„საჯარო სამართლის იურიდიული პირის – თბილისის სახელმწიფო კამერული ორკესტრის შექმნის შესახებ“

საქართველოს პრეზიდენტის

ბრძანებულება №14

2010 წლის 11 იანვარი

ქ. თბილისი

საჯარო სამართლის იურიდიული პირის – თბილისის სახელმწიფო კამერული ორკესტრის შექმნის შესახებ

1. „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, შეიქმნას საჯარო სამართლის იურიდიული პირი – თბილისის სახელმწიფო კამერული ორკესტრი (შემდეგში – კამერული ორკესტრი).

2. საქართველოს კულტურის, ძეგლთა დაცვისა და სპორტის სამინისტრომ:

ა) განახორციელოს კამერული ორკესტრის სახელმწიფო კონტროლი;

ბ) უზრუნველყოს კამერული ორკესტრის დებულების დამტკიცება და წარმომადგენლობაზე უფლებამოსილი პირის დანიშვნა.

3. საქართველოს ეკონომიკური განვითარების სამინისტრომ უზრუნველყოს კამერული ორკესტრისათვის შესაბამისი სახელმწიფო ქონების გადაცემა კანონმდებლობით დადგენილი წესით.

4. ეს ბრძანებულება ამოქმედდეს გამოქვეყნებისთანავე.

მ. სააკაშვილი