„მაღალმთიანი რეგიონების სოციალურ-ეკონომიკური განვითარების შესახებ” საქართველოს კანონპროექტის მოსამზადებლად სამთავრობო კომისიის შექმნის თაობაზე

საქართველოს მთავრობის

დადგენილება №87

2005 წლის 11 მაისი

ქ. თბილისი

„მაღალმთიანი რეგიონების სოციალურ-ეკონომიკური განვითარების შესახებ” საქართველოს კანონპროექტის მოსამზადებლად სამთავრობო კომისიის შექმნის თაობაზე

საქართველოს მაღალმთიან რეგიონებში მცხოვრები მოსახლეობისათვის ბოლო დროს შექმნილი უაღრესად მძიმე მდგომარეობის გაუმჯობესების მიზნით აუცილებელია მთავრობამ განახორციელოს მეწარმეობის განვითარების, დასაქმების, ინფრასტრუქტურის ობიექტების რეაბილიტაციისა და სხვა კომპლექსური სოციალურ-ეკონომიკური ღონისძიებები. ამისათვის საჭიროა შეიქმნას სათანადო საკანონმდებლო ბაზა მაღალმთიანი რეგიონის ცნების, მათი განვითარების სახელმწიფო ფინანსური მხარდაჭერის ფორმებისა და მექანიზმების განსაზღვრისათვის.

1. ზემოაღნიშნულის გათვალისწინებით და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის 29-ე მუხლის შესაბამისად „მაღალმთიანი რეგიონების სოციალურ-ეკონომიკური განვითარების შესახებ” საქართველოს კანონპროექტის მოსამზადებლად შეიქმნას სამთავრობო კომისია შემდეგი შემადგენლობით:

ზურაბ ნოღაიდელი – საქართველოს პრემიერ-მინისტრი, კომისიის თავმჯდომარე

კახა არდია – საქართველოს ადმინისტრაციულ-ტერიტორიულ ერთეულებში (ქ. ფოთი, აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხისა და ხობის რაიონები) საქართველოს პრეზიდენტის სახელმწიფო რწმუნებული

ჯამბულ ბაკურაძე – საქართველოს მთავრობის კანცელარიის რეგიონალური პოლიტიკის განხორციელების კოორდინაციისა და განსაკუთრებულ საკითხთა დეპარტამენტის უფროსი

გრიგოლ გობეჯიშვილი – საქართველოს ფინანსთა მინისტრის მოადგილე

ლევან ვარშალომიძე – აჭარის ავტონომიური რესპუბლიკის მთავრობის თავმჯდომარე

ვასილ მაღლაფერიძე – საქართველოს ადმინისტრაციულ-ტერიტორიულ ერთეულებში (ახალგორის, დუშეთის, თიანეთის, მცხეთისა და ყაზბეგის რაიონები) საქართველოს პრეზიდენტის სახელმწიფო რწმუნებული

გენრიხ მურადიანი – საქართველოს ეკონომიკური განვითარების მინისტრის მოადგილე

თენგიზ ონიანი – საქართველოს მეცნიერებათა აკადემიის პრეზიდიუმთან არსებული მაღალმთიანი რეგიონების პრობლემათა კომპლექსური შესწავლის კომისიის თავმჯდომარე

თეიმურაზ სამადაშვილი – საქართველოს განათლებისა და მეცნიერების მინისტრის მოადგილე

ნუგზარ სარჯველაძე – საქართველოს სოფლის მეურნეობის მინისტრის პირველი მოადგილე

ოთარ სირაძე – საქართველოს ადმინისტრაციულ-ტერიტორიულ ერთეულებში (ამბროლაურის, ლენტეხის, ონისა და ცაგერის რაიონები) საქართველოს პრეზიდენტის სახელმწიფო რწუნებული

ნიკოლოზ ფრუიძე – საქართველოს შრომის, ჯანმრთელობისა და სოციალური დაცვის მინისტრის მოადგილე

პეტრე ცისკარიშვილი – საქართველოს ადმინისტრაციულ-ტერიტორიულ ერთეულებში (ახმეტის, გურჯაანის, დედოფლისწყაროს, თელავის, ლაგოდეხის, საგარეჯოს, სიღნაღისა და ყვარლის რაიონები) საქართველოს პრეზიდენტის სახელმწიფო რწმუნებული

გიორგი ხაჩიძე – საქართველოს ადმინისტრაციულ-ტერიტორიულ ერთეულებში (ადიგენის, ასპინძის, ახალციხის, ახალქალაქის, ბორჯომის, ნინოწმინდის რაიონები) საქართველოს პრეზიდენტის სახელმწიფო რწუნებული.

2. კომისიის მუშაობაში მონაწილეობა ეთხოვოთ:

მარინა მოლოდინს – საქართველოს პარლამენტის წევრს

ედუარდ სურმანიძეს – საქართველოს პარლამენტის რეგიონალური პოლიტიკის კომიტეტის თავმჯდომარეს

ოთარ ღორჯომელიძეს – საქართველოს პარლამენტის წევრს.

3. დადგენილება ამოქმედდეს გამოქვეყნებისთანავე.

პრემიერ-მინისტრი                        ზ. ნოღაიდელი