„საჯარო სამართლის იურიდიული პირის – სახელმწიფო შიდა კონტროლის ეროვნული ცენტრის შექმნის შესახებ“

საქართველოს პრეზიდენტის

ბრძანებულება №215

2010 წლის 7 აპრილი

ქ. თბილისი

საჯარო სამართლის იურიდიული პირის – სახელმწიფო შიდა კონტროლის ეროვნული ცენტრის შექმნის შესახებ

1. ,,სახელმწიფო შიდა აუდიტისა და ინსპექტირების შესახებ“ საქართველოს კანონის 32-ე მუხლის მე-3 პუნქტისა და ,,საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, შეიქმნას საჯარო სამართლის იურიდიული პირი –  სახელმწიფო შიდა კონტროლის ეროვნული ცენტრი (შემდეგში – ცენტრი).

2. ცენტრის საქმიანობის სფერო და ძირითადი  მიმართულებები განისაზღვრება „სახელმწიფო შიდა აუდიტისა და ინსპექტირების შესახებ“ საქართველოს კანონით და ცენტრის წესდებით, რომელსაც ამტკიცებს საქართველოს მთავრობა.

3. ცენტრის უფროსს თანამდებობაზე ნიშნავს და თანამდებობიდან ათავისუფლებს საქართველოს ფინანსთა მინისტრი.

4. საქართველოს ფინანსთა სამინისტრომ:

ა) განახორციელოს ცენტრის სახელმწიფო კონტროლი;

ბ) უზრუნველყოს ცენტრის შექმნასთან დაკავშირებული კანონმდებლობით გათვალისწინებული ღონისძიებების განხორციელება.

5. ეს ბრძანებულება,  გარდა მე-4 პუნქტის „ბ“ ქვეპუნქტისა, ამოქმედდეს 2010 წლის 1 მაისიდან.

6. ამ ბრძანებულების მე-4 პუნქტის „ბ“ ქვეპუნქტი ამოქმედდეს გამოქვეყნებისთანავე.

მ. სააკაშვილი