საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალური წყალსარგებლობის ლიცენზიის შესახებ დებულების და ლიცენზიის ფორმის დამტკიცების თაობაზე

სახელმწიფო სარეგისტრაციო კოდი 400.060.000.11.103.005.345

საქართველოს გარემოსა და ბუნებრივი რესურსების დაცვის მინისტრის

ბრძანება №73

2002 წლის 6 ივნისი

ქ. თბილისი

საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალური წყალსარგებლობის ლიცენზიის შესახებ დებულების და ლიცენზიის ფორმის დამტკიცების თაობაზე

„წყლის შესახებ” საქართველოს კანონის 93-ე მუხლის „მ“ პუნქტის შესრულების მიზნით, ვბრძანებ:

1. დამტკიცდეს თანდართული „საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალური წყალსარგებლობის ლიცენზიის შესახებ” დებულება და ლიცენზიის ფორმა.

2. ეს ბრძანება ამოქმედდეს გამოქვეყნებისთანავე.

ნ. ჩხობაძე

დ ე ბ უ ლ ე ბ ა

საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალური წყალსარგებლობის ლიცენზიის შესახებ

    მუხლი 1. ზოგადი დებულებანი

წინამდებარე დებულება განსაზღვრავს საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალური წყალსარგებლობის ლიცენზიის ფორმას, შინაარსსა და გაცემის წესს.

    მუხლი 2. ლიცენზიის გაცემის ძირითადი პრინციპები

1. საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალური წყალსარგებლობის ლიცენზია წარმოადგენს საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალური წყალსარგებლობის უფლების დამადასტურებელ ერთადერთ ოფიციალურ დოკუმენტს.

2. ლიცენზიას განსაკუთრებული სახელმწიფო და სახელმწიფო მნიშვნელობის წყლის ობიექტების შემთხვევაში გასცემს საქართველოს გარემოსა და ბუნებრივი რესურ­სების დაცვის სამინისტრო. სახელმწიფო მნიშვნელობის იმ ზედაპირული წყლის ობიექტებით სარგებლობის ლიცენზიას, რომელთა წყლის ფონდის მიწები განლაგებულია მხოლოდ ავტონომიური რესპუბლიკის ტერიტორიაზე, სამინისტროს ავტონომიური რესპუბ­ლი­კის შესაბამისი ორგანო, ხოლო ადგილობრივი მნიშვნელობის წყლის ობიექტების შემთხვევაში ადგილობრივი თვითმმართველობისა და მმართველობის რაიონულ ორგანოსთან შექმნილი სპეციალიზებული კომისია, სამინისტროს ადგილობრივი წარმომადგენლის აუცილებელი მონაწილეობით. სამინისტრომ შეიძლება სახელმწიფო მნიშვნელობის წყლის ობიექტებით სარგებლობის ლიცენზირების უფლება გადასცეს თავის რეგიონულ სამსახურსაც, რომელთანაც იქმნება შესაბამისი საექსპერტო კომისია. ლიცენზია ძალაში შედის მისი სახელმწიფო რეგისტრაციის დღიდან.

3. სალიცენზიო მოსაკრებლის ოდენობა და მისი გადახდის წესი განისაზღვრება საქართველოს მოქმედი კანონმდებლობით.

4. ლიცენზიის მოპოვებით დაინტერესებულმა ფიზიკურმა ან იურიდიულმა პირმა, უნდა მიმართოს საქართველოს გარემოსა და ბუნებრივი რესურსების დაცვის სამინისტროს განაცხადით, რომელშიც მითითებული იქნება განმცხადებელი ფიზიკური ან იურიდიული პირის დასახელება, საფოსტო მისამართი, ტელეფონი, საბანკო რეკვიზიტები, მოთხოვნილი ზედაპირული წყლის ობიექტის დასახელება, ადგილმდებარეობა და წყალსარგებლობის მიზანი.

5. ლიცენზიის მიღებისათვის განაცხადთან ერთად წარმოდგენილი უნდა იქნეს შემდეგი დოკუმენტები:

ა) საქმიანობის სუბიექტის წესდება (ფიზიკური პირის ინდივიდუალურ მეწარმედ რეგისტრაციის საბუთი);

ბ) მიწის მესაკუთრის წინასწარი თანხმობა მიწით სარგებლობის პირობების შესახებ;

გ) საერთო ცნობები მოთხოვნილი წყლის ობიექტის და მისი აუზის შესახებ (ინფორმაციის ფლობის სამართლებრივი ასპექტების ჩვენებით), ობიექტის განლაგების ტოპოგრაფიული გეგმა და ეკოლოგიური მდგომარეობის დახასიათება;

დ) დაგეგმილი საქმიანობის მოკლე ტექნიკურ-ეკონომიკური დახასიათება;

ე) ცნობა ბანკიდან აღნიშნული საქმიანობის განსახორციელებლად საჭირო ფინანსური შესაძლებლობების შესახებ;

ვ) სანიტარიულ-ეპიდემიოლოგიური სამსახურის დასკვნა სანიტარიული დაცვის ზონების საზღვრებისა და მოწყობის შესახებ.

6. განაცხადი მიღებულად ჩაითვლება წყალმოსარგებლის მიერ განაცხადის ფორმაში ჩამოთვლილი დოკუმენტების სრულყოფილად წარმოდგენის დღიდან.

7. ლიცენზიის მოპოვებით დაინტერესებული პირების (მოსარგებლეების) მიერ წარმოდგენილ დოკუმენტაციებს იხილავენ საქართველოს გარემოსა და ბუნებრივი რესურსების დაცვის სამინისტროს და ავტონომიური რესპუბლიკების შესაბამისი ორგანოების საუწყებათაშორისო სალიცენზიო ექსპერტთა საბჭოები, სამინისტროს რეგიონულ ორგანოებთან, ადგილობრივი თვითმმართველობის და მმართველობის რაიონულ ორგანოებთან შექმნილი საექსპერტო კომისიები და იღებენ შესაბამის გადაწყვეტილებას ლიცენზიის გაცემის შესახებ.

8. თუ ზედაპირული წყლის ობიექტით ან მისი ნაწილით საკურორტო და სპორტული მიზნით სარგებლობაზე პრეტენზია განაცხადა რამდენიმე სუბიექტმა და ამ ობიექტის ფარგლებში მათი საქმიანობის შეთავსება შეუძლებელია, ლიცენზიის მიღებაზე ტარდება კონკურსი ან აუქციონი.

კონკურსის და აუქციონის ჩატარების პირობები და წესები განისაზღვრება საქართველოს კანონით „წყლის შესახებ”.

9. გადაწყვეტილება ლიცენზიის გაცემის ან უარის შესახებ მიიღება დადგენილი წესით განაცხადის მიღების დღიდან 30 დღის განმავლობაში.

10. ლიცენზიის გაცემა ხდება საკუთრივ მოსარგებლეზე, რომელსაც ეკრძალება ლიცენზიის გასხვისება.

11. ლიცენზიის ფორმის ნიმუში მოცემულია წინამდებარე დოკუმენტის დანართში.

 

დანართი

 

 

სახელმწიფო გერბი

 

 

საქართველო

 

 

საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალური წყალსარგებლობის  

ლიცენზია

 

 

 

 

 

 

 

სერია  o  o    ნომერი o   o   o   o  o

 

 

 

ლიცენზიის სახელმწიფო რეგისტრაციაში გატარების  

 

თარიღი ____ წლის "_____" _________

 

 

 

გაცემულია___________________________________________________________________________ ფიზიკური ან იურიდიული პირის დასახელება, ვისზედაც გაიცა ლიცენზია,

_____________________________________________________________________

      მონაცემები მის შესახებ (მისამართი, საფოსტო კოდი, ტელეფონის ნომრები და სხვა).

_______________________________________________________________მიზნით

  წყალსარგებლობის სახეობის და ძირითადი მიზნების აღნიშვნა

_____________________________________________________________________

_____________________________________________________________________

  წყლის ობიექტის და მისი ადგილმდებარეობის (ქალაქის, რაიონის,

_____________________________________________________________________

სოფლის) დასახელება

__________________________________________ ტერიტორიაზე.

 

ლიცენზია ადასტურებს მისი მფლობელის უფლებას საკურორტო (წყლის ამოღების გარეშე) და სპორტული მიზნით წყლის ობიექტით ან მისი ნაწილით სპეციალურ სარგებლობაზე.

 

___________________________________________________________________

წყლის ობიექტის დასახელება, სარგებლობის მიზნის მინიშნებით წყალსარგებლობისათვის _________________________________________________

________________ 20____ წლის "____ " ____" № __________ გადაწყვეტილებით

 

გამოყოფილია __________________________________ ჰექტარი მიწის მინაკუთვნი,                             

                                                (სიტყვიერად)

რომლის საზღვრები აღნიშნულია ლიცენზიაზე თანდართულ ტოპოგრაფიულ გეგმაზე.

 

             

ამ ლიცენზიის მოქმედების ვადა:

 

დაწყების თარიღი _______________________________________________________

(სიტყვიერად)

_____________________________________________________________________

 

დამთავრების თარიღი____________________________________________________

(სიტყვიერად)

_____________________________________________________________________

 

ლიცენზია გაცემულია _____________წლით.

 

 

 

 

წყალსარგებლობის პირობები:

 

 ____________________________________________________________________

 ლიცენზიის მიმღები  ფიზიკური ან იურიდიული პირის დასახელება

 

თავის საქმიანობისას ახორციელებს: ________________________________________

 

____________________________________________________________________

 

____________________________________________________________________

 

____________________________________________________________________

 

____________________________________________________________________

 

____________________________________________________________________

 

____________________________________________________________________

 

 

__________________________________________________________ ვალდებულია:

  წყალმოსარგებლის დასახელება

 

ისარგებლოს წყლის ობიექტებით მხოლოდ ლიცენზიით განსაზღვრული მიზნებისათვის და ფარგლებში;

უზრუნველყოს წყლის რაციონალური გამოყენება და იზრუნოს მისი ხარისხის შესანარჩუნებლად და აღსადგენად;

არ დაუშვას სხვა წყალმოსარგებლეთა უფლებების დარღვევა და სამეურნეო თუ ბუნებრივი ობიექტებისათვის ზიანის მიყენება; თუ ასეთი შემთხვევა მაინც მოხდა, წყალმოსარგებლე ვალდებულია აანაზღაუროს მიყენებული ზიანი კანონით დადგენილი წესით;

წესრიგში იქონიოს ტექნიკა და ტექნიკური მოწყობილობანი, რომლებიც გავლენას ახდენენ წყლის მდგომარეობაზე, გააუმჯობესოს მათი საექსპლუატაციო ხარისხი;

წარუდგინოს სამინისტროს ბუნებრივი რესურსების შესახებ ერთიან საინფორმაციო სახელმწიფო ფონდებს ნებისმიერი ინფორმაცია წყალსარგებლობის შესახებ საქართველოს კანონმდებლობით დადგენილი წესით;

დაუბრკოლებლად დაუშვას სახელმწიფო ზედამხედველობის უფლებამოსილი ორგანოები თავის აღჭურვილობაზე, ნაგებობებსა და მოწყობილობებზე. მოთხოვნისთანავე მიაწოდოს საკონტროლო ორგანოებს ან მათ წარმომადგენლებს ყველა საჭირო ინფორმაცია და დოკუმენტაცია;

განუხრელად დაიცვას საქმიანობის უსაფრთხოების წესები;

წყალმოსარგებლე ვალდებულია შეასრულოს საქართველოს კანონმდებლობით გათვალისწინებული წყლის დაცვისა და გამოყენების სხვა მოთხოვნებიც.

 

ლიცენზიის დამატებითი პირობები:__________________________________________

____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

 

 

 

____________________________________________________________________________________________________________________________   _______________________________ ლიცენზიის გამცემი სახელმწიფო ორგანოს ხელმძღვანელი ან უფლებამოსილი წარმომადგენელი	გავეცანი ლიცენზიის პირობებს და ვკისრულობ შევასრულო                                                                                      _______________________________ ლიცენზიის მიმღები ფიზიკური                              ან იურიდიული პირის ხელმოწერა
ბ. ა.	ბ. ა.

 

 

ზემოთ ჩამოთვლილი ვალდებულებების შეუსრულებლობისათვის ფიზიკურ ან იურიდიულ (მათ ხელმძღვანელებს) პირს ეკისრება სისხლის სამართლის, ადმინისტრაციული და სხვაგვარი პასუხისმგებლობა საქართველოს კანონმდებლობის შესაბამისად.