ქ. თბილისის ტერიტორიაზე უნებართვო გარე ვაჭრობის ფაქტების აღკვეთისას ჩამორთმეული სამართალდარღვევის საგნების (საქონლის) განკარგვის წესის დამტკიცების შესახებ

ქალაქ  თბილისის  მთავრობის         

დადგენილება №31.09 .126 5

2011 წლის 11 ნოემბერი      

ქ. თბილისი

ქ. თბილისის ტერიტორიაზე უნებართვო გარე ვაჭრობის ფაქტების აღკვეთისას ჩამორთმეული სამართალდარღვევის საგნების (საქონლის) განკარგვის წესის დამტკიცების შესახებ

საქართველოს ადმინისტრაციულ სამართალდარღვევათა კოდექსის 29-ე მუხლის მე-3 ნაწილის 153⁶ მუხლის შენიშვნის მე-4 ნაწილისა და ,,საქართველოს დედაქალაქის _ თბილისის შესახებ’’ საქართველოს კანონის 23¹ მუხლის ,,ფ’’ ქვეპუნქტის შესაბამისად,

ქ. თბილისის მთავრობა ადგენს:

1. ქ. თბილისის ტერიტორიაზე უნებართვო გარე ვაჭრობის ფაქტების აღკვეთისას ჩამორთმეული სამართალდარღვევის საგნები (საქონ ელი) წარმოადგენს ქ. თბილისის თვითმმართველი ერთეულის საკუთრებას.

2. ჩამორთმეული სამართალდარღვევის საგნის (საქონლის) განკარგვა ხდება ქ. თბილისის მთავრობის დადგენილების საფუძველზე.

3. ჩამორთმეული სამართალდარღვევის საგნები (საქონელი) ექვემდებარება ქ. თბილისის ტერიტორიაზე ფიზიკურ ან იურიდიულ პირთათვის უსასყიდლო და პირდაპირი განკარგვის ფორმით გადაცემას.

4. საგნების (საქონლის) გადაცემა ხდება მიღება-ჩაბარების აქტის გაფორმებით, რომელსაც ხელს აწერენ ქ. თბილისის მერიის უფლებამოსილი წარმომადგენელი და ქონების მიმღები ფიზიკური ან იურიდიული პირი.

5. დადგენილება ძალაშია გამოქვეყნებისთანავე.

ქ. თბილისის მერი                                                                                              გ. უგულავა