„მომხმარებელთა ეკონომიკური ინტერესების დაცვის უზრუნველსაყოფად გასატარებელი ზოგიერთი ღონისძიების შესახებ“ საქართველოს პრეზიდენტის 2006 წლის 8 თებერვლის №104 ბრძანებულებაში ცვლილებების შეტანის თაობაზე“

სახელმწიფო სარგისტრაციო კოდი 240.110.000.08.002.004

საქართველოს პრეზიდენტის

ბრძანებულება №758

2006 წლის 25 დეკემბერი

ქ. თბილისი

„მომხმარებელთა ეკონომიკური ინტერესების დაცვის უზრუნველსაყოფად გასატარებელი ზოგიერთი ღონისძიების შესახებ“ საქართველოს პრეზიდენტის 2006 წლის 8 თებერვლის №104 ბრძანებულებაში ცვლილებების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად „მომხმარებელთა ეკონომიკური ინტერესების დაცვის უზრუნველსაყოფად გასატარებელი ზოგიერთი ღონისძიების შესახებ“ საქართველოს პრეზიდენტის 2006 წლის 8 თებერვლის №104 ბრძანებულებაში (სსმ III, №19, 2006 წ., მუხლი 220) შეტანილ იქნეს შემდეგი ცვლილებები:

ა) ბრძანებულების პრეამბულა ჩამოყალიბდეს შემდეგი რედაქციით:

„მომხმარებელთა ეკონომიკური ინტერესების დაცვის უზრუნველყოფის მიზნით, „ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „მ“ ქვეპუნქტისა და „თავისუფალი ვაჭრობისა და კონკურენციის შესახებ“ საქართველოს კანონის მე-2 მუხლის „თ“ ქვეპუნქტის გათვალისწინებით, „ნორმატიული აქტების შესახებ“ საქართველოს კანონის მე-18 მუხლის მე-2 პუნქტის საფუძველზე;“;

ბ) ბრძანებულების მე-2 პუნქტი ჩამოყალიბდეს შემდეგი რედაქციით:

„2. ადგილობრივი თვითმმართველობის ორგანოებმა ამ ბრძანებულების პირველ პუნქტში მითითებული საქმიანობის რეგულირებისა და მომხმარებელთა ეკონომიკური ინტერესების დაცვის მიზნით თავისი კომპეტენციის ფარგლებში უზრუნველყონ კანონმდებლობით გათვალისწინებული შესაბამისი ღონისძიებების განხორციელება.“;

გ) ბრძანებულების მე-3 პუნქტი ამოღებულ იქნეს;

დ) ბრძანებულების მე-4 პუნქტი ჩამოყალიბდეს შემდეგი რედაქციით:

„4. ეს ბრძანებულება ძალაშია 2008 წლის 1 იანვრამდე.“.

2. ეს ბრძანებულება ამოქმედდეს 2007 წლის 1 იანვრიდან.

მ. სააკაშვილი