საჯარო სამართლის იურიდიული პირის რეგულირებადი ავტოსატრანსპორტო საქმიანობის სახელმწიფო კონტროლის სამსახურის შექმნის შესახებ

საქართველოს პრეზიდენტის

ბრძანებულება №140

2000 წლის 8 აპრილი

 ქ. თბილისი

საჯარო სამართლის იურიდიული პირის რეგულირებადი ავტოსატრანსპორტო საქმიანობის სახელმწიფო კონტროლის სამსახურის შექმნის შესახებ

„საქართველოს საავტომობილო ტრანსპორტის განვითარების ხელშემწყობ ღონისძიებათა შესახებ“ საქართველოს პრეზიდენტის 1999 წლის 15 აპრილის №145 ბრძანებულებით დამტკიცებული საქართველოს საავტომობილო ტრანსპორტის განვითარების პროგრამის შესრულებისათვის ხელშეწყობის და ავტოტრანსპორტზე სახელმწიფო კონტროლის სისტემის სრულფასოვნად ამოქმედების მიზნით, „საჯარო სამართლის იურიდიული პირის შესახებ“ საქართველოს კანონის შესაბამისად:

1. საქართველოს ტრანსპორტის სამინისტროს საავტომობილო ტრანსპორტის დეპარტამენტის სტრუქტურაში არსებული რეგულირებადი ავტოსატრანსპორტო საქმიანობის სახელმწიფო კონტროლის სამსახურის ბაზაზე შეიქმნას საჯარო სამართლის იურიდიული პირი – რეგულირებადი ავტოსატრანსპორტო საქმიანობის სახელმწიფო კონტროლის სამსახური.

2. საქართველოს ტრანსპორტის სამინისტრომ (მ. ადეიშვილი) უზრუნველყოს საჯარო სამართლლის იურიდიული პირის – რეგულირებადი ავტოსატრანსპორტო საქმიანობის სახელმწიფო კონტროლის სამსახურის დებულების დამტკიცება და ხელმძღვანელის დანიშვნა.

3. რეგულირებადი ავტოსატრანსპორტო საქმიანობის სახელმწიფო კონტროლის სამსახურის დაფინანსების წყაროდ განისაზღვროს:

ა) ბიუჯეტიდან გამოყოფილი მიზნობრივი სახსრები;

ბ) ავტოსატრანსპორტო საქმიანობაზე კონტროლის განხორციელების შედეგად ამოღებული საჯარიმო თანხების 40 პროცენტი კანონით დადგენილი წესით;

გ) საქართველოს კანონმდებლობით დადგენილი სხვა შემოსავლები.

4. საქართველოს ქონების მართვის სამინისტრომ (მ. უკლება) და ტრანსპორტის სამინისტრომ საავტომობილო ტრანსპორტის დეპარტამენტის (დ. ძოწენიძე) მეშვეობით თავიანთი კომპეტენციის ფარგლებში უზრუნველყონ:

ა) რეგულირებადი ავტოსატრანსპორტო საქმიანობის სახელმწიფო კონტროლის სამსახურზე სახელმწიფო კონტროლის დაწესება დადგენილი წესით;

ბ) ამ სამსახურის ფუნქციონირებისათვის საჭირო სახელმწიფო ქონების გადაცემა არსებული წესით.

5. ძალადაკარგულად ჩაითვალოს „საქართველოს საავტომობილო ტრანსპორტის განვითარების ხელშემწყობ ღონისძიებათა შესახებ“ საქართველოს პრეზიდენტის 1999 წლის 15 აპრილის N 145 ბრძანებულების მე-2 პუნქტი და მე-3 პუნქტის „ა“ ქვეპუნქტი.

6. ამ ბრძანებულების მიღებასთან დაკავშირებით საქართველოს ტრანსპორტის სამინისტრომ შეიმუშაოს და წარმოადგინოს კანონპროექტი „საავტომობილო ტრანსპორტის შესახებ“ საქართველოს კანონში ცვლილებებისა და დამატებების შეტანის თაობაზე.

ე. შევარდნაძე