საქართველოს ცენტრალური საარჩევნო კომისიის დადგენილება №22/2004 „საქართველოს პარლამენტის 2003 წლის 2 ნოემბრის 2004 წლის 28 მარტს ჩასატარებელი ხელახალი არჩევნებისათვის საუბნო საარჩევნო კომისიის წევრის დანიშვნისათვის საჭირო დოკუმენტაციის წარდგენის ახალი ვადის განსაზღვრის შესახებ” საქართველოს ცენტრალური საარჩევნო კომისიის 2004 წლის 5 თებერვლის №15/2004 დადგენილებაში ცვლილების შეტანის თაობაზე

სახელმწიფო სარგისტრაციო კოდი 010.190.020.13.007.006.364

საქართველოს ცენტრალური საარჩევნო კომისიის

დადგენილება №22/2004

2004 წლის 18 თებერვალი

ქ. თბილისი

„საქართველოს პარლამენტის 2003 წლის 2 ნოემბრის 2004 წლის 28 მარტს ჩასატარებელი ხელახალი არჩევნებისათვის საუბნო საარჩევნო კომისიის წევრის დანიშვნისათვის საჭირო დოკუმენტაციის წარდგენის ახალი ვადის განსაზღვრის შესახებ” საქართველოს ცენტრალური საარჩევნო კომისიის 2004 წლის 5 თებერვლის №15/2004 დადგენილებაში ცვლილების შეტანის თაობაზე

საქართველოს ორგანული კანონის „საქართველოს საარჩევნო კოდექსი” 29-ე მუხლის პირველი პუნქტის "გ" ქვეპუნქტისა და საქართველოს ზოგადი ადმინისტრაციული კოდექსის  63-ე მუხლის საფუძველზე,

საქართველოს ცენტრალური საარჩევნო კომისია ადგენს:

მუხლი 1. საქართველოს ცენტრალური საარჩევნო კომისიის 2004 წლის 5 თებერვლის №15/2004 დადგენილების პირველი მუხლი ჩამოყალიბდეს შემდეგი რედაქციით:

„მუხლი 1. საუბნო საარჩევნო კომისიის წევრის დანიშვნისათვის კანონით გათვალისწინებული საბუთების შესაბამისი საოლქო საარჩევნო კომისიისათვის წარდგენის ახალ ვადად განისაზღვროს არაუგვიანეს 2004 წლის 23 თებერვლის 18 საათისა.”.

მუხლი 2. ეს დადგენილება შეიძლება გასაჩივრდეს თბილისის საოლქო სასამართლოში (მისამართი: ქ. თბილისი, გრ. რობაქიძის გამზ. №7^ა) მისი მიღებიდან 3 კალენდარული დღის ვადაში.

მუხლი 3. ეს დადგენილება ძალაშია გამოქვეყნებისთანავე.

კომისიის თავმჯდომარე ზ. ჭიაბერაშვილი

კომისიის მდივანი დ. ქიტოშვილი