„ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში ცვლილების შეტანის თაობაზე

საქართველოს მთავრობის

დადგენილება №486

2011 წლის 21 დეკემბერი

ქ. თბილისი

„ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში ცვლილების შეტანის თაობაზე

 მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „ტყითსარგებლობის წესის და­მტკიცების შესახებ“ საქართველოს მთავრობის 2010 წლის 20 აგვის­ტოს №242 დადგენილებაში (სსმ, 2010 წ., მუხ. 1533) შეტანილ იქნეს შემდეგი ცვლილება და დადგენილებით დამტკიცებული ტყითსარგებ­ლო­ბის წე­სის:

1. მე-2 მუხლის მე-14 და მე-15 პუნქტები ჩამოყალიბდეს შემდე­გი რედაქციით:

„14. ტყეკაფის გამოყოფა – საქართველოს კანონმდებლობით დად­გენილი წესით ტყეკაფის მონიშვნის მასალების (ტყეკაფის აღრიცხვის უწყისი, ტყეკაფის პასპორტი, ტყეკაფის აბრისი UTM კოორდი­ნატ­თა სის­ტემაში, თანდართული ელექტრონული ვერსიით – Shp-ფა­ი­ლი) შესაბა­მისი მართვის ორგანოსათვის წარდგენა.

15. ტყეკაფის მონიშვნა – ტყეკაფის გამიჯვნა მოსაზღვრე ტერიტო­რიისაგან, დასამზადებელი ხე-ტყის აღრიცხვა, ტყეკაფის აღრიცხვის უწყისის, ტყეკაფის პასპორტისა და შესაბამისი კარტოგრაფიული მასა­ლის შედგენა.“.

2. მე-4 მუხლს დაემატოს შემდეგი შინაარსის მე-3 პუნქტი:

„3. ამ მუხლის პირველი პუნქტით განსაზღვრული „ტყეკაფის მო­ნიშვნის“ მომსახურების საფასურის სრულად გადახდა უნდა განხორ­ციელდეს მომ­სა­ხუ­რე­ბ­ის გაწევიდან არა უგვიანეს 15 კალენდარული დღი­სა. სოციალური ჭრის ფარგლებში (გარდა მოსახლეობის ხე-ტყით უზრუნველყოფისა) „ტყეკაფის მონიშვნის“ მომსახურების საფასურის გადახდა უნდა განხორციელდეს ხე-ტყის დამზადების დაწყებიდან ყო­ველთვიურად (არა უგვიანეს ყოველი მომდევნო თვის 10 რიცხვისა) მოჭ­რილი ხეების მიხედვით.“.

3. მე-8 მუხლის:

ა) მე-16  პუნქტი ჩამოყალიბდეს შემდეგი რედაქციით:

„16. ტყეკაფი გამო­ყო­ფილად ჩაითვლება ტყეკაფის მონიშვნის მასა­ლების დადგენილი წესით მართვის ორგანოსათვის წარდგენიდან. ამას­თან, ტყეკაფის მონიშვნის მასალების მართვის ორგანოში წარდგენამ­დე, ტყითმოსარგებლის მიერ ტყეკაფის მონიშვნის შესახებ შესაბამისი ინ­ფორმაცია დადგენილი წესით, ელექტრონული ფორმით ასახული უნდა იქნეს მონაცემთა ერთიან ბაზაში. მართვის ორგანოს მიერ ხორ­ციელდება ტყითმოსარგებლის მიერ წარდგენილი ტყეკაფის მონიშვნის მასალებისა და მის მიერ მონაცემთა ერთიან ბაზაში ასახული შესაბამისი ინფორ­მაციის კამერალური შემოწმება. მათი შეუსაბამობის ან საქართვე­ლოს კანონმდებლობის მოთხოვნათა დარღვევების აღმოჩენის შემთხვე­ვა­ში ხორციელდება გამოყოფილი ტყეკაფის შემოწმება დადგენილი წე­სით. მართვის ორგანო უფლებამოსილია ტყეკაფის შემოწმება განახორ­ციე­ლოს ნებისმიერ დროს.“;

ბ) 22-ე პუნქტი ჩამოყალიბდეს შემდეგი რედაქციით:

„22. მართვის ორგანოს მიერ სოციალური ჭრების ფარგლებში მო­ნიშნული ტყეკაფი ითვლება გამო­ყო­ფილად. ამ შემთხვევაში ტყეკაფის მონიშვნის მასალების მონაცემთა ერთიან ბაზაში ასახვა დადგენილი წესით ხორციელდება მართვის ორგანოს მიერ.“.

4. მე-10  მუხლის მე-4 პუნქტი ჩამოყალიბდეს შემდეგი რედაქ­ცი­ით:

„4. სოციალური ჭრების ფარგლებში მოსახლეობისათვის შესაბამი­სი მერქ­ნული რესურსი გაიცემა შემდეგი დოკუმენტების საფუძველზე:

ა) „ბუნებ­რივი რესურსებით სარგებლობისათვის მოსაკრებლების შესახებ“ საქართვე­ლოს კანონით გათვალისწინებული შესაბამისი მოსაკ­რებლის გადახდის დამადასტურებელი დოკუმენტი (გარდა ამ მოსაკ­რებლის გადახდის ვალდებულებისაგან გათავისუფლების შემთხვევე­ბი­სა);

ბ) ხე-ტყის დამზადების ბილეთის გაცემისათვის შესაბამისი მომ­სახურების საფასურის გადახდის დამადასტურებელი დოკუმენტი (გარ­და ამ მომსახურების საფასურის გა­და­ხ­დის ვალდებულებისგან გათავი­სუფლების შემთხვევე­ბი­სა);

გ) ხე-ტყის დამზადების ბილეთი.“.

5. მე-14 მუხლს დაემატოს შემდეგი შინაარსის მე-3 პუნქტი:

„3. ხე-ტყის დამზადების ბილეთის ვადა განისაზღვრება მისი გა­ცემიდან  ორი თვით. ხე-ტყის დამზადების ბილეთის მოქმე­დე­ბის ვადა­ში ხე-ტყის აუთვისებლობის შემთხვევაში პირი ხე-ტყის ათვისების მიზ­ნით მიმართავს შესაბამის მართვის ორგანოს, რომელიც ვადაგასული ბილეთის საფუძველზე გასცემს ხე-ტყის დამზადების ახალ ბილეთს იმავე სახეობებისა (ჯიშის) და ოდენობის  ხე-ტყის დამზადებისათვის (ამ შე­მ­თხვევაში ასევე შესაძლებელია შეიცვალოს ტყეკაფი). ხე-ტყის დამ­ზადების ბილეთის შეცვლა ხორციელდება ამ წესის მე-10 მუხლის მე-4 პუნქტის „ა“ და „ბ“ ქვეპუნქტებით განსაზღვრული, უკვე გადახ­დი­ლი მო­სა­კრებლისა და საფასურის გათვალისწინებით.“.

6. მე-15 მუხლი  ჩამოყალიბდეს შემდეგი რედაქციით:

     „მუხლი 15. ხე-ტყის დამზადების ბილეთის სუბიექტი

ხე-ტყის დამზადების ბილეთი ტყითმოსარგებლეზე გაიცემა ამ წე­სის მე-10 მუხლის მე-4 პუნქტის „ა“ და „ბ“ ქვეპუნქტებით გათვა­ლი­სწი­ნებული დოკუმენტების საფუძველზე.“.

7. მე-16 მუხლი ჩამოყალიბდეს შემდეგი რედაქციით:

     „მუხლი 16. ხე-ტყის დამზადების ბილეთის ფორმა

 ხე-ტყის დამზადების ბილეთი მოიცავს ინფორმაციას: ხე-ტყის დამ­ზადების ბილეთის ნომრის, ტყეკაფის ნომრის, ტყეკაფის მდებარე­ობის, დასამზადებელი ხე-ტყის  ჯიშის, ხარისხის, მოცულობის შესახებ, ასევე ხე-ტყის დამზადების ბილეთის მოქმედების ვადის შესახებ. მართ­ვის ორგა­ნო უფლებამოსილია ხე-ტყის დამზადების ბილეთში ასახოს სხვა ინფორმაციაც.“.

8. მე-17 მუხლი ჩამოყალიბდეს შემდეგი რედაქციით:

     „მუხლი 17. ხე-ტყის დამზადების ბილეთის გამცემი ორგანო

ხე-ტყის დამზადების ბილეთს გასცემს მართვის ორგანო ან/და მართვის ორგანოს მიერ გაფორმებული შესაბამისი ხელშეკრულების სა­ფუძველზე – სხვა პირ(ებ)ი.“.

მუხლი 2.  გარდამავალი დებულებები

1. სოციალური ჭრის ფარგლებში ხე-ტყის დამზადების უფლების მოსაპოვებლად პირის მიერ შესაბამისი მართვის ორგანოსათვის მი­მარ­თვისას, ხე-ტყის დამზადების ბილეთი (რომელიც მოთხოვნის შემთ­ხვევაში გადაეცემა ტყითმოსარ­გებლეს) მართვის ორგანოს მიერ გა­მო­ი­წე­რება შემდეგი წესით:

ა) ამ დადგენილების ძალაში შესვლამდე „ბუნებ­რივი რესურსებით სარგებლობისათვის მოსაკრებლების შესახებ“ საქართვე­ლოს კანონით გათვალისწინებული ბუნებრივი რესურსებით სარგებლობისათვის  შესა­ბამისი მოსაკრებლის გადახდის შემთხვევაში, პირმა  შესაბამის მართვის ორგანოს ასევე უნდა წარუდგინოს ხე-ტყის დამზადების ბილეთის გაცე­მისათვის შესაბამისი მომსახურების საფასურის გადახდის დამადას­ტურებელი დოკუმენტი (გარდა ამ მომსახურების საფასურის გა­და­ხ­დის ვალდებულებისაგან გათავისუფლების შემთხვევე­ბი­სა);

ბ) ამ დადგენილების ძალაში შესვლამდე პირის მიერ „ბუნებ­რივი რესურსებით სარგებლობისათვის მოსაკრებლების შესახებ“ საქართვე­ლოს კანონით გათვალისწინებული ბუნებრივი რესურსებით სარგებ­ლობი­სათვის  შესაბამისი მოსაკრებლისა და ხე-ტყის დამზადების ბი­ლე­თის გაცემისათვის შესაბამისი მომსახურების საფასურის გადახდის (მათ შორის, უნაღდო ანგარიშსწორებით) შემთხვევაში – ამ გადახდების დამადასტურებელი დოკუმენტების წარდგენის საფუძველზე;

გ) ამ დადგენილების ძალაში შესვლის შემდეგ „ბუნებ­რივი რე­სურ­სებით სარგებლობისათვის მოსაკრებლების შესახებ“ სა­ქართვე­ლოს კა­ნონით გათვალისწინებული შესაბამისი ბუნებ­რივი რე­სურ­სებით სარ­გებ­ლობისათვის მოსაკრებლისა ან/და ხე-ტყის დამზა­დე­ბის ბილეთის გაცემისათვის შესაბამისი მომსახურების საფასურის უნაღ­დო ანგარიშ­სწორებით გადახდის შემთხვევებში – ამ გადახდების და­მადას­ტურებე­ლი დოკუმენტების წარდგენის საფუძველზე; 

დ) საქართველოს კანონმდებლობით ხე-ტყის დამზადების ბილე­თის გაცემის მომსახურების საფასურის გა­და­ხ­დის ვალდებულებისაგან გათავისუფლების შემთხვევე­ბში, ასევე 2011 წლის პირველ იანვრამდე გა­მოყოფილ სოციალური ჭრის ტყეკაფებზე დადგენილი წესით ხე-ტყით უზრუნველყოფისათვის პირმა მართვის ორგანოს უნდა წარუდგინოს მხოლოდ „ბუნებ­რივი რესურსებით სარგებლობისათვის მოსაკრებლების შესახებ“ საქართვე­ლოს კანონით გათვალისწინებული შესაბამისი ბუნებ­რივი რესურსებით სარგებლობისათვის მოსაკრებლის გადახდის დამა­დასტურებელი დოკუმენტი;

ე) „სათბობი შეშის ვაუჩერის“  წარდგენის საფუძველზე.

2. სოციალური ჭრის ფარგლებში, გარდა ამ მუხლის პირველი პუნ­ქტით გათვალისწინებული შემთხვევებისა, ხე-ტყის დამზადების ბილე­თი გაიცემა საქართველოს მთავრობის 2010 წლის 20 აგვის­ტოს №242 დადგენილებით დამტკიცებული ტყითსარგებლობის წესის შესა­ბა­მი­სად.

მუხლი 3. დადგენილება ამოქმედდეს გამოქვეყნებისთანავე.

პრემიერ-მინისტრი        ნ. გილაური