება კანონმდებლობით დადგენილი წესით.

6. უპატრონო მიცვალებულის შემთხვევაში კონკრეტულ სასაფლაოზე დაკრძალვასთან დაკავშირებით გადაწყვეტილება მიიღება მუნიციპალური სასაფლაოს მართვის მიზნით შექმნილი იურიდიული პირის მიერ. უპატრონო მიცვალებულების დაკრძალვისათვის მუნიციპალური სასაფლაოს მართვის მიზნით შექმნილი იურიდიული პირის მიერ შეიძლება გამოიყოს სასაფლაო ტერიტორიის ცალკე სექტორი (სექტორები).

7. სამარის გათხრის უფლება აქვს ჭირისუფალს ან ჭირისუფლის სურვილის შემთხვევაში – სასაფლაოს მართვის მიზნით შექმნილ იურიდიულ პირს, საკრებულოს სამართლებრივი აქტით განსაზღვრული მომსახურების საფასურის გადახდის საფუძველზე. საკრებულოს სამართლებრივი აქტით განსაზღვრული მომსახურების საფასურის გადახდა არ ვრცელდება საქართველოს კანონის „საქართველოს სისხლის სამართლის საპროცესო კოდექსის“ შესაბამისად ექსჰუმაციის (გვამის საფლავიდან ამოღება) შემთხვევაში.

    მუხლი 10. პანთეონში საზოგადო მოღვაწეთა დაკრძალვის წესი

1. პანთეონში საზოგადო მოღვაწეთა დაკრძალვის შესახებ გადაწყვეტილებას აბაშის მუნიციპალიტეტის საკრებულოს შესაბამისი კომისიის დადებითი დასკვნის საფუძველზე იღებს აბაშის მუნიციპალიტეტის საკრებულოს თავმჯდომარე. პანთეონში საზოგადო მოღვაწეთა დაკრძალვის შესახებ საკრებულოს თავმჯდომარის გადაწყვეტილება მიიღება ბრძანების სახით. პანთეონში საზოგადო მოღვაწეთა დაკრძალვის შესახებ აბაშის მუნიციპალიტეტის საკრებულოს თავმჯდომარეს შეიძლება შუამდგომლობით მიმართოს:

ა) საქართველოს სახელმწიფო ხელისუფლების უმაღლესმა თანამდებობის პირებმა;

ბ) საქართველოს საპატრიარქომ;

გ) აბაშის მუნიციპალიტეტის საკრებულოს არანაკლებ 1/5-მა;

დ) აბაშის მუნიციპალიტეტის გამგეობამ;

ე) საქართველოს სამეცნიერო, საზოგადოებრივმა, პოლიტიკურმა, საგანმანათლებლო, შემოქმედებითმა და სხვა დაწესებულებებმა და ორგანიზაციებმა.

2. ამ მუხლით დადგენილი წესით პანთეონში საზოგადო მოღვაწის დაკრძალვის შესახებ გადაწყვეტილება შეიძლება მიღებულ იქნეს საკრებულოს თავმჯდომარის ინიციატივით, უფლებამოსილი სუბიექტის მიერ შუამდგომლობით მიმართვის გარეშე.

    მუხლი 11. საფლავზე მეორეული დაკრძალვის შემთხვევები და წესი

1. იმ შემთხვევაში, როდესაც საფლავი მოუვლელია, პრაქტიკულად დაკარგული აქვს საფლავის იერსახე, დაკრძალვიდან გასულია 40 წელზე მეტი და მიტოვებულია (უპატრონოა) ასეთი ფართობი მეორეული დაკრძალვისათვის შეიძლება გაცემულ იქნეს როგორც ახალი ადგილი, არსებული წესის შესაბამისად.

2. სასაფლაოს მართვის მიზნით შექმნილი იურიდიული პირის მიერ პერიოდულად უნდა ჩატარდეს სასაფლაოებზე დაკრძალვიდან 40 წელზე მეტი ხნის განმავლობაში მიტოვებული, უპატრონო, მოუვლელი საფლავების ინვენტარიზაცია მიწის ამ ფართობზე მეორეული დაკრძალვისათვის. აღნიშნული ინვენტარიზაციის საფუძველზე დადგენილ მოუვლელ, მიტოვებულ, უპატრონო საფლავებზე უნდა დაიდგას საინფორმაციო ფირფიტა სათანადო აღნიშვნით, რომ მისი დადგმიდან სამი წლის განმავლობაში ჭირისუფლის გამოუცხადებლობის შემთხვევაში საფლავი გაიცემა მეორეული გამოყენებისათვის. ამ პუნქტით გათვალისწინებულ საინფორმაციო ფირფიტაზე მითითებული უნდა იყოს დეტალური ინფორმაცია იმის შესახებ, რომ გარდაცვლილის ჭირისუფლის წარმომადგენელმა სად, როდის და ვის უნდა მიმართოს გარდაცვლილთან დაკავშირებული საკითხების თაობაზე.

3. ამ მუხლით დადგენილი წესით მეორეული დაკრძალვისათვის გაცემული საფლავის სამარხის გათხრის დროს აღმოჩენილი გარდაცვლილის ნეშტის ნარჩენები (ძვლები) უნდა განთავსდეს სამარის ცალკე კუთხეში, რისთვისაც ასეთ სამარეში უნდა გაითხაროს (მოეწყოს) ნარჩენების (ძვლების) განსათავსებლად საჭირო სპეციალური თარო. დაუშვებელია ამ მუხლით დადგენილი წესით მეორეული დაკრძალვისათვის გაცემული საფლავის სამარხის გათხრის დროს აღმოჩენილი გარდაცვლილის ნეშტის ნარჩენების (ძვლების) გადაყრა, განადგურება ან/და მის მიმართ სხვა არაჰუმანური (უღირსი) დამოკიდებულება.

    მუხლი 12. სასაფლაოს დახურვა და გაუქმება

1. სასაფლაოზე ახალი საფლავის ადგილების შევსების შემთხვევაში, როდესაც შეუძლებელია ახალი საფლავების გამოყოფა, აბაშის მუნიციპალიტეტის საკრებულო განკარგულების ფორმით იღებს გადაწყვეტილებას სასაფლაოს დახურვის შესახებ.

2. სასაფლაოზე ახალი და ადრე არსებული საფლავის ადგილების შევსების შემთხვევაში, როდესაც შეუძლებელია როგორც ახალი საფლავების გამოყოფა, ისე არსებულ სასაფლაოზე დადგენილი წესით მეორეული დაკრძალვა, აბაშის მუნიციპალიტეტის საკრებულო განკარგულების ფორმით იღებს გადაწყვეტილებას სასაფლაოს გაუქმების შესახებ.

    მუხლი 13. მიწის ნაკვეთზე კერძო სასაფლაოს მოწყობის წესი

1. მიწის ნაკვეთზე ახალი კერძო სასაფლაოს გახსნის (მოწყობის) ან არსებული კერძო სასაფლაოს გაფართოების საკითხი საჭიროებს აბაშის მუნიციპალიტეტის საკრებულოსთან შეთანხმებას.

2. მიწის ნაკვეთზე ახალი კერძო სასაფლაოს გახსნის (მოწყობის) ან არსებული კერძო სასაფლაოს გაფართობის თაობაზე დაინტერესებულმა პირმა აბაშის მუნიციპალიტეტის საკრებულოს უნდა წარუდგინოს:

ა) პირადობის მოწმობის ასლი (იურიდიული პირის შემთხვევაში – დირექტორის (ხელმძღვანელის) პირადობის მოწმობის ასლი;

ბ) საკუთრებაში არსებული მიწის ნაკვეთის ამონაწერი საჯარო რეესტრიდან და საკადასტრო გეგმა;

გ) საკუთრებაში არსებული მიწის ნაკვეთის სიტუაციური გეგმა (A3 ფორმატზე, ფერადი) სათანადო დეტალიზაციითა და სამეზობლო საზღვრების ჩვენებით (გეგმაზე ნაჩვენები უნდა იყოს უახლოესი საცხოვრებელი შენობები და მათი მანძილი საკუთრებაში არსებული მიწის ნაკვეთის საკადასტრო საზღვრებიდან);

დ) იურიდიული პირის შემთხვევაში დამატებით იურიდიული პირის წესდების სათანადო წესით დამოწმებული ასლი და ამონაწერი მეწარმეთა და არასამეწარმეო (არაკომერციულ) იურიდიულ პირთა რეესტრიდან.

3. მიწის ნაკვეთზე ახალი კერძო სასაფლაოს გახსნის (მოწყობის) ან არსებული კერძო სასაფლაოს გაფართობის თაობაზე გადაწყვეტილებას განკარგულების ფორმით იღებს აბაშის მუნიციპალიტეტის საკრებულო.

4. კერძო სასაფლაოს მფლობელი პირი ვალდებულია მიწის ნაკვეთზე კერძო სასაფლაოს გახსნის (მოწყობის) ან გაფართოებისა და სასაფლაო მეურნეობის წარმოების დროს დაიცვას წინამდებარე წესითა და მოქმედი კანონმდებლობით დადგენილი შეზღუდვები და მოთხოვნები.