დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
საქართველოს საპილოტე რეგიონების განვითარების მიზნით განსახორციელებელი ღონისძიებების შესახებ | |
---|---|
დოკუმენტის ნომერი | 628 |
დოკუმენტის მიმღები | საქართველოს მთავრობა |
მიღების თარიღი | 20/12/2019 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 24/12/2019 |
სარეგისტრაციო კოდი | 010260050.10.003.021648 |
კონსოლიდირებული პუბლიკაციები |
პირველადი სახე (24/12/2019 - 18/07/2022)
|
საქართველოს საპილოტე რეგიონების განვითარების მიზნით განსახორციელებელი ღონისძიებების შესახებ
|
მუხლი 1 |
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „თ“, „ი“ და „ჰ3“ქვეპუნქტისა და 29-ე მუხლის შესაბამისად და საქართველოს შესაბამისი წლის სახელმწიფო ბიუჯეტის შესახებ საქართველოს კანონის გათვალისწინებით:
1. დამტკიცდეს „2018-2021 წლების საქართველოს რეგიონული განვითარების პროგრამის ფარგლებში საპილოტე რეგიონების განსაზღვრის შესახებ“ საქართველოს მთავრობის 2018 წლის 27 აგვისტოს №1713 განკარგულებით განსაზღვრული საპილოტე რეგიონებისათვის, „2020-2022 წლების საპილოტე რეგიონების ინტეგრირებული განვითარების პროგრამა“ დანართ №1-ის შესაბამისად. 2. შეიქმნას საქართველოს საპილოტე რეგიონების განვითარების სამთავრობო კომისია დანართ №2-ით განსაზღვრული შემადგენლობით. 3. დამტკიცდეს საქართველოს საპილოტე რეგიონების განვითარების სამთავრობო კომისიის დებულება დანართ №3-ის შესაბამისად. 4. დაევალოს საქართველოს რეგიონული განვითარებისა და ინფრასტრუქტურის სამინისტროს, ამ მუხლის პირველი პუნქტით განსაზღვრული პროგრამის დამტკიცებიდან არაუგვიანეს 2 (ორი) თვის ვადაში პროგრამის პროექტების შერჩევის პროცედურებისა და კრიტერიუმების განსაზღვრის წესის შესახებ წინადადების მომზადება და მისი დასამტკიცებლად საქართველოს მთავრობისთვის წარმოდგენა. |
მუხლი 2 |
ამ დადგენილების პირველი მუხლის პირველი პუნქტით განსაზღვრული პროგრამის მიზნებისათვის, შესაბამისი თანხების განკარგვა შესაძლებელია, განხორციელდეს „საქართველოს 2020 წლის სახელმწიფო ბიუჯეტის შესახებ“ საქართველოს კანონის ძალაში შესვლის შემდეგ.
|
მუხლი 3 |
საქართველოს საპილოტე რეგიონების განვითარების სამთავრობო კომისიის სახელობითი შემადგენლობის განსაზღვრის მიზნით, დაევალოს შესაბამის უწყებებს კანდიდატურების საქართველოს რეგიონული განვითარებისა და ინფრასტრუქტურის სამინისტროსათვის წარდგენა. |
მუხლი 4 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები