დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | ცაგერის მუნიციპალიტეტის ტერიტორიაზე ქონების გადასახადის შემოღების შესახებ | |
|---|---|
| დოკუმენტის ნომერი | 16 |
| დოკუმენტის მიმღები | ცაგერის მუნიციპალიტეტი |
| მიღების თარიღი | 28/02/2011 |
| დოკუმენტის ტიპი | მუნიციპალიტეტისა და თვითმმართველი ქალაქის საკრებულოს დადგენილება |
| გამოქვეყნების წყარო, თარიღი | ვებგვერდი, 110307046, 21/03/2011 |
| ძალის დაკარგვის თარიღი | 05/04/2011 |
| სარეგისტრაციო კოდი | 200130000.35.116.016046 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (21/03/2011 - 31/03/2011)
ცაგერის მუნიციპალიტეტის საკრებულოს
დადგენილება №16
2011 წლის 28 თებერვალი
ქ. ცაგერი
ცაგერის მუნიციპალიტეტის ტერიტორიაზე ქონების გადასახადის შემოღების შესახებ
„ადგილობრივი თვითმმართველობის შესახებ” საქართველოს ორგანული კანონის მე-16 მუხლის მე-2 პუნქტის ,,ბ“ ქვეპუნქტის, 22-ე მუხლის პირველი პუნქტის „მ“ ქვეპუნქტის, საქართველოს საგადასახადო კოდექსის I თავის მე-5 მუხლის მე-3 ნაწილის, მე-6 მუხლის მე-6 ნაწილის, მე-7 მუხლის 1-ლი და მე-2 ნაწილის, ამავე კოდექსის XXIX თავის მე-200, 201-ე, 202-ე, 203-ე, 204-ე, 205-ე, 206-ე მუხლების, საქართველოს მთავრობის 2010 წლის 23 დეკემბრის №394 და №394-1 დადგენილების, „ნორმატიული აქტების შესახებ” საქართველოს კანონის მე-20 მუხლის შესაბამისად:
მუხლი 1
შემოღებულ იქნეს ცაგერის მუნიციპალიტეტის ტერიტორიაზე ქონების გადასახადი.
მუხლი 2
განისაზღვროს ცაგერის მუნიციპალიტეტის ტერიტორიაზე ქონების გადასახადის განაკვეთები:
ა) საწარმოსთვის/ორგანიზაციისათვის ქონების გადასახადის წლიური განაკვეთი დასაბეგრი ქონების ღირებულების 1 პროცენტის ოდენობით.
ბ) საწარმოსთვის/ორგანიზაციისთვის ლიზინგით გაცემულ დასაბეგრ ქონებაზე გადასახადის წლიური განაკვეთი განისაზღვრება დასაბეგრი ქონების საშუალო წლიური საბალანსო ნარჩენი ღირებულების (გამოიანგარიშება კალენდარული წლის დასაწყისისა და ბოლოსთვის აქტივების საშუალო ღირებულების მიხედვით) 1 პროცენტის ოდენობით;
გ) ფიზიკური პირის დასაბეგრ ქონებაზე გადასახადის წლიური განაკვეთი დიფერენცირებულია გადასახადის გადამხდელის ოჯახის მიერ საგადასახადო წლის განმავლობაში მიღებული შემოსავლების მიხედვით და განისაზღვროს შემდეგი ოდენობით:
გ.ა) 100 000 ლარამდე შემოსავლის მქონე ოჯახებისათვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0.05 პროცენტის ოდენობით;
გ.ბ) 100 000 ლარის ან მეტი შემოსავლის მქონე ოჯახებისათვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0.9 პროცენტის ოდენობით.
მუხლი 3
განისაზღვროს ცაგერის მუნიციპალიტეტის ტერიტორიაზე სასოფლო-სამეურნეო დანიშნულების მიწაზე ქონების გადასახადის წლიური განაკვეთი ერთ ჰექტარზე გაანგარიშებით, ლარებში:
ა) სათიბებისა და საძოვრებისათვის:
| ადმინისტრაციული ერთეულის დასახელება | განაკვეთი (ლარი/ჰა) | |||
|
| სათიბები | საძოვრები | გაკულტურებული | |
| სათიბები | საძოვრები | |||
| ცაგერის მუნიციპალიტეტი | 2.5 | 1.5 | 16 | 10 |
ბ) სხვა მიწებისათვის:
| ადმინისტრაციული ერთეულის დასახელება | განაკვეთი (ლარი/ჰა) | ||
| მიწის ხარისხი | |||
|
| კარგი | მწირი | |
| ცაგერის მუნიციპალიტეტი | 65 | 55 | |
მუხლი 4
1. განისაზღვროს ცაგერის მუნიციპალიტეტის ტერიტორიაზე არასასოფლო-სამეურნეო დანიშნულების მიწაზე ქონების გადასახადის განაკვეთი 1 კვ.მ-ზე დიფერენცირებულად შესაბამისი ზონების მიხედვით:
| № | ზონების დასახელება | ტერიტორიული კოეფიციენტი | საბაზისო განაკვეთი 1 მ2 (ლარებში) |
წლიური გადასახადის განაკვეთი 1 მ2 (3X4)
|
| 1 | 2 | 3 | 4 | 5 |
| 1 | I ზონა (ცენტრალური) ქ. ცაგერი | 0.3 | 0.24 | 0.072 |
| 2 | II ზონა (შუალედური) ა) თემის, სოფლის ადმინისტრაციული ცენტრების მიმდებარე ტერიტორია 0.5 კმ.-ის რადიუსში; ბ) რესპუბლიკური მნიშვნელობის გზის მიმდებარე ტერიტორიების 0.5 კმ. რადიუსში. გ) კურორტების სანიტარიული ზონის მიმდებარე ტერიტორია 0.5 კმ.-ის რადიუსში | 0.15 | 0.24 | 0.036 |
| 3 | III ზონა (პერიფერული) მუნიციპალიტეტის თემების ცენტრებს დაშორებული სოფლები, უბნები, დასახლებათა შორის არსებული არეალები | 0.075 | 0.24 | 0.018 |
2. კურორტებისა და საკურორტო ადგილებში არასასოფლო-სამეურნეო დანიშნულების მიწის გადასახადის განაკვეთი განისაზღვროს ცენტრალური ზონისათვის დადგენილი ოდენობით.
მუხლი 5
1. შესაბამისი დასაბეგრი ობიექტის მიხედვით ცაგერის მუნიციპალიტეტის ტერიტორიაზე ქონების გადასახადისაგან განთავისუფლებულია:
ა) ავტოფარეხზე მიმაგრებული მიწის ნაკვეთი, რომლის ფართობი არ აღემატება 20 კვადრატულ მეტრს.
მუხლი 6
1. ცნობად იქნეს მიღებული, რომ ქონების გადასახადის გადამხდელთა კატეგორიები, დაბეგვრის ობიექტები, გადასახადების გამოანგარიშების, გადახდისა და ანგარიშგების წესები, აგრეთვე გადასახადებისაგან გათავისუფლების შემთხვევები დადგენილია საქართველოს საგადასახადო კოდექსის შესაბამისი ნორმებით.
მუხლი 7
1.ამ დადგენილების ამოქმედებისთანავე ძალადაკარგულად გამოცხადდეს:
ცაგერის მუნიციპალიტეტის საკრებულოს 2007 წლის 26 ივნისის №139 დადგენილება ,,ადგილობრივი (ქონების ) გადასახის შემოღების შესახებ.
მუხლი 8
1. დადგენილება ამოქმედდეს გამოქვეყნებისთანავე.
საკრებულოს თავმჯდომარე მ. ლეთოდიანი
დოკუმენტის კომენტარები