დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოში საავტომობილო ტრანსპორტის ეკოლოგიური უსაფრთხოების ამაღლების ხელშემწყობ ღონისძიებათა შესახებ | |
|---|---|
| დოკუმენტის ნომერი | 302 |
| დოკუმენტის მიმღები | საქართველოს პრეზიდენტი. |
| მიღების თარიღი | 29/07/2001 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 95, 07/09/2001 |
| ძალის დაკარგვის თარიღი | 29/09/2006 |
| სარეგისტრაციო კოდი | 310150000.05.002.002128 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (07/09/2001 - 27/09/2006)
საქართველოს პრეზიდენტის
ბრძანებულება №302
2001 წლის 29 ივლისი
ქ. თბილისი
საქართველოში საავტომობილო ტრანსპორტის ეკოლოგიური უსაფრთხოების ამაღლების ხელშემწყობ ღონისძიებათა შესახებ
საქართველოში საავტომობილო ტრანსპორტის ეკოლოგიური უსაფრთხოების ამაღლების ხელშემწყობი ღონისძიების განხორციელებისათვის, რომელიც მოიცავს ავტოსატრანსპორტო ნარჩენების უტილიზაციას და მისი მინიმუმამდე დაყვანისათვის ორგანიზებული პოლიგონების მოწყობას, საწვავის ხარისხის გაუმჯობესებას, თბილისის სატრანსპორტო განვითარების სქემის შემუშავებას, აგრეთვე დარგში ეკოლოგიური უსაფრთხოების სხვა სტრატეგიული და ქვეყნისათვის განსაკუთრებული მნიშვნელობის საკითხების კოორდინირებულად გადაწყვეტის მიზნით:
1. დამტკიცდეს ეკოლოგიურად უსაფრთხო საავტომობილო პარკის ფორმირების 2001-2005 წლების თანდართული გრძელვადიანი სახელმწიფო პროგრამა.
2. შესაბამისმა სამინისტროებმა, დეპარტამენტებმა და ორგანიზაციებმა მითითებულ ვადებში, კომპეტენციის ფარგლებში შეასრულონ პროგრამით გათვალისწინებული ღონისძიებები.
3. პროგრამით გათვალისწინებული ღონისძიებების შესრულების საერთო კოორდინაცია უზრუნველყოს საქართველოს ტრანსპორტისა და კომუნიკაციების სამინისტრომ (მ. ადეიშვილი, დ. ძოწენიძე).
4. ადგილობრივი მმართველობის ორგანოებმა ხელი შეუწყონ პროგრამით გათვალისწინებული საკითხების შესრულებას.
ე. შევარდნაძე
ეკოლოგიურად უსაფრთხო საავტომობილო პარკის ფორმირების 2001-2005 წლების გრძელვადიანი სახელმწიფო პროგრამა
| № | ღონისძიება | შესრულების ვადა | შემსრულებელი |
| I | „საქართველოს საავტომობილო ტრანსპორტის განვითარების ხელშემწყობ ღონისძიებათა შესახებ“ საქართველოს პრეზიდენტის 1999 წლის 15 აპრილის №145 ბრძანებულებით დამტკიცებული საქართველოს საავტომობილო ტრანსპორტის განვითარების პროგრამის შესაბამისად გათვალისწინებული ღონისძიებების განხორციელება, კერძოდ: | 2001 წლიდან 2005 წლამდე |
|
| 1. | საავტომობილო ტრანსპორტში ტექნიკური ნორმებისა და მახასიათებლების შემუშავება ევროსტანდარტებისა და სტანდარტიზაციის საერთაშორისო სისტემების საფუძველზე | სისტემატურად | სახმელეთო ტრანსპორტის ადმინისტრაცია დაინტერესებულ უწყებებთან ერთად |
| 2. | სასერტიფიკაციო ორგანოებისა და ლაბორატორიების ქსელის შექმნა, მათი მუშაობის ორგანიზაცია და ინსპექტირება დადგენილი წესით | სისტემატურად | სახმელეთო ტრანსპორტის ადმინისტრაცია საქსტანდარტთან ერთად |
| 3. | ავტოსატრანსპორტო საშუალებების სერტიფიკაციის სისტემის ამოქმედება ქვეყნის მასშტაბით ევროსტანდარტებით გათვალისწინებული მოთხოვნების საფუძველზე | 2001 წლის 31 დეკემბრამდე | სახმელეთო ტრანსპორტის ადმინისტრაცია დაინტერესებულ უწყებებთან ერთად |
| II | ავტოსატრანსპორტო საშუალებები- სა და მათში გამოყენებული საწვა- ვების სრულყოფის ღონისძიებები |
|
|
| 1. | წინადადებების შემუშავება მოწინავე საავტომობილო ფირმების წარმომადგენლობების საქართველოში დასაფუძნებლად და მისი შესაბამისი საკანონმდებლო-ნორმატიული ბაზისათვის ხელშემწყობი პირობების შესაქმნელად | 2001 წლიდან 2003 წლამდე | სახმელეთო ტრანსპორტის ადმინისტრაცია დაინტერესებულ უწყებებთან ერთად |
| 2. | წინადადებების შემუშავება სატვირთო ავტომობილებისა და ავტობუსების (M2, M3, N2 და N2 კატეგორიები) კატალიზური კონვერტორებით სავალდებულო აღჭურვის შესახებ | 2003 წლის 1 იანვრამდე | სახმელეთო ტრანსპორტის ადმინისტრაცია, სათბობ-ენერგეტიკის სამინისტრო, გარემოსა და ბუნებრივი რესურსების დაცვის სამინისტრო, საქსტანდარტი |
| 3. | წინადადებების შემუშავება მსუბუქი ავტომობილების (M1 და N1 კატეგორიები) კატალიზური კონვერტორებით სავალდებულო აღჭურვის შესახებ | 2004 წლის 1 იანვრამდე | სახმელეთო ტრანსპორტის ადმინისტრაცია, სათბობ-ენერგეტიკის სამინისტრო, გარემოსა და ბუნებრივი რესურსების დაცვის სამინისტრო, საქსტანდარტი |
| 4. | წინადადებების შემუშავება ავტოსატრანსპორტო საშუალებების იმპორტისა და ექსპლუატაციის დროს კატალიზური კონვერტორებით და ეკოლოგიური უსაფრთხოების ამაღლების სხვა საშუალებებით დაკომპლექტების სტიმულირების შესახებ | 2003 წლის 1 იანვრამდე | სახმელეთო ტრანსპორტის ადმინისტრაცია, გარემოსა და ბუნებრივი რესურსების დაცვის სამინისტრო |
| 5. | წინადადებების შემუშავება ავტოსატრანსპორტო საშუალებების მფლობელთა სტიმულირების შესახებ ავტოსატრანსპორტო საშუალებების ასაკის და განარბენის უკუპროპორციულად და თბილისისათვის განსაკუთრებული რეჟიმის შემოსაღებად | 2004 წლის 1 იანვრამდე | სახმელეთო ტრანსპორტის ადმინისტრაცია, საავტომობილო გზების სახელმწიფო დეპარტამენტი, საქართველოს შინაგან საქმეთა სამინისტრო |
| 6 | მსოფლიო ბანკის ატმოსფეროსა და ენერგეტიკის დეპარტამენტის რეკომენდაციების დანერგვა ბენზინში ტყვიის შემცველობის შეზღუდვის შესახებ | 2001 წლიდან 2005 წლამდე | სათბობ-ენერგეტიკის სამინისტრო, გარემოსა და ბუნებრივი რესურსების დაცვის სამინისტრო, სახმელეთო ტრანსპორტის ადმინისტრაცია, საქსტანდარტი |
| 7. | საქართველოში წარმოებული საავტომობილო საწვავების საერთაშორისო სტანდარტებთან შესაბამისობაში მოყვანის, მათი ეროვნული სტანდარტების დამუშავებისა და ექსპლუატაციაში არსებული საწვავების ხარისხის კონტროლის ღონისძიებები | 2004 წლის 1 იანვრამდე | სათბობ-ენერგეტიკის სამინისტრო, გარემოსა და ბუნებრივი რესურსების დაცვის სამინისტრო, სახმელეთო ტრანსპორტის ადმინისტრაცია, საქსტანდარტი |
| III | ავტოსატრანსპორტო ნარჩენების უტილიზაცია |
|
|
| 1. | საქართველოში კანონმდებლობის შესაბამისად გამოუსადეგარად აღიარებული ავტოსატრანსპორტო ნარჩენების მართვისა და უტილიზაციის წესის შემუშავება და დამტკიცება | 2002 წლის 1 ივლისამდე | სახმელეთო ტრანსპორტის ადმინისტრაცია, გარემოსა და ბუნებრივი რესურსების დაცვის სამინისტრო, საქართველოს სახელმწიფო ანტიმონოპო- ლიური სამსახური |
| 2. | წინადადებების შემუშავება ქვეყანაში ამ პროგრამის 1.3, 2.2, 2.3, 2.4 და 2.6 პუნქტების შესრულების შედეგად გამოუსადეგარად ან ექსპლუატაციაში მიზანშეუწონლად აღიარებული ავტოსატრანსპორტო საშუალებებისა და მათი ნარჩენების ქვეყნიდან ექსპორტის ხელშემწყობ ღონისძიებათა შესახებ | 2003 წლის 1 იანვრამდე | სახმელეთო ტრანსპორტის ადმინისტრაცია, გარემოსა და ბუნებრივი რესურსების დაცვის სამინისტრო |
| 3. | ტენდერის მოწყობა გამოუსადეგარი ავტოსატრანსპორტო საშუალებების, ნამუშევარი საავტომობილო ძრავების ზეთების, სხვა საექსპლუატაციო მასალებისა და ავტოსატრანსპორტო საშუალებების გამოუსადეგარი საბურავების საუტილიზაციო პოლიგონე- ბის მოწყობის შესახებ | 2003 წლის 1 ივლისამდე | სახმელეთო ტრანსპორტის ადმინისტრაცია, გარემოსა და ბუნებრივი რესურსების დაცვის სამინისტრო, ადგილობრივი მმართველობის ორგანოები, საქართველოს სახელმწიფო ანტიმონოპო- ლიური სამსახური |
| 4. | ტენდერის მოწყობა საავტომობილო საექსპლუატაციო მასალების ნარჩენების გამოყენებისა და რეგენერაცია-აღდგენის ობიექტების მოწყობის შესახებ | 2004 წლის 1 ივლისამდე | სახმელეთო ტრანსპორტის ადმინისტრაცია, გარემოსა და ბუნებრივი რესურსების დაცვის სამინისტრო, ადგილობრივი მმართველობის ორგანოები, საქართველოს სახელმწიფო ანტიმონო-პოლიური სამსახური |
| IV | ავტოსატრანსპორტო საშუალებების ეკოლოგიური უსაფრთხოების უზრუნველმყოფი სხვა დამატებითი ღონისძიებები |
|
|
| 1. | ტენდერის მოწყობა ავტოსატრანსპორტო საშუალებების კატალიზური კონვერტორების დაპროექტების ან (და) წარმოების შესახებ | 2003 წლის 1 ივლისამდე | სახმელეთო ტრანსპორტის ადმინისტრაცია, ეკონომიკის, მრეწველობისა და ვაჭრობის სამინისტრო, საქსტანდარტი |
| 2. | ტენდერის მოწყობა საავტომობილო საწვავების საექსპლუატაციო თვისებების მაჩვენებლების განსასაზღვრი პორტატული და სტაციონარული ხელსაწყო-დანადგარების დაპროექტებისა და წარმოების ან იმპორტის შესახებ | 2003 წლის 1 ივლისამდე | სახმელეთო ტრანსპორტის ადმინისტრაცია, ეკონომიკის, მრეწველობისა და ვაჭრობის სამინისტრო, საქსტანდარტი |
| 3. | ავტოსატრანსპორტო საშუალებების სერვისის წესის შემუშავება მათი მოძრაობისა და ეკოლოგიური უსაფრთხოების განმსაზღვრელი პარამეტრების უზრუნველყოფის გათვალისწინებით | 2002 წლის 31 დეკემბრამდე | სახმელეთო ტრანსპორტის ადმინისტრაცია დაინტერესებულ უწყებებთან ერთად |
| 4. | თბილისის სატრანსპორტო განვითარების სქემის შემუშავება | 2003 წლის 1 ივლისამდე | სახმელეთო ტრანსპორტის ადმინისტრაცია, თბილისის მერია |
| 5. | აქტიური თანამშრომლობა მოწინავე საავტომობილო ფირმებთან, სასწავლო-სამეცნიერო და კვლევით ცენტრებთან ეკოლოგიური უსაფრთხოების ექსპერტებისა და პროფესიონალი მძღოლების მომზადების და სტაჟირების მიზნით | სისტემატურად | სახმელეთო ტრანსპორტის ადმინისტრაცია, საქართველოს ტექნიკური უნივერსიტეტი |
| 6. | საავტომობილო ტრანსპორტის ეკოლოგიური უსაფრთხოების საკითხებისა და პრობლემების რეგულარულად გაშუქება მასობრივი ინფორმაციის საშუალებებით, მის შესახებ მიზნობრივი ლიტერატურისა და სწავლების პროპაგანდა. | სისტემატურად | სახმელეთო ტრანსპორტის ადმინისტრაცია, გარემოსა და ბუნებრივი რესურსების დაცვის სამინისტრო |
დოკუმენტის კომენტარები