„სუფსის საზღვაო ნავსადგურის შექმნისა და საქართველოში უცხოეთის გემებისათვის ღია ნავსადგურების ნუსხის დამტკიცების შესახებ“ საქართველოს პრეზიდენტის ბრძანებულებაში ცვლილების შეტანის თაობაზე

საქართველოს პრეზიდენტის

ბრძანებულება №97

2004 წლის 16 მარტი ქ. თბილისი

„სუფსის საზღვაო ნავსადგურის შექმნისა და საქართველოში  უცხოეთის გემებისათვის ღია ნავსადგურების ნუსხის დამტკიცების შესახებ“ საქართველოს პრეზიდენტის ბრძანებულებაში ცვლილების შეტანის თაობაზე

„საქართველოს საზღვაო სივრცის შესახებ“ საქართველოს კანონის მე-9 მუხლის მე-2 პუნქტისა და საქართველოს საზღვაო კოდექსის 70-ე მუხლის მე-2 ნაწილის შესაბამისად:

1. „სუფსის საზღვაო ნავსადგურის შექმნისა და საქართველოში უცხოეთის გემებისათვის ღია ნავსადგურების ნუსხის დამტკიცების შესახებ“ საქართველოს პრეზიდენტის 1999 წლის 31 მაისის №344 ბრძანებულებით (საქართველოს საკანონმდებლო მაცნე, 1999 წ., №27 (34), მუხ.493) დამტკიცებული დანართიდან „საქართველოში უცხოეთის გემებისათვის ღია ნავსადგურების ნუსხა“ ამოღებულ იქნეს პირველი პუნქტი.

2. საქართველოს შინაგან საქმეთა სამინისტრომ, საქართველოს ინფრასტრუქტურისა და განვითარების სამინისტრომ, საქართველოს სახელმწიფო უშიშროების სამინისტრომ, საქართველოს თავდაცვის სამინისტრომ, საქართველოს საგარეო საქმეთა სამინისტრომ და საქართველოს საზღვაო ტრანსპორტის ადმინისტრაციამ:

ა) თავიანთი კომპეტენციის ფარგლებში დაუყოვნებლივ გაატარონ ამ ბრძანებულების მოქმედების უზრუნველყოფისათვის აუცილებელი ღონისძიებები;

ბ) უზრუნველყონ ამ ბრძანებულების თაობაზე შესაბამისი უცხო სახელმწიფოებისა და საერთაშორისო ორგანიზაციების ინფორმირება;

გ) სისტემატურად შეისწავლონ არსებული ვითარება და საჭიროების შემთხვევაში წარმოადგინონ წინადადებები ბათუმის საზღვაო ნავსადგურის საქართველოში უცხოეთის გემებისათვის ღია ნავსად-გურების ნუსხაში შეტანის თაობაზე.

3. ძალადაკარგულად ჩაითვალოს „ბათუმის ნავსადგურში უცხო ქვეყნის გემებისა და სამხედრო ხომალდების შესვლისა და ყოფნის დროებითი შეზღუდვის შესახებ“ საქართველოს პრეზიდენტის 2004 წლის 15 მარტის №94 ბრძანებულების პირველი პუნქტი.

მ. სააკაშვილი