საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ

სახელმწიფო სარეგისტრაციო კოდი 480.120.000.22.030.011.333

საქართველოს საგარეო საქმეთა მინისტრის

ბრძანება №196

2007 წლის 28 დეკემბერი

ქ. თბილისი

საზღვარგარეთ საქართველოს დიპლომატიურ  წარმომადგენლობებსა და საკონსულო დაწესებულებებში  როტაციის წესით სამუშაოდ მივლინებულ პირთა  გრძელვადიანი სამუშაო მივლინების ანაზღაურების წესის  შესახებ

„დიპლომატიური სამსახურის შესახებ“ საქართველოს კანონისა და „საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების მოწესრიგებასთან დაკავშირებული ღონისძიებების თაობაზე“ საქართველოს პრეზიდენტის 2004 წლის 27 დეკემბრის №617 ბრძანებულების საფუძველზე, ვბრძანებ:

1. დამტკიცდეს თანდართული:

ა) „ინსტრუქცია საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების ანაზღაურების ნორმებისა და გაანგარიშების წესის შესახებ“ (დანართი №1);

ბ) „საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეთა  თანამდებობრივი მაჩვენებლები“ (დანართი №2);

გ) „ადგილსამყოფელი ქვეყნის/ქალაქის სიძვირის ადაპტირებული კოეფიციენტი“ (დანართი №3).

2. გეგმურ სავალუტო კურსად განისაზღვროს   1 აშშ დოლარი – 1,7 ლარი და 1 ევრო – 2,3 ლარი.

3. საანგარიშგებო პერიოდში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურებისათვის გაანგარიშების საბაზისო თანხა განისაზღვროს 5 650 (ხუთი ათას ექვსასორმოცდაათი) ლარის ოდენობით.

4. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს და მის ოჯახის წევრებს როტაციისას აუნაზღაურდებათ:

ა) მგზავრობის ღირებულება – „ეკონომ“ (ან შესაბამისი) კლასის სამგზავრო ბილეთებზე დადგენილი ტარიფების მიხედვით;

ბ) ბარგის გადაზიდვის ხარჯები – ერთ პირზე 80 კგ-ის ოდენობით, მაგრამ ოჯახზე არა უმეტეს 240 კგ-ისა, საერთო ღირებულებით არა უმეტეს ერთი „ეკონომ“ კლასის სამგზავრო ავიაბილეთის (ერთი მიმართულებით) ღირებულების 200 %-ისა.

5. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს, რომელიც როტაციის დროს მგზავრობს მისი ან მისი ოჯახის წევრის საკუთრებაში არსებული ავტომანქანით, ავტომანქანის საკუთრების დამადასტურებელი დოკუმენტის (ასლის) წარმოდგენის საფუძველზე, ერთჯერადი გასაცემლის სახით, ეძლევა მგზავრობის საკომპენსაციო თანხა ერთი „ეკონომ“ კლასის სამგზავრო ავიაბილეთის (ერთი მიმართულებით) ღირებულების 80 %-ის ოდენობით.

6. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს როტაციისას მისი და მისი ოჯახის წევრების პირველადი მოწყობის ხარჯებისათვის, რომელიც მოიცავს ბინის დაქირავებამდე ხარჯებს (სასტუმროს და სხვა ხარჯები), ბინის დაქირავებასთან (სატრანსპორტო, მაკლერის და სხვა ხარჯები) და პირველად საყოფაცხოვრებო მოწყობასთან (საოჯახო ინვენტარი, მოწყობილობა და სხვა) დაკავშირებულ ხარჯებს, დახმარების სახით მიეცემათ ერთჯერადი თანხა „მოსამსახურეთათვის სამსახურებრივი მივლინების ხარჯების ანაზღაურების შესახებ“ საქართველოს პრეზიდენტის 2005 წლის 20 აპრილის №231 ბრძანებულების №2 დანართით განსაზღვრული ქვეყნის ფარგლებს გარეთ მოკლევადიანი მივლინების დროს უცხოური ვალუტით ანაზღაურების სადღეღამისო ნორმების სამოცმაგი ოდენობით.

7. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს და მის ოჯახის წევრებს ამ ბრძანების საფუძველზე ყოველწლიურად, შვებულებასთან დაკავშირებით, აუნაზღაურდებათ:

ა) მოსამსახურეს – გრძელვადიანი სამუშაო მივლინების ყოველთვიური განაკვეთით კუთვნილი ერთი თვის თანხა (დანართი №1);

ბ) მოსამსახურეს და მის ოჯახის წევრებს – „ეკონომ“ (ან შესაბამისი) კლასის სამგზავრო ბილეთების (ორივე მიმართულებით) ღირებულება ნებისმიერ ქვეყანაში გასამგზავრებლად, მაგრამ მათი საერთო ღირებულება არ უნდა აღემატებოდეს საქართველოში მგზავრობის ღირებულებას „ეკონომ“ კლასის სამგზავრო ავიბილეთებზე (ორივე მიმართულებით) დადგენილი ტარიფების მიხედვით.

8. ნება დაერთოთ საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ხელმძღვანელებს, გამოყოფილი ასიგნებების ფარგლებში, საჭიროების შემთხვევაში, როტაციის წესით სამუშაოდ მივლინებულ მოსამსახურეზე ავანსის სახით გასცენ ბინის დაქირავებასთან დაკავშირებული სადეპოზიტო თანხები არა უმეტეს სამი თვის ბინის ქირის ოდენობისა. საანგარიშგებო წლის ბოლოს აღნიშნული თანხის დაბრუნებაზე პასუხისმგებლობა დაეკისროს მოსამსახურეს, ხოლო კონტროლი განახორციელოს დიპლომატიური დაწესებულების ხელმძღვანელმა.

9. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს უნარჩუნდება დაკავებული თანამდებობის შესაბამისი თანამდებობრივი სარგოს განაკვეთის 5 (ხუთი) პროცენტი.

10. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს ეკისრება მის მიერ აღებული ნებისმიერი ვალდებულების შესრულებაზე (ბინის დაქირავება და სხვა) სრული ფინანსური და მატერიალური პასუხისმგებლობა.

11. ძალადაკარგულად ჩაითვალოს „საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში სამუშაოდ მივლინებული მოსამსახურისა და მისი ოჯახის წევრთა პირველადი მოწყობის ხარჯების ანაზღაურების წესის შესახებ“ საქართველოს საგარეო საქმეთა მინისტრის 2005 წლის 16 თებერვლის №28 და „საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ საქართველოს საგარეო საქმეთა მინისტრის 2006 წლის 18 დეკემბრის №290 ბრძანებები.

12. წინამდებარე ბრძანებით განსაზღვრული ღონისძიებების ფინანსური უზრუნველყოფა განხორციელდეს „სახელმწიფო ბიუჯეტის შესახებ“ საქართველოს კანონით საქართველოს საგარეო საქმეთა სამინისტროსათვის დამტკიცებული ასიგნებების ფარგლებში.

13. ბრძანების შესრულებაზე კონტროლი და პასუხისმგებლობა დაევალოთ საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ხელმძღვანელებს.

14. ბრძანება ძალაშია 2008 წლის 1 იანვრიდან.

გ. ბეჟუაშვილი

დანართი №1

ი ნ ს ტ რ უ ქ ც ი ა

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების ანაზღაურების ნორმებისა და გაანგარიშების წესის შესახებ

    მუხლი 1

დაფინანსების რეგულირების კოეფიციენტების გამოანგარიშებისათვის გამოიყენება შემდეგი ძირითადი ელემენტები:

ა) კვების პროდუქტები და უალკოჰოლო სასმელები;

ბ) ალკოჰოლური სასმელები და თამბაქო;

გ) ფეხსაცმელი და ტანსაცმელი;

დ) ბინის დაქირავების, ექსპლუატაციის, კომუნალური და სხვა ხარჯები;

ე) ბინის ინვენტარი;

ვ) სამედიცინო დაზღვევა;

ზ) განათლების ხარჯები;

თ) სატრანსპორტო ხარჯები;

ი) კულტურულ-გამაჯანსაღებელი ღონისძიებების ხარჯები;

კ) გაუთვალისწინებელი ხარჯები.

    მუხლი 2

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების შემადგენელი ძირითადი ელემენტებია:

ა) საქართველოს საგარეო საქმეთა მინისტრის მიერ დამტკიცებული საბაზისო თანხა;

ბ) დაფინანსების რეგულირების ადაპტირებული კოეფიციენტები:

ბ.ა) ადგილსამყოფელი ქვეყნის/ქალაქის სიძვირის კოეფიციენტი (დგინდება გაეროს მიერ ყოველი წლის ნოემბერში გამოქვეყნებული ცირკულარის საფუძველზე);

ბ.ბ) ბინის ქირის ხვედრითი წილი (დგინდება გაეროს მიერ ყოველი წლის ნოემბერში გამოქვეყნებული ცირკულარის საფუძველზე).

    მუხლი 3

გაეროს დაფინანსების რეგულირების კოეფიციენტების ადაპტირების მიზნით საზღვარგარეთ საქართველოს ცალკეული დიპლომატიური დაწესებულებების დაფინანსებისათვის გამოიყენება კორექტირების შემდეგი წესები:

ა) K = K1 + 0.15

ა.ა) საქართველოს საელჩო აშშ-ში, კანადასა და მექსიკაში;

ა.ბ) საქართველოს მუდმივი წარმომადგენლობა გაერთიანებული ერების ორგანიზაციასთან;

ა.გ) საქართველოს გენერალური საკონსულო ქ. ნიუ-იორკში.

ბ) K = K1 - 0.40

ბ.ა) საქართველოს დიპლომატიური წარმომადგენლობები და საკონსულო დაწესებულებები დსთ-ის ქვეყნებში.

გ) K = K1 + 0.10

გ.ა) საქართველოს საელჩო ისრაელის სახელმწიფოში.

დ) K = K1 - 0.15

დ.ა) საქართველოს საელჩო ბულგარეთის რესპუბლიკაში;

დ.ბ) საქართველოს საელჩო ეგვიპტისა და სირიის არაბთა რესპუბლიკებში;

დ.გ) საქართველოს საელჩო იორდანიის ჰაშიმიტურ სამეფოში, ერაყისა და ლიბანის რესპუბლიკებში;

დ.დ) საქართველოს საელჩო რუსეთის ფედერაციაში.

შენიშვნა: K1 არის გაეროს დაფინანსების რეგულირების შესაბამისი კოეფიციენტი.

    მუხლი 4

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების თანხის გაანგარიშება ხორციელდება შემდეგი წესით:

ა) გრძელვადიანი სამუშაო მივლინების ყოველთვიური განაკვეთი (S) გაიანგარიშება ფორმულით:

S = D – T + F

სადაც:

D არის სამივლინებო თანხის პერსონალური განაკვეთი;

T – სამივლინებო თანხის პერსონალურ განაკვეთში ბინის ქირის წილი;

F – ბინის ქირის სუბსიდია.

ბ) სამივლინებო თანხის პერსონალური განაკვეთი გაიანგარიშება ფორმულით:

D = (H x A x K ) x (100+C x Q )%

სადაც:

H არის საბაზისო თანხა;

A – თანამდებობრივი მაჩვენებელი პროცენტებში;

K – ადგილსამყოფელი ქვეყნის/ქალაქის სიძვირის კოეფიციენტი;

C – ოჯახის წევრთა რაოდენობა;

Q – ადგილსამყოფელ ქვეყანაში მყოფი ოჯახის თითოეულ წევრზე პროცენტული დანამატი (Q = 7).

გ) სამივლინებო თანხის პერსონალურ განაკვეთში ბინის ქირის წილი (T) გაიანგარიშება ფორმულით:

T = D x E

სადაც:

D – სამივლინებო თანხის პერსონალური განაკვეთი;

E – ბინის ქირის ხვედრითი წილი პროცენტებში.

დ) ბინის ქირის სუბსიდია (F) გაიანგარიშება:

დ.ა) იმ შემთხვევაში, როდესაც ბინის ქირა (G) ნულის ტოლია, მაშინ ბინის ქირის სუბსიდიაც ტოლია ნულის:

G = 0 = F

დ.ბ). იმ შემთხვევაში, როდესაც G < T, მაშინ:

F = T

დ.გ). იმ შემთხვევაში, როდესაც G > T, მაშინ:

დ.გ.ა). დიპლომატიური დაწესებულების ხელმძღვანელებს აუნაზღაურდებათ სხვაობის 80%, ანუ  F = T + (G - T) x 80%, ოღონდ არა უმეტეს ბინის ქირის წილის 200%-ის – (G - T) x 80% <= 2 x T;

დ.გ.ბ) დიპლომატიური დაწესებულების დანარჩენ მოსამსახურეებს აუნაზღაურდებათ სხვაობის 50%, ანუ  F = T + (G - T) x 50%, ოღონდ არა უმეტეს ბინის ქირის წილის 100%-ის – (G - T) x 50% <= T.

5. გრძელვადიანი სამუშაო მივლინების თანხის გაანგარიშებისას გამოიყენება წინამდებარე ბრძანებით დამტკიცებული გეგმური სავალუტო კურსი.

    მუხლი 5

1. საზღვარგარეთ საქართველოს დიპლომატიურ წარმომადგენლობასა ან საკონსულო დაწესებულებაში როტაციის წესით სამუშაოდ მივლინებული ორი ან მეტი ოჯახის წევრის შემთხვევაში ოჯახის სხვა წევრებზე დანამატს მიიღებს მხოლოდ ის, რომელიც უფრო მაღალალ თანამდებობაზეა, ხოლო ბინის დაქირავება უნდა განახორციელოს, მათ შორის, ერთ-ერთმა.

2. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებული პირის ბინის ქირის ოდენობის ან მისი ოჯახის წევრთა რაოდენობის ცვლილებისას ხორციელდება გრძელვადიანი სამუშაო მივლინების თანხის გადაანგარიშება.

3. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებული პირი ვალდებულია სამინისტროში სამი დღის ვადაში წარმოადგინოს ინფორმაცია მისი ბინის ქირის ოდენობის ან ოჯახის წევრების რაოდენობის შეცვლის შესახებ.

4. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებული პირის გრძელვადიანი სამუშაო მივლინების თანხის გადაანგარიშება განხორციელდება მისი ბინის ქირის ოდენობის ან ოჯახის წევრების რაოდენობის შეცვლის შემდეგ მომდევნო თვის პირველი რიცხვიდან.

5. გრძელვადიანი სამუშაო მივლინების თანხის გადაანგარიშების საფუძველს წარმოადგენს დაწესებულების ხელმძღვანელის მიერ ხელმოწერილი ცნობა სათანადო დამადასტურებელი დოკუმენტებით.

დანართი №2

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეთა  თანამდებობრივი მაჩვენებლები

დანართი  №3

ადგილსამყოფელი ქვეყნის/ქალაქის სიძვირის ადაპტირებული კოეფიციენტი