საქართველოს მოსახლეობაში იოდის ნაკლებობით გამოწვეულ დაავადებათა შემცირების დამატებითი ღონისძიებების შესახებ

საქართველოს პრეზიდენტის

ბრძანებულება №242

2002 წლის 18 მაისი

ქ. თბილისი

საქართველოს მოსახლეობაში იოდის ნაკლებობით გამოწვეულ დაავადებათა შემცირების დამატებითი ღონისძიებების შესახებ

იოდის ნაკლებობით გამოწვეულ დაავადებათა შემცირებისა და ლიკვიდაციის დაჩქარების მიზნით:

1. შეიქმნას იოდის ნაკლებობით გამოწვეულ დაავადებათა ლიკვიდაციის დარგთაშორისი საკოორდინაციო საბჭო შემდეგი შემადგენლობით:

ავთანდილ ჯორბენაძე – საქართველოს სახელმწიფო მინისტრი, საკოორდინაციო საბჭოს თავმჯდომარე

მერაბ ადეიშვილი – საქართველოს ტრანსპორტისა და კომუნი კაციების მინისტრი

ამირან გამყრელიძე – საქართველოს შრომის, ჯანმრთელობისა და სოციალური დაცვის მინისტრი

გიორგი გაჩეჩილაძე – საქართველოს ეკონომიკის, მრეწველობისა და ვაჭრობის მინისტრი

როლანდ გილიგაშვილი – საქართველოს იუსტიციის მინისტრი

მირიან გოგიაშვილი – საქართველოს ფინანსთა მინისტრი

აკაკი ზოიძე – საქართველოს სახელმწიფო მინისტრის მოადგილე, საკოორდინაციო საბჭოს თავმჯდომარის მოადგილე

ალექსანდრე კარტოზია – საქართველოს განათლების მინისტრი

დავით კირვალიძე – საქართველოს სოფლის მეურნეობისა და სურსათის მინისტრი

შოთა კოხრეიძე – საქართველოს სტანდარტიზაციის, მეტროლოგიისა და სერტიფიკაციის სახელმწიფო დეპარტამენტის თავმჯდომარის პირველი მოადგილე

მაია მაჭავარიანი – საქართველოს სახელმწიფო კანცელარიის სოციალურ საკითხთა სამსახურის რეფერენტი, საკოორდინაციო საბჭოს მდივანი

კობა ნარჩემაშვილი – საქართველოს შინაგან საქმეთა მინისტრი

ნინო ჩხობაძე – საქართველოს გარემოსა და ბუნებრივი რესურსების დაცვის მინისტრი

ვალერი ხაბურძანია – საქართველოს სახელმწიფო უშიშროების მინისტრი.

2. საკოორდინაციო საბჭომ:

ა) ორგანიზაცია გაუწიოს 2002 წლის 1 სექტემბრამდე იოდის ნაკლებობით გამოწვეულ დაავადებათა პროფილაქტიკის დარგთაშორისი საშუალოვადიანი პროგრამის შემუშავებას;

ბ) ხელი შეუწყოს ადამიანის ორგანიზმისათვის საჭირო იოდის, მიკროელემენტებითა და ვიტამინებით გამდიდრებული, ეკოლოგიურად სუფთა სასურსათო პროდუქციის წარმოების განვითარებას; განიხილოს ადგილობრივი სასურსათო პროდუქციის იოდიზებისა და რეიოდიზების საკითხები;

გ) საქართველოს პრეზიდენტს ყოველწლიურად წარმოუდგინოს ინფორმაცია იოდის ნაკლებობით გამოწვეულ დარღვევათა (დაავადებათა) გავრცელებისა და, შესაბამისად, უწყებათა მიერ განხორციელებულ ღონისძიებათა ეფექტიანობის შესახებ.

3. საქართველოს შრომის, ჯანმრთელობისა და სოციალური დაცვის სამინისტრომ                       (ა. გამყრელიძე) იოდის დეფიციტით გამოწვეულ დარღვევათა მაღალი რისკის ზონებში (აჭარა, ზემო სვანეთი, რაჭა-ლეჩხუმი, შიდა ქართლი, ზემო იმერეთი, კახეთი) საზოგადოებრივი ჯანდაცვითი პროგრამის ეფექტიანი განხორციელებით უზრუნველყოს პირველადი, მეორეული პროფილაქტიკა და ბავშვთა კონტინგენტის მკურნალობა.

4. საქართველოს შრომის, ჯანმრთელობისა და სოციალური დაცვის სამინისტრომ ეკონომიკის, მრეწველობისა და ვაჭრობის სამინისტროს, ფინანსთა სამინისტროსა                           (მ. გოგიაშვილი) და იუსტიციის სამინისტროსთან ერთად ქვეყნის მოსახლეობის იოდიანი მარილით უზრუნველყოფისა და იოდის ნაკლებობით გამოწვეულ დაავადებათა აღმოფხვრის მიზნით 2002 წლის 1 სექტემბრამდე შეიმუშაოს შესაბამისი კანონის პროექტი და განსახილველად წარუდგინოს საკოორდინაციო საბჭოს.

5. აფხაზეთისა და აჭარის ავტონომიური რესპუბლიკების მინისტრთა საბჭოებმა და საქართველოს შრომის, ჯანმრთელობისა და სოციალური დაცვის სამინისტრომ გააძლიერონ ენდემური ჩიყვის წინააღმდეგ ბრძოლის ადგილობრივი კომიტეტების მუშაობა.

6. საქართველოს შრომის, ჯანმრთელობისა და სოციალური დაცვის სამინისტრომ, ფინანსთა სამინისტრომ, სოფლის მეურნეობისა და სურს ათის სამინისტრომ (დ.კირვალიძე), სტანდარტიზაციის, მეტროლოგიისა და სერტიფიკაციის სახელმწიფო დეპარტამენტმა (შ.კოხრეიძე), ადგილობრივი მმართველობის ორგანოებმა კანონით დადგენილი წესით, თავიანთი კომპეტენციის ფარგლებში, დაუწესონ კონტროლი საქართველოს მოსახლეობის სახელმწიფო სტანდარტის შესაბამისი იოდიზებული მარილით საჭირო და უწყვეტ უზრუნველყოფასა და შენახვის წესების დაცვას.

7. ეთხოვოთ საერთაშორისო ორგანიზაციებს ქმედითი დახმარება აღმოუჩინონ ქვეყანას იოდის დეფიციტის ლიკვიდაციის ღონისძიებათა ეფექტიანად განხორციელებაში.

8. ეთხოვოთ საქართველოს ტელერადიომაუწყებლობას (ზ. შენგელია) და მასობრივი ინფორმაციის სხვა საშუალებებს განსაკუთრებული ყურადღება დაუთმონ მოსახლეობის ინფორმირებას იოდის, აგრეთვე სხვა მიკროელემენტებისა და ვიტამინების დეფიციტით გამოწვეულ დარღვევათა პროფილაქტიკისა და მკურნალობის საკითხებზე.

9. ძალადაკარგულად ჩაითვალოს:

ა) „მოსახლეობის იოდირებული მარილით უზრუნველყოფის შესახებ“ საქართველოს პრეზიდენტის 1996 წლის 24 ივლისის №480 ბრძანებულება;

ბ) „იოდის ნაკლებობით გამოწვეულ დაავადებათა წინააღმდეგ ბრძოლის საკოორდინაციო საბჭოს შესახებ“ საქართველოს პრეზიდენტის 1996 წლის 24 ოქტომბრის №684 ბრძანებულება.

ე. შევარდნაძე