წალკის მუნიციპალიტეტის ადგილობრივი თვითმმართველობის საკუთრებაში არსებული არასასოფლო-სამეურნეო დანიშნულების მიწის სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ

წალკის მუნიციპალიტეტის საკრებულოს

 დადგენილება №27

2011 წლის 15 აპრილი

ქ. წალკა

წალკის მუნიციპალიტეტის ადგილობრივი თვითმმართველობის საკუთრებაში არსებული არასასოფლო-სამეურნეო დანიშნულების მიწის სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ

„ადგილობრივი თვითმმართველობის შესახებ საქართველოს ორგანული კანონის 22-ე მუხლის პირველი პუნქტის „პ“ ქვეპუნქტის, „ადგილობრივი თვითმმართველი ერთეულის ქონების შესახებ“ საქართველოს კანონის 19⁵ მუხლის მე-3 პუნქტისა და „წალკის თვითმმართველი ერთეულის ქონების ფლობის, განკარგვის და ქონებით სარგებლობის წესის“ შესაბამისად,

წალკის მუნიციპალიტეტის საკრებულო ა დ გ ე ნ ს :

    მუხლი 1

წალკის მუნიციპალიტეტში ადგილობრივი თვითმმართველობის საკუთრებაში არსებული არასასოფლო-სამეურნეო დანიშნულების მიწის სასყიდლიან სარგებლობაში გადაცემისას საწყისი წლიური ქირა განისაზღვროს შემდეგი განაკვეთით:

ა) ქ. წალკისათვის 1 კვ.მ - 0.11 ლარი;

ბ) წალკის მუნიციპალიტეტის სოფლებში 1 კვ.მ - 0,033 ლარი;

გ) წალკის მუნიციპალიტეტის დაბებში 1 კვ.მ - 0,055 ლარი;

დ) წალკის მუნიციპალიტეტის დასახლებათშორის არეალებში 1 კვ.მ - 0,027 ლარი;

ე) შიდა სახელმწიფოებრივი მნიშვნელობის      საავტომობილო გზების 50 მეტრის რადიუსში 1 კვ.მ – 0,055 ლარი;

    მუხლი 2

ძალადაკარგულად გამოცხადდეს წალკის მუნიციპალიტეტის საკრებულოს 2009 წლის 20 მაისის №17 დადგენილება წალკის მუნიციპალიტეტში ადგილობრივი თვითმმართველობის საკუთრებაში არსებული არასასოფლო-სამეურნეო დანიშნულების მიწის სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ .

    მუხლი 3

დადგენილება ძალაშია გამოქვეყნებისთანავე.

საკრებულოს თავმჯდომარე                        დ. მაჩიტიძე