საქართველოს საერთო სასამართლოების მოსამართლეთა თანამდებობრივი სარგოების, თანამდებობრივ სარგოზე დანამატების განსაზღვრისა და საცხოვრებელი ბინის დაქირავების ხარჯების შესახებ

საქართველოს პრეზიდენტის

ბრძანებულება №158

2002 წლის 8 აპრილი

ქ. თბილისი

საქართველოს საერთო სასამართლოების მოსამართლეთა თანამდებობრივი სარგოების, თანამდებობრივ სარგოზე დანამატების განსაზღვრისა და საცხოვრებელი ბინის დაქირავების ხარჯების შესახებ

1. საქართველოს საერთო სასამართლოების მოსამართლეთა თანამდებობრივი სარგოები განისაზღვროს შემდეგი ოდენობით:

ა) აფხაზეთისა და აჭარის ავტონომიური რესპუბლიკების უმაღლესი სასამართლოს თავმჯდომარე  – 630 ლარი;

ბ) საოლქო სასამართლოს თავმჯდომარე  – 610 ლარი;

გ) აფხაზეთისა და აჭარის ავტონომიური რესპუბლიკების უმაღლესი სასამართლოს თავმჯდომარის პირველი მოადგილე  – 585 ლარი;

დ) საოლქო სასამართლოს თავმჯდომარის მოადგილე  – 575 ლარი;

ე) აფხაზეთისა და აჭარის ავტონომიური რესპუბლიკების უმაღლესი სასამართლოს კოლეგიის (პალატის) თავმჯდომარე  – 560ლარი;

ვ) საოლქო სასამართლოს კოლეგიის (პალატის) თავმჯდომარე  – 550 ლარი;

ზ) აფხაზეთისა და აჭარის ავტონომიური რესპუბლიკების უმაღლესი სასამართლოს მოსამართლე  – 535 ლარი;

თ) საოლქო სასამართლოს მოსამართლე  – 525 ლარი;

ი) რაიონული (საქალაქო) სასამართლოს თავმჯდომარე  – 525 ლარი;

კ) რაიონული (საქალაქო) სასამართლოს მოსამართლე  – 500 ლარი.

2. მოსამართლეებს, რომლებიც სამოსამართლო უფლებამოსილებას ახორციელებენ „საერთო სასამართლოების შესახებ“ საქართველოს ორგანული კანონის 85² მუხლის 1-ლი პუნქტის საფუძველზე და ჩაბარებული აქვთ მოსამართლეობის საკვალიფიკაციო გამოცდა, თანამდებობრივი სარგო განესაზღვროთ ამ ბრძანებულების პირველი პუნქტის შესაბამისად, ხოლო მოსამართლეებს, რომლებიც სამოსამართლო უფლებამოსილებას ახორციელებენ „საერთო სასამართლოების შესახებ“ საქართველოს ორგანული კანონის 85² მუხლის 1-ლი პუნქტის საფუძველზე და ჩაბარებული არა აქვთ მოსამართლეობის საკვალიფიკაციო გამოცდა, თანამდებობრივი სარგო განესაზღვროთ 250 ლარის ოდენობით.

3. დანამატი თანამდებობრივ სარგოზე მოსამართლედ ნამსახურობის წლებისათვის განისაზღვროს თანამდებობრივი სარგოს შემდეგი ოდენობით:

ა) 5-დან 10 წლამდე  – 5 პროცენტი;

ბ) 10-დან 15 წლამდე  – 10 პროცენტი;

გ)15-დნ 20 წლამდე  – 15 პროცენტი;

დ) 20-დან 25 წლამდე  – 20 პროცენტი;

ე) 25-დან 30 წლამდე  – 25 პროცენტი;

ვ) 30-დან 35 წლამდე  – 32 პროცენტი;

ზ) 35-დან 40 წლამდე  – 40 პროცენტი.

4. სასამართლო უფლებამოსილების განხორციელების ადგილის მიხედვით დანამატი თანამდებობრივ სარგოზე განისაზღვროს შემდეგი ოდენობით:

ადიგენის, ახალქალაქის, ნინოწმინდის, ყაზბეგის, ქედის, ხულოს, მესტიის, ლენტეხის, წალკის, შუახევის რაიონებში  – 10 პროცენტი.

5. საქართველოს საერთო სასამართლოების მოსამართლეებს დადგენილი წესით, საქართველოს იუსტიციის საბჭოს გადაწყვეტილების შესაბამისად, მიეცეთ დანამატი თანამდებობრივ სარგოზე არა უმეტეს თანამდებობრივი სარგოს ერთმაგი ოდენობისა.

6. საქართველოს საერთო სასამართლოების მოსამართლეებს შვებულებაში გასვლისას მიეცეთ საშვებულებო დახმარება ორი თვის თანამდებობრივი სარგოს ოდენობით.

7. საერთო სასამართლოების მოსამართლეებს, რომელთაც შესაბამის ქალაქში ან რაიონში არა აქვთ საცხოვრებელი ბინა, საქართველოს იუსტიციის საბჭოს გადაწყვეტილებით საცხოვრებელი ბინის დაქირავებისათვის გამოეყოთ თანხა:

ა) თბილისში ბინის დაქირავებისათვის  – 250 ლარამდე;

ბ) საქართველოს სხვა რაიონებსა და ქალაქებში  – 150ლარამდე, ან მოსამართლეთა საცხოვრებელი ფართობით უზრუნველყოფის მიზნით მიღებულ იქნეს კანონმდებლობით გათვალისწინებული სხვა ზომები.

8. ამ ბრძანებულებით განსაზღვრული თანამდებობრივი სარგოები და დამატებები ანაზღაურდეს საქართველოს 2002 წლის სახელმწიფო ბიუჯეტით გათვალისწინებულ ასიგნებათა ფარგლებში.

9. ბრძანებულების ამოქმედებისთანავე ძალადაკარგულად ჩაითვალოს „საქართველოს საერთო სასამართლოების მოსამართლეთა თანამდებობრივი სარგოების, თანამდებობრივ სარგოზე დანამატების განსაზღვრისა და საცხოვრებელი ბინის დაქირავების ხარჯების შესახებ“ საქართველოს პრეზიდენტის 2001 წლის 17 თებერვლის №58 ბრძანებულება.

ე. შევარდნაძე