დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | ყაზბეგის მუნიციპალიტეტის საკრებულოს წევრის უფლებამოსილების განხორციელებასთან დაკავშირებული ხარჯების ანაზღაურების შესახებ | |
|---|---|
| დოკუმენტის ნომერი | 22 |
| დოკუმენტის მიმღები | ყაზბეგის მუნიციპალიტეტი |
| მიღების თარიღი | 19/04/2011 |
| დოკუმენტის ტიპი | მუნიციპალიტეტისა და თვითმმართველი ქალაქის საკრებულოს დადგენილება |
| გამოქვეყნების წყარო, თარიღი | ვებგვერდი, 110420003, 27/04/2011 |
| ძალის დაკარგვის თარიღი | 01/03/2016 |
| სარეგისტრაციო კოდი | 190040000.35.151.016041 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (27/04/2011 - 29/12/2011)
ყაზბეგის მუნიციპალიტეტის საკრებულოს
დადგენილება № 22
2011 წლის 19 აპრილი
დ. სტეფანწმინდა
ყაზბეგის მუნიციპალიტეტის საკრებულოს წევრის უფლებამოსილების განხორციელებასთან დაკავშირებული ხარჯების ანაზღაურების შესახებ
„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-3 პუნქტის, 326 მუხლის მე-6 პუნქტისა და „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად,
ყაზბეგის მუნიციპალიტეტის საკრებულო ადგენს:
1. დამტკიცდეს საკრებულოს სხდომებსა და მის ორგანოთა მუშაობაში მონაწილეობის მისაღებად, ამომრჩევლებთან შესახვედრად და ყაზბეგის მუნიციპალიტეტის საკრებულოს წევრის სხვა უფლებამოსილებების განხორციელებასთან დაკავშირებული ყოველთვიური ხარჯების, ლიმიტების ოდენობა და მათი ანაზღაურების წესი. (დანართი №1).
2. განისაზღვროს ყაზბეგის მუნიციპალიტეტის გამგეობის (გარდა გამგეობის სახანძრო-სამაშველო და სამხედრო აღრიცხვისა და გაწვევის სამსახურებისა) საწვავის ყოველთვიური ხარჯი (ლიმიტი) 1250 (ერთი ათას ორას ორმოცდაათი)ლიტრის ოდენობით,ხოლო ყაზბეგის მუნიციპალიტეტის გამგეობის ყოველთვიური სატელეფონო ხარჯი (ლიმიტი) 905 (ცხრაას ხუთი) ლარის ოდენობით.
3. ყაზბეგის მუნიციპალიტეტის გამგებელს მიეცეს უფლება განახორციელოს ამ დადგენილების მე-2 მუხლით დამტკიცებული საწვავისა და სატელეფონო ხარჯების ოდენობების ფარგლებში გამგეობის თანამშრომელთა შორის ლიმიტის განაწილება.
4. ძალადაკარგულად გამოცხადდეს ყაზბეგის მუნიციპალიტეტის საკრებულოს 2009 წლის 19 ივნისის №16 დადგენილება „ყაზბეგის მუნიციპალიტეტის გამგეობის,საკრებულოს წევრებისა და საკრებულოს სხვა თანამშრომელთათვის საწვავისა და მონობარათების ყოველთვიური ლიმიტის განსაზღვრის შესახებ“.
5. დადგენილება ძალაშია გამოქვეყნებისთანავე.
საკრებულოს თავმჯდომარე გ.მალანია
დანართი №1
ყაზბეგის მუნიციპალიტეტის საკრებულოს წევრის მიერ უფლებამოსილების განხორციელებასთან დაკავშირებული ხარჯების ზღვრული ოდენობა და ანაზღაურების წესი
მუხლი 1. საკრებულოს წევრის უფლებამოსილების განხორციელებასთან დაკავშირებული ხარჯების ზღვრული ოდენობა
საკრებულოს წევრების მიერ საკრებულოს სხდომებსა და მის ორგანოთა მუშაობაში მონაწილეობის მიღების, ამომრჩევლებთან შეხვედრების, ასევე საკრებულოს და საკრებულოს თავმჯდომარის დავალებების შესრულებისთვის ყაზბეგის მუნიციპალიტეტის საკრებულოს წევრის უფლებამოსილების განხორციელებასთან დაკავშირებული ყოველთვიური მონობარათებისა და საწვავის ხარჯების და ლიმიტების ზღვრული ოდენობა შეადგენს:
| № | საკრებულოს წევრის სტატუსი | ზღვრული ოდენობა | |
| სატელეფონო ხარჯი (ლარი) | საწვავის ხარჯი (ლიტრი) | ||
| 1 | საკრებულოს თავმჯდომარე | 200 | 850 |
| 2 | საკრებულოს თავმჯდომარის მოადგილე | 70 | 200 |
| 3 | საკრებულოს კომისიის თავმჯდომარე | 30 | 80 |
| 4 | საკრებულოს ფრაქციის თავმჯდომარე | 30 | 80 |
| 5 | საკრებულოს წევრი | 30 | 40 |
მუხლი 2. საკრებულოს წევრის უფლებამოსილების განხორციელებასთან დაკავშირებული ხარჯების ანაზღაურება და ჩამოწერა
1. საკრებულოს თითოეული წევრისთვის ამ დანართის პირველ მუხლში მითითებული ასანაზღაურებელი ხარჯის კონკრეტული ოდენობა, რომელიც დაკავშირებულია საკრებულოს სხდომებსა და მის ორგანოთა მუშაობაში მონაწილეობისა და საკრებულოს თავმჯდომარის დავალებების შესრულებასთან, აგრეთვე საკრებულოს წევრის სხვა უფლებამოსილებების განხორციელებასა და ამ ხარჯების ჩამოწერასთან, განისაზღვრება საკრებულოს თავმჯდომარის ბრძანებით, რომლის უზრუნველსაყოფად:
ა). საკრებულოს წევრები(გარდა საკრებულოს თავმჯდომარისა), ყოველი თვის არა უგვიანეს 7 რიცხვისა, საკრებულოს აპარატის უფროსს წარუდგენენ ინფორმაციას, რომელშიც მითითებული უნდა იყოს საკრებულოს და საკრებულოს თავმჯდომარის დავალების (დავალებების) შესრულების, აგრეთვე საკრებულოს წევრის სხვა უფლებამოსილებების განხორციელებისათვის გაწეული ხარჯის ოდენობა;
ბ) საკრებულოს თავმჯდომარე პირადად არის პასუხისმგებელი დაიცვას ამ დადგენილების პირველი მუხლით მისთვის განსაზღვრული ხარჯისა და ლიმიტის ოდენობა;
გ) საკრებულოს აპარატის უფროსი მოხსენებითი ბარათით ერთიან ინფორმაციას სისტემატიზებული სახით წარუდგენს საკრებულოს თავმჯდომარეს და ამ ინფორმაციაზე დაყრდნობით მუშავდება საკრებულოს თავმჯდომარის ბრძანების პროექტი საკრებულოს წევრების მიერ გასული თვის განმავლობაში გაწეული ხარჯის ჩამოწერის თაობაზე;
დ) ყაზბეგის მუნიციპალიტეტის გამგებელი ყოველთვიურად ,ამ წესის გათვალისწინებით მიღებული საკრებულოს თავმჯდომარის ბრძანების საფუძველზე, მოქმედი კანონმდებლობის შესაბამისად უზრუნველყოფს საკრებულოს წევრის უფლებამოსილებების განხორციელებასთან დაკავშირებული ხარჯების ანაზრაურებასა და ჩამოწერას.
დოკუმენტის კომენტარები