საჯარო სამართლის იურიდიული პირების – სამეგრელოს, გურიის, შიდა ქართლის, ქვემო ქართლის, სამცხე-ჯავახეთის და კახეთის გარემოს დაცვის ლაბორატორიების შექმნის შესახებ

საქართველოს პრეზიდენტის

ბრძანებულება №333

2001 წლის 15 აგვისტო

ქ. თბილისი

საჯარო სამართლის იურიდიული პირების – სამეგრელოს, გურიის, შიდა ქართლის, ქვემო ქართლის, სამცხე-ჯავახეთის და კახეთის გარემოს დაცვის ლაბორატორიების შექმნის შესახებ

„საჯარო სამართლის იურიდიული პირის შესახებ“ საქართველოს კანონის შესაბამისად, საქართველოს ზოგიერთ რეგიონში გარემოს დაცვის სფეროში ოპერატიული ანალიზური საქმიანობის წარმართვის მიზნით:

1. შეიქმნას საჯარო სამართლის იურიდიული პირები:

ა) სამეგრელოს გარემოს დაცვის ლაბორატორია;

ბ) გურიის გარემოს დაცვის ლაბორატორია;

გ) შიდა ქართლის გარემოს დაცვის ლაბორატორია;

დ) ქვემო ქართლის გარემოს დაცვის ლაბორატორია;

ე) სამცხე-ჯავახეთის გარემოს დაცვის ლაბორატორია;

ვ) კახეთის გარემოს დაცვის ლაბორატორია.

2. სამეგრელოს, გურიის, შიდა ქართლის, ქვემო ქართლის, სამცხე-ჯავახეთისა და კახეთის გარემოს დაცვის ლაბორატორიების საქმიანობის  სახელმწიფო კონტროლი განახორციელოს საქართველოს გარემოსა და ბუნებრივი რესურსების დაცვის სამინისტრომ (ნ. ჩხობაძე).

3. საქართველოს გარემოსა და ბუნებრივი რესურსების დაცვის სამინისტრომ უზრუნველყოს ამ ბრძანებულებით შექმნილი საჯარო სამართლის იურიდიული პირების წესდებების და საშტატო ნუსხების დამტკიცება, მათი ხელმძღვანელების დანიშვნა.

4. საქართველოს სახელმწიფო ქონების მართვის სამინისტრომ (ლ.ძნელაძე) უზრუნველყოს საჯარო სამართლის იურიდიული პირებისათვის საჭირო ქონების გადაცემა გარემოსა და ბუნებრივი რესურსების დაცვის სამინისტროს წინადადებების შესაბამისად.

ე. შევარდნაძე