დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოს ნიადაგების ეროზიისაგან დაცვის 1999-2000 წლების სახელმწიფო პროგრამის შესახებ | |
|---|---|
| დოკუმენტის ნომერი | 341 |
| დოკუმენტის მიმღები | საქართველოს პრეზიდენტი. |
| მიღების თარიღი | 30/05/1999 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 27(34), 09/06/1999 |
| ძალის დაკარგვის თარიღი | 29/09/2006 |
| სარეგისტრაციო კოდი | 370160000.05.002.001558 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (09/06/1999 - 27/09/2006)
საქართველოს პრეზიდენტის
ბრძანებულება №341
1999 წლის 30 მაისი
ქ. თბილისი
საქართველოს ნიადაგების ეროზიისაგან დაცვის 1999-2000 წლების სახელმწიფო პროგრამის შესახებ
ეროზიული პროცესების გააქტიურების შედეგად მნიშვნელოვან ზარალს განიცდის ქვეყნის ეკონომიკა. „ნიადაგის საფარის ეროზიისაგან დაცვის პირველი რიგის ღონისძიებათა შესახებ“ საქართველოს პრეზიდენტის 1998 წლის 22 აგვისტოს №493 ბრძანებულების შესაბამისად გარკვეული სამუშაოებია შესრულებული. მიუხედავად ამისა ეროზიული პროცესების შეჩერების საქმეში ჯერ კიდევ მრავალი პრობლემაა. მათი გადაჭრის საკითხთა საფუძვლიანი გაანალიზების შედეგად გამოიკვეთა გადაუდებელ ღონისძიებათა განხორციელების აუცილებლობა.
ბუნების ეკოლოგიური სტაბილურობის შენარჩუნების, ეროზიისაგან ნიადაგის დაცვის უზრუნველყოფისა და ნაყოფიერების შენარჩუნების მიზნით:
1. დამტკიცდეს „საქართველოს ნიადაგების ეროზიისაგან დაცვის 1999-2005 წლების სახელმწიფო პროგრამა“.
2. საქართველოს ნიადაგების ეროზიისაგან დაცვის საქმეში სამინისტროებისა და უწყებების საქმიანობის კოორდინაცია განახორციელოს საქართველოს პრეზიდენტის 1996 წლის 6 თებერვლის №160 ბრძანებულებით შექმნილმა საქართველოს მიწის გამოყენებისა და დაცვის სახელმწიფო კომისიამ.
3. საქართველოს სოფლის მეურნეობისა და სურსათის სამინისტრომ (ბ.გულუა) და მიწის მართვის სახელმწიფო დეპარტამენტმა (ზ. გეგეჭკორი):
– ყოველწლიურად, არა უგვიანეს 1 მარტისა, დადგენილი წესის შესაბამისად, საქართველოს ეკონომიკის სამინისტროს წარუდგინონ განაცხადები დამტკიცებული მიზნობრივი პროგრამის რეალიზაციის შესახებ მომდევნო წლის ინდიკატიური გეგმის პროექტში შესატანად;
– ნიადაგების ეროზიისაგან დაცვის სახელმწიფო პროგრამის ღონისძიებათა ის ნაწილი, რომელიც განეკუთვნება სამშენებლო საქმიანობას (დაპროექტება და მშენებლობა), განახორციელონ საქართველოს ურბანიზაციისა და მშენებლობის სამინისტროსთან ერთად.
4. საქართველოს სოფლის მეურნეობისა და სურსათის სამინისტრომ, გარემოსა და ბუნებრივი რესურსების დაცვის სამინისტრომ (ნ. ჩხობაძე), მიწის მართვის სახელმწიფო დეპარტამენტმა განახორციელონ სათანადო ღონისძიებები პროგრამის რეალიზაციისათვის ადგილობრივი და უცხოური ინვესტიციების მოსაზიდად.
ე. შევარდნაძე
დოკუმენტის კომენტარები