დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოს მოქალაქეობის საკითხთა განხილვა-გადაწყვეტის წესის შესახებ დებულების დამტკიცების თაობაზე | |
|---|---|
| დოკუმენტის ნომერი | 637 |
| დოკუმენტის მიმღები | საქართველოს პრეზიდენტი |
| მიღების თარიღი | 09/11/1998 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 4, 20/11/1998 |
| ძალის დაკარგვის თარიღი | 01/02/2009 |
| სარეგისტრაციო კოდი | 040230000.05.002.000001 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (20/11/1998 - 29/12/2005)
საქართველოს პრეზიდენტის
ბრძანებულება №637
1998 წლის 9 ნოემბერი
ქ. თბილისი
საქართველოს მოქალაქეობის საკითხთა განხილვა-გადაწყვეტის წესის შესახებ დებულების დამტკიცების თაობაზე
1. დამტკიცდეს თანდართული დებულება საქართველოს მოქალაქეობის საკითხთა განხილვა-გადაწყვეტის წესის შესახებ.
2. ძალადაკარგულად ჩაითვალოს შემდეგი ნორმატიული აქტები:
ა) საქართველოს სახელმწიფოს მეთაურის 1994 წლის 25 მარტის №83 ბრძანებულება "საქართველოს მოქალაქეობის საკითხებზე განცხადებებისა და წარდგინების განხილვის წესის თაობაზე" დებულების დამტკიცების შესახებ;
ბ) საქართველოს რესპუბლიკის მინისტრთა კაბინეტის 1993 წლის 10 ივნისის №450 დადგენილება "საქართველოს მოსახლეობის მოქალაქეობის დადგენის წესის შესახებ დებულების თაობაზე";
გ) საქართველოს რესპუბლიკის მინისტრთა კაბინეტის 1993 წლის 10 ივნისის №452 დადგენილება "მმართველობის ადგილობრივ ორგანოებთან არსებული მოქალაქეობის საკითხთა დროებითი კომისიების შესახებ დებულების თაობაზე".
3. საქართველოს შინაგან საქმეთა სამინისტრომ (კ. თარგამაძე) და საგარეო საქმეთა სამინისტრომ (ი.მენაღარიშვილი) უზრუნველყონ სათანადო კანონქვემდებარე აქტების შესაბამისობა ამ დებულების მოთხოვნებთან.
4. ეს ბრძანებულება ძალაშია გამოქვეყნებისთანავე.
ე. შევარდნაძე
დ ე ბ უ ლ ე ბ ა
საქართველოს მოქალაქეობის საკითხთა განხილვა-გადაწყვეტის წესის შესახებ
I. ზოგადი დებულებანი
1. ეს დებულება განსაზღვრავს "საქართველოს მოქალაქეობის შესახებ" საქართველოს კანონის (შემდგომში - კანონი) შესაბამისად საქართველოს მოქალაქეობის საკითხთა (საქართველოს მოქალაქეობის მიღება, საქართველოს მოქალაქეობის აღდგენა, საქართველოს მოქალაქეობის დადგენა, საქართველოს მოქალაქეობიდან გასვლა, საქართველოს მოქალაქეობის შეწყვეტა) განხილვა-გადაწყვეტის, აგრეთვე, მოქალაქეობის საკითხებზე მიღებულ გადაწყვეტილებათა აღსრულების, მათი კონტროლისა და მოქალაქეობის საკითხთა სტატისტიკის წარმოების წესებს.
2. საქართველოს მოქალაქეობის მიღების, საქართველოს მოქალაქეობის აღდგენის, საქართველოს მოქალაქეობიდან გასვლის, საქართველოს მოქალაქეობის შეწყვეტის შესახებ საქართველოს იუსტიციის სამინისტროს მიერ წარდგენილი მასალების საფუძველზე გადაწყვეტილებას იღებს საქართველოს პრეზიდენტი.
3. მოქალაქეობის საკითხებით დაინტერესებულ პირთა განცხადებებსა და კანონით უფლებამოსილ ორგანოთა წარდგინებას წინასწარ განსახილველად ამზადებს საქართველოს იუსტიციის სამინისტროს მოქალაქეობისა და იმიგრაციის დეპარტამენტი, რომელიც დასკვნას აღნიშნულის თაობაზე წარუდგენს იუსტიციის სამინისტროს მოქალაქეობისა და იმიგრაციის საკითხთა კოლეგიას (შემდგომში - კოლეგია). კოლეგიის დადგენილება, საქმის მასალასთან ერთად, საბოლოო გადაწყვეტილების მიღების მიზნით ეგზავნება საქართველოს პრეზიდენტს.
4. საქართველოს მოქალაქეობის მიღების, საქართველოს მოქალაქეობის აღდგენის, საქართველოს მოქალაქეობის დადგენის, საქართველოს მოქალაქეობიდან გასვლის შესახებ განცხადებები დაინტერესებულ პირებს საქართველოს იუსტიციის სამინისტროში შეაქვთ წერილობითი ფორმით.
14 წლამდე ასაკის პირთა მოქალაქეობის საკითხი განიხილება მათი კანონიერი წარმომადგენლის განცხადებასთან ერთად.
5. საქართველოს ფარგლებს გარეთ მცხოვრები პირები წერილობით განცხადებებსა და საკითხის განხილვისათვის საჭირო დოკუმენტებს შეიტანენ საქართველოს დიპლომატიურ წარმომადგენლობებსა და საკონსულო დაწესებულებებში შესაბამის ქვეყნებში.
6. საქართველოს დიპლომატიური წარმომადგენლობა და საკონსულო დაწესებულება ვალდებული არიან საბუთების მიღებიდან ერთ თვეში უზრუნველყონ მათი წარდგენა საქართველოს იუსტიციის სამინისტროში.
7. საქართველოს მოქალაქეობის დაკარგვის საფუძვლების გამოვლენისას სასამართლო, შინაგან საქმეთა სამინისტრო, საგარეო საქმეთა სამინისტრო, პროკურატურა ვალდებული არიან დაუყოვნებლივ შეიტანონ იუსტიციის სამინისტროში წარდგინება საქართველოს მოქალაქეობის დაკარგვის თაობაზე. სხვა სახელმწიფოში მცხოვრებ პირთა მიმართ ასეთი წარდგინება შეაქვს საქართველოს დიპლომატიურ წარმომადგენლობას ან საკონსულო დაწესებულებას. საქართველოს სახელმწიფო უშიშროების სამინისტრო, საქართველოს თავდაცვის სამინისტრო და მათი შესაბამისი სამსახურები, საქართველოს სახელმწიფო საზღვრის დაცვის სახელმწიფო დეპარტამენტი, აგრეთვე სხვა სახელმწიფო უწყებები ვალდებული არიან დაუყოვნებლივ წარუდგინონ წერილობითი ინფორმაცია იუსტიციის სამინისტროს მათთვის ცნობილ საქართველოს მოქალაქეობის დაკარგვის საფუძვლების არსებობის თაობაზე.
წარდგინებას თან უნდა ერთვოდეს იმ ფაქტების დამადასტურებელი დოკუმენტები, რომლებიც კანონის 32-ე მუხლის მიხედვით განიხილება, როგორც საქართველოს მოქალაქეობის დაკარგვის საფუძველი (საქართველოს მოქალაქის პირადობის მოწმობის ან საქართველოს მოქალაქეობის უფლების დამადასტურებელი მონაცემები, საქართველოს მოქალაქის პასპორტის, აგრეთვე, სხვა ქვეყნის მოქალაქეობის დამადასტურებელი მონაცემები), პირის ახსნა-განმარტება სხვა ქვეყნის მოქალაქეობის მიღების მიზეზებისა და გარემოებების შესახებ.
8. მოქალაქეობის საკითხებზე განცხადება და წარდგინება მიღებულად ითვლება კანონითა და ამ დებულებით დადგენილი წესით გაფორმებული დოკუმენტების საქართველოს იუსტიციის სამინისტროში რეგისტრაციის დღიდან.
9. განცხადებები და თანდართული დოკუმენტები წარდგენილ უნდა იქნეს ქართულ ენაზე. სხვა ენაზე შედგენილი დოკუმენტები მიიღება სათანადო წესით დამოწმებულ თარგმანთან ერთად.
10. მოქალაქეობის საკითხებზე განცხადებებს დაინტერესებული პირები წარადგენენ პირადად.
თუ დაინტერესებულ პირს საპატიო მიზეზით (ავადმყოფობა, ხანგრძლივი მივლინება, სამხედრო სამსახური და სხვ.) არ შეუძლია განცხადების პირადად წარდგენა, საქართველოს იუსტიციის სამინისტრო, დიპლომატიური წარმომადგენლობა ან საკონსულო დაწესებულება განცხადებას და თანდართულ დოკუმენტებს მიიღებს სათანადო წესით გაფორმებული მინდობილობის მქონე პირის ან ფოსტის მეშვეობით.
11. კანონითა და ამ დებულებით გათვალისწინებულ შემთხვევებში 14-დან 18 წლამდე პირთა კანონიერ წარმომადგენელთა წერილობითი თანხმობა დასტურდება სანოტარო წესით.
12. სხვა სახელმწიფოში მცხოვრებ პირთა ხელმოწერა განცხადებასა და სხვა დოკუმენტებზე დასტურდება საქართველოს დიპლომატიური წარმომადგენლობის ან საკონსულო დაწესებულების მიერ.
13. იმ შემთხვევაში, თუ დაინტერესებულ პირს ფიზიკური ნაკლის, ავადმყოფობის ან სხვა საპატიო მიზეზის გამო არ შეუძლია ხელის მოწერა, მისი სახელით, მისივე დავალებით განცხადებასა და დოკუმენტებს ხელს აწერს სხვა პირი, რაც მოწმდება სანოტარო წესით.
14. მოქალაქეობის საკითხებზე განცხადებათა და წარდგინებათა განხილვისა და გადაწყვეტილების მიღების ვადა არ უნდა აღემატებოდეს ერთ წელს მათი მიღების დღიდან.
საქართველოს მოქალაქეობის დადგენის საკითხთა განხილვის ვადა არ უნდა აღემატებოდეს 3 თვეს.
15. საქართველოს მოქალაქეობის მიღების, მოქალაქეობიდან გასვლის, მოქალაქეობის აღდგენისა და მოქალაქეობის შეწყვეტის თაობაზე განცხადების და წარდგინების განმეორებითი განხილვა შეიძლება წინა გადაწყვეტილების მიღებიდან ერთი წლის შემდეგ. ასეთ შემთხვევაში საქმის განხილვა მოხდება ამ დებულების მე-40_50-ე პუნქტების გათვალისწინებით.
16. მოქალაქეობის საკითხებზე განცხადებათა და სხვა სახის მასალების განხილვისათვის სახელმწიფო ბაჟის გადახდა უნდა მოხდეს საქართველოს კანონმდებლობით დადგენილი წესით და ოდენობით.
გადახდის დამადასტურებელი დოკუმენტი დაერთვის შესაბამის პირად საქმეს.
17. განცხადებათა, წარდგინებათა და სხვა მასალის განხილვის პროცესში მოქალაქეობისა და იმიგრაციის დეპარტამენტს უფლება აქვს მოიწვიოს დაინტერესებული პირი, მიიღოს მისგან საკითხის განსახილველად საჭირო საბუთები და ახსნა-განმარტებები, სახელმწიფო ორგანოებისა და საზოგადოებრივი ორგანიზაციებისაგან მიიღოს აუცილებელი საბუთები და წერილობითი დასკვნები განსახილველი საქმის ირგვლივ.
18. მოქალაქეობის საკითხთა განხილვისას მხედველობაში მიიღება როგორც დაინტერესებულ პირთა პირადი საბუთები, მისი პიროვნება, განცხადების მოტივები, ისე სათანადო წესით გაფორმებული ახსნა-განმარტებები და სხვა სახის წერილობითი დოკუმენტები.
19. საქართველოს იუსტიციის სამინისტროს მოქალაქეობისა და იმიგრაციის დეპარტამენტი ვალდებულია მოქალაქეობის საკითხთა წინასწარი განხილვის პროცესში განმცხადებელს განუმარტოს კანონის მოთხოვნები, საქართველოს მოქალაქეობის მოპოვებისას სხვა ქვეყნის მოქალაქეობაზე უარის თქმის აუცილებლობის შესახებ და მოქალაქეობაზე მიღებულ გადაწყვეტილებათა გასაჩივრების წესი.
20. მოქალაქეობის საკითხებზე გადაწყვეტილებას იღებს საქართველოს პრეზიდენტი მოქმედი კანონმდებლობის შესაბამისად, ხოლო კანონის 36-1-ე მუხლით გათვალისწინებულ შემთხვევებში _ საქართველოს იუსტიციის სამინისტრო.
21. საქართველოს მოქალაქეობის მიღების, საქართველოს მოქალაქეობის აღდგენის, საქართველოს მოქალაქეობიდან გასვლის, საქართველოს მოქალაქეობის შეწყვეტის თაობაზე განცხადებებისა და წარდგინების დაკმაყოფილების ან მის დაკმაყოფილებაზე უარის შემთხვევაში საქართველოს პრეზიდენტი გამოსცემს ბრძანებულებას.
22. კანონის მე-3 და მე-11_22-ე მუხლებით გათვალისწინებული პირობების შესაბამისად საქართველოს მოქალაქეობის დადგენის თაობაზე გადაწყვეტილებას იღებს იუსტიციის სამინისტრო.
23. კანონის 26-ე, 28-ე და 29-ე მუხლებით გათვალისწინებული საფუძვლებით საქართველოს მოქალაქეობის მოპოვების მსურველი პირი საკითხის წინასწარი განხილვის პროცესში გაივლის ტესტირებას ქართული ან აფხაზური ენის, საქართველოს ისტორიისა და კანონმდებლობის ცოდნის შესაფასებლად.
დაინტერესებული პირები ტესტირებას გაივლიან იუსტიციის სამინისტროსთან არსებულ მოქალაქეობის საკითხთა მუდმივმოქმედ კომისიაში, რომელიც დაკომპლექტებულია მეცნიერ-სპეციალისტთა და საზოგადოებრიობის წარმომადგენლებისაგან.
კომისიის დებულებასა და პერსონალურ შემადგენლობას ამტკიცებს საქართველოს იუსტიციის მინისტრი.
24. მოქალაქეობის საკითხებზე საქმეთა განხილვის პროცესში, მოპოვებული მასალის საფუძველზე, იუსტიციის სამინისტროს მოქალაქეობისა და იმიგრაციის დეპარტამენტი ადგენს მოტივირებულ დასკვნას განცხადების, წარდგინების, სხვა სახის მასალის დაკმაყოფილების ან მასზე უარის თქმის მიზანშეწონილობის შესახებ.
დასკვნა თანდართულ მასალასთან ერთად განიხილება კოლეგიის სხდომაზე და მტკიცდება კოლეგიის დადგენილებით. კოლეგია გადაწყვეტილებას იღებს კოლეგიის წევრთა ხმების უმრავლესობით. კოლეგიის დადგენილებას ხელს აწერს კოლეგიის თავმჯდომარე.
25. კოლეგია უფლებამოსილია გარდა მოქალაქეობის კონკრეტული საკითხებისა, განიხილოს აგრეთვე მოქალაქეობის სფეროში სახელმწიფო პოლიტიკის შემუშავებასა და განხორციელებასთან დაკავშირებული საკითხები და შესაბამისი რეკომენდაციები წარუდგინოს საქართველოს საკანონმდებლო და აღმასრულებელ ხელისუფლებას; განაზოგადოს ამ სფეროში დასაქმებული უწყებებისა და სამსახურების საქმიანობა და თავისი კომპეტენციის ფარგლებში შეაფასოს ამ მხრივ გაწეული მუშაობა; უფლება აქვს ამ მიზნით მოიწვიოს საქართველოს შინაგან საქმეთა სამინისტროს საპასპორტო და საგარეო საქმეთა სამინისტროს და სხვა ქვეყნებში საქართველოს საკონსულო სამსახურების პასუხისმგებელი თანამდებობის პირები; დასახოს მათი მეთოდური დახმარების მიმართულებები და შეიმუშაოს სათანადო რეკომენდაციები; პერიოდულად მოისმინოს ამ სამსახურების მიერ მოქალაქეობის სფეროში მიმდინარე საქმიანობის ამსახველი ინფორმაცია; განიხილოს მოქალაქეობის საკითხებზე მიღებულ გადაწყვეტილებათა აღსრულების მდგომარეობა მოქალაქეობისა და იმიგრაციის დეპარტამენტის მიერ ჩატარებული შემოწმების მასალების მიხედვით; მიიღოს სათანადო განმარტებები შინაგან საქმეთა სამინისტროს საპასპორტო და საკონსულო სამსახურების თანამდებობის პირებისაგან; მიიღოს სათანადო ზომები საქართველოს კონსტიტუციისა და მოქალაქეობის სფეროში არსებული კანონმდებლობის მოთხოვნათა განუხრელი დაცვის უზრუნველყოფისათვის ქვეყანაში მოქალაქეობის ერთიანი პოლიტიკის განხორციელების მიზნით; შეიმუშაოს სათანადო ღონისძიებები და რეკომენდაციები საჯარო სამსახურის შესახებ კანონმდებლობის მოთხოვნათა დაცვისათვის, საჯარო სამსახურში ორმაგი მოქალაქეობის ფაქტებისა და შესაბამის თანამდებობებზე ორმაგი მოქალაქეობის მქონე პირთა, სხვა ქვეყნის მოქალაქეთა ანდა მოქალაქეობის არმქონე პირთა სამსახურის დაუშვებლობის უზრუნველსაყოფად.
სახელმწიფო ორგანოები და თანამდებობის პირები ვალდებული არიან კოლეგიის სხდომაზე განხილვის მიზნით იუსტიციის სამინისტროს მოთხოვნისამებრ წარუდგინონ ამ მხრივ საჭირო ინფორმაცია.
მოქალაქეობისა და იმიგრაციის საკითხთა კოლეგიის ორგანიზაციისა და საქმიანობის წესი განისაზღვრება კოლეგიის დებულებით.
კოლეგიის დებულებასა და პერსონალურ შემადგენლობას ამტკიცებს საქართველოს იუსტიციის მინისტრი.
26. მოქალაქეობისა და იმიგრაციის საკითხთა კოლეგიის სხდომაზე, კოლეგიის გადაწყვეტილებით, შეიძლება მოწვეულ იქნეს განმცხადებელი, წარდგინების შემტანი ორგანოს წარმომადგენელი, აგრეთვე ის პირები, რომელთა დასწრებასაც შეიძლება მნიშვნელობა ჰქონდეს საქმის განხილვასთან დაკავშირებული გარემოებების გასარკვევად.
27. საქართველოს პრეზიდენტის გადაწყვეტილება სხვა ქვეყნის მოქალაქის საქართველოს მოქალაქედ მიღების, აგრეთვე სხვა ქვეყნის მოქალაქისათვის საქართველოს მოქალაქეობის აღდგენის შესახებ ძალაში შედის ამ პირის მიერ თავდაპირველ მოქალაქეობაზე უარის თქმის შესახებ შესაბამისი სახელმწიფოს კომპეტენტური ორგანოების მიერ გაცემული დოკუმენტის წარდგენის შემდეგ, რაც შეიძლება აღინიშნოს ბრძანებულების ტექსტში. აღნიშნული დოკუმენტი დაინტერესებულმა პირმა უნდა წარადგინოს იუსტიციის სამინისტროს მოქალაქეობისა და იმიგრაციის დეპარტამენტში.
საქართველოს პრეზიდენტის გადაწყვეტილება შემდგომი რეაგირებისათვის ეგზავნება იუსტიციის სამინისტროს მოქალაქეობისა და იმიგრაციის დეპარტამენტს.
28. საქართველოს მოქალაქეობის საკითხებზე საქართველოს პრეზიდენტის მიერ მიღებული გადაწყვეტილებები (ბრძანებულებები) ქვეყნდება საქართველოს კანონმდებლობით დადგენილი წესით.
29. მოქალაქეობის საკითხებზე კანონმდებლობის მოთხოვნათა შესრულების კონტროლს დადგენილი წესით ახორციელებს საქართველოს იუსტიციის სამინისტრო.
II. საქართველოს მოქალაქეობის დადგენის წესი, მოქალაქეობის დადგენის საკითხთა განხილვისათვის წარსადგენი დოკუმენტები
30. მოქალაქეობის დადგენის საკითხს კანონის 36-1-ე მუხლის შესაბამისად განიხილავს და გადაწყვეტილებას იღებს საქართველოს იუსტიციის სამინისტროს მოქალაქეობისა და იმიგრაციის დეპარტამენტი.
31. საქართველოს მოქალაქეობის დადგენის საკითხის განსახილველად საქართველოს იუსტიციის სამინისტროს მოქალაქეობისა და იმიგრაციის დეპარტამენტში წარდგენილ უნდა იქნეს შემდეგი დოკუმენტები:
* კანონის მე-3 მუხლის "ა" პუნქტის შესაბამისად საქართველოს მოქალაქეობის დადგენისათვის:
ა) საქართველოში არანაკლებ ხუთი წლით მუდმივად ცხოვრების დამადასტურებელი დოკუმენტი (პირადობისა და რეგისტრაციის დამადასტურებელი დოკუმენტები, პასპორტის, სამხედრო ბილეთის, შრომის წიგნაკის ასლი ან ცნობა სამუშაო ადგილიდან, ანდა იურიდიული ფაქტის დამადასტურებელი სხვა დოკუმენტი);
ბ) კანონის სამოქმედოდ შემოღების მომენტისათვის საქართველოში ცხოვრების დამადასტურებელი დოკუმენტი (საპასპორტო მონაცემები, პასპორტის, სამხედრო ბილეთის, შრომის წიგნაკის ასლი ან ცნობა სამუშაო ადგილიდან, ანდა იურიდიული ფაქტის დამადასტურებელი სხვა დოკუმენტი);
გ) ცნობა საპასპორტო სამსახურიდან იმის შესახებ, რომ დაინტერესებულ პირს კანონით დადგენილ ვადაში არ განუცხადებია უარი საქართველოს მოქალაქეობაზე;
დ) ფოტოსურათი ზომით - 3 X 4;
* კანონის მე-3 მუხლის "ბ" პუნქტის შესაბამისად საქართველოს მოქალაქეობის დადგენისათვის:
ა) საქართველოში დაბადების დამადასტურებელი დოკუმენტი (დაბადების მოწმობა, საქართველოს მოქალაქის პირადობის მოწმობა, პასპორტი, მშობლების საპასპორტო მონაცემები);
ბ) 1991 წლის 21 დეკემბრამდე საქართველოში ცხოვრების ფაქტის დამადასტურებელი დოკუმენტები (პასპორტი, სამხედრო ბილეთი, შრომის წიგნაკი, ანდა იურიდიული ფაქტის დამადასტურებელი სხვა დოკუმენტი);
გ) სხვა ქვეყნის მოქალაქეობის მიღების საფუძვლის არსებობის შემთხვევაში შესაბამისი ქვეყნის კომპეტენტური ორგანოების მიერ გაცემული ცნობა ამ ქვეყნის მოქალაქეობის არქონის შესახებ. ეს მოთხოვნა სავალდებულო არ შეიძლება იყოს იმ ქვეყნებთან მიმართებაში, რომლებიც ანალოგიურ ცნობებს არ გასცემენ. ასეთ შემთხვევაში დაინტერესებულ პირს უნდა განემარტოს, რომ მის მიერ სხვა ქვეყნის მოქალაქეობის მიღების ფაქტის გამოვლენის შემთხვევაში იგი დაკარგავს საქართველოს მოქალაქეობას საქართველოს კანონმდებლობით დადგენილი წესით;
დ) ფოტოსურათი ზომით - 3 X 4;
იუსტიციის სამინისტროს მოქალაქეობისა და იმიგრაციის დეპარტამენტი უფლებამოსილია სახელმწიფო ორგანოებისაგან, საზოგადოებრივი ორგანიზაციებისა და სხვა სტრუქტურებისაგან დამატებით გამოითხოვოს საქართველოს მოქალაქეობის დადგენის საკითხთა განხილვისათვის საჭირო დოკუმენტები, აგრეთვე მიიღოს თანამდებობის პირთა და მოქალაქეთა ახსნა-განმარტებები.
მოქალაქეობის დადგენის თაობაზე დაინტერესებული პირი ავსებს დადგენილი ფორმის განცხადებას (დანართი 1, ფორმა 1).
მოქალაქეობის დადგენის თაობაზე გადაწყვეტილება მიიღება დასკვნის (დანართი 1, ფორმა 2, ფორმა 3) სახით, რომლის ერთი პირი აღსასრულებლად ეგზავნება საპასპორტო სამსახურს, ხოლო მეორე პირი ეძლევა მოქალაქეს. დასკვნა შეიძლება იყოს დადებითი ან უარყოფითი.
დადებითი დასკვნა გაიცემა იმ შემთხვევაში, თუ მოიპოვება საკმაო საფუძველი კანონის მე-3 და მე-11_22-ე მუხლების შესაბამისად პირისათვის საქართველოს მოქალაქეობის დასადგენად, ხოლო უარყოფითი დასკვნა _ იმ შემთხვევაში, თუ არსებული საბუთებით არ დასტურდება კანონის ამ მუხლის მოთხოვნათა შესაბამისად პირის მოქალაქეობა.
დასკვნას ხელს აწერს იუსტიციის სამინისტროს სათანადოდ უფლებამოსილი პირი, რაც მოწმდება მოქალაქეობისა და იმიგრაციის დეპარტამენტის ბეჭდით.
32. კანონის მე-3 მუხლის "ა" და "ბ" პუნქტების შესაბამისად მოქალაქეობის დადგენის საკითხის განხილვისას მხედველობაში მიიღება დაინტერესებული პირის მიერ საქართველოს მოქალაქეობაზე უარის თქმის მოტივები, აგრეთვე, საქართველოს მოქალაქეობაზე უარის თქმის კანონით დადგენილი ვადის გაშვების მიზეზები. კანონის 45-ე მუხლის თანახმად საპატიო მიზეზის არსებობის შემთხვევაში, მოქალაქეობისა და იმიგრაციის დეპარტამენტი უფლებამოსილია აღადგინოს გაშვებული ვადა და პირის ინტერესებიდან გამომდინარე მიიღოს საქართველოს მოქალაქეობის დადგენის თაობაზე შესაბამისი გადაწყვეტილება.
33. მოქალაქეობის დადგენის თაობაზე იუსტიციის სამინისტროს დასკვნა შეიძლება გასაჩივრდეს სასამართლოში კანონმდებლობით დადგენილი წესით.
34. მოქალაქეობის დადგენის თაობაზე იუსტიციის სამინისტროს დასკვნა სავალდებულოა შესასრულებლად საპასპორტო სამსახურისათვის და შესაბამისად, საქართველოს დიპლომატიური წარმომადგენლობებისა და საკონსულო სამსახურებისათვის სხვა ქვეყნებში.
35. საპასპორტო სამსახურებმა დასკვნის მიღებიდან 5 დღის განმავლობაში, ხოლო საკონსულო სამსახურებმა _ დასკვნის მიღებიდან 15 დღის განმავლობაში უნდა გაატარონ მის აღსასრულებლად საჭირო ღონისძიებები და აღნიშნულის შესახებ დაუყოვნებლივ აცნობონ საქართველოს იუსტიციის სამინისტროს მოქალაქეობისა და იმიგრაციის დეპარტამენტს.
საპასპორტო სამსახურებმა, საქართველოს დიპლომატიურმა წარმომადგენლობებმა და საკონსულო დაწესებულებებმა სხვა ქვეყნებში კანონის მე-3 და მე-11_22-ე მუხლების მოთხოვნათა შესაბამისად მოქალაქეობადასადგენი პირების რეგისტრაცია და მათთვის მოქალაქეობის დამადასტურებელი დოკუმენტის გაცემა უნდა განახორციელონ მხოლოდ იუსტიციის სამინისტროს დასკვნის მიღების შემდეგ.
36. კონტროლს მოქალაქეობის თაობაზე მიღებულ გადაწყვეტილებათა აღსრულების მდგომარეობისადმი ახორციელებს იუსტიციის სამინისტრო.
37. საპასპორტო სამსახურებსა და საქართველოს საკონსულო დაწესებულებებს ევალებათ იუსტიციის სამინისტროს ყოველი კვარტლის ბოლოს წარუდგინონ სრული ინფორმაცია მოქალაქეობის საკითხებზე მიღებულ გადაწყვეტილებათა აღსრულების მდგომარეობის შესახებ.
ინფორმაციაში დეტალურად უნდა აღინიშნოს მოქალაქეობის დადგენის თაობაზე მიღებული გადაწყვეტილების აღსასრულებლად გატარებული ღონისძიებები (რეგისტრაცია, რეგისტრაციის თარიღი, პირადობის მოწმობის გაცემის თარიღი, ნომერი, კოდი და სხვ).
38. პირები, რომლებიც ცხოვრობენ საქართველოში კანონის მიღების მომენტისათვის და არ აკმაყოფილებენ კანონის მე-3 მუხლის სხვა მოთხოვნებს, იუსტიციის სამინისტროს მოქალაქეობისა და იმიგრაციის დეპარტამენტის სათანადო დასკვნის საფუძველზე საცხოვრებელი ადგილის მიხედვით გატარდებიან რეგისტრაციაში, შესაბამისად, როგორც სხვა ქვეყნის მოქალაქეები ან მოქალაქეობის არმქონე პირები.
III. საქართველოს მოქალაქეობის მიღების საქმეთა განხილვის წესი
39. საქართველოს მოქალაქეობის მისაღებად დაინტერესებულმა პირმა იუსტიციის სამინისტროში უნდა შეიტანოს შემდეგი საბუთები:
* კანონის 26-ე მუხლის შესაბამისად საქართველოს მოქალაქეობის მიღების მსურველმა პირმა:
ა) პირადი განცხადება საქართველოს მოქალაქედ მიღების თაობაზე. განმცხადებელი ვალდებულია თან იქონიოს და მოთხოვნისთანავე წარმოადგინოს პირადობის დამადასტურებელი დოკუმენტები (პირადობის (ბინადრობის) მოწმობა, პასპორტი);
ბ) უკანასკნელი 10 წლის განმავლობაში საქართველოში ცხოვრების დამადასტურებელი დოკუმენტი (პირადობის და რეგისტრაციის დამადასტურებელი დოკუმენტი, საცხოვრებელი ადგილის მიხედვით რეგისტრაციის დამადასტურებელი საბუთი) ან დადგენილი წესით მიღებული სასამართლოს გადაწყვეტილებით იურიდიული ფაქტის დადგენის შესახებ;
გ) 2 ფოტოსურათი ზომით 3 X 4;
დ) საქართველოში სამუშაო ადგილის ან რაიმე უძრავი ქონების დამადასტურებელი დოკუმენტი.
საქართველოს მოქალაქედ მიღების მსურველმა პირმა იუსტიციის სამინისტროსთან არსებულ მოქალაქეობის საკითხთა კომისიას დადგენილი წესით უნდა ჩააბაროს გამოცდა სახელმწიფო ენის, საქართველოს ისტორიისა და საქართველოს კანონმდებლობის დადგენილ ფარგლებში ცოდნის შესამოწმებლად.
კომისიის დასკვნა, ტესტირების შედეგებთან ერთად, დაერთვება განმცხადებლის პირად საქმეს.
40. კანონის 27-ე მუხლის შესაბამისად საქართველოს მოქალაქედ მიღების მსურველი პირი ამ დებულების 41-ე პუნქტის "ა" და "გ" ქვეპუნქტებით გათვალისწინებული დოკუმენტების გარდა წარადგენს:
კანონის 27-ე მუხლის "ა" და "ბ" პუნქტების მოთხოვნათა დამადასტურებელ დოკუმენტებს (დიპლომი, სამეცნიერო ხარისხის, სამხედრო წოდების, კვალიფიკაციის, საერთაშორისო ორგანიზაციის წევრობის, ინვესტორის, ჯილდოს, პრემიის, საავტორო უფლების დამადასტურებელი დოკუმენტი, აგრეთვე, პოლიტიკური პარტიის, სახელმწიფო ორგანოს ან საზოგადოებრივი ორგანიზაციის ხელმძღვანელი პირის შუამდგომლობა).
იმ შემთხვევაში, თუ არსებობს ვარაუდი საქართველოს მოქალაქედ მიღების მსურველი პირისათვის კანონის 26-1-ე მუხლით გათვალისწინებული დამაბრკოლებელი გარემოებების არსებობის შესახებ, შესაბამისი კომპეტენციის მქონე ყოველი ორგანო თუ თანამდებობის პირი ვალდებულია მოთხოვნისთანავე მიაწოდოს იუსტიციის სამინისტროს სათანადო ინფორმაცია საქართველოს მოქალაქედ მიღების კანონით დადგენილი დამაბრკოლებელი გარემოებების შესახებ.
41. კანონის 28-ე მუხლის შესაბამისად საქართველოს მოქალაქედ მიღების მსურველი პირი ამ დებულების 41-ე პუნქტის "ა" და "გ" ქვეპუნქტებით გათვალისწინებული დოკუმენტების გარდა წარადგენს:
ა) საქართველოს მოქალაქესთან ქორწინების დამადასტურებელ დოკუმენტს (ქორწინების მოწმობა ან დადგენილი წესით მიღებული სასამართლოს გადაწყვეტილებით იურიდიული ფაქტის დადგენის შესახებ);
ბ) მეუღლის საქართველოს მოქალაქეობის დამადასტურებელ დოკუმენტს;
გ) საქართველოს ტერიტორიაზე მეუღლესთან ერთად უკანასკნელი 3 წლის განმავლობაში ცხოვრების დამადასტურებელ დოკუმენტს (ცნობას საპასპორტო სამსახურიდან ან დადგენილი წესით მიღებული სასამართლოს გადაწყვეტილებით იურიდიული ფაქტის დადგენის შესახებ);
დ) 2 ფოტოსურათს ზომით 3 X 4.
კანონის 28-ე მუხლის შესაბამისად საქართველოს მოქალაქედ მიღების მსურველმა პირმა კანონის 26-ე მუხლის "ბ" და "გ" პუნქტების მოთხოვნათა შესაბამისად, საქართველოს იუსტიციის სამინისტროსთან არსებულ მოქალაქეობის საკითხთა კომისიას უნდა ჩააბაროს გამოცდა სახელმწიფო ენის, საქართველოს ისტორიისა და საქართველოს კანონმდებლობის ცოდნის შესამოწმებლად.
კომისიის დასკვნა, ტესტირების შედეგებთან ერთად, დაერთვება განმცხადებლის პირად საქმეს.
სათანადო საბუთების წარმოდგენის შემდეგ დაინტერესებული პირი საქართველოს პრეზიდენტის სახელზე ავსებს დადგენილი ფორმის (დანართი 2, ფორმა 4) განცხადებას.
42. პირი, რომელიც მიიღებს საქართველოს მოქალაქეობას, ხელს აწერს საქართველოსადმი ერთგულების ფიცის ტექსტს, რომელიც დაერთვება მის პირად საქმეს.
IV. საქართველოს მოქალაქეობის აღდგენის საქმის განხილვის წესი
43. კანონის 29-ე მუხლის შესაბამისად საქართველოს მოქალაქეობის აღდგენის საკითხის განსახილველად დაინტერესებული პირი ამ დებულების 41-ე პუნქტის "ა" და "გ" ქვეპუნქტებით გათვალისწინებული დოკუმენტების გარდა იუსტიციის სამინისტროში წარადგენს:
ა) დოკუმენტებს, რომლითაც დასტურდება, რომ იგი კანონის შესაბამისად ითვლებოდა საქართველოს მოქალაქედ;
ბ) კომპეტენტური ორგანოს ბრალით საქართველოს მოქალაქეობის არამართლზომიერი შეწყვეტის დამადასტურებელ დოკუმენტს;
გ) საქართველოს მოქალაქეობიდან გასვლის დამადასტურებელ დოკუმენტს;
დ) მშობლების არჩევანის შედეგად მოქალაქეობის შეცვლის დამადასტურებელ დოკუმენტს;
ე) 2 ფოტოსურათს ზომით 3 X 4.
კანონის 29-ე მუხლის საფუძველზე საქართველოს მოქალაქეობის აღდგენის მსურველმა პირმა იუსტიციის სამინისტროში დამატებით უნდა წარადგინოს განცხადების შეტანის პერიოდისათვის საქართველოში ცხოვრების დამადასტურებელი დოკუმენტი, აგრეთვე, უნდა გაიაროს სათანადო ტესტირება იუსტიციის სამინისტროსთან არსებულ მოქალაქეობის საკითხთა კომისიაში.
საქართველოს მოქალაქეობის აღდგენაზე პირს შეიძლება უარი ეთქვას, თუ დადგინდება, რომ არსებობს კანონის 26-1-ე მუხლში მითითებული საფუძვლები.
საქართველოს მოქალაქეობის აღდგენის დამაბრკოლებელი გარემოებების გამოსავლენად შესაბამისი კომპეტენციის მქონე ყველა სახელმწიფო ორგანო, ორგანიზაცია, თანამდებობის პირი ვალდებულია იუსტიციის სამინისტროს მოთხოვნისთანავე წარუდგინოს სათანადო ინფორმაცია.
44. საქართველოს მოქალაქეობის აღდგენის მსურველი პირი საქართველოს პრეზიდენტის სახელზე ავსებს დადგენილი ფორმის (დანართი 3, ფორმა 5) განცხადებას.
45. საქართველოს მოქალაქეობის მიღებისა და საქართველოს მოქალაქეობის აღდგენის საკითხთა განხილვისას, სხვა ქვეყნის მოქალაქეობის მიღების საფუძვლის არსებობის შემთხვევაში, დაინტერესებულმა პირმა უნდა წარმოადგინოს ცნობა სხვა ქვეყნის მოქალაქეობის არქონის შესახებ.
ეს მოთხოვნა სავალდებულო არ შეიძლება იყოს იმ ქვეყნებთან მიმართებაში, რომლებიც ასეთ ცნობებს არ გასცემენ. ასეთ შემთხვევაში დაინტერესებულ პირს უნდა განემარტოს, რომ მის მიერ სხვა ქვეყნის მოქალაქეობის მიღების ფაქტის გამოვლენის შემთხვევაში, იგი დაკარგავს საქართველოს მოქალაქეობას საქართველოს კანონმდებლობით დადგენილი წესით.
V. საქართველოს მოქალაქეობის შეწყვეტა საქართველოს მოქალაქეობიდან გასვლის, საქართველოს მოქალაქეობის დაკარგვის საკითხთა განხილვის წესი
46. საქართველოს მოქალაქეობის შეწყვეტა ხდება:
ა) საქართველოს მოქალაქეობიდან გასვლის;
ბ) საქართველოს მოქალაქეობის დაკარგვის;
გ) საქართველოს საერთაშორისო ხელშეკრულებებით და კანონით გათვალისწინებულ სხვა შემთხვევებში.
47. საქართველოს მოქალაქეობიდან გასვლის საკითხთა განსახილველად დაინტერესებული პირი იუსტიციის სამინისტროს მოქალაქეობისა და იმიგრაციის დეპარტამენტში წარადგენს შემდეგ დოკუმენტებს;
ა) საქართველოს მოქალაქეობის დამადასტურებელი დოკუმენტის (საქართველოს მოქალაქის პირადობის მოწმობა, საქართველოს მოქალაქის პასპორტი, ყოფილი სსრკ-ს სიმბოლიკიანი პასპორტი, რეგისტრაციის (ჩაწერის) დამადასტურებელი დოკუმენტი) ასლს;
ბ) ცნობას იმის თაობაზე, რომ იგი დადგენილი წესით არ არის გაწვეული სავალდებულო სამხედრო სამსახურის გასავლელად;
გ) კომუნალური თუ სხვა სახის დავალიანების არქონის დამადასტურებელ დოკუმენტს;
დ) საქართველოს მოქალაქეობიდან გასვლისათვის დადგენილი სახელმწიფო ბაჟის გადახდის დამადასტურებელ საბუთს ან ცნობას ასეთისაგან გათავისუფლების შესახებ;
ე) 2 ფოტოსურათს ზომით 3 X 4;
ვ) გვარის გამოცვლის შემთხვევაში _ გვარის გამოცვლის დამადასტურებელ დოკუმენტს;
ზ) არასრულწლოვანი პირის საქართველოს მოქალაქეობიდან გასვლის შემთხვევაში _ მისი დაბადების მოწმობის ასლს, აგრეთვე, დაინტერესებულ პირთა წერილობით თანხმობას და სხვა სახელმწიფოს კომპეტენტური ორგანოების დასტურს არასრულწლოვანი პირის ამ სახელმწიფოს მოქალაქედ მიღების შესაძლებლობის თაობაზე.
საქართველოს მოქალაქეობიდან გასვლის მსურველი პირი საქართველოს პრეზიდენტის სახელზე ავსებს დადგენილი ფორმის განცხადებას (დანართი 4, ფორმა 6).
48. საქართველოს მოქალაქეობის მიღების, საქართველოს მოქალაქეობის აღდგენის, საქართველოს მოქალაქეობიდან გასვლის საკითხთა განხილვის პროცესში იუსტიციის სამინისტროს მოქალაქეობისა და იმიგრაციის დეპარტამენტი იღებს ზომებს დაინტერესებული პირის ნასამართლობის შესამოწმებლად, საჭიროების შემთხვევაში კი, კომპეტენტური ორგანოებისაგან გამოითხოვს ცნობებს იმის შესახებ, არის თუ არა დაინტერესებული პირი მიცემული სისხლის სამართლის პასუხისგებაში და ხომ არ არსებობს მის მიმართ კანონიერ ძალაში შესული სასამართლოს განაჩენი, რომელიც აღსრულებას ექვემდებარება.
მოქალაქეებს, სახელმწიფო ორგანიზაციებსა და ორგანოებს, რომელთა მიმართაც საქართველოს მოქალაქეობიდან გასვლის მსურველ პირს აქვს შეუსრულებელი მოვალეობები ან ქონებრივი ვალდებულებანი, უფლება აქვთ მიმართონ იუსტიციის სამინისტროს მოქალაქეობისა და იმიგრაციის დეპარტამენტს და წარუდგინონ აღნიშნულის დამადასტურებელი დოკუმენტი (ხელშეკრულება, სასამართლოს გადაწყვეტილება, სააღსრულებო ფურცელი და სხვ.).
იუსტიციის სამინისტროს მოქალაქეობისა და იმიგრაციის დეპარტამენტს უფლება აქვს შეაჩეროს საკითხის განხილვა მითითებული დამაბრკოლებელი გარემოებების შეწყვეტამდე.
49. კანონის 32-ე მუხლის შესაბამისად საქართველოს მოქალაქეობის დაკარგვის საფუძვლების არსებობისას წარდგინება (დანართი 5, ფორმა 7) საქართველოს მოქალაქეობის დაკარგვის თაობაზე იუსტიციის სამინისტროს მოქალაქეობისა და იმიგრაციის დეპარტამენტში შეაქვთ სასამართლოს, შინაგან საქმეთა სამინისტროს, საგარეო საქმეთა სამინისტროს, პროკურატურას, საქართველოს დიპლომატიურ წარმომადგენლობას და საკონსულო დაწესებულებას.
საქართველოს სახელმწიფო უშიშროების სამინისტრო, საქართველოს თავდაცვის სამინისტრო და მათი შესაბამისი სამსახურები, საქართველოს სახელმწიფო საზღვრის დაცვის სახელმწიფო დეპარტამენტი, აგრეთვე სხვა სახელმწიფო უწყებები ვალდებული არიან დაუყოვნებლივ წარუდგინონ წერილობითი ინფორმაცია იუსტიციის სამინისტროს საქართველოს მოქალაქეობის დაკარგვის საფუძვლების არსებობის თაობაზე.
წარდგინებას თან უნდა ერთვოდეს:
ა) საქართველოს მოქალაქეობის დამადასტურებელი დოკუმენტის (საქართველოს მოქალაქის პირადობის მოწმობა, საქართველოს მოქალაქის პასპორტი, სარეგისტრაციო ბარათი და სხვ.) ასლი, ხოლო იმ შემთხვევაში, თუ პირს მიღებული არა აქვს აღნიშნული დოკუმენტები _ ძველი საპასპორტო მონაცემები და სხვა საბუთები, რითაც დასტურდება მისი საქართველოს მოქალაქეობა;
ბ) 2 ფოტოსურათი ზომით 3 X 4;
გ) კანონით გათვალისწინებული საქართველოს მოქალაქეობის დაკარგვის საფუძვლების დამადასტურებელი დოკუმენტი (სხვა სახელმწიფოს სამხედრო სამსახურში, პოლიციაში, იუსტიციის ორგანოებში და მმართველობის სხვა ორგანოებში ან სახელმწიფო ხელისუფლების ორგანოებში შესვლის დამადასტურებელი დოკუმენტი; სხვა სახელმწიფოში არასაპატიო მიზეზით ორ წელზე მეტი ვადით საკონსულო დაწესებულებაში რეგისტრაციის გარეშე ცხოვრების დამადასტურებელი დოკუმენტი, საქართველოს მოქალაქეობის ყალბი დოკუმენტების საფუძველზე მოპოვების დამადასტურებელი დოკუმენტი ან სხვა სახელმწიფოს მოქალაქეობის მიღების დამადასტურებელი დოკუმენტი).
50. თუ იუსტიციის სამინისტროს მოქალაქეობისა და იმიგრაციის დეპარტამენტისათვის კანონის 35-ე მუხლში მითითებულ უწყებათა წარდგინების გარეშე ცნობილი გახდება პირის მიერ საქართველოს მოქალაქეობის დაკარგვის საფუძვლების არსებობა, იგი ამ მუხლის პირველი ნაწილით დადგენილი წესით განიხილავს მოქალაქეობის დაკარგვის საკითხს და მასალებს წარუდგენს საქართველოს პრეზიდენტს.
51. იუსტიციის სამინისტროს მოქალაქეობისა და იმიგრაციის დეპარტამენტს უფლება აქვს მოქალაქეობის დაკარგვის საკითხთა განხილვისას გამოითხოვოს სხვა დოკუმენტებიც.
52. მოქალაქეობის საკითხთა განსახილველად წარდგენილ საბუთებში გაყალბების ნიშნების (ხელმოწერების, ბეჭდების, შტამპების, ჩანაწერების გადაკეთება, ფოტოსურათის შეცვლა და სხვ.) აღმოჩენის, აგრეთვე, განსახილველ საკითხზე გადაწყვეტილების მისაღებად საჭირო მონაცემების უკმარისობის შემთხვევაში, იუსტიციის სამინისტროს მოქალაქეობისა და იმიგრაციის დეპარტამენტი უფლებამოსილია შესაბამისი სახელმწიფო ორგანოებისაგან დამატებით გამოითხოვოს საქმისათვის მნიშვნელოვანი ცნობები და საჭირო მონაცემები.
VII. მოქალაქეობის საკითხებზე საქართველოს პრეზიდენტის და იუსტიციის სამინისტროს მიერ მიღებულ გადაწყვეტილებათა აღსრულება
53. მოქალაქეობის საკითხებზე საქართველოს პრეზიდენტის ბრძანებულებები და განკარგულებები ეგზავნება საქართველოს იუსტიციის სამინისტროს მოქალაქეობისა და იმიგრაციის დეპარტამენტს.
54. მოქალაქეობისა და იმიგრაციის დეპარტამენტი მოქალაქეობის თაობაზე მიღებულ პრეზიდენტის ბრძანებულებებსა და განკარგულებებს, აგრეთვე დეპარტამენტის გადაწყვეტილებებს 3 დღეში უგზავნის აღსასრულებლად სათანადო სამსახურებს.
მოქალაქეობის საკითხებზე გაცემული დოკუმენტების დასამოწმებლად მოქალაქეობისა და იმიგრაციის დეპარტამენტს აქვს ბეჭედი, რომლის ნიმუშსაც ამტკიცებს იუსტიციის მინისტრი.
55. საქართველოს მოქალაქეობის მიღების, საქართველოს მოქალაქეობის აღდგენის, საქართველოს მოქალაქეობიდან გასვლის, საქართველოს მოქალაქეობის შეწყვეტის თაობაზე საქართველოს პრეზიდენტის გადაწყვეტილებები, აგრეთვე საქართველოს მოქალაქეობის დადგენის შესახებ იუსტიციის სამინისტროს გადაწყვეტილებები აღსასრულებლად ეგზავნებათ, შესაბამისად, საქართველოს ტერიტორიაზე მცხოვრები პირების შესახებ - საქართველოს შინაგან საქმეთა სამინისტროს საპასპორტო სამსახურებს, ხოლო საქართველოს ფარგლებს გარეთ მცხოვრებ პირთა შესახებ _ საქართველოს საკონსულო დაწესებულებებსა და დიპლომატიურ წარმომადგენლობებს შესაბამის ქვეყნებში.
56. შინაგან საქმეთა სამინისტროს საპასპორტო სამსახურები და საკონსულო დაწესებულებები ვალდებული არიან კანონით დადგენილი წესითა და ვადების დაცვით მიღებული გადაწყვეტილების შესაბამისად მოახდინონ დაინტერესებულ პირთა რეგისტრაცია, რეგისტრაციიდან მოხსნა და მოქალაქეობის დამადასტურებელი დოკუმენტების გაცემა ანდა გაუქმება, ხოლო აღნიშნულის თაობაზე დეტალური ინფორმაცია დაუყოვნებლივ წარუდგინონ იუსტიციის სამინისტროს.
57. იუსტიციის სამინისტროს მოქალაქეობისა და იმიგრაციის დეპარტამენტი უფლებამოსილია საქართველოს მოქალაქეობის, საქართველოში მცხოვრები მოქალაქეობის არმქონე პირისა და სხვა ქვეყნის მოქალაქეობის დამადასტურებელი დოკუმენტების უსაფუძვლოდ გაცემის ანდა ანულირების, მათი საქართველოში არაკანონიერ საფუძველზე რეგისტრაციის ან რეგისტრაციიდან მოხსნის ფაქტების გამოვლენის შემთხვევაში მიიღოს ზომები აღნიშნულ ფაქტებზე სათანადო რეაგირებისათვის და მათ აღმოსაფხვრელად. ამ მიზნით მას უფლება აქვს გამოითხოვოს სათანადო ინფორმაცია შინაგან საქმეთა სამინისტროს საპასპორტო სამსახურებისაგან და საქართველოს საკონსულო დაწესებულებებისაგან.
მოქალაქეობის საკითხებთან დაკავშირებით კომპეტენტური ორგანოების თანამდებობის პირთა ან მოქალაქეთა მოქმედებაში სისხლის სამართლის დანაშაულის ნიშნების გამოვლენის შემთხვევაში, იუსტიციის სამინისტროს მოქალაქეობისა და იმიგრაციის დეპარტამენტი იღებს ზომებს მასალების საგამოძიებო ორგანოებისათვის გადასაცემად, ხოლო ადმინისტრაციული სამართალდარღვევის გამოვლენის შემთხვევაში, სათანადო ორგანოებში დააყენებს საკითხს ადმინისტრაციული სახდელის გამოყენების შესახებ.
58. მოქალაქეობის საკითხებზე მიღებული გადაწყვეტილების შესახებ იუსტიციის სამინისტროს მოქალაქეობისა და იმიგრაციის დეპარტამენტი აცნობებს დაინტერესებულ პირებსა და ორგანოებს, უარყოფითი გადაწყვეტილების მიღების შემთხვევაში _ მათ ეცნობებათ მოტივირებული პასუხი წერილობითი ფორმით.
59. იუსტიციის სამინისტროს მოქალაქეობისა და იმიგრაციის დეპარტამენტი საპასპორტო და საკონსულო სამსახურებისაგან მიღებული ინფორმაციის საფუძველზე საქართველოს პრეზიდენტს პერიოდულად, მაგრამ არანაკლებ წელიწადში ერთხელ, წარუდგენს ანგარიშს მის მიერ მიღებულ გადაწყვეტილებათა აღსრულების მდგომარეობის შესახებ.
ანგარიშში უნდა აღინიშნოს მიღებულ გადაწყვეტილებათა შესრულების ვადები, გატარებულ ღონისძიებათა ამსახველი დეტალები, გადაწყვეტილებათა აღსრულების წესების დარღვევისას _ დადგენილი ვადების დარღვევა, აღსრულების გაჭიანურების მიზეზები და სხვ.
60. მოქალაქეობის საკითხთა განხილვის მასალები ინახება საქართველოს იუსტიციის სამინისტროს არქივში კანონმდებლობით დადგენილი წესით.
VIII. მოქალაქეობის საკითხთა სტატისტიკის წარმოება
61. საქართველოში მოქალაქეობის საკითხთა ერთიანი სისტემის უზრუნველყოფის მიზნით იუსტიციის სამინისტროს მოქალაქეობისა და იმიგრაციის დეპარტამენტი აღნუსხავს საქართველოში და მის ფარგლებს გარეთ მცხოვრებ მოქალაქეთა, აგრეთვე საქართველოში მცხოვრებ სხვა ქვეყნის მოქალაქეთა, მოქალაქეობის არმქონე პირთა ოდენობას, საქართველოს მოქალაქეობის მოპოვების, საქართველოს მოქალაქეობის აღდგენის, საქართველოს მოქალაქეობის შეწყვეტის დინამიკას.
საქართველოს შინაგან საქმეთა საპასპორტო სამსახურები და საკონსულო დაწესებულებები და დიპლომატიური წარმომადგენლობები ვალდებული არიან იუსტიციის სამინისტროს მოქალაქეობისა და იმიგრაციის დეპარტამენტს პერიოდულად მიაწოდონ სრულყოფილი მონაცემები რეგისტრირებულ საქართველოს მოქალაქეთა და საქართველოში კანონიერ საფუძველზე მცხოვრებ სხვა ქვეყნის მოქალაქეთა და მოქალაქეობის არმქონე პირთა შესახებ, აგრეთვე სხვა ქვეყნებში ემიგრირებულ საქართველოს მოქალაქეთა რეგისტრაციის ან რეგისტრაციიდან მოხსნის შესახებ.
მოქალაქეობისა და იმიგრაციის დეპარტამენტში თავმოყრილი სტატისტიკური მონაცემების საფუძველზე ყოველი წლის ბოლოს საქართველოს პრეზიდენტს წარედგინება ინფორმაცია საქართველოს მოქალაქეთა და საქართველოში კანონიერად მცხოვრებ უცხოელთა მიგრაციული პროცესების დინამიკის შესახებ.
დაინტერესებულ პირებსა და სახელმწიფო ორგანოებს დადგენილი წესით შეუძლიათ მიიღონ მოქალაქეობასთან დაკავშირებული ინფორმაცია მოქალაქეობისა და იმიგრაციის დეპარტამენტის სტატისტიკური სამსახურისაგან.
მოქალაქეობის საკითხთა სტატისტიკის წარმოებისა და სათანადო ინფორმაციის გაცემის წესი და პირობები დგინდება საქართველოს იუსტიციის მინისტრის ბრძანებით.
დანართი №I
ფორმა №1
საქართველოს იუსტიციის სამინისტროს მოქალაქეობისა
და იმიგრაციის დეპარტამენტს
გ ა ნ ც ხ ა დ ე ბ ა
|
|
ფოტოსურათის ადგილი
|
"საქართველოს მოქალაქეობის შესახებ" საქართველოს 1993 წლის 25 მარტის კანონის "__" მუხლის
"___" პუნქტის შესაბამისად, გთხოვთ დამიდგინოთ საქართველოს მოქალაქეობა.
ჩემს შესახებ გაცნობებთ შემდეგს:
1. სახელი გვარი _____________________________________________________________________
2. დაბადების თარიღი (რიცხვი, თვე, წელი) ____________________________________________
3. დაბადების ადგილი _______________________________________________________________
4. საქართველოში ცხოვრების ხანგრძლივობა ____________________________________________
5. საქართველოს ფარგლებს გარეთ ცხოვრების მიზეზი და ხანგრძლივობა __________________
________________________________________________________________________________________
6. სამუშაო ადგილი, თანამდებობა ______________________________________________________
7. მისამართი, ტელეფონის № (სამსახურის, სახლის) ___________________________________
_______________________________________________________________________________________
8. საქართველოში დასახლების თარიღი და საფუძველი __________________________________
________________________________________________________________________________________
9. ვფლობ პასპორტს სერია _________________ № _______________________ გაცემულს (თარიღი,ვის მიერ,რა ვადით)
ბინადრობის მოწმობას სერია______________ № ______________________ გაცემულს
(თარიღი,ვის მიერ,რა ვადით)
10. ჩემთან ერთად გთხოვთ, საქართველოს მოქალაქეობა დაუდგინოთ ჩემს არასრულწლოვან შვილებს:
1. ___________________________________________________________________________________ (სახელი, გვარი, დაბადების თარიღი, დაბადების ადგილი)
2. ___________________________________________________________________________________
3. ___________________________________________________________________________________
11. განცხადებას თან ვურთავ შემდეგ დოკუმენტებს:
1. ___________________________________________________________________________________
2. ___________________________________________________________________________________
3. ___________________________________________________________________________________
4. ___________________________________________________________________________________
5. ___________________________________________________________________________________
6. ___________________________________________________________________________________
7. ___________________________________________________________________________________
8. ___________________________________________________________________________________
9. ___________________________________________________________________________________
10. __________________________________________________________________________________
_____________________________
(პირადი ხელმოწერა)
"_____" " _______________________" 19 ___ წ.
განცხადება და თანდართული დოკუმენტები მივიღე მოქალაქეობისა და იმიგრაციის
დეპარტამენტის _____________________________________________________________________ (თანამდებობა, ინიციალები, გვარი)
___________________________
(ხელმოწერა)
"_____" "_____________________" 19 ___ წ.
დანართი №I
ფორმა №2
საქართველოს იუსტიციის სამინისტროს მოქალაქეობისა
და იმიგრაციის დეპარტამენტის
დ ა ს კ ვ ნ ა
№ _______ "________" "_________ 199 წ.
მოქალაქეობის დადგენის თაობაზე
საქართველოს იუსტიციის სამინისტროს მოაქალაქეობისა და იმიგრაციის დეპარტამენტმა "საქართველოს მოქალაქეობის შესახებ" საქართველოს კანონის 36**1-ე მუხლის შესაბამისად განიხილა_____________ _________________________________________________________ (სახელი, გვარი)
საქართველოს მოქალაქეობის დადგენის საკითხი.
წარმოდგენილი დოკუმენტები:
1. __________________________________________________________________________________
2. _________________________________________________________________________________
3. _________________________________________________________________________________
4. _________________________________________________________________________________
5. _________________________________________________________________________________
6. _________________________________________________________________________________
7. _________________________________________________________________________________
8. _________________________________________________________________________________
9. _________________________________________________________________________________
10. ________________________________________________________________________________
არსებული დოკუმენტების შესწავლით დადგინდა, რომ _______________________________ (სახელი, გვარი)
მითითებული კანონის "______" მუხლის "___________" პუნქტის შესაბამისად ჩაითვლება
საქართველოს მოქალაქედ.
მოქალაქეობისა და იმიგრაციის
დაპარტამენტის _________________ ______________________
ბ. ა.
თანამდებობის პირის
ხელმოწერა
დანართი №I
ფორმა №3
საქართველოს იუსტიციის სამინისტროს მოქალაქეობისა
და იმიგრაციის დეპარტამენტის
დ ა ს კ ვ ნ ა
№_______ "________" "_________ 199 წ.
მოქალაქეობის დადგენის თაობაზე
საქართველოს იუსტიციის სამინისტროს მოაქალაქეობისა და იმიგრაციის დეპარტამენტმა "საქართველოს მოქალაქეობის შესახებ" საქართველოს კანონის 36**1-ე მუხლის შესაბამისად განიხილა________ ______________________________________ (სახელი, გვარი)
საქართველოს მოქალაქეობის დადგენის საკითხი.
წარმოდგენილი დოკუმენტები:
1. _________________________________________________________________________________
2. _________________________________________________________________________________
3. _________________________________________________________________________________
4. _________________________________________________________________________________
5. _________________________________________________________________________________
6. _________________________________________________________________________________
7. _________________________________________________________________________________
8. _________________________________________________________________________________
9. _________________________________________________________________________________
10. ________________________________________________________________________________
არსებული დოკუმენტების შესწავლით დადგინდა, რომ ______________________________
(სახელი, გვარი)
მითითებული კანონის "____" მუხლის "____" პუნქტის შესაბამისად არ ჩაითვლება საქართველოს
მოქალაქედ.
მოქალაქეობისა და იმიგრაციის
დაპარტამენტის ______________________ ______________________
ბ. ა.
თანამდებობის პირის
ხელმოწერა
დანართი №II
ფორმა №4
საქართველოს პრეზიდენტს
გ ა ნ ც ხ ა დ ე ბ ა
|
|
ფოტოსურათის ადგილი
|
"საქართველოს მოქალაქეობის შესახებ" საქართველოს 1993 წლის 25 მარტის კანონის _______ მუხლის შესაბამისად, გთხოვთ მიმიღოთ საქართველოს მოქალაქედ
ჩემს შესახებ გაცნობებთ შემდეგს:
1. სახელი გვარი ______________________________________________________________________
2. დაბადების თარიღი (რიცხვი, თვე, წელი) _____________________________________________
3. დაბადების ადგილი ________________________________________________________________
4. ოჯახური მდგომარეობა
____________________________________________________________________________________
5. მოქალაქეობა ______________________________________________________________________
6. განათლება ________________________________________________________________________
7. სამუშაო ადგილი, თანამდებობა _____________________________________________________
8. ნასამართლობა_____________________________________________________________________
9. მისამართი, ტელეფონის №(სამსახურის, სახლის) ______________________________________
______________________________________________________________________________________
10. საქართველოში დასახლების თარიღი და საფუძველი _________________________________
______________________________________________________________________________________
11. ვფლობ პასპორტს სერია ___________ №__________________________ გაცემულს
(თარიღი,ვის მიერ,რა ვადით)
ბინადრობის მოწმობას სერია __________ №_________________________ გაცემულს
(თარიღი,ვის მიერ,რა ვადით)
12. ჩემთან ერთად გთხოვთ, საქართველოს მოქალაქედ მიიღოთ ჩემი
არასრულწლოვანი შვილები:
1. ___________________________________________________________________________________
(სახელი, გვარი, დაბადების თარიღი, დაბადების ადგილი)
2. __________________________________________________________________________________
3. ___________________________________________________________________________________
13. განცხადებას თან ვურთავ შემდეგ დოკუმენტებს:
1. ___________________________________________________________________________________
2. ___________________________________________________________________________________
3. ___________________________________________________________________________________
4. ___________________________________________________________________________________
5. ___________________________________________________________________________________
6. ___________________________________________________________________________________
7. ___________________________________________________________________________________
8. ___________________________________________________________________________________
14. ჩემი თხოვნის დაკმაყოფილების შემთხვევაში, თანახმა ვარ უარი
განვაცხადო ________________________________________________________ მოქალაქეობაზე
__________________________
(პირადი ხელმოწერა)
"_____" " __________________" 19 ___ წ.
განცხადება და თანდართული დოკუმენტები მივიღე მოქალაქეობისა და იმიგრაციის
დეპარტამენტის _________________________________________________________________ (თანამდებობა, ინიციალები, გვარი)
_______________________
(ხელმოწერა)
საქართველოს მოქალაქის ფიცი
მე _______________________________________ ვხდები რა საქართველოს მოქალაქე, ვფიცავ
(სახელი, გვარი)
ერთგულად ვემსახურო საქართველოს, დავიცვა მისი კონსტიტუცია და ყველა კანონი, საქართველოს დამოუკიდებლობა, ტერიტორიული მთლიანობა, საქართველოს სახელმწიფო ენად ვაღიარებ ქართულ ენას, ვალდებულებას ვიღებ პატივი ვცე საქართველოს კულტურასა და ეროვნულ ტრადიციებს
________________________
(პირადი ხელმოწერა)
"_____" "____________" 19 ___ წ.
დანართი №III
ფორმა №5
საქართველოს პრეზიდენტს
|
|
ფოტოსურათის ადგილი
|
გ ა ნ ც ხ ა დ ე ბ ა
"საქართველოს მოქალაქეობის შესახებ" საქართველოს 1993 წლის 25 მარტის კანონის 29-ე მუხლის
"______" პუნქტის შესაბამისად, გთხოვთ აღმიდგინოთ საქართველოს მოქალაქეობა
ჩემს შესახებ გაცნობებთ შემდეგს:
1. სახელი გვარი ______________________________________________________________________
2. დაბადების თარიღი (რიცხვი, თვე, წელი) _____________________________________________
3. დაბადების ადგილი _______________________________________________________________
4. ოჯახური მდგომარეობა____________________________________________________________
5. მოქალაქეობა ______________________________________________________________________
6. განათლება ________________________________________________________________________
7. სამუშაო ადგილი, თანამდებობა _____________________________________________________
8. ნასამართლობა_________________________________________________________________
9. მისამართი, ტელეფონის №(სამსახურის, სახლის) _____________________________________
________________________________________________________________________________________
10. საქართველოში დასახლების თარიღი და საფუძველი __________________________________
_____________________________________________________________________________________
11. საქართველოს მოქალაქეობის დაკარგვის მიზეზი _____________________________________
________________________________________________________________________________________
12. ვფლობ პასპორტს სერია ___________ №_________________________________ გაცემულს
(თარიღი,ვის მიერ,რა ვადით)
ბინადრობის მოწმობას სერია __________ №________________________________ გაცემულს
(თარიღი,ვის მიერ,რა ვადით)
13. ჩემთან ერთად გთხოვთ, საქართველოს მოქალაქეობააღუდგინოთ ჩემ
არასრულწლოვან შვილებს:
1. ___________________________________________________________________________________
(სახელი, გვარი, დაბადების თარიღი, დაბადების ადგილი)
2. __________________________________________________________________________________
3. _________________________________________________________________________________
14. განცხადებას თან ვურთავ შემდეგ დოკუმენტებს:
1. ___________________________________________________________________________________
2. ___________________________________________________________________________________
3. ___________________________________________________________________________________
4. ___________________________________________________________________________________
5. ___________________________________________________________________________________
6. ___________________________________________________________________________________
7. ___________________________________________________________________________________
8. ___________________________________________________________________________________
15. ჩემი თხოვნის დაკმაყოფილების შემთხვევაში, თანახმა ვარ უარი განვაცხადო
______________________________________________________________________მოქალაქეობაზე
_____________________
(პირადი ხელმოწერა)
"_____" " ____________________" 19 ___ წ.
განცხადება და თანდართული დოკუმენტები მივიღე მოქალაქეობისა და იმიგრაციის
დეპარტამენტის _______________________________________________________________
(თანამდებობა, ინიციალები, გვარი)
_____________________________
(ხელმოწერა)
"_____" " ___________________" 19 ___ წ.
დანართი №IV
ფორმა №6
საქართველოს პრეზიდენტს
|
|
ფოტოსურათის ადგილი
|
გ ა ნ ც ხ ა დ ე ბ ა
"საქართველოს მოქალაქეობის შესახებ" საქართველოს 1993 წლის 25 მარტის კანონის 31-ე მუხლის შესაბამისად, გთხოვთ გადაწყვიტოთ საქართველოს მოქალაქეობიდან ჩემი გასვლის საკითხი.
ჩემს შესახებ გაცნობებთ შემდეგს:
1. სახელი გვარი ______________________________________________________________________ (სახელის გვარის გამოცვლის შემთხვევაში, მიუთითეთ თარიღი და მოწმობის N)
2. დაბადების თარიღი ________________________________________________________________
(რიცხვი, თვე, წელი)
3. დაბადების ადგილი ________________________________________________________________
4. განათლება _________________________________________________________________________
5. სამუშაო ადგილი, თანამდებობა ______________________________________________________
6. ოჯახური მდგომარეობა _______________________________________________________
7. დამოკიდებულება სამხედრო სამსახურისადმი, სამხედრო წოდება ______________________
________________________________________________________________________________________
8. მისამართი, ტელეფონის №(სამსახურის, სახლის) _____________________________________
________________________________________________________________________________________
9. ვფლობ საქართველოს მოქალაქის პირადობის მოწმობას №____________________
პირადი №______________________________________ გაცემულს
(თარიღი, ვის მიერ, რა ვადით)
ვფლობ პასპორტს სერია___________ №_____________________________________ გაცემულს
(თარიღი,ვის მიერ,რა ვადით)
10. გთხოვთ, ჩემთან ერთად გადაწყვიტოთ ჩემი არასრულწლოვანი შვილების საქართველოს მოქალაქეობიდან გასვლის საკითხი:
1. __________________________________________________________________________________
(სახელი, გვარი, დაბადების თარიღი, დაბადების ადგილი)
2. __________________________________________________________________________________
3. __________________________________________________________________________________
14. განცხადებას თან ვურთავ შემდეგ დოკუმენტებს:
1. __________________________________________________________________________________
2. __________________________________________________________________________________
3. __________________________________________________________________________________
4. __________________________________________________________________________________
5. __________________________________________________________________________________
6. __________________________________________________________________________________
7. __________________________________________________________________________________
8. __________________________________________________________________________________
9. __________________________________________________________________________________
10. _________________________________________________________________________________
_________________________
(პირადი ხელმოწერა)
"_____" " _________________" 19 ___ წ.
განცხადება და თანდართული დოკუმენტები მივიღე მოქალაქეობისა და იმიგრაციის
დეპარტამენტის _____________________________________________________________ (თანამდებობა, ინიციალები, გვარი)
____________________ (ხელმოწერა)
დანართი V
ფორმა №7
საქართველოს იუსტიციის სამინისტროს
|
|
ფოტოსურათის ადგილი
|
წ ა რ დ გ ი ნ ე ბ ა
"საქართველოს მოქალაქეობის შესახებ" საქართველოს 1993 წლის 25 მარტის კანონის 32-ე მუხლის "
__________" პუნქტისა და 35-ე მუხლის მოთხოვნათა შესაბამისად, წარმოგიდგენთ მასალებს მოქ.
___________________________ საქართველოს მოქალაქეობის შეწყვეტის შესახებ.
წარდგინებას თან ვურთავ შემდეგ დოკუმენტებს:
1. ________________________________________________________________________________
2. ________________________________________________________________________________
3. ________________________________________________________________________________
4. ________________________________________________________________________________
5. ________________________________________________________________________________
____________________________________
სახელმწიფო ორგანოს დასახელება
__________________________________
თანამდებობის პირის ხელმოწერა
"___" "______________________" 19 __ წ.
დოკუმენტის კომენტარები