„ყაზბეგის მუნიციპალიტეტის საკუთრებაში არსებული ქონების სასყიდლიან სარგებლობაში გადაცემისას საწყისი წლიური ქირის ოდენობის დადგენის შესახებ“

ყაზბეგის მუნიციპალიტეტის საკრებულოს

დადგენილება №42

2011 წლის 16 აგვისტო

დ. სტეფანწმინდა

ყაზბეგის მუნიციპალიტეტის საკუთრებაში არსებული ქონების სასყიდლიან სარგებლობაში გადაცემისას საწყისი წლიური ქირის ოდენობის დადგენის შესახებ

,,ადგილობრივი თვითმმართველობის შესახებ’’ საქართველოს ორგანული კანონის 22-ე მუხლის პირველი პუნქტის ,,ქ’’ ქვეპუნქტისა, და „ადგილობრივი თვითმმართველი ერთეულის ქონების შესახებ’’ საქართველოს კანონის 19⁵ მუხლის მე-3 ქვეპუნქტის შესაბამისად:

ყაზბეგის მუნიციპალიტეტის საკრებულო ადგენს:

 მუხლი 1. დადგენილ იქნეს ყაზბეგის მუნიციპალიტეტის საკუთრებაში არსებული ქონების სასყიდლიან სარგებლობაში გადაცემისას საწყისი წლიური ქირის ოდენობა:

 1. არასასოფლო-სამეურნეო დანიშნულების მიწაზე „ყაზბეგის მუნიციპალიტეტის ტერიტორიაზე სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის განსაზღვრის შესახებ“ ყაზბეგის მუნიციპალიტეტის საკრებულოს 2011 წლის 30 მარტის №18 დადგენილებით განსაზღვრული ფასის 30% -ის ოდენობით;

 2. სხვა უძრავ ქონებაზე ამ ქონების საპრივატიზაციო საფასურის 15%-ის ოდენობით წელიწადში;

 3. მოძრავ ქონებაზე ამ ქონების საპრივატიზაციო საფასურის 20%-ის ოდენობით წელიწადში.

 მუხლი 2. დადგენილება ძალაშია გამოქვეყნებისთანავე.

  საკრებულოს თავმჯდომარე                                                                                 გ.მალანია