სამოქალაქო აქტების რეგისტრაციის განყოფილების (სპეციალიზებული განყოფილების) ბეჭდისა და შტამპების სტანდარტული ნიმუშების დამტკიცების შესახებ

სახელმწიფო სარეგისტრაციო კოდი 100.020.020.11.106.005.431

საქართველოს იუსტიციის მინისტრის

ბრძანება №636

2002 წლის 25 ივლისი

ქ. თბილისი

სამოქალაქო აქტების რეგისტრაციის განყოფილების (სპეციალიზებული განყოფილების) ბეჭდისა და შტამპების სტანდარტული ნიმუშების დამტკიცების შესახებ

 „სამოქალაქო აქტების რეგისტრაციის შესახებ” საქართველოს კანონის მე-9 მუხლის მე-7 პუნქტის შესაბამისად, ვბრძანებ:

1. დამტკიცდეს სამოქალაქო აქტების რეგისტრაციის განყოფილების (სპეციალიზებული განყოფილების) ბეჭდისა და შტამპების სტანდარტული ნიმუშები თანდართული ესკიზების მიხედვით.

2. ეკონომიკურმა დეპარტამენტმა (კ. უშიკიშვილი):   

ა) უზრუნველყოს სამოქალაქო აქტების რეგისტრაციის განყოფილებების (სპეციალიზებული განყოფილებების) რეკვიზიტების დამზადებისათვის ორგანიზაციული ღონისძიებების განხორციელება;

ბ) მოქალაქეობის, სამოქალაქო მდგომარეობის რეგისტრაციისა და იმიგრაციის საკითხთა დეპარტამენტთან (ზ. მეიშვილი) ერთად უზრუნველყოს სამოქალაქო აქტების რეგისტრაციის განყოფილებების ძველი ბეჭდებისა და შტამპების ამოღება და განადგურება.

3. ამ ბრძანების შესრულებაზე კონტროლი დაევალოს მინისტრის მოადგილეს ი. იმერლიშვილს.

4. ეს ბრძანება ძალაშია გამოქვეყნებისთანავე.

რ. გილიგაშვილი