საქართველოს ნორმატიული აქტების ოფიციალურ გამოცემათა სარედაქციო საბჭოს დამტკიცების შესახებ

სახელმწიფო სარეგისტრაციო კოდი 410.012.004.302

საქართველოს იუსტიციის მინისტრის

ბრძანება №116

2000 წლის 15 ივნისი

ქ. თბილისი

საქართველოს ნორმატიული აქტების ოფიციალურ გამოცემათა სარედაქციო საბჭოს დამტკიცების შესახებ

“საქართველოს იუსტიციის სამინისტროს დებულების შესახებ” საქართველოს პრეზიდენტის 2000 წლის 13 მარტის №91 ბრძანებულების მესამე მუხლის „ზ” ქვეპუნქტის შესაბამისად, სამინისტროს კომპეტენციას მიკუთვნებული საქართველოს ოფიციალური ბეჭდვითი ორგანოს – საქართველოს საკანონმდებლო მაცნეს, საქართველოს კანონთა წიგნის, ნორმატიული აქტების კრებულებისა და კოდექსების ოფიციალური ტექსტების გამოცემის უზრუნველყოფის მიზნით, ვბრძანებ:

1. დამტკიცდეს საქართველოს ნორმატიული აქტების ოფიციალურ გამოცემათა სარედაქციო  საბჭო შემდეგი შემადგენლობით:

ჯ. ხეცურიანი – მინისტრი (თავმჯდომარე)

ტ. კულულაშვილი – მინისტრის პირველი მოადგილე (თავმჯდომარის მოადგილე)

მ. ცაცანაშვილი – მინისტრის მოადგილე

ე. სვანიძე – მინისტრის მოადგილე

ლ. ხვედელიანი – ნორმატიული აქტების მომზადებისა და ექსპერტიზის დეპარტამენტის უფროსი

ს. პეტროსიანი – კანონმდებლობის სისტემატიზაციისა და სამართლებრივი ინფორმატიზაციის დეპარტამენტის უფროსი

ი. ჩიქოვანი – კანონმდებლობის სისტემატიზაციისა და სამართლებრივი ინფორმატიზაციის დეპარტამენტის მრჩეველი

გ. თავაძე – კანონმდებლობის სისტემატიზაციისა და სამართლებრივი ინფორმატიზაციის დეპარტამენტის უფროსის მოადგილე

ნ. ქადაგიძე – საერთაშორისო სამართლებრივი ურთიერთობის დეპარტამენტის უფროსი

ბ. ლოლაძე – ადგილობრივი მმართველობისა და თვითმმართველობის ორგანოებთან მუშაობის დეპარტამენტის უფროსი

ზ. ნანობაშვილი – საქართველოს კანონთა წიგნისა და საქართველოს საკნონმდებლო მაცნეს მთავარი რედაქტორი

ლ. რაზმაძე – საქართველოს კანონთა წიგნისა და საქართველოს საკანონმდებლო მაცნეს დირექტორი

ბ. კოჭლამაზაშვილი – საქართველოს კანონთა წიგნისა და საქართველოს საკანონმდებლო მაცნეს რედაქციის უფროსი რედაქტორი – (მდივანი).

2. დამტკიცდეს საქართველოს ნორმატიული აქტების ოფიციალურ გამოცემათა მუდმივმოქმედი სამუშაო ჯგუფი შემდეგი შემადგენლობით:

ტ. კულულაშვილი – ხელმძღვანელი

ზ. ნანობაშვილი

ი. ჩიქოვანი

გ. თავაძე

ი. კეთილაძე.

3. დამტკიცდეს საქართველოს ნორმატიული აქტების ოფიციალურ გამოცემათა სარედაქციო საბჭოს თანდართული დებულება.

ჯ. ხეცურიანი

საქართველოს ნორმატიული აქტების ოფიციალურ გამოცემათა სარედაქციო საბჭოს დებულება

ზოგადი დებულებანი

1. ეს დებულება განსაზღვრავს საქართველოს ნორმატიული აქტების ოფიციალურ გამოცემათა სარედაქციო საბჭოს (შემდგომში – სარედაქციო საბჭო) კომპეტენციას და საქმიანობის წესს.

2. სარედაქციო საბჭოს შექმნა მიზნად ისახავს საქართველოს ნორმატიული აქტების ოფიციალურ გამოცემებს მიკუთვნებული საკითხების კოლეგიალურ განხილვას სამართლებრივად სწორი და ოპტიმალური გადაწყვეტილების მისაღებად.

3. სარედაქციო საბჭოს პერსონალურ შემადგენლობას ამტკიცებს იუსტიციის მინისტრი.

4. სარედაქციო საბჭოს გაუქმება ან მის შემადგენლობაში ცვლილებების შეტანა ხდება მინისტრის ბრძანებით.

სარედაქციო საბჭოს კომპეტენცია

სარედაქციო საბჭოს კომპეტენციას მიეკუთვნება:

1. საქართველოს ნორმატიული აქტების ოფიციალური გამოცემების მომზადებასა და გამოცემასთან დაკავშირებული საკითხების კოლეგიალური განხილვა და გადაწყვეტილების მიღება.

2. ნორმატიული აქტების კრებულებისა და კოდექსების ოფიციალური ტექსტების მომზადებისა და გამოცემის უზრუნველყოფა.

სარედაქციო საბჭოს სხდომის მოწვევისა და გადაწყვეტილების მიღების წესი

1. სხდომა მოიწვევა მინისტრის გადაწყვეტილებით პერიოდულად ან საჭიროების შემთხვევაში.

2. სხდომის მოწვევის დროსა და სხდომის დღის წესრიგს განსაზღვრავს მინისტრი.

3. სხდომას თავმჯდომარეობს მინისტრი – სარედაქციო საბჭოს თავმჯდომარე, მისი არყოფნის შემთხვევაში კი – მინისტრის პირველი მოადგილე, რომელიც ამავე დროს არის სარედაქციო საბჭოს თავმჯდომარის მოადგილე.

4. საბჭო უფლებამოსილია, თუ სხდომას ესწრება სარედაქციო საბჭოს წევრთა უმრავლესობა.

5. სარედაქციო საბჭოს ყოველი წევრი სარგებლობს თანაბარი ხმის უფლებით.

6. სარედაქციო საბჭო გადაწყვეტილებას იღებს სხდომაზე დამსწრე წევრების ხმათა უბრალო უმრავლესობით. ხმების თანაბრად გაყოფის შემთხვევაში გადამწყვეტია სარედაქციო საბჭოს თავმჯდომარის ხმა.

7. სარედაქციო საბჭოს ჰყავს მდივანი, რომელიც იმავდროულად არის სარედაქციო საბჭოს წევრი.

8. სარედაქციო საბჭოს გადაწყვეტილება მიიღება დადგენილების სახით. სარედაქციო საბჭოს დადგენილებაში აღინიშნება დადგენილების მიღების თარიღი, რიგითი ნომერი (სხდომის რიგითობის მიხედვით) და გადაწყვეტილების შინაარსი. სარედაქციო საბჭოს გადაწყვეტილებას ხელს აწერს სხდომის თავმჯდომარე.

9. სარედაქციო საბჭოს სხდომა შეიძლება გადაიდოს თავმჯდომარის ან მისი არყოფნისას – თავმჯდომარის მოადგილის გადაწყვეტილებით.

10. სარედაქციო საბჭოს სხდომის მიმდინარეობა ფორმდება სხდომის ოქმით, რომელსაც ხელს აწერენ სხდომის თავმჯდომარე და მდივანი.