ბაღდათის მუნიციპალიტეტის საკუთრებაში არსებული ქონების სასყიდლიან სარგებლობაში გადაცემისას საწყისი წლიური საფასურის ოდენობის განსაზღვრის შესახებ

ბაღდათის მუნიციპალიტეტის საკრებულოს

დადგენილება №56

2011 წლის 2 მაისი

ქ. ბაღდათი

ბაღდათის მუნიციპალიტეტის საკუთრებაში არსებული ქონების სასყიდლიან სარგებლობაში გადაცემისას საწყისი წლიური საფასურის ოდენობის განსაზღვრის შესახებ

 „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „ქ“ ქვეპუნქტის და საქართველოს კანონის „ნორმატიული აქტების შესახებ“ 25-ე მუხლის შესაბამისად;

ბაღდათის მუნიციპალიტეტის საკრებულომ დაადგინა:

    მუხლი 1

 ბაღდათის მუნიციპალიტეტის საკუთრებაში არსებული ქონების (გარდა მოძრავი ნივთებისა) სასყიდლიან სარგებლობაში გადაცემის საწყისი წლიური საფასურის ოდენობა ქალაქ ბაღდათისათვის განისაზღვროს შემდეგი ოდენობით:

ა) არასასოფლო-სამეურნეო დანისნულების მიწაზე 1მ² -ზე – 2 ლარი;

ბ) სხვა უძრავ ქონებაზე – ქონების საპრივატიზაციო საფასურის 10%.

    მუხლი 2

 ბაღდათის მუნიციპალიტეტის საკუთრებაში არსებული ქონების (გარდა მოძრავი ქონებისა) სასყიდლიან სარგებლობაში გადაცემის საწყისი წლიური საფასურის ოდენობა ბაღდათის სოფლებისათვის განისაზღვროს შემდეგი ოდენობით:

ა) არასასოფლო-სამეურნეო დანიშნულების მიწაზე 1მ² -ზე – 1 ლარი;

ბ) სხვა უძრავ ქონებაზე – ქონების საპრივატიზაციო საფასურის 5%.

    მუხლი 3

ბაღდათის მუნიციპალიტეტის საკუთრებაში არსებული მოძრავი ნივთების სასყიდლიან სარგებლობაში გადაცემისას საწყისი წლიური საფასურის ოდენობა განისაზღვროს ნივთის საპრივატიზაციო საფასურის 5%-ის ოდენობით.

    მუხლი 4

 ამ დადგენილების ძალაში შესვლისთანავე ძალადაკარგულად გამოცხადდეს „ბაღდათის მუნიციპალური ქონების სარგებლობის უფლებით გადაცემის დროს საწყისი წლიური ქირის ოდენობის განსაზღვრის შესახებ“ ბაღდათის მუნიციპალიტეტის საკრებულოს 2007 წლის 17 ნოემბრის №55 დადგენილება.

    მუხლი 5

დადგენილება ამოქმედდეს გამოქვეყნებისთანავე.

საკრებულოს თავმჯდომარე               გ. რობაქიძე