"ლენტეხის მუნიციპალიტეტის ტერიტორიაზე მშენებლობის ნებართვისათვის მოსაკრებლის შემოღების შესახებ"

ლენტეხის მუნიციპალიტეტის საკრებულოს

დადგენილება №43

2010 წლის 31 დეკემბერი

დაბა ლენტეხი

ლენტეხის მუნიციპალიტეტის ტერიტორიაზე მშენებლობის ნებართვისათვის მოსაკრებლის შემოღების შესახებ

,,ადგილობრივი თვითმმართველობის შესახებ“ საქართველოს კანონის მე-16 მუხლის მე-2 პუნქტის ,,ბ“ და „ლ“ ქვეპუნქტების, „ადგილობრივი მოსაკრებლების შესახებ“ საქართველოს კანონის მე-6 მუხლის შესაბამისად:

1. შემოღებულ იქნეს ლენტეხის მუნიციპალიტეტის ტერიტორიაზე მოსაკრებელი მშენებლობის ნებართვისათვის:

 1. ახალ ასაშენებელ ობიექტებზე;

 2. საკურორტო ზონაში სამრეწველო ობიექტების მშენებლობაზე.

2. ახალ ასაშენებელ ობიექტზე მოსაკრებლის ოდენობა განისაზღვროს პროექტით გათვალისწინებული განაშენიანების ფართობის თითოეულ კვადრატულ მეტრზე 1 (ერთი) ლარის ოდენობით.

 3. საკურორტო ზონაში სამრეწველო ობიექტის მშენებლობისათვის განაშენიანების ფართობის თითოეულ კვადრატულ მეტრზე 5 (ხუთი) ლარის ოდენობით.

4. ფიზიკური და იურიდიული პირების მიერ მოსაკრებელი გადახდილ იქნეს წინასწარ, მშენებლობის ნებართვის გაცემამდე.

5. კონტროლი დადგენილების შესრულებაზე დაევალოს საფინანსო-საბიუჯეტო კომისიის თავმჯდომარეს ბატონ ენვერ გველებიანს.

 6. ძალადაკარგულად გამოცხადდეს ,,ლენტეხის მუნიციპალიტეტის ტერიტორიაზე მშენებლობის ნებართვისათვის მოსაკრებლის შემოღების შესახებ“ ლენტეხის მუნიციპალიტეტის 2010 წლის 12 ნოემბრის №26 დადგენილება.

 7. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                                                                                ვ. ქურასბედიანი