სურსათის/ცხოველის საკვების განადგურების წესის დამტკიცების შესახებ

საქართველოს მთავრობის

დადგენილება №176

2010 წლის 3 ივლისი

ქ. თბილისი

სურსათის/ცხოველის საკვების განადგურების წესის დამტკიცების შესახებ

    მუხლი 1

 „სურსათის უვნებლობისა და ხარისხის შესახებ“ საქართველოს კანონში ცვლილებებისა და დამატებების შეტა­ნის თაობაზე“ საქართველოს კანონის (№2464 – რს) მე-2 მუხ­ლის შესაბა­მისად დამტკიცდეს სურსათის/ცხოველის საკვების გა­ნა­დგუ­რე­ბის თანდართული წესი.

    მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი    ნ. გილაური

სურსათის/ცხოველის საკვების განადგურების

წ ე ს ი

    მუხლი 1. ზოგადი დებულებანი

ეს წესი ადგენს „სურსათის უვნებლობისა და ხარისხის შე­­ს­ახებ“ საქართველოს კანონის შესაბამისად სურსა­თის/ცხო­ველის საკვების განადგურების სამართლებრივ საფუძვლებს და არეგულირებს სურსათის/ცხოველის საკვების განადგურე­ბის პროცესში მონაწილე პირთა ურთიერთობებს.

    მუხლი 2. ტერმინთა განმარტებები

ამ წესში გამოყენებულ ტერმინებს აქვს შემდეგი მნიშვ­ნელობა:

ა) სამსახური – საქართველოს სოფლის მეურნეობის სა­მინისტროს სახელმწიფო საქვეუწყებო დაწესებულება – სურ­სათის უვნებლობის, ვეტერინარიისა და მცენარეთა დაცვის ეროვნული სამსახური, ასევე, აფხაზეთისა და აჭარის ავტონო­მიური რესპუბლიკების შესაბამისი სამსახურები (შემდგომში – სამსახური);

ბ) სურსათის/ცხოველის საკვების განადგურება – სურსა­თის/ცხოველის საკვების მექანიკური, ფიზიკურ-ქიმიური, ბიო­ლო­გიური ან/და სხვა სახის დამუშავება, განთავსება სპეცია­ლურად გამოყოფილ ადგილზე, დამარხვა, დაწვა, საკანალი­ზაციო სისტემაში ჩაშვება, ბიოთერმულ ორმოში მოთავსება, ან მათი ნებისმიერი კომბინაცია;

გ) სურსათის/ცხოველის საკვების უტილიზაცია – სურსა­თის/ცხოველის საკვების მეორეული გამოყენება მატერია­ლუ­რი ან/და ენერგეტიკული რესურსების სახით;

დ) ტექნიკური გადამუშავება – ნებისმიერი ტექნოლოგი­უ­რი პროცესი, რომელიც სურსათის/ცხოველის საკვების უტილი­ზა­ციისათვის გამოიყენება სურსათის/ცხოველის საკვების ფი­ზი­კურ, ქიმიურ და ბიოლოგიურ თვისებათა შეცვლის მიზ­ნით.

    მუხლი 3. სურსათის/ცხოველის საკვების განადგურება

1. სურსათი/ცხოველის საკვები ექვემდებარება განადგუ­რე­ბას, თუ იგი:

ა) არ შეესაბამება „სურსათის უვნებლობისა და ხა­რისხის შესახებ“ საქართველოს კანონითა და სხვა ნორმა­ტი­უ­ლი აქტე­ბით დადგენილ მოთხოვნებს;

ბ) ვადაგასულია.

2. გადაწყვეტილებას სურსათის/ცხოველის საკვების განა­დ­­გურე­ბის შესახებ იღებს სამსახური. სურსათის/ცხოველის სა­კვე­ბის განადგურების შესახებ მიღებული გადაწყვეტილება დაუყოვნებლივ წერილობით ეცნობება მწარმოებელს/დის­ტრი­ბუტორს.

3. თუ სურსათი/ცხოველის საკვები წარმოადგენს დაავა­დების აღმოცენების, გავრცელების ან/და გარემოს დაბინძუ­რების წყაროს, მისი განადგურების მეთოდებს, პირობებსა და ვადებს განსაზღვრავს სამსახური.

4. ამ მუხლის მე-3 პუნქტში მითითებული შემთხვევების გარდა, განადგურების მეთოდები, პირობები და ვადები შერჩე­ულ უნდა იქნეს სურსათის/ცხოველის საკვების მწარმოებ­ლის/დის­ტრიბუტორის მიერ სამსახურთან შეთანხმებით.

5. სურსათის/ცხოველის საკ­ვების განადგურების ხარჯების (მათ შორის, შენახვისა და ტრანსპორტირების) ანაზღაურება ხდება მწარმოებ­ლის/დი­სტ­რიბუტორის მიერ.

6. სურსათის/ცხოველის საკ­ვების განადგურების შესახებ სამსახურის მიერ მიღებული გადაწყვეტილების შესრუ­ლება სა­ვალდებულოა მწარ­მოებლისათვის/დისტრიბუტორისათვის.

7. სურსათის/ცხოველის საკვების განადგურებას ახორციე­ლებს მწარმოებელი/დისტრიბუტორი სამსახურის უფლებამოსი­ლი მოხელის თანდასწრებით.

8. სურსათის/ცხოველის საკვების განადგურების შემდეგ დგება სურსათის/ცხოველის საკვების განადგურების აქტი (და­ნართის შესაბამისად) ორ ეგზემპლარად, რომელთაგან ერთი გადაეცემა უფლებამოსილ მოხელეს, ხოლო მეორე – მწარმოებ­ლის/დისტრიბუტორის მიერ ინახება ორი წლის განმავლობაში.

    მუხლი 4. სურსათის/ცხოველის საკვების უტილიზაცია

1. შესაბამისი აკრედიტებული ორგანოს მიერ სურსა­თის/ცხოველის საკვების სანიტარიულ-ჰიგიენური, ვეტერი­ნა­რულ-სანიტარიული ან/და ფიტოსანიტარიული ექსპერტიზის ჩატარების შემდეგ ნებადართულია სურსათის/ცხოველის საკვე­ბის უტილიზაცია ტექნიკური გადამუშავების გზით.

2. აკრედიტებული ორგანოს მიერ ჩატარებული ექსპერტი­ზის შედეგების საფუძველზე გადაწყვეტილებას უტილიზაციის განხორციელების შესახებ იღებს სამსახური.

3. უტილიზაცია ნებაყოფლობითია და მის ხარჯებს ანა­ზღა­ურებს მწარმოებელი/დისტრიბუტორი.

    მუხლი 5. სურსათის/ცხოველის საკვების მწარმოებლის/ დისტრიბუტორის ვალდებულებები

1. სურსათის/ცხოველის საკვების მწარმოებელი/დისტ­რი­ბუ­ტორი ვალდებულია, უზრუნველყოს გასანადგურებელი ან/და უტილიზაციისათვის განკუთვნილი სურსათის/ცხოველის საკვე­ბის შენახვა იზოლირებულად, შესაბამისი შენახვის პირობების დაცვით.

2. გასანადგურებელი ან/და უტილიზაციისათვის განკუთვ­ნილი სურსათის/ცხოველის საკვების რაოდენობა აღრიცხულ უნდა იქნეს მწარმოებლის/დისტრიბუტორის მიერ. მონაცემები უნ­და შეიცავდეს ინფორმაციას სურსათის/ცხოველის საკვების სახეობის, დასახელების, წონის, მოცულობის, პარტიის ნომ­რისა და რაოდენობის, პარტიის შეფუთული ერთეულის რაო­დენობის, დამზადების თარიღისა და პარტიის ცვლის ნომრის შესახებ. მონაცემთა სისწორისათვის პასუხისმგებელია მწარმო­ე­ბელი/დისტრიბუტორი.

3. სურსათის/ცხოველის საკვების მწარმოებელი/დისტ­რიბუ­ტორი ვალდებულია, საჭიროების შემთხვევაში უზრუნველყოს გასანადგურებელი სურსათის/ცხოველის საკვების გადასა­ზი­დად გამოყენებული სატრანსპორტო და სხვა ტექნიკური საშუა­ლებების სანიტარიული დამუშავება მათი დაცლის შემდეგ.

    მუხლი 6. დავის გადაწყვეტა

სურსათის/ცხოველის საკვების განადგურებასთან დაკავში­რებული დავის გადაწყვეტა ხორციელდება საქართველოს კა­ნონმდებლობით დადგენილი წესით.

დანართი

საქართველოს სოფლის მეურნეობის სა­მინისტროს სახელმწიფო საქვეუწყებო დაწესებულება – სურ­სათის უვნებლობის, ვეტერინარიისა და მცენარეთა დაცვის ეროვნული სამსახური

აფხაზეთისა და აჭარის ავტონო­მიური რესპუბლიკების შესაბამისი სამსახურები

სურსათის/ცხოველის საკვების განადგურების

ა ქ ტ ი  №

„------ “--------------------------------  წ.

----------------------------------------------------------------------------------------------------

სურსათის/ცხოველის საკვების დასახელება

----------------------------------------------------------------------------------------------------

განადგურების ადგილი

საფუძველი -------------------------------------------------------------------------------------

გადაწყვეტილების ნომერი და თარიღი

სამსახურის უფლებამოსილი მოხელეები --------------------------------------------------

                                                                                      გვარი, სახელი, თანამდებობა

----------------------------------------------------------------------------------------------------

----------------------------------------------------------------------------------------------------

----------------------------------------------------------------------------------------------------

სურსათის/ცხოველის საკვების მწარმოებლის/დისტრიბუტორის წარმომადგენელი

----------------------------------------------------------------------------------------------------

გვარი, სახელი, თანამდებობა, მისამართი, ტელეფონი

----------------------------------------------------------------------------------------------------

----------------------------------------------------------------------------------------------------

----------------------------------------------------------------------------------------------------

----------------------------------------------------------------------------------------------------

სხვა დამსწრენი --------------------------------------------------------------------------------

---------------------------------------------------------------------------------------------------

----------------------------------------------------------------------------------------------------

----------------------------------------------------------------------------------------------------

----------------------------------------------------------------------------------------------------

განადგურება დაიწყო ----------------------განადგურება დამთავრდა -------------------                          

                                       თვე, რიცხვი, საათი                                  თვე, რიცხვი, საათი                                            

გასანადგურებელი სურსათის/ცხოველის საკვების რაოდენობა (წონა/მოცულობა, პარტიის რაოდენობა და ნომერი), სახეობა (დასახელება, დამზადების თარიღი და პარტიის ცვლის ნომერი) და შეფუთვა-მარკირება (პარტიის შეფუთული ერთეულის რაოდენობა)

---------------------------------------------------------------------------------------------------

---------------------------------------------------------------------------------------------------

----------------------------------------------------------------------------------------------------

გაუვნებლობის მეთოდი ----------------------------------------------------------------------

---------------------------------------------------------------------------------------------------

----------------------------------------------------------------------------------------------------

---------------------------------------------------------------------------------------------------

--------------------------განადგურების მეთოდი --------------------------------------------

----------------------------------------------------------------------------------------------------

----------------------------------------------------------------------------------------------------

----------------------------------------------------------------------------------------------------

სატრანსპორტო საშუალება, დამუშავების მეთოდი ---------------------------------------

                                                                                   (სახელმწიფო სერია და ნომერი)

----------------------------------------------------------------------------------------------------

----------------------------------------------------------------------------------------------------

შენიშვნა -----------------------------------------------------------------------------------------

----------------------------------------------------------------------------------------------------

----------------------------------------------------------------------------------------------------

აქტის შედგენის ადგილი, თარიღი და დრო ------------------------------------------------------------------------------------------------------------------------------------------------------

აქტი შედგენილია 2 ეგზემპლარად

            ხელმოწერები                                          გვარი, სახელი, თანამდებობა

1.  ----------------------------------        --------------------------------------------------------

2.  ----------------------------------        --------------------------------------------------------

3.  ----------------------------------        --------------------------------------------------------

4.  ----------------------------------        --------------------------------------------------------

  დამსწრენი

1.  ----------------------------------        --------------------------------------------------------

2.  ----------------------------------        --------------------------------------------------------

3.  ----------------------------------        --------------------------------------------------------

4.  ----------------------------------        --------------------------------------------------------