ლიცენზიის ფორმების დამტკიცების შესახებ

სახელმწიფო სარეგისტრაციო კოდი 300.310.000.12.005.009.164

საქართველოს ფასიანი ქაღალდების ეროვნული

კომისიის დადგენილება №69

2006 წლის 25 აგვისტო

ქ. თბილისი

ლიცენზიის ფორმების დამტკიცების შესახებ

„მკაცრი აღრიცხვის ფორმების შესახებ“ საქართვე­ლოს კანონის მე-4 მუხლისა და საქართველოს ფინანსთა მინისტრის 2005 წლის 2 აგვისტოს №669 ბრძანების მოთხოვნათა შესრულების მიზნით, „ლიცენზიებისა და ნებართვების შესახებ“ საქართველოს კანონის მე-6 მუხლის 36-41-ე პუნქტებისა და მე-14 მუხლის, „არასა­ხელმწიფო საპენსიო დაზღვევისა და უზრუნველყოფის შესახებ“ საქართველოს კანონის მე-40 მუხლის მე-2 პუნქტის „ა“ და „ზ“ ქვეპუნქტების, „ფასიანი ქაღალ­დების ბაზრის შესახებ“ საქართველოს კანონის 22-ე მუხლის, 49-ე მუხლის პირველი პუნქტის „ა“ და „დ“ ქვეპუნქტების, 56-ე მუხლის პირველი პუნქტის მოთხოვნათა საფუძველზე, კომისია ადგენს:

1. დამტკიცდეს ფასიანი ქაღალდების რეგისტრა­ტორის, საბროკერო საქმიანობის, საფონდო ბირჟის, ცენტრალური დეპოზიტარის, აქტივების მმართველის საქმიანობისა და სპეციალიზებული დეპოზიტარის ლიცენზიის ფორმები თანდართული სახით.

2. ძალდაკარგულად იქნეს ცნობილი კომისიის      2005 წლის 5 აპრილის №56 დადგენილება „ფასიანი ქაღალ­­დების ბაზრის რეგულირებადი მონაწილეების, აქტივების მმართველი კომპანიისა და სპეციალიზებული დეპოზიტარის სალიცენზიო მოწმობების ფორმების დამტკიცების შესახებ“ (სსმ III, №42, 2005 წ., მუხ. 449) ამ დადგენილების ძალაში შესვლის დღიდან.

3. წინამდებარე დადგენილება ამოქმედდეს გამოქვეყ­ნებისთანავე.

კომისიის თავმჯდომარის მოადგილე,

თავმჯდომარის მოვალეობის შემსრულებელი  თ. გოდერძიშვილი